Breaking News,ఆంధ్రప్రదేశ్ వార్తలు,తాజా వార్తలు

అమరావతి: ఎమ్మెల్యే కొలికపూడి వర్సెస్ ఎంపి కేశినేని చిన్ని మధ్య టిడిపిలో వర్గపోరు తారాస్థాయికి చేరుకుంది. వరుస పోస్టులతో ఎంపి వర్గానికి ఎమ్మెల్యే కొలికపూడి నిద్రలేకుండా చేస్తున్నారు. ఇటీవల కొలికపూడి ఓ మహిళతో ఉన్న ఫోటోను చిన్ని వర్గీయులు విడుదల చేశారు. టిడిపి సోషల్ మీడియా గ్రూపుల్లో కొలికపూడి ఫోటో చక్కర్లు కొట్టింది.  కౌంటర్ గా ఇద్దరు నేతల ఫోటోలను ఎమ్మెల్యే కొలికపూడి శ్రీనివాస్ పోస్టు చేశారు.  తిరువూరుకు చెందిన బుడ్డయ్య, చెరుకూరి రాజేశ్వరరావులు మహిళలతో ఉన్న ఫోటోలను కొలికపూడి విడుదల చేయడంతో వైరల్ గా మారాయి. రాజేశ్వరరావు ఇల్లు కూడా చూస్తారా? అంటూ పోస్టులు పెట్టారు. కొలికపూడిపై ఎంపి చిన్ని వర్గం రగిలిపోతుంది.  ఎఐతో తయారు చేసి ఫోటోలు విడుదల చేశారంటూ ఎంపి కేశినేని చిన్నిపై కొలికపూడి వర్గం మండిపడుతుంది. 

టిడిపిలో ఎమ్మెల్యే కొలికపూడి సోషల్ మీడియాలో సంచలన పోస్టులు చేసిన విషయం తెలిసిందే. వాట్సాప్ స్టేటస్ ద్వారా ఎంపి చిన్ని వర్గీయులకు కొలికపూడి వరసగా షాక్ లు ఇస్తున్నారు.  విస్సన్నపేట మండల టిడిపి నేతల దోపిడీని ప్రశ్నిస్తూ పోస్టులు పెడుతున్నారు. ‘నువ్వు దేనికి అధ్యక్షుడివి? పేకాట క్లబ్ కా ?’ అంటూ విమర్శలు గుప్పించారు. పేకాట కోసం ఆఫీస్ పెట్టావంటే  కేశినేని నిజంగా రాయల్ అని దుయ్యబట్టారు. కొలికపూడి వరుస పోస్టులు తిరువూరులో హాట్ టాపిక్ గా మారాయి. 

తిరుపతి: తిరుపతిలోని ఎస్వి ప్రభుత్వ పాలిటెక్నిక్ కళాశాలలో కాంట్రాక్ట్ ఆంగ్ల అధ్యాపకురాలు.. విద్యార్థులకు అన్య మత బోధనలతో పాఠాలు చెప్పడం తీవ్ర దుమారం రేపింది. తిరుమల తిరుపతి దేవస్థానం పరిపాలన భవనం ఎదురుగా ఉన్న ఆ కళాశాలలో ఇలాంటి ఘటన జరగడం పట్ల హిందూ సంఘాలు కళాశాల ఎదుట ఆందోళనకు దిగాయి. ఈ ఘటనపై జిల్లా కలెక్టర్ ఆదేశాలతో సాంకేతిక విద్యాశాఖ ఆర్జెడి నిర్మల్ కుమార్ ప్రియ స్పందించారు. కాంట్రాక్ట్ అధ్యాపకురాలిని విధుల నుంచి తప్పిస్తూ శనివారం ఉత్తర్వులు జారీ చేశారు.

