జిల్లాలు,నల్లగొండ,యాదాద్రి భువనగిరి

మన తెలంగాణ/మోత్కూర్: యాదాద్రి భువనగిరి జిల్లా మోత్కూర్ మండలంలో మూడో విడత జరిగిన గ్రామపంచాయితీ ఎన్నికల్లో మిశ్రమ ఫలితాలు వచ్చాయి. అధికార కాంగ్రెస్ పార్టీ, ప్రతిపక్ష బీఆర్‌ఎస్ పార్టీలు బలపర్చిన అభ్యర్థులు హోరాహోరీగా తలపడ్డారు. దాచారం సర్పంచ్ గా (కాంగ్రెస్) కర్నె జ్యోతి వీరేశం 795 ఓట్ల భారీ మెజార్టీతో, అనాజీపురం సర్పంచ్ గా బీసు వెంకన్న 678 ఓట్ల మెజార్టీతో, పాలడుగు సర్పంచ్ గా అంతటి భగవంతు 168 ఓట్ల మెజార్టీతో, ముశిపట్ల సర్పంచ్ గా ఫైళ్ల నర్సిరెడ్డి 400 ఓట్ల మెజార్టీతో, పాటిమట్ల సర్పంచ్ గా బండ రమ విజయ్ రెడ్డి 41 ఓట్ల మెజార్టీతో, సదర్శాపురం సర్పంచ్ గా మునుకుంట్ల నీలకంఠం 113 ఓట్ల మెజార్టీతో, రాగిబావి సర్పంచ్ గా మెండు శ్రీవాణి చంద్రశేఖర్ రెడ్డి 126 ఓట్ల మెజార్టీతో, పనకబండ సర్పంచ్ గా లోతుకుంట రేణుక అనిల్ 81 ఓట్ల మెజార్టీ తో దత్తప్పగూడెం సర్పంచ్ గా గుండు యాదగిరి, పొడిచేడు సర్పంచ్ గా జిట్ట సైదులు గెలుపొందారు. 

మోత్కూరు మండలంలో వివిధ గ్రామ పంచాయతీల సర్పంచ్ నామినేషన్ల వివరాలు:

అనాజిపురం-13

దాచారం-6

దత్తప్పగూడెం-18

ముశిపట్ల-5

పాలడుగు-11

పాటిమట్ల-7

పనకబండ-7

పొడిచేడు-10

రాగిబావి-6

 సదర్శాపురం-7 

మన తెలంగాణ/మోత్కూర్: మోత్కూర్ మండలం 10 గ్రామ పంచాయతీలలో 10 సర్పంచ్ స్థానాలకు 90 నామినేషన్లు, 88 వార్డులకు 349 నామినేషన్లు దాఖలయ్యాయి. గ్రామాలలో వార్డుల వారిగా నామినేషన్ దాఖల వివరాలు ఇలా ఉన్నాయి. 10 గ్రామ పంచాయితీ లోని 88 వార్డులకు 349 మంది అభ్యర్థులు నామినేషన్ లు వేశారని అధికారులు తెలిపారు. అనాజీపురం లో 8 వార్డులకు 24,దాచారం లో 10 వార్డులకు 22, దత్తప్పగూడెం లో 10 వార్డులకు 41,ముషిపట్ల లో8 వార్డులకు 19, పాలడుగు లో10 వార్డులకు 38, పాటిమట్ల లో8 వార్డులకు 22, పనకబండ లో 8 వార్డులకు 23,పొడిచేడు లో 10 వార్డులకు 35, రాగిబావి లో8 వార్డులకు 18, సదర్శాపురం లో 8 వార్డులకు 17 మంది అభ్యర్థులు నామినేషన్ లు దాఖలు చేశారు.

