జిల్లాలు,తాజా వార్తలు,హైదరాబాద్

రిటైల్ మార్కెట్‌ను షేక్ చేస్తున్న కోడిగుడ్లు, చికెన్ ధరలు

కోడిగుడ్డు రూ.8కి పెరిగి ఆల్ టైం గరిష్టం రికార్డ్ నమోదు

చికెన్ ధరలు క్రమేణా పెరుగుతూ రూ.280కి చేరువ

తగ్గిన కోడిగుడ్ల ఉత్పతితో పెరిగిన డిమాండే కారణం

గుడ్డు, చికెన్ ధరల పెరుగుదలతో సామాన్యులు గగ్గోలు

మన తెలంగాణ/హైదరాబాద్: కోడిగుడ్లు, కోడి మాంసం, కూరగాయలు ఇలా ఒకటేంటి అన్నీ రోజు రోజుకీ పెరుగుతుంటే సగటు జీవికి బ్రతుకు భారమవుతోంది. కూరగాయల కన్నా కోడి గుడ్లు ధరలు తక్కువ ఉంది కదా అని సరిపెట్టుకునే వారికి గుడ్డు ధర కూడా రూ.8కి పైగానే రిటైల్ మార్కెట్‌లో ధర పలుకుతుంటే హడలిపోతున్నారు. దీనికితోడు సాధారణ ప్రజలకు తక్కువ ధరలో లభించే మాంసాహారమైన బ్రాయిలర్ కోడి మాంసం ధర కూడా ప్రతి రోజు పెరిగి, ఆదివారం నాటికి కిలోధర రూ.280కి చేరింది. దీంతో చికెన్ ధరలు ఒక వైపు, కోడి గుడ్ల ధరలు మరో వైపు భారీగా పెరుగుతూ మార్కెట్‌ను షేక్ చేస్తున్నాయి. దీంతో సామాన్యులు హడలిపోతున్నారు.

కోడిగుడ్ల హోల్‌సేల్ మార్కెట్ వర్గాల సమాచారం మేరకు ఈ స్థాయిలో ఎప్పుడూ ధరలు పెరగలేదని, ఈ పెరుగుదల ఆల్ టైం రికార్డ్ సృష్టిస్తున్నాయని చెబుతున్నారు. సామాన్యుడికి ఎప్పుడూ తక్కువ ధరలో అందుబాటులో ఉండే కోడి గుడ్ల ధరలు గుబులు పుట్టిస్తున్నాయి. కొద్ది నెలల క్రితం బహిరంగ మార్కెట్లో రూ.5గా ఉన్న గుడ్డు ధర, క్రమేణా రూ.6కి పెరిగి ఆ తర్వాత పెరుగుతూ వస్తూ ఏకంగా రూ.7.30కి చేరుకుంది. ఆ తర్వాత ఏకంగా గుడ్డు ధర రూ.8కు చేరుకుంది. కొన్నిచోట్ల రిటైల్ వ్యాపారులు ఏడున్నర ఉంటే ఎనిమిది తీసుకుంటున్నారు. దీంతో అవసరాన్ని బట్టి 50 పైసలు పెరుగుతుందే తప్ప తగ్గడం లేదు. 30 కోడి గుడ్లు ధర (ట్రే) గతంలో రూ.160 నుంచి రూ.170 వరకు ఉంటే, ఇప్పుడు రూ.210 నుంచి రూ.240కి చేరుకుంది.

మరో రెండు నెలలు ఇవే ధరలు కొనసాగే అవకాశం

మరో రెండు నెలల పాటు ఇవే ధరలు, లేదా ఇంకా పెరిగే అవకాశం ఉంది. ఇప్పట్లో తగ్గే అవకాశం లేదని వ్యాపారులు చెబుతున్నారు. తక్కువ ధరకే లభించే గుడ్ల ధరలు ఒకేసారి పెరగడంతో సామాన్యులు షాక్ అవుతుంటే ఫామ్‌ల యజమానులు మాత్రం ధరలు ఇలా రెండు మూడు నెలలు కొనసాగితే తాము నష్టాల బారి నుంచి బయటపడతామని చెబుతున్నారు. కోళ్లు వ్యాధులతో చనిపోవడం ఒకటైతే, కోడి గుడ్లు దిగుమతి కావడం వల్ల మరింత మార్కెట్ క్షీణించి కోడి గుడ్లు ధరల్లేక, కోళ్లు లేక ఇబ్బంది పడ్డామని చెబుతున్నారు. ఇలా కొంచెం ధర పెరిగి కోడిగుడ్ల మార్కెట్ స్థిరంగా కొనసాగితే తాము ఇప్పటికి ఎదుర్కొంటున్న నష్టాల నుంచి బయటపడతామని వెల్లడిస్తున్నారు.