అమరావతి: కన్నతండ్రి కళ్ల ముందే ఆటో కింద పడి కూతురు మృతి చెందిన సంఘటన ఆంధ్రప్రదేశ్ రాష్ట్రం అనకాపల్లి జిల్లాలో సుంకరమెట్ట దగ్గర జరిగింది. పోలీసులు తెలిపిన వివరాల ప్రకారం…. సునీత(18) అనే యువతి టెట్ ఎగ్జామ్ ప్రిపేర్ అవుతోంది. టెట్ ఎగ్జామ్ రాయడానికి సెంటర్‌కు తండ్రి లక్ష్మణరావు తన ఆటోలో తీసుకెళ్తున్నాడు. సెంటర్ అడ్రస్ కోసం ఫోన్‌లో గూగుల్ మ్యాప్ ఓపెన్ చేసి వెళ్తున్నారు. ఎగ్జామ్ మంచిగా రాయాలి తల్లి అని కబుర్లు చెబుతూ బయటకు వెళ్తున్నారు. సుంకరమెట్ట జంక్షన్ వద్దకు రాగానే స్పీడ్ బ్రేకర్ రావడంతో ఆటోలో తండ్రి పక్కన కూర్చున్న కూతురు రోడ్డుపై పడింది. ఆమె పైనుంచి ఆటో పోవడంతో ఘటనా స్థలంలోనే కూతురు చనిపోయింది. తన కళ్ల ముందే కూతురు మృతి చెందడంతో తండ్రి కన్నీంటి పర్యంతమయ్యారు. ఆ కుటుంబం శోకసంద్రంలో మునిగిపోయింది. కూతురు మృతదేహాన్ని ఎన్‌టిఆర్ ఆస్పత్రికి తరలించారు.  

అమరావతి: గ్రామసభలు నిర్వహించి రైతులతో మాట్లాడుతున్నామని ఎపి కేంద్రమంత్రి పెమ్మసాని చంద్రశేఖర్ తెలిపారు. అమరావతి పనులు వేగంగా సాగుతున్నాయని అన్నారు. సిఆర్ డిఎ కార్యకలాపాలపై కేంద్రమంత్రి సమీక్ష నిర్వహించారు. ఈ సందర్భంగా ఆయన మీడియాతో మాట్లాడుతూ.. జరీబు భూముల సమస్యలపై నెల రోజుల సమయం ఇవ్వాలని కేంద్రాన్ని కోరామని, నేల స్వభావంపై పరీక్షలు నిర్వహించి నిర్ణయం తీసుకుంటామని తెలియజేశారు. ఉండవల్లి లేఔట్ అభివృద్ధి ప్రారంభమైందని, లంక భూముల సమస్య కూడా పరిష్కారమైందని అన్నారు. 7 వేల ప్లాట్ల రిజిస్ట్రేషన్ పెండింగ్ లో ఉందని, భూసమీకరణ చేయని భూముల్లో ప్లాట్లు పొందిన వారి సమస్య పెండింగ్ లో ఉందని పేర్కొన్నారు. అక్కడ రైతులతో ఎమ్మెల్యే, మంత్రి మాట్లాడాక భూసేకరణకు వెళ్తామని, వేరే చోట ప్లాట్లు కావాలని అడిగిన వారికి లాటరీ ద్వారా కేటాయించే చర్యలు తీసుకుంటామని అన్నారు.

పెద్ద ప్లాట్లు పొందేవారు కొంత సమయం వేచి ఉండాలని, కమర్షియల్ ప్లాట్లలో వాస్తు ప్రకారం ఉండాలని కొందరు అడిగారని అన్నారు. 7 ఎకరాల మేర ప్లాట్లు మార్చాల్సి ఉంటుందని, రైతులు మళ్లీ వాస్తు పేరిట రావొద్దని కోరుతున్నామని విజ్ఞప్తి చేశారు. 18 వేలమంది రైతులు, రైతు కూలీలకు హెల్త్ కార్డులు, 26 గ్రామాల్లో అభివృద్ధి పనుల డిపిఆర్ లు సిద్ధం చేస్తున్నామని చెప్పారు. వారంలో డిపిఆర్ లు సిద్ధంచేసి నెలాఖరులోగా పనులు ప్రారంభం చేస్తామని, సామాజిక అభివృద్ధిలో భాగంగా కమ్యూనిటీ హాళ్లు, శ్మశానాల నిర్మాణాలకు భూమి, నిధులు సమకూరుస్తామని అన్నారు. రాజధాని గ్రామాల్లో పారిశుద్ధ్య సిబ్బంది సంఖ్య పెంచుతామని పెమ్మసాని చంద్రశేఖర్ స్పష్టం చేశారు.   