స్థానిక ఎమ్మెల్యే జిల్లా కలెక్టర్ ఎస్సీ కాలనీ సందర్శించాలి

గ్రామంలో హెల్త్ సబ్ సెంటర్, వెటర్నరీ సెంటర్ ఏర్పాటు చెయ్యాలమన తెలంగాణ/మోత్కూర్: ముంపునకు గురవుతున్న పాలడుగు ఎస్ సి కాలనీని స్థానిక ఎమ్మెల్యే, జిల్లా కలెక్టర్ లు సందర్శించి వారి సమస్యలను పరిష్కరించాలని, సిపిఎం పార్టీ యాదాద్రి జిల్లా కార్యదర్శి ఎండి జాహంగీర్ డిమాండ్ చేశారు. శనివారం సిపిఎం పార్టీ ఆధ్వర్యంలో నిర్వహిస్తున్న సామాజిక కుటుంబ సర్వేలో భాగంగా మోత్కూర్ మండలం పాలడుగు గ్రామంలో ఆయన పాల్గొని ఎస్సీ కాలనీని సందర్శించారు. ఈ సందర్భంగా ఆయన మాట్లాడుతూ…. పాలడుగు గ్రామంలోని పెద్ద చెరువు నిండి అలుగు పోస్తే, ఎస్సీ కాలనిలోకి నీరు వస్తుందని, ఇండ్లలో జాలు నిమ్ము ఉండటంతో క్రిమికిటాకాలు ఇండ్లలోకి వచ్చే అవకాశం ఉందని అన్నారు.

దీంతో ప్రజలు అనారోగ్యం పాలయ్యే ప్రమాదం కూడ ఉందని, వెంటనే స్థానిక ఎమ్మెల్యే మందుల సామేల్, జిల్లా కలెక్టర్ ఎస్సీ కాలనీని సందర్శించి వారికి తగిన న్యాయం చెయ్యాలని కోరారు. గ్రామంలో హెల్త్ సబ్ సెంటర్, వెటర్నరీ సెంటర్ ను ఏర్పాటు చెయ్యాలని, దాదాపు రెండు సంవత్సరాలు కావస్తున్న గ్రామాలలో పాలక వర్గాలు లేక పారిశుధ్యం, మంచినీరు, వీదిలైట్లు, లాంటి అనేక సమస్యలతో ప్రజలు ఇబ్బందులు పడుతున్నారని, వెంటనే స్థానిక సంస్థల ఎన్నికలు నిర్వహించాలని ప్రభుత్వాన్ని డిమాండ్ చేశారు. ఈ కార్యక్రమంలో జిల్లా కార్యదర్శి వర్గ సభ్యులు మాటూరి బాలరాజు, జిల్లా కమిటీ సభ్యులు బొల్లు యాదగిరి, మండల కార్యదర్శి గుండు వెంకటనర్సు, మండల కమిటీ సభ్యులు కొంపల్లి ముత్తమ్మ, ఆత్మకూర్ మండల కార్యదర్శి వేముల బిక్షం, బోడ హన్మంతు, గ్రామ శాఖ కార్యదర్శి పిట్టల చంద్రయ్య, కొంపల్లి గంగయ్య, చింతకింది సోమరాజు, వడ్డేపల్లి లక్ష్మణ్, నాయకులు కొంపల్లి నర్సయ్య, కొంపల్లి బిక్ష్మయ్య, కొంపల్లి ముత్తయ్య, తదితరులు పాల్గొన్నారు.

మన తెలంగాణ/మోత్కూర్: తుంగతుర్తి నియోజకవర్గంలోని మోత్కూర్ మున్సిపాలిటీ పరిధిలో పలు అభివృద్ధి పనులకు కాంగ్రెస్ ఎమ్మెల్యే మందుల సామేల్ ఈనెల 17 న శంకుస్థాపన చేయనున్నారని మున్సిపల్ కమిషనర్ కె. సతీష్ కుమార్ శనివారం విలేకరులకు తెలిపారు.మోత్కూరు మున్సిపాలిటీ పరిధిలో టియుఎఫ్ఐడిసి ద్వారా మంజూరైన నిధులు రూ. 5 కోట్లతో మోత్కూరు మున్సిపాలిటీ పరిధిలోని 12 వార్డులలో ఈనెల 17 న స్థానిక ఎమ్మెల్యే మందుల సామేల్ శంకుస్థాపన చేయనున్నారని తెలిపారు. మున్సిపాలిటీ లోని 12 వార్డుల్లో సిసి రోడ్లు, డ్రైనేజి నిర్మాణ పనులకు, మున్సిపల్ కేంద్రంలోని వెంకటేశ్వర కాలనీ కామన్ నుండి శ్రీ వెంకటేశ్వర స్వామి దేవాలయం వరకు సిసి రోడ్డు నిర్మాణం, మున్సిపల్ కేంద్రంలోని పాత బస్టాండ్ నుండి అంగడి బజార్ వరకు కొత్తగా నిర్మించే సిసి రోడ్డు,అండర్ డ్రైనేజ్ నిర్మాణం, జామచెట్ల బావి నుండి కొండాపురం వరకు బిటి రోడ్డు నిర్మాణ పనులకు ఎమ్మెల్యే శంకుస్థాపన చేస్తారని మున్సిపల్ కమిషనర్ తెలిపారు. 

