తాజా వార్తలు,Cinema News

లవ్ టుడే, డ్రాగన్‌లతో రెండు వరుస హిట్‌లను అందించిన యూత్ సెన్సేషన్ ప్రదీప్ రంగనాథన్ డ్యూడ్‌తో దీపావళికి ప్రేక్షకుల ముందుకు వస్తున్నారు. ప్రముఖ నిర్మాణ సంస్థ మైత్రి మూవీ మేకర్స్ నిర్మించిన ఈ చిత్రంతో కీర్తిశ్వరన్ డైరెక్టర్‌గా పరిచయం అవుతున్నారు. ’ప్రేమలు’ అద్భుతమైన విజయం తర్వాత ప్రదీప్ సరసన మమిత బైజు నటించగా, శరత్ కుమార్ కీలక పాత్ర పోషించారు. అక్టోబర్ 17న తెలుగు, తమిళం, హిందీ, మలయాళం, కన్నడ భాషల్లో ఈ చిత్రం విడుదల కానుంది.

ఈ సందర్భంగా శరత్ కుమార్ విలేకరుల సమావేశంలో మాట్లాడుతూ.. “నేను కథలో ముఖ్య భాగమయ్యే పాత్రలు చేయడానికి ఇష్టపడతాను. డైరెక్టర్ కీర్తిశ్వరన్ చెప్పిన డ్యూడ్ కథ అద్భుతంగా వుంది. ప్రదీప్ కి అంకుల్ గా కనిపిస్తాను. నా పాత్ర కథలో చాలా ముఖ్యమైనది. చాలా కొత్త పాయింట్. ఒక ఫ్యామిలీలో ఇలాంటి ఒక విషయం జరిగితే సమాజం ఎలా స్పందిస్తుందనే కోణంలో డైరెక్టర్ చాలా అద్భుతంగా చూపించారు. -ఇది రెగ్యులర్ సినిమాలా వుండదు. కామెడీ, ఎమోషన్స్ అన్నీ విభిన్నంగా, కొత్తగా చూపించారు. మైత్రీ మూవీ మేకర్స్‌తో పని చేయడం చాలా ఆనందాన్నిచ్చింది. ఇది చాలా ఎమోషనల్ ఫిల్మ్. ఎంటర్‌టైన్‌మెంట్‌తో పాటు మంచి కంటెంట్ వుంది. ఆడియన్స్ చాలా కొత్తగా ఫీల్ అవుతారు. సాయి అభ్యంకర్ అద్భుతమైన మ్యూజిక్ ఇచ్చారు. -ప్రదీప్ ఆల్‌రౌండర్. మంచి నటుడు. తనకంటూ ఒక ప్రత్యేకమైన స్టయిల్ వుంది. ప్రస్తుతం మిస్టర్ ఎక్స్ అనే సినిమా చేస్తున్నాను. అలాగే నవంబర్‌లో ఒక సినిమా రిలీజ్‌కి వుంది. బాలీవుడ్‌లో ఒక సినిమా చేస్తున్నాను. అలాగే గౌతమ్ మీనన్‌తో కలసి ఒక సినిమా చేస్తున్నాను” అని అన్నారు.

దర్శక ధీరుడు రాజమౌళి శుక్రవారం తన పుట్టిన రోజును ఘనంగా జరుపుకున్నారు. ఈ సందర్భంగా పలువురు సినీ ప్రముఖులు, అభిమానులు రాజమౌళికి సోషల్ మీడియా వేదికగా శుభాకాంక్షలు తెలియజేశారు. సూపర్‌స్టార్ మహేష్‌బాబు ఒక స్పెషల్ ఫొటోతో దర్శకధీరుడికి పుట్టిన రోజు శుభాకాంక్షలు తెలిపారు. సోషల్‌మీడియాలో రాజమౌళితో దిగిన ఫొటోను పంచుకున్న మహేష్… “సినీ ఇండస్ట్రీలో ఉన్న ఒకే ఒక్క దర్శకధీరుడు రాజమౌళికి పుట్టిన రోజు శుభాకాంక్షలు. మీరు తెరకెక్కించేవన్నీ అద్భుతాలే. మీ నుంచి మరో అద్భుతం త్వరలోనే రానుంది”అని తెలిపారు.