కాగా గుడ్ల ధరలు రికార్డుస్థాయిలో పెరుగుతుండడం వెనుక అనేక కారణాలను వ్యాపారులు వెల్లడిస్తున్నారు. అంగన్వాడీ కేంద్రాలు, పాఠశాలల్లో మధ్యాహ్నా భోజన పథకం, వసతి గృహాల్లో వినియోగం, బేకరీలు, ఇలా చాలా రకాలుగా కోడిగుడ్ల వినియోగం విపరీతంగా పెరగడంతో పాటు కూరగాయలకు బదులుగా కోడిగుడ్లు తినే వారి సంఖ్య రోజు రోజుకీ పెరుగుతూ వచ్చింది. డిమాండ్‌కు తగిన సరఫరా లేకపోవడం వల్ల కోడిగుడ్ల ధరలు పెరుగుతున్నాయని విశ్లేషిస్తున్నారు. దీనికితోడు కోళ్ల దాణా, మక్కలు వంటి ధరలు కూడా పెరగడంతో కోళ్ల ఫారం ఉత్పత్తిదారులకు పెట్టుబడి వ్యయం విపరీతంగాపెరిగిపోయిందని చెబుతున్నారు.

గతంలో తెలుగు రాష్ట్రాల్లో రోజుకు సుమారు 8 కోట్ల గుడ్ల ఉత్పత్తి జరిగేది. పెట్టుబడి పెరగడంతో చాలా మంది రైతులు ఫారాల కోళ్ల ఫారాలను మూసివేయడం వల్ల గుడ్ల గుడ్ల ఉత్పత్తి గణనీయంగా పడిపోయి ఆరు కోట్ల కోడిగుడ్లకు పడిపోయిందని చెబుతున్నారు. ఈ కారణంగా ధరలు ఆకాశాన్నంటుతున్నాయి. ప్రస్తుతం హోల్‌సేల్‌లో కోడిగుడ్డు ధర రూ.7.30, రిటైల్లో రూ.8 పలకడం పౌల్ట్రీ చరిత్రలోనే ఆల్ టైమ్ గరిష్ఠంగా మార్కెట్ వర్గాలు విశ్లేషిస్తున్నాయి. మరో రెండు నెలల పాటు ఇదే ధర కొనసాగే అవకాశం ఉందని వ్యాపారులు చెబుతున్నారు.

మన తెలంగాణ/హైదరాబాద్‌ః ప్రముఖ సినీ నటి ఆమని బిజెపిలో చేరారు. శనివారం ఆమె తన సహచరురాలు, ప్రముఖ మేకప్ ఆర్టిస్ట్, నంది అవార్డు గ్రహిత శోభలతతో కలిసి నాంపల్లిలోని బిజెపి రాష్ట్ర కార్యాలయానికి చేరుకున్నారు. ఈ సందర్భంగా కేంద్ర బొగ్గు గనుల శాఖ మంత్రి జి. కిషన్ రెడ్డి, పార్టీ రాష్ట్ర అధ్యక్షుడు ఎన్. రాంచందర్ రావు వారికి స్వాగతం పలికారు. ఆ తర్వాత రాంచందర్ రావు వారిపై పార్టీ కండువా కప్పి, పార్టీ సభ్యత్వం ఇచ్చారు.

ఈ సందర్భంగా రాంచందర్ రావు ప్రసంగిస్తూ తెలుగు, తమిళ, కన్నడ సినీ పరిశ్రమలలో ప్రముఖ నటులతో ఆమని కలిసి అనేక విజయవంతమైన చిత్రాల్లో నటించి ప్రేక్షకుల మెప్పు పొందారని, అదే విధంగా వివిధ టివి సీరియల్స్‌లోనూ నటిస్తున్నారని తెలిపారు. ప్రధాని నరేంద్ర మోడీ సుపరిపాలనతో ఆకర్షితులై, తాము కూడా దేశానికి సేవ చేయాలన్న భావనతో ఆమని, శోభలత పార్టీలో చేరడం సంతోషకరమని ఆయన అన్నారు.