మన తెలంగాణ/మోత్కూర్: యాద్రాది భువనగిరి జిల్లా మోత్కూరు మండలం లోని పొడిచేడు గ్రామానికి చెందిన జిట్ట ముత్తమ్మ ఇటీవల మృతి చెందగా శనివారం మృతురాలి కుటుంబాన్ని పేలాపూడి బ్రదర్స్ పరామర్శించి 10 వేల రూపాయలు ఆర్ధిక సహాయం అందజేశారు. పేలపూడి సత్యనారాయణ చౌదరి, సింగిల్విండో చైర్మన్ పేలాపూడి వెంకటేశ్వర్లు, మాజీ సర్పంచ్ పేలాపూడి మధు లు ఆర్థిక సహాయం అందజేయగా నాయకులు కప్పే మల్లేష్, దెందే యాదగిరి, పర్వతం షణ్ముఖ చారి లు 75 కిలోల బియ్యాన్ని అందజేశారు. ఈ కార్యక్రమంలో సింగిల్ విండో డైరెక్టర్ జిట్ట లక్ష్మయ్య, నాయకులు మల్లం రమేష్, దెందే మల్లేష్, జిట్ట బుచ్చయ్య, జిట్ట గౌరయ్య,జిట్ట నర్సయ్య, జిట్ట గణేష్, తొంట దిలీప్, జిట్ట స్వామి, తొంట స్వామి, సలిగంజి సుధాకర్,జిట్ట వెంకటేష్ తదితరులు పాల్గొన్నారు.

హైదరాబాద్: యాదాద్రి జిల్లా బిబినగర్ వద్ద రోడ్డు ప్రమాదం జరిగింది. వరంగల్- హైదరాబాద్ జాతీయ రహదారిపై ఇద్దరిని థార్ వాహనం ఢీకొని యువకుడు, చెరువులో పడి యువతి మృతి చెందారు. డివైడర్ ను కూడా ఢీకొనడంతో వాహనంలో ఉన్న ముగ్గురికి తీవ్రగాయాలయ్యాయి. ఈ ఘటన బిబినగర్ చెరువు కట్ట వద్ద చోటుచేసుకుంది. క్షతగాత్రులను భువనగిరి ఏరియా ఆస్పత్రికి తరలించారు. స్థానికుల సమాచారం మేరకు పోలీసులు ఘటనా స్థలానికి చేరుకుని కేసు నమోదు చేసుకుని దర్యాప్తు చేస్తున్నారు. ఇంకా వివరాలు తెలియాల్సి ఉంది. 

మన తెలంగాణ/మోత్కూర్: ఎఐటియుసి 106వ ఆవిర్భావ దినోత్సవాన్ని మోత్కూరు మున్సిపల్ కేంద్రంలో శుక్రవారం ఘనంగా నిర్వహించారు. సివిల్ సప్లై యూనియన్ ఆధ్వర్యంలో ఎఐటియుసి సిపిఐ పార్టీ ఆధ్వర్యంలో నిర్వహించిన కార్యక్రమంలో ఎఐటియుసి మండల కార్యదర్శి జంగా నరసయ్య జెండా ఎగరవేశారు. ఈ కార్యక్రమంలో సిపిఐ మండల కార్యదర్శి అన్నెపు వెంకట్ పాల్గొని వారు మాట్లాడుతూ.. ఎఐటియుసి ఆవిర్భావం అయిన నాటినుండి కార్మిక కర్షక హక్కులకై నిరంతరం పోరాటం చేస్తున్న జెండా అని తెలిపారు. కార్మికుల హక్కులకై పోరాటం చేస్తున్నది ఎఐటియుసి అని, ప్రపంచ కార్మికులారా ఏకంకండి అని పిలుపునిస్తున్నదని వెంకట్ తెలియజేశారు. కార్మికులంతా ఐక్యంగా ఉండాలని వారి సమస్యలను పరిష్కారం కోసం నిరంతరం కృషి చేయాలని వారు పిలుపునిచ్చారు.  ఈ కార్యక్రమంలో సివిల్ సప్లై యూనియన్ అధ్యక్షుడు పురుగుల రవి,  సిపిఐ శాఖ కార్యదర్శి బోయిని ఉప్పలయ్య,  గొలుసుల యాదగిరి,  పంగ వెంకన్న యాదగిరి పురుగుల, జీడయ పరశురాములు,  రమేష్ గొడుగు, శ్రీను,  మచ్చ గిరి, తాడూరు లక్ష్మీనరసయ్య, తదితరులు పాల్గొన్నారు

