జిల్లాలు,తాజా వార్తలు,హైదరాబాద్

నకిలీ నెయ్యి విక్రయిస్తున్న వ్యక్తిని నార్త్‌జోన్ టాస్క్‌ఫోర్స్, మార్కెట్ పోలీసులు శనివారం అరెస్టు చేశారు. నిందితుడి వద్ద నుంచి 200కిలోల నకిలీ నెయ్యి, వేయింగ్ మిషన్, ప్యాకింగ్ మిషన్, కవర్స్, మొబైల్ ఫోన్‌ను స్వాధీనం చేసుకున్నారు. పోలీసుల కథనం ప్రకారం…సికింద్రాబాద్, సెకండ్ బజార్‌కు చెందిన అన్నామాలి సాయినాథన్(68) మార్కెట్‌లో నెయ్యికి భారీగా డిమాండ్ ఉండడంతో నకిలీ నెయ్యి తయారు చేసి విక్రయిస్తున్నాడు. గతంలో నిందితుడు మోండా మార్కెట్ ప్రాంతంలో టిఫిన్ సెంటర్ నిర్వహించాడు, నష్టాలు రావడంతో ఆర్థికంగా ఇబ్బందులు పడ్డాడు. ఈ క్రమంలోనే ఆవు నెయ్యికి మార్కెట్‌లో డిమాండ్ ఎక్కువ ఉన్న విషయం గమనించాడు. దానిని తయారు చేసి విక్రయించాలని ప్లాన్ వేసిన నిందితుడు కొబ్బరి నూనే, పాం ఆయిల్, డాల్డా, ఫుడ్ కలర్ కలిసి నకిలీ నెయ్యి తయారు చేసి విక్రయిస్తున్నాడు. స్థానికంగా ఉన్న మార్కెట్లు, పూజా స్టోర్లలో రూ.600 కిలో చొప్పున విక్రయిస్తున్నాడు. ఈ విషయం తెలియడంతో పోలీసులు దాడి చేసి నిందితుడిని అరెస్టు చేసి రిమాండ్‌కు తరలించారు. ఇన్స్‌స్పెక్టర్ చంద్రశేఖర్, రామచందర్, ఎస్సై సాయినాథ్ రెడ్డి తదితరులు అరెస్టు చేశారు.

హైదరాబాద్: చాంద్రాయణగుట్ట పరిధి జిఎం కాలనీలో దారుణం చోటుచేసుకుంది. పదకొండేళ్ల బాలుడిని కర్కశంగా రోడ్డుపైనే నేలకేసి తీవ్రంగా కొట్టాడు. గాయపడిన బాలుడుని ఆస్పత్రిలో చికిత్స పొందుతూ మృతి చెందాడు. ఘటన అనంతరం సవతి తండ్రి షేక్ ఇమ్రాన్ పరారీలో ఉన్నాడు. స్థానికుల సమాచారం మేరకు చాంద్రాయణ గుట్ట పోలీసులు ఘటనా స్థలానికి చేరుకుని.. కేసు దర్యాప్తు చేస్తున్నారు. ఇంకా వివరాలు తెలియాల్సి ఉంది.

శాసనసభ ఎన్నికల్లో అధికారం కోల్పోయినప్పటికీ, పార్లమెంటు ఎన్నికల్లో అద్భుత విజయం సాధించి దేశంలోనే మూడవ అతిపెద్ద పార్టీగా ఎస్పీని నిలబెట్టిన అఖిలేష్ తీరు తమకు స్ఫూర్తిదాయకమని బిఆర్‌ఎస్ వర్కింగ్ ప్రెసిడెంట్ కేటీఆర్ అన్నారు. అదే స్ఫూర్తితో బీఆర్‌ఎస్ కూడా బౌన్స్ బ్యాక్ అవుతుందని, మళ్లీ అధికారంలోకి వస్తుందని ధీమా వ్యక్తం చేశారు. మా పార్టీ నేతలు అఖిలేష్ కి సాధారణంగా స్వాగతం కలిపి ఆయనతో వివిధ అంశాల పైన చర్చించినట్లు కేటీఆర్ తెలిపారు. అఖిలేష్ యాదవ్ మరోసారి హైదరాబాద్ వచ్చినప్పుడు కేసీఆర్ గారితో సమావేశం అవుతారని తెలిపారు. ఈరోజు తనతోపాటు తన పార్టీ సీనియర్ నేతలు అందరితో చర్చించి మా పార్టీ ఆతిథ్యం స్వీకరించినందుకు అఖిలేష్ యాదవ్‌కి ధన్యవాదాలు తెలుపుతున్నట్లు కేటీఆర్ తెలిపారు.