అమరావతి: గోదావరి పుష్కరాల తేదీలను ఆంధ్రప్రదేశ్ రాష్ట్ర రాష్ట్ర ప్రభుత్వం ప్రకటించింది. 2027 జూన్ 26 నుంచి జులై 7 వరకు గోదావరి పుష్కరాలు నిర్వహిస్తామని తెలిపింది. 12 రోజుల పాటు గోదావరి పుష్కరాలు కొనసాగుతాయని ప్రభుత్వం వెల్లడించింది. తిరుమల తిరుపతి దేవస్థానాల ఆస్థాన సిద్ధాంతి తంగిరాల వెంకట కృష్ణ పూర్ణ ప్రసాద్ అభిప్రాయం మేరకు తేదీలను అధికారులు ప్రకటించారు. విజయవాడలోని ఎండోమెంట్స్ కమిషనర్ నుంచి అందిన ప్రతిపాదనలను రాష్ట్ర ప్రభుత్వం ఆమోదించింది.  ఈ మేరకు దేవాదాయ శాఖ ప్రభుత్వ ఎక్స్ అఫీషియో కార్యదర్శి ఎం. హరి జవహర్ లాల్ నోటిఫికేషన్ జారీ చేశారు. 

విశాఖ: కాగ్నిజెంట్‌కు భారత్‌లో ఐదు సెంటర్లు ఉన్నాయని ఎపి ముఖ్యమంత్రి చంద్రబాబు నాయుడు తెలిపారు. విశాఖలో కాగ్నిజెంట్‌ శాశ్వత క్యాంపస్‌ నిర్మాణానికి శంకుస్థాపన చేసిన అనంతరం ఆయన మాట్లాడారు. కాగ్నిజెంట్‌ సంస్థకు భారత్‌ నుంచే 2,41,500 మంది పనిచేస్తున్నారని ప్రశంసించారు. సంస్థ చీఫ్‌ కూడా భారతీయుడేనని, అదీ మన శక్తి అని, ఒక విజన్‌తో ముందుకెళ్తున్నామని స్పష్టం చేశారు. విశాఖ లాంటి సుందరమైన నగరం ఇంకోటి లేదని, కాగ్నిజెంట్ కు విశాఖ బిగ్గెస్ట్ సెంటర్ కావాలన్నారు. తాను ఏది చేసినా మెగా స్కేల్ లో ఉంటుందని, ఏడాదిలో 25 వేల మందికి ఉపాధి కల్పించేలా కాగ్నిజెంట్ విస్తరిస్తుందని తెలియజేశారు. విశాఖలో ఎనిమిది సంస్థలకు శంకుస్థాపన చేస్తున్నామని, ఎపిలో టాలెంట్కి కొరత లేదని, త్వరలోనే విశాఖ మోస్ట్ హ్యాపెనింగ్ ప్లేస్గా మారబోతుందని చంద్రబాబు స్పష్టం చేశారు. టీసీఎస్, గూగుల్ వంటి సంస్థలు విశాఖకు వస్తాయని, విశాఖను నెక్ట్స్ లెవల్కి తీసుకెళ్తామని పేర్కొన్నారు.

అన్ని నగరాల కంటే విశాఖలో కాస్ట్ ఆఫ్ లివింగ్ 20 శాతం తక్కువ అని, విశాఖను మరింత సుందరమైన నగరంగా, కాలుష్య రహితంగా మారుస్తామని తెలిపారు. అద్భుతాలు సాధిస్తున్నామని, నాలెడ్జ్‌ ఎకానమీ, టెక్నాలజీకి కేంద్రంగా విశాఖ మారబోతోందని, త్వరలోనే ఇక్కడ మెట్రో వస్తుందని, ఎకనమిక్‌ రీజియన్‌ కింద విశాఖను అభివృద్ధి చేస్తున్నామన్నారు.  విశాఖ సమ్మిట్లో 613 ఎంఒయులు వచ్చాయని, రూ. 13 లక్షల కోట్లకు పైగా పెట్టుబడులు వచ్చాయని, కంపెనీలు అన్ని ప్రారంభమైతే 20 లక్షల మందికి ఉపాధి లభిస్తుందని, నాలెడ్జ్ ఎకానమీ, టెక్నాలజీ హబ్గా విశాఖ మారుతుందని చంద్రబాబు తెలిపారు. 2032 నాటికి విశాఖలో 125 నుంచి 135 బిలియన్ డాలర్ల ఎకానమీ ఉంటుందని, విశాఖ ఎఐ, డేటా సెంటర్ హబ్గా తయారవుతుందని, ఓర్వకల్లో డ్రోన్ సిటీని తీసుకొస్తున్నామని హామీ ఇచ్చారు. 