ఇక రాజమౌళి తెరకెక్కించిన ‘ఆర్‌ఆర్‌ఆర్’ మూవీ హీరోలు ఎన్టీఆర్, రామ్ చరణ్‌లు సైతం రాజమౌళికి తమదైన రీతిలో బర్త్ డే విషెస్ చెప్పారు. ఇక ప్రస్తుతం రాజమౌళి దర్శకత్వంలో సూపర్ స్టార్ మహేష్ బాబు హీరోగా ‘ఎస్‌ఎస్‌ఎంబి29’ తెరకెక్కుతున్న విషయం తెలిసిందే. ఇక ఈ చిత్రం టైటిల్‌పై ఇప్పటికే పలు పేర్లు ప్రచారంలో ఉన్నాయి. వారణాసి, జెన్ 63, మహరాజ్, గ్లోబ్ ట్రాటర్ అన్న టైటిల్స్ విశేషంగా వినిపిస్తున్నాయి.

అయితే నవంబర్ 16వ తేదీన అత్యంత భారీగా జరిగే ఓ వేడుకలో మహేష్‌తో రాజమౌళి తీస్తోన్న సినిమా టైటిల్‌ను ప్రకటించనున్నారట. అందుకోసం నిర్మాత డాక్టర్ కె.యల్. నారాయణ ప్లాన్ చేస్తున్నారని సమాచారం. ప్రియాంక చోప్రా నాయికగా నటిస్తోన్న ఈ సినిమాను 120కి పైగా దేశాల్లో రిలీజ్ చేస్తారనీ అంటున్నారు. అయితే ’బాహుబలి- ది ఎపిక్’ ను అక్టోబర్ 31న రిలీజ్ చేస్తున్నారు. 

ధర్మ ప్రొడక్షన్స్‌లో ఒకప్పుడు సూపర్ డూపర్ హిట్ సినిమాలు వచ్చాయి. క్లాసిక్ సినిమాలను అంధించిన ధర్మ ప్రొడక్షన్ ఈ మధ్య కాలంలో ఆశించిన స్థాయిలో సూపర్ హిట్ సినిమాలను అందించడంలో విఫలం అవుతూ వచ్చింది. అయినా కూడా ఇప్పటికీ చాలా మంది యంగ్ హీరోలకు, హీరోయిన్స్‌కి ధర్మ ప్రొడక్షన్స్‌లో ఒక్క సినిమా అయినా చేయాలనే కోరిక ఉంటుంది. కరణ్ జోహార్ ఆ విషయాన్ని గురించి మాట్లాడుతూ చాలా మంది స్టార్స్ తన బ్యానర్‌లో నటించడానికి కారణం వారికి ఫేమ్ వస్తుందని, అలాగే మేము వారితో సినిమాను నిర్మించడానికి కారణం మాకు డబ్బు వస్తుంది అన్నట్టుగా చెప్పుకొచ్చాడు. అంతే తప్ప ఇక్కడ బంధుప్రీతి గాని, స్నేహం గాని ఏమీ ఉండవు అన్నాడు. అంతే కాకుండా ఇండస్ట్రీలో స్నేహంను నమ్ముకుని ముందుకు పోతే చివరకు నిరాశ మిగులుతుందని, చాలా విధాలుగా నష్టపోవాల్సి వస్తుందని ఆయన హెచ్చరించాడు.

ప్రియదర్శి, నిహారిక ఎన్‌ఎం హీరో హీరోయిన్లుగా విజయేందర్ దర్శకత్వంలో బీవీ వర్క్ బ్యానర్ మీద బన్నీ వాస్ సమర్పణలో సప్తాస్వ మీడియా వర్క్ మీద కళ్యాణ్ మంథిన, భాను ప్రతాప, డా. విజేందర్ రెడ్డి తీగల నిర్మించిన చిత్రం ‘మిత్ర మండలి’. ఈ మూవీ అక్టోబర్ 16న రిలీజ్ కాబోతోంది.