బంజారా హిల్స్ లోని కేటీఆర్ ఇంటి వద్ద అఖిలేష్ యాదవ్‌తో కలిసి కేటీఆర్ మీడియాతో మాట్లాడారు. త్వరలోనే అఖిలేష్ యాదవ్ కెసిఆర్‌తో సమావేశం అవుతారని, ఈసారి హైదరాబాద్ వచ్చిన అఖిలేష్ యాదవ్‌కి మేమే స్వాగతం పలుకుతామంటే ఆయన స్వయంగా వచ్చి కలుస్తానని, మీతో చర్చిస్తానని అన్నారని, తమ పార్టీ నేతలు అఖిలేష్ యాదవ్ కి సాదరంగా స్వాగతం తెలిపారన్నారు. ఒకప్పుడు శాసనసభలో అధికారం కోల్పోయిన తర్వాత పార్లమెంటులో తక్కువ సీట్లు సాధించినా ప్రజల వెంట నిలబడినందుకు అఖిలేష్ యాదవ్ పార్టీ ఇప్పుడు 37 మంది ఎంపీలను గెలిపించుకుని దేశంలోని మూడవ అతిపెద్ద పార్టీగా నిలిచిందన్నారు. అఖిలేష్ యాదవ్ పార్టీస్ఫూర్తితో భారత రాష్ట్ర సమితి కూడా భవిష్యత్తులో ముందుకు సాగుతుందని, ప్రజల వెంట నిలబడి మరోసారి తప్పకుండా ప్రజల ఆశీర్వాదాలు పొందుతామని స్పష్టం చేశారు.

 ఫుడ్ పాయిజన్‌తో 16 మంది విద్యార్థ్ధులు అస్వస్థతకు గురైన సంఘటన నగరంలో కలకలం రేపింది. బాగ్‌లింగంపల్లిలోని మైనారిటీ గురుకుల పాఠశాలకు చెందిన 16 మంది విద్యార్థులు గురువారం రాత్రి ఆహారం తిన్న తర్వాత వాంతులు, విరేచనాలు, కడుపునొప్పితో అస్వస్థతకు గురయ్యారు. వారిని వెంటనే చికిత్స నిమిత్తం కింగ్‌కోఠి జిల్లా ఆసుపత్రిలో చేర్పించారు. ఆసుపత్రి మెడికల్ సూపరింటెండెంట్ డాక్టర్ సంతోష్‌బాబు వైద్య బృందాన్ని ఏర్పాటు చేసి, విద్యార్థులకు వైద్య సేవలు అందించారు. విద్యార్థుల ఆరోగ్య పరిస్థితి మెరుగు పడటంతో చిల్డ్రన్స్ వార్డుకు తరలించారు. ఈ సందర్బంగా డాక్టర్ సంతోష్‌బాబు మాట్లాడుతూ.. విద్యార్థులు కడుపునొప్పి, డీ హైడ్రేషన్, కారణంగా అస్వస్థతకు గురయ్యారని అన్నారు. వారికి గ్లూకోజ్‌తో పాటు వివిధ రక్త పరీక్షలు నిర్వహించి వైద్యసేవలు అందిస్తున్నట్లు తెలిపారు. ప్రస్తుతం విద్యార్థుల ఆరోగ్య పరిస్థితి నిలకడగా ఉందని,