విశాఖ: కాగ్నిజెంట్‌కు భారత్‌లో ఐదు సెంటర్లు ఉన్నాయని ఎపి ముఖ్యమంత్రి చంద్రబాబు నాయుడు తెలిపారు. విశాఖలో కాగ్నిజెంట్‌ శాశ్వత క్యాంపస్‌ నిర్మాణానికి శంకుస్థాపన చేసిన అనంతరం ఆయన మాట్లాడారు. కాగ్నిజెంట్‌ సంస్థకు భారత్‌ నుంచే 2,41,500 మంది పనిచేస్తున్నారని ప్రశంసించారు. సంస్థ చీఫ్‌ కూడా భారతీయుడేనని, అదీ మన శక్తి అని, ఒక విజన్‌తో ముందుకెళ్తున్నామని స్పష్టం చేశారు. విశాఖ లాంటి సుందరమైన నగరం ఇంకోటి లేదని, కాగ్నిజెంట్ కు విశాఖ బిగ్గెస్ట్ సెంటర్ కావాలన్నారు. తాను ఏది చేసినా మెగా స్కేల్ లో ఉంటుందని, ఏడాదిలో 25 వేల మందికి ఉపాధి కల్పించేలా కాగ్నిజెంట్ విస్తరిస్తుందని తెలియజేశారు. విశాఖలో ఎనిమిది సంస్థలకు శంకుస్థాపన చేస్తున్నామని, ఎపిలో టాలెంట్కి కొరత లేదని, త్వరలోనే విశాఖ మోస్ట్ హ్యాపెనింగ్ ప్లేస్గా మారబోతుందని చంద్రబాబు స్పష్టం చేశారు. టీసీఎస్, గూగుల్ వంటి సంస్థలు విశాఖకు వస్తాయని, విశాఖను నెక్ట్స్ లెవల్కి తీసుకెళ్తామని పేర్కొన్నారు.

అన్ని నగరాల కంటే విశాఖలో కాస్ట్ ఆఫ్ లివింగ్ 20 శాతం తక్కువ అని, విశాఖను మరింత సుందరమైన నగరంగా, కాలుష్య రహితంగా మారుస్తామని తెలిపారు. అద్భుతాలు సాధిస్తున్నామని, నాలెడ్జ్‌ ఎకానమీ, టెక్నాలజీకి కేంద్రంగా విశాఖ మారబోతోందని, త్వరలోనే ఇక్కడ మెట్రో వస్తుందని, ఎకనమిక్‌ రీజియన్‌ కింద విశాఖను అభివృద్ధి చేస్తున్నామన్నారు.  విశాఖ సమ్మిట్లో 613 ఎంఒయులు వచ్చాయని, రూ. 13 లక్షల కోట్లకు పైగా పెట్టుబడులు వచ్చాయని, కంపెనీలు అన్ని ప్రారంభమైతే 20 లక్షల మందికి ఉపాధి లభిస్తుందని, నాలెడ్జ్ ఎకానమీ, టెక్నాలజీ హబ్గా విశాఖ మారుతుందని చంద్రబాబు తెలిపారు. 2032 నాటికి విశాఖలో 125 నుంచి 135 బిలియన్ డాలర్ల ఎకానమీ ఉంటుందని, విశాఖ ఎఐ, డేటా సెంటర్ హబ్గా తయారవుతుందని, ఓర్వకల్లో డ్రోన్ సిటీని తీసుకొస్తున్నామని హామీ ఇచ్చారు. 

అమరావతి: ఆంధ్రప్రదేశ్ రాష్ట్రం అల్లూరి జిల్లా చింతూరు ఘాట్ రోడ్ లో ఘోర ప్రమాదం చోటుచేసుకుంది. మారేడుమిల్లి తులసి పాకల వద్ద ప్రైవేట్ ట్రావెల్స్ బస్సు అదుపుతప్పి లోయలో పడడంతో 15 మంది మృతి చెందారు. ఈ ప్రమాదంలో పలువురికి గాయపడడంతో భద్రాచలం ఏరియా ఆస్పత్రికి తరలించారు. బస్సు 37 మంది ప్రయాణికులతో చింతూరు నుంచి మారేడుమిల్లి వైపు వెళ్తుండగా ఈ ప్రమాదం జరిగింది. పోలీసులు, రెస్క్యూ సిబ్బంది ఘటనా స్థలానికి చేరుకొని సహాయక చర్యలు చేపట్టారు. మృతులు చిత్తూరు జిల్లాకు చెందిన వారిగా గుర్తించారు. భద్రాచలంలో శ్రీరాముల వారిని దర్శనం చేసుకొని అన్నవరం వెళ్తుండగా ఈ ఘటన సంభవించింది. గాయపడిన వారిలో నలుగురి పరిస్థితి విషమంగా ఉన్నట్టు సమాచారం. 