మన తెలంగాణ/మోత్కూర్: వర్షాలు తగ్గుముఖం పట్టిన నేపద్యంలో మాయిశ్చర్ వచ్చిన ధాన్యాన్ని కొనుగోలు చేయాలని, కొనుగోలు చేసిన ధాన్యాన్ని మిల్లుల వారితో మాట్లాడి ఎగుమతి చేయాలని మోత్కూర్ సింగిల్ విండో చైర్మన్ పేలాపూడి వెంకటేశ్వర్లు అన్నారు. శుక్రవారం మోత్కూర్ మార్కెట్ యార్డులోని ధాన్యం కొనుగోలు కేంద్రంలోని ధాన్యపు రాశులను ఆయన పరిశీలించారు. ఈ సందర్భంగా ఆయన మాట్లాడుతూ…  తేమ శాతం తక్కువ ఉన్న ధాన్యాన్ని కొనుగోలు చేయాలని కేంద్రం నిర్వాహకులకు తెలిపారు. రైతులకు ఇబ్బందులు కలుగకుండా కొనుగోళ్లు చేయాలన్నారు. ఈ కార్యక్రమంలో సింగిల్ విండో కార్యదర్శి కె.వరలక్ష్మి, కొనుగోలు కేంద్రం నిర్వాహకులు పాల్గొన్నారు.

మన తెలంగాణ/మోత్కూర్: బడుగు బలహీన వర్గాల ఆశాజ్యోతి , మాజీ ఎంపి, (మాజీ క్రికెటర్) మహ్మద్ అజారుద్దీన్ ను రాష్ట్ర మంత్రివర్గంలోకి రాష్ట్ర ప్రభుత్వం తీసుకోవడం పట్ల మోత్కూరు వ్యవసాయ మార్కెట్ డైరెక్టర్ మహ్మద్ సమీర్ హర్షం వ్యక్తం చేశారు. శుక్రవారం ఆయన మోత్కూరులో విలేకరులతో మాట్లాడుతూ… గత దశాబ్దన్నార కాలం నుంచి కాంగ్రెస్ పార్టీ లో చురుకుగా పనిచేస్తున్న అజారుద్దీన్ సేవలను గుర్తించి మంత్రివర్గంలోకి అవకాశం కల్పించిన కాంగ్రెస్ పార్టీ జాతీయ అధ్యక్షుడు మల్లికార్జున ఖర్గే , అగ్ర నేతలు సోనియాగాంధీ, రాహుల్ గాంధీ, ముఖ్యమంత్రి రేవంత్ రెడ్డి, డిప్యూటీ సీఎం బట్టి విక్రమార్క, టిపిసిసి ప్రెసిడెంట్ మహేష్ కుమార్ గౌడ్, మంత్రి వర్గానికి , ఎమ్మెల్యేలకు సమీర్ కృతజ్ఞతలు తెలిపారు.

మన తెలంగాణ/మోత్కూర్: యాదాద్రి భువనగిరి జిల్లా  మోత్కూర్ మండలంలోని పాటిమట్ల నుండి సదర్శాపురం వరకు బి టి రోడ్డు వేయించాలని కోరుతూ తెలంగాణ రాష్ట్ర ప్రభుత్వ ప్రధాన కార్యదర్శి ఓఎస్ డి విద్యా సాగర్ ను శనివారం కలిసి వినతిపత్రం అందజేసినట్లు తెలంగాణ చేనేత కార్మిక సంఘం రాష్ట్ర అధ్యక్షుడు వనం శాంతి కుమార్ తెలిపారు. పాటిమట్ల నుండి సదర్ షాపూర్ వరకు బి టి రోడ్డు వేయించాలి అని కోరగా తప్పకుండ బిటి రోడ్డు వేయిస్తానని హామీ ఇచ్చారని కుమార్ పేర్కొన్నారు.