ఎలాంటి ఆందోళన చెందాల్సిన అవసరం లేదన్నారు. కాగా, విద్యార్థులు ఫుడ్ పాయిజన్‌తో అస్వస్థతకు గురైన విషయం తెలుసుకున్న హైదరాబాద్ జిల్లా అదనపు కలెక్టర్ ముకుందరెడ్డి కింగ్‌కోఠిలోని జిల్లా ఆసుపత్రిని సందర్శించి, చిల్డ్రన్స్ వార్డులో చికిత్సలు పొందుతున్న బాధితులను పరామర్శించారు. ఫుడ్ పాయిజన్‌కు సంబంధించిన వివరాలు, గురువారం రాత్రి వారు తీసుకున్న ఆహారం గురించి వాకబు చేశారు. ఎలాంటి ఆందోళన చెందాల్సిన అవసరం లేదని ధైర్యం చెప్పారు. విద్యార్థుల ఆరోగ్య పరిస్థితిని గురించి ఆసుపత్రి సూపరింటెండెంట్ డాక్టర్ సంతోష్ బాబును అడిగి తెలుసుకుని మెరుగైన వైద్యం అందించాలని కోరారు. ఈ కార్యక్రమంలో డిప్యూటీ డిఎంహెచ్‌వో శ్రీకళ, డాక్టర్ విజారత్. డాక్టర్ సోమ శేఖ ర్, ఎల్‌టి నరసింహారెడ్డి, నర్సింగ్ సూపరింటెండెంట్ శమంతకమణి, గ్రేడ్=2 పద్మ, షాహెదా బేగంతో పాటు వైద్యులు, సిబ్బంది పాల్గొన్నారు.

ముఖ్యమంత్రి రేవంత్ రెడ్డితో ఉత్తరప్రదేశ్ మాజీ సిఎం అఖిలేష్ యాదవ్ భేటీ అయ్యారు. జూబ్లీహిల్స్ నివాసంలో శుక్రవారం ఆయన సిఎం రేవంత్‌రెడ్డిని మర్యాదపూర్వకంగా కలిశారు. ఇరువురు తాజా రాజకీయ పరిస్థితుల గురించి చర్చించారు. రాష్ట్రంలో ప్రభుత్వం అమలు చేస్తున్న అభివృద్ధి, సంక్షేమ కార్యక్రమాల గురించి అఖిలేష్‌కు సిఎం రేవంత్ రెడ్డి వివరించారు. ఈ సమావేశంలో రాజ్యసభ సభ్యుడు అనిల్ కుమార్ యాదవ్, మాజీ ఎంపి అంజన్‌కుమార్ యాదవ్, రామగుండం ఎమ్మెల్యే రాజ్ ఠాకూర్, కాంగ్రెస్ సీనియర్ నేత రోహిన్ రెడ్డి పాల్గొన్నారు. అంతకుముందు ఎమ్మెల్యే క్వార్టర్స్‌లో నిర్వహించిన సదర్ సమ్మేళనంలోనూ మాజీ సిఎం అఖిలేష్ యాదవ్ పాల్గొన్నారు.

హైదరాబాద్: ఫిలింనగర్ పిఎస్ పరిధిలో విద్యార్థిపై దారుణం చోటు చేసుకుంది. ఓయూ కాలనీకి చెందిన ఒకటవ తరగతి విద్యార్థి తేజ నందన్ పై టీచర్ దాడి చేసింది. చదవట్లేదనే కారణంతో తేజనందన్ అనే విద్యార్థిపై అట్లకాడతో శరీరంపై 8 చోట్ల ట్యూషన్ టీచర్ మానస వాతలు పెట్టింది. ఈ బాధాకరమైన సంఘటన మనసు కలిచివేసింది.  అట్లకాడతో కాల్చడంతో తేజ నందన్ నడవలేకపోతున్నాడు. ఫిలింనగర్ పిఎస్ లో ట్యూషన్ టీచర్ పై తల్లిదండ్రులు ఫిర్యాదు చేశారు. పోలీసులు కేసు నమోదు చేసుకుని.. ట్యూషన్ టీచర్ మానసను అదుపులోకి తీసుకున్నారు. 