విజయనగరం: గజపతినగరం ఏరియా ఆస్పత్రిలో స్క్రబ్ టైఫస్ కేసు నమోదైంది. బొండపల్లి మండలం మరువాడ గ్రామానికి చెందిన నాలుగేళ్ల చిన్నారికి మూడు రోజులుగా జ్వరం తగ్గకపోవడంతో ఏరియా ఆస్పత్రిలో స్క్రబ్ టైఫస్ టెస్ట్ చేశారు. రిపోర్టులో పాజిటివ్ వచ్చినట్లు వైద్యులు తెలిపారు. ర్యాపిడ్ టెస్ట్, ఎలీసా టెస్ట్‌లో కూడా పాజిటివ్ వచ్చిందని గజపతినగరం ఏరియా ఆస్పత్రి వైద్యాధికారి ప్రవీణ్ చెప్పారు. దీంతో మరువాడ గ్రామంలో అధికారులు క్లోరినేషన్‌ను చేపట్టారు.

అమరావతి: మరోసారి మంత్రులపై ముఖ్యమంత్రి చంద్రబాబు నాయుడు అసంతృప్తి వ్యక్తం చేశారు. హెచ్ఒడిల సమావేశంలో మంత్రుల పని తీరుపై ప్రస్థావన తీసుకొచ్చారు. మంత్రుల పనితీరులో ఎలాంటి మార్పు లేదని, చాలా మందికి తమ శాఖల్లో ఏం జరుగుతుందో తెలియడంలేదని చురకలంటించారు. కేంద్ర నిధులు తీసుకరావడంతో పాటు వినియోగంలో విఫలమయ్యారని ఆవేదన వ్యక్తం చేశారు. మంత్రులు ఒక్కరోజు ఢిల్లీకి వెళ్లడంలో నష్టం లేదని, ఇకనైనా మంత్రులు పనితీరు మార్చుకోవాలని చంద్రబాబు సూచించారు. కేంద్ర పథకాలను ఏపీకి ఎక్కువగా తీసుకురావాని, అధికారులు ప్రజలకు జవాబుదారీతనంగా ఉండాలన్నారు. వైసిపి విధానాలతో జనం ఇబ్బందుల పాలయ్యారని గుర్తు చేశారు. నాలెడ్జ్ ఎకానమీ దిశగా ఆంధ్ర అడుగులేస్తోందని, అందుకే పెద్ద ఎత్తున కంపెనీలు వస్తున్నాయని చంద్రబాబు వివరించారు.

విశాఖలో ఒక గిగా వాట్ డేటా సెంటర్ ఏర్పాటు కాబోతుందని, సుపరిపాలన కోసం అవసరమైతే బిజినెస్ రూల్స్ మార్చుకోవచ్చని తెలియజేశారు. రాజ్యాంగ సవరణ జరిగినప్పుడు,  బిజినెస్ రూల్స్ మారిస్తే తప్పేంటని ప్రశ్నించారు. ప్రజల అవసరాలకు అనుగుణంగా రూల్స్ ఉండాలని, ప్రజలు ప్రభుత్వ కార్యాలయాలకు ఎందుకు రావాలి? నిలదీశారు. వివిధ కార్పొరేషన్లను కూడా రీ స్ట్రక్చర్ చేయాలని, ఫైల్స్ క్లియరెన్స్ వేగవంతంతో పాటు అనవసర ఫైళ్లు సృష్టించే విధానం పోవాలన్నారు. దేశంలో ఇండస్ట్రియల్‌ పార్కులు ఎక్కువగా ఉన్న రాష్ట్రం మనదే అని చంద్రబాబు తెలిపారు. ప్రతి శాఖ చేసిన పనులన్నీ తన వద్ద రికార్డు రూపంలో ఉన్నాయని, పథకాలు, కార్యక్రమాలను ఎప్పటికప్పుడు సమీక్ష చేసుకోవాలని అధికారులను ఆదేశించారు. రాయలసీమలో ఇప్పుడు భూగర్భజలాలు పైకి వచ్చాయని, భూగర్భజలాలు 3 మీటర్లకు చేరితే ఖర్చుపెట్టే బడ్జెట్‌ తగ్గుతుందని తెలియజేశారు. సౌరశక్తి వినియోగించుకుంటే విద్యుత్‌ డిమాండ్‌ బాగా తగ్గుతుందని, ఈ ఏడాది కరెంట్‌ ఛార్జీలు పెంచమని చంద్రబాబు చెప్పారు.