ఈ క్రమంలో నిర్మాతలు కళ్యాణ్ మంథిన, భాను ప్రతాప మీడియాతో మాట్లాడుతూ.. “బన్నీ వాసు వల్లే ఈ కథ మాకు వచ్చింది. ఈ స్టోరీ మాకు చాలా నచ్చింది. ఆద్యంతం వినోదాన్ని అందిస్తూనే సెటైరికల్‌గా ఉంటుంది. విజయేందర్ మంచి దర్శకుడు. అనుదీప్, ‘మ్యాడ్’ కళ్యాణ్, ఆదిత్య హాసన్‌లతో విజయేందర్ పని చేశాడు. పూర్తి స్క్రిప్ట్‌తోనే మా వద్దకు వచ్చాడు. కథను ఎంత అద్భుతంగా రాసుకున్నాడో.. అంతే అద్భుతంగా తీశాడు. కొత్త దర్శకుడిలా, మొదటి సినిమాలా అనిపించలేదు. ‘మిత్ర మండలి’లో బ్రహ్మానందం పాత్ర చాలా ఆసక్తికరంగా ఉంటుంది. ‘జంబర్ గింబర్ లాలా’ పాటను అనుకోకుండా చిత్రీకరించాం. ముందు అసలు ఆ పాటను అనుకోలేదు. కానీ మాకు సినిమా పూర్తయిన తరువాత ఏదో అసంతృప్తిగా అనిపించింది. దీంతో బ్రహ్మానందంతో అలా పాటను చిత్రీకరించాం. ఆయన కూడా ఆ పాటను, లిరిక్స్‌ను ఎంజాయ్ చేశారు. ఇక ‘జాతి రత్నాలు’ కథకు, మా సినిమా కథకు ఎలాంటి సంబంధం లేదు. ఆ మూవీని ఎంతలా ఎంజాయ్ చేశారో మా చిత్రాన్ని చూసి కూడా అంతే ఎంజాయ్ చేస్తారు. ‘జంగ్లీ పట్టణం’ అనే ఓ ఫిక్షనల్ టౌన్‌ను డైరెక్టర్ సృష్టించాడు. ఆ ఫిక్షనల్ టౌన్‌లో జరిగే కథ ఇది. అందులోని ప్రియదర్శి, నిహారిక పాత్రలు అందరినీ ఆకట్టుకుంటాయి. ఈ చిత్రం ఎక్కువగా యూత్‌కు నచ్చుతుంది. నిహారిక మాట్లాడితే ఓ సెటైర్ కనిపిస్తుంది. ఇందులో అలాంటి పాత్రే ఉంటుంది. అందుకే ఆమెను తీసుకున్నాం. అల్లు అరవింద్ నిహారికను చూసిన వెంటనే ఓకే చేశారు. ‘మిత్ర మండలి’ కోసం లేని ఓ కులం పేరుని తీసుకు వచ్చాం. అలా చేసిన ఫిక్షనల్ క్యాస్ట్‌తో సమాజంలో ఉన్న కుల వ్యవస్థ మీద సెటైరికల్‌గా సీన్లను చిత్రీకరించాం. దీపావళి పండుగ వాతావరణంలో ఎన్ని మంచి చిత్రాలు వచ్చినా జనాలు చూస్తారు. మంచి సినిమాను ఆడియెన్స్ కచ్చితంగా చూస్తారు. ఆ నమ్మకంతోనే మా మూవీని దీపావళి సీజన్‌లోకి తీసుకు వస్తున్నాం”అని అన్నారు.

మాస్ మహారాజా రవితేజ… కిషోర్ తిరుమల దర్శకత్వంలో పూర్తి ఎంటర్‌టైనర్ ‘ఆర్‌టి76’ చేస్తున్నారు. ఎస్‌ఎల్‌వి సినిమాస్ బ్యానర్‌పై సుధాకర్ చెరుకూరి నిర్మిస్తున్న ఈ ప్రాజెక్ట్‌ను బిగ్ కాన్వాస్‌పై స్టైలిష్‌గా రూపొందిస్తున్నారు. టీమ్ ప్రస్తుతం కీలక ఫారిన్ షెడ్యూల్‌కి షిఫ్ట్ అయ్యింది. గత కొన్ని రోజులుగా స్పెయిన్‌లోని వాలెన్షియా, సమీప దీవుల్లో లొకేషన్ రికీ పనులు పూర్తి చేశారు. శుక్రవారం నుంచి షూటింగ్ ప్రారంభమైంది. అనంతరం జెనీవా, ఫ్రాన్స్‌లో కూడా కీలకమైన సన్నివేశాలు చిత్రీకరించనున్నారు. మొత్తం 25 రోజుల ఈ షెడ్యూల్‌లో కీలక టాకీ పార్ట్‌లతో పాటు శేఖర్ మాస్టర్ కొరియోగ్రఫీతో రెండు పాటలు చిత్రీకరించబోతున్నారు.