హైదరాబాద్: తెలంగాణలో తొలి విడత పంచాయతీ ఎన్నికలలో కాంగ్రెస్ పార్టీ హవా కొనసాగింది. కాంగ్రెస్ పార్టీ అత్యధిక స్థానాలు గెలుపొంది తొలి స్థానంలో ఉంది. కాంగ్రెస్ ఇప్పటి వరకు 662, స్థానాలలో గెలుపొందగా బిఆర్ఎస్ 259 , బిజెపి 51 , ఇతరులు152 స్థానాలలో విజయం సాధించారు. వార్డు మెంబర్లలో కాంగ్రెస్ 11230 స్థానాలలో గెలుపొందగా బిఆర్‌ఎస్ 5000, బిజెపి 2000, ఇతరలు 7500 స్థానాలలో విజయ దుందుభి మోగించారు. కాంగ్రెస్ శ్రేణులు సంబరాలు చేసుకుంటున్నాయి. ఇతరుల స్థానాలలో గెలిచిన వారు కాంగ్రెస్ పార్టీలో చేరుతున్నారు. 

 హైదరాబాద్ :తెలంగాణ వ్యాప్తంగా మొదటి విడత పంచాయితీ పోలింగ్ కొనసాగుతోంది. ఉదయం 11 గంటల వరకు 52 శాతం పోలింగ్ నమోదైయింది.  మధ్యాహ్నం ఒంటిగంట వరకే పోలింగ్ జరుగుతుంది. వరంగల్ జిల్లాలో అత్యధికంగా 61.21 శాతం, అత్యల్పంగా ఆదిలాబాద్ జిల్లాలో 40.37 శాతం పోలింగ్ పోలింగ్ నమోదైంది. కాగా చాలా ప్రాంతాల్లో 60 శాతానికి పైగా పోలింగ్ జరిగినట్టు సమాచారం. కామారెడ్డిలో 53.31 శాతం పోలింగ్ నమోదైంది. 

 హైదరాబాద్ :తెలంగాణ వ్యాప్తంగా మొదటి విడత పంచాయితీ పోలింగ్ కొనసాగుతోంది. ఉదయం 11 గంటల వరకు 52 శాతం పోలింగ్ నమోదైయింది.  మధ్యాహ్నం ఒంటిగంట వరకే పోలింగ్ జరుగుతుంది. వరంగల్ జిల్లాలో అత్యధికంగా 61.21 శాతం, అత్యల్పంగా ఆదిలాబాద్ జిల్లాలో 40.37 శాతం పోలింగ్ పోలింగ్ నమోదైంది. కాగా చాలా ప్రాంతాల్లో 60 శాతానికి పైగా పోలింగ్ జరిగినట్టు సమాచారం. కామారెడ్డిలో 53.31 శాతం పోలింగ్ నమోదైంది. ఓటర్లు తమ ఓటు హక్కును వినిగియోగించుకునేందుకు బారులు తీరారు. వృద్ధులు సైతం పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు. అక్కడక్కడ స్వల్ప ఘర్షణలు చోటుచేసుకున్నాయి. నల్గొండ జిల్లా కోర్లపహాడ్, ఉరుమండ్ల గ్రామంలో ఘర్షణలు చెలరేగాయి. గజ్వేల్ మండలం అక్కారంలో ప్రలోభాల పర్వం కొనసాగుతోంది. కారులో తరలిస్తున్న రూ. 2.25 లక్షలను పోలీసులు పట్టుకున్నారు.