ఈ సినిమాకి సెన్సేషనల్ కంపోజర్ భీమ్స్ సెసిరోలియో మ్యూజిక్ అందిస్తున్నారు. ఎలక్ట్రిక్ ఎనర్జీతో ప్రేక్షకులను అలరించే రవితేజ ఈ సినిమాలో న్యూ స్టైలిష్ లుక్‌లో కనిపించనున్నారు. ఇది హాసం, భావోద్వేగం, రవితేజ మాస్ ఎలిమెంట్స్‌తో పూర్తి ఫ్యామిలీ డ్రామాగా తెరకెక్కుతోంది. ఎమోషనల్ కథలతో అలరించే దర్శకుడు కిశోర్ తిరుమల ఈ చిత్రాన్ని అన్ని వర్గాల ప్రేక్షకుల ఆకట్టుకునేలా రూపొందిస్తున్నారు. టైటిల్, ఫస్ట్ లుక్, ఇతర నటీనటుల వివరాలు త్వరలోనే మేకర్స్ తెలియజేయనున్నారు.

మాస్ కా దాస్ విశ్వక్ సేన్, ‘జాతిరత్నాలు’ ఫేం అనుదీప్‌ కె వి కాంబినేషన్ లో తెరకెక్కుతున్న చిత్రం ‘ఫంకీ’. కామెడీ ఎంటర్ టైనర్ గా రూపొందుతున్న ఈ సినిమాను ఫార్చ్యూన్‌ ఫోర్‌ సినిమాస్, సితార ఎంటర్‌టైన్‌మెంట్స్‌ బ్యానర్స్ పై సూర్యదేవర నాగవంశీ, సాయిసౌజన్య సంయుక్తంగా నిర్మిస్తున్నారు.ఇందులో డ్రాగన్ బ్యూటీ కయాదు లోహర్ హీరోయిన్ గా నటిస్తోంది. తాజాగా ఈ మూవీ నుంచి టీజర్ ను మేకర్స్ విడుదల చేశారు. ఈ టీజర్ సినిమాపై ఆసక్తిని పెంచుతోంది. ఇందులో లవ్, కామెడీ సీన్స్ ఆకట్టుకునేలా ఉన్నాయి. ఈ మూవీకి భీమ్స్ సిసిరిలియో సంగీతం అందిస్తున్నాడు. ప్రస్తుతం షూటింగ్ జరుపుకుంటున్న ఈ సినిమా విడుదలపై త్వరలోనే మేకర్స్ తేదీని ప్రకటించనున్నారు. టీజర్ చూస్తుంటే.. విశ్వక్ సేన్ మళ్లీ హిట్ ట్రాక్ ఎక్కడం ఖాయంగా అనిపిస్తోంది.

డాషింగ్ డైరెక్టర్ పూరి జగన్నాథ్, వర్సటైల్ యాక్టర్ విజయ్ సేతుపతి తొలిసారిగా కలిసి చేస్తున్న పాన్ -ఇండియా మూవీ ‘పూరిసేతుపతి’ చిత్రీకరణ శరవేగంగా జరుగుతోంది. ఈ చిత్రాన్ని పూరి కనెక్ట్, జెబి మోషన్ పిక్చర్స్ బ్యానర్ పై పూరి జగన్నాథ్, చార్మీ కౌర్, జెబి నారాయణరావు కొండ్రోల్లా నిర్మిస్తున్నారు. టాలీవుడ్ లక్కీ చార్మ్ సంయుక్త… విజయ్ సేతుపతి సరసన కథానాయికగా నటిస్తోంది. అర్జున్ రెడ్డి, కబీర్ సింగ్, యానిమల్ వంటి చిత్రాలతో పాపులరైన జాతీయ అవార్డు గ్రహీత హర్షవర్ధన్ రామేశ్వర్ ఈ చిత్రానికి సంగీతం అందించనున్నారని మేకర్స్ ప్రకటించారు. ప్రధాన నటీనటులు పాల్గొనే ఈ చిత్రం కొత్త షెడ్యూల్ వచ్చే వారం ప్రారంభమవుతుంది. ఈ పాన్- ఇండియా ఎంటర్‌టైనర్ తెలుగు, తమిళం, కన్నడ, మలయాళం, హిందీ భాషలలో విడుదల కానుంది.

నీలం స్టూడియోస్, అప్లాజ్ ఎంటర్‌టైన్‌మెంట్ నిర్మాణంలో, ప్రముఖ దర్శకుడు పా రంజిత్ సమర్పణలో మారి సెల్వరాజ్ దర్శకుడిగా ధృవ్ విక్రమ్ హీరోగా నటిస్తున్న చిత్రం బైసన్. ఈ చిత్రాన్ని అక్టోబర్ 24న జగదంబే ఫిలిమ్స్ ప్రొడ్యూసర్ బాలాజీ ఆంధ్రప్రదేశ్, తెలంగాణ రాష్ట్రాలలో గ్రాండ్‌గా రిలీజ్ చేస్తున్నారు. ఈ సందర్భంగా నిర్మాత బాలాజీ మాట్లాడుతూ “ఈ చిత్రంలో ధృవ్ తనదైన నటనతో తెలుగు ప్రేక్షకులను ఆకట్టుకుంటారు. ఒక డిఫరెంట్ కాన్సెప్ట్ తో ప్రేక్షకులకు ముందుకు రాబోతున్న ఈ సినిమా తెలుగులో మంచి విజయాన్ని అందుకుంటుందని భావిస్తున్నాం”అని అన్నారు. అనుపమ పరమేశ్వరన్ హీరోయిన్‌గా నటిస్తున్న ఈ చిత్రం నుంచి మొదటి పాటను విడుదల చేశారు. నివాస్ కే ప్రసన్న కంపోజ్ చేసిన ఈ పాటకు దర్శకుడు మారి సెల్వరాజ్ తమిళంలో లిరిక్స్ రాయగా, ఎనమంద్రా రామకృష్ణ తెలుగు లిరిక్స్ అందించారు. మనువర్ధన్ పాటను పాడారు. తీరేనా తీరేనా.. గుండెల్లోన మండుతున్న మూగవేదన..‘ అంటూ సాగిన పాట సినిమాపై అంచనాలను పెంచేసింది.

మిరాయ్ లాంటి పాన్ ఇండియా బ్లాక్ బస్టర్ తర్వాత పీపుల్ మీడియా ఫ్యాక్టరీ నుంచి వస్తున్న మ్యూజికల్ రొమాంటిక్ ఎంటర్‌టైనర్ ’తెలుసు కదా’. స్టార్ బాయ్ సిద్ధు జొన్నలగడ్డ హీరోగా నటిస్తున్న ఈ చిత్రంలో శ్రీనిధి శెట్టి, రాశి ఖన్నా హీరోయిన్స్. ప్రముఖ స్టైలిస్ట్-ఫిల్మ్ మేకర్ నీరజా కోన దర్శకత్వంలో పీపుల్ మీడియా ఫ్యాక్టరీ బ్యానర్ పై టిజి విశ్వ ప్రసాద్, కృతి ప్రసాద్ నిర్మించారు. తెలుసు కదా అక్టోబర్ 17న గ్రాండ్ గా విడుదల కానుంది.

ఈ సందర్భంగా హీరోయిన్ శ్రీనిధి శెట్టి విలేకరుల సమావేశంలో మాట్లాడుతూ.. “ఇద్దరు అమ్మాయిలు, అబ్బాయి వున్నప్పుడు ట్రయాంగిల్ లవ్ స్టొరీ అనుకుంటారు. కానీ తెలుసు కదాలో ఒక యూనిక్ పాయింట్ ని టచ్ చేశాం. సినిమా చూసినప్పుడు ఖచ్చితంగా సర్ ప్రైజ్ అవుతారు. నాకు రొమాంటిక్ స్టొరీస్ చేయడం ఇష్టం. తెలుసు కదాలో మంచి లైట్ హార్ట్టెడ్ ఎంటర్‌టైన్‌మెంట్ వుంది. సినిమాలో లవ్, ఎమోషన్, హాస్యం, పాటలు, అన్ని కమర్షియల్ ఎలిమెంట్స్ వుంటాయి. సినిమా చూసిన తర్వాత ఆడియన్స్ మంచి రొమాంటిక్ డ్రామాని ఫీల్ అవుతారు. -నీరజ చాలా పాషన్‌తో సినిమా చేశారు. ఆమె విజన్ ఆడియన్స్‌కి ఖచ్చితంగా కనెక్ట్ అవుతుంది. ఇది మంచి ఫీల్‌గుడ్ ఎంటర్‌టైనర్. ఇందులో మూడు క్యారెక్టర్స్ ఆడియన్స్‌కి కనెక్ట్ అవుతాయి. థియేటర్స్‌లో చూస్తున్నప్పుడు ఎంజాయ్ చేస్తారు. సిద్దు క్యారెక్టర్‌ని చాలా ఎంజాయ్ చేస్తారు. రాగ పాత్రలో నటించడం ఆనందంగా ఉంది. సిద్దుకి అన్ని విభాగాలలో చాలా నాలెడ్జ్ వుంటుంది. ఒక యాక్టర్‌కి అన్ని విభాగాలపై పట్టు వుండటం అదృష్టం. తన టైమింగ్ అద్భుతం. -రాశి ఖన్నా చాలా క్రమశిక్షణ గల నటి. తమన్ మ్యూజిక్‌కి నేను పెద్ద ఫ్యాన్‌ని. ఆయన నేను నటిస్తున్న సినిమాకి మ్యూజిక్ చేయడం ఆనందంగా వుంది. ఇప్పటికే విడుదలైన రెండు పాటలకు మంచి స్పందన వచ్చింది. బీజీఎం చాలా అద్భుతంగా వుంటుంది. పీపుల్ మీడియా ప్రొడక్షన్ హౌస్ లో పని చేయడం అదృష్టంగా భావిస్తున్నాను” అని అన్నారు.

హీరో ప్రియదర్శి ప్రస్తుతం రానా దగ్గుబాటి సమర్పణలో పుస్కూర్ రామ్ మోహన్ రావు, జాన్వి నారంగ్ నిర్మాణంలో రిఫ్రెషింగ్ రొమాంటిక్ కామెడీ మూవీ ‘ప్రేమంటే’తో రాబోతున్నారు. ఆనంది హీరోయిన్ గా నటిస్తోంది. సుమ కనకాల ఒక ముఖ్యమైన పాత్ర చేస్తున్నారు. నవనీత్ శ్రీరామ్ డైరెక్టర్‌గా అరంగేట్రం చేస్తున్నారు.

శ్రీ వెంకటేశ్వర సినిమాస్ ఎల్‌ఎల్‌పి బ్యానర్ నిర్మిస్తోంది. స్పిరిట్ మీడియా సమర్పిస్తోంది. ఈ సినిమా మ్యూజిక్ ప్రమోషన్స్ లో భాగంగా ఫస్ట్ సింగిల్ ’దోచావే నన్నే’ను రిలీజ్ చేశారు మేకర్స్. ఈ పాటను నేచురల్ స్టార్ నాని లాంచ్ చేశారు. లియోన్ జేమ్స్ స్వరపరిచిన ఈ రొమాంటిక్ ట్రాక్ అదిరిపోయింది. అబ్బీ వి వాయిస్ ఈ పాటకు ప్రాణం పోసింది. శ్రీమణి రాసిన సాహిత్యం హార్ట్ టచ్చింగ్ వుంది. ప్రియదర్శి, ఆనంది కెమిస్ట్రీ చాలా సహజంగా, హృదయానికి హత్తుకునేలా ఉంది.