మనతెలంగాణ/హైదరాబాద్: తెలంగాణ గెజిటెడ్ ఆఫీసర్స్ అసోసియేషన్ (టిజిఓ) ప్రధాన కార్యదర్శిగా బి. శ్యాం (ప్రస్తుతం అసిస్టెంట్ కమిషనర్, వాణిజ్య పన్నుల శాఖలో పనిచేస్తున్నారు) నియమితులయ్యారు. ప్రస్తుతం ప్రధాన కార్యదర్శిగా ఉన్న ఏ.సత్యనారాయణ ఈ నెలాఖరుకు పదవీ విరమణ చేయనున్నారు. దీంతో ఈ పదవికి ఎంపిక అనివార్యమైంది. ఈ నేపథ్యంలోనే శనివారం నాంపల్లిలోని టిజిఓ కార్యాలయంలో జరిగిన సమావేశంలో ప్రధాన కార్యదర్శిగా బి. శ్యాంను సభ్యులు ఏకగ్రీవంగా ఎన్నుకున్నారు. ఈ సందర్భంగా టిజిఓ రాష్ట్ర అధ్యక్షుడు ఏలూరి శ్రీనివాసరావు మాట్లాడుతూ 33 జిల్లాలు, రెండు స్పెషల్ బ్రాంచ్‌ల అధ్యక్ష, కార్యదర్శులు, సెంట్రల్ కమిటీ సభ్యుల అభిప్రాయ సేకరణ తీసుకున్న తరువాతే శ్యాంను ఏకగ్రీవంగా ఎన్నుకున్నామని ఆయన వెల్లడించారు.

ఈనెల 11వ తేదీ, 12, 15, 16, 19వ తేదీల్లో కేంద్ర ఎగ్జిక్యూటివ్ సభ్యుల అభిప్రాయ సేకరణ సైతం తీసుకున్నట్టు ఆయన తెలిపారు. విస్తృత అభిప్రాయ సేకరణలో భాగంగా మెజార్టీ సభ్యులందరూ ప్రధాన కార్యదర్శి ఎన్నికకు సంబంధించి విస్తృత అధికారాలను కల్పించారని అందులో భాగంగా శ్యాంను ప్రధాన కార్యదర్శిగా ఎన్నుకున్నామని ఆయన తెలిపారు. ఈ సందర్భంగా శ్యాం మాట్లాడుతూ తన పై నమ్మకం ఉంచి టిజిఓ ప్రధాన కార్యదర్శిగా ఎన్నుకున్న ప్రతి ఒక్కరికి ఆయన కృతజ్ఞతలు తెలిపారు. రాష్ట్ర అధ్యక్షుడు ఏలూరి శ్రీనివాసరావు సూచనల మేరకు పనిచేస్తూ అధికారుల సమస్యలు పరిష్కరించే దిశగా పనిచేస్తానన్నారు. ఈ కార్యక్రమంలో టిజిఓ ప్రస్తుత ప్రధాన కార్యదర్శి ఏ సత్యనారాయణ, ఇతర సభ్యులు పాల్గొన్నారు.

గత కొన్నేళ్లుగా తప్పించుకు తిరుగుతున్న జయత్రి ఇన్‌ఫ్రాస్ట్రక్చర్ సంస్థ కేసులో ఎండి కాకర్ల శ్రీనివాస్‌ను ఎన్‌ఫోర్స్ మెంట్ డైరెక్టరేట్ (ఇడి) చెన్నైలో అదుపులోకి తీసుకుంది. ప్రీలాంచ్ ఆఫర్ పేరుతో కాకర్ల శ్రీనివాస్ పలువురి నుంచి రూ.60కోట్లకు పైగా వ సూలు చేశాడు. గతంలో హైదరాబాద్ సి సిఎస్‌లో నమోదైన కేసు ఆధారంగా ఇడి మరో కేసు నమోదు చేసి దర్యాప్త చేపట్టిం ది. కేసు దర్యాప్తులో భాగంగా నవంబర్ లో నగరంలోని 8చోట్ల సోదాలు నిర్వహించింది. జయత్రి ఇన్‌ఫ్రాస్ట్రక్చర్, దాని అనుబంధ సంస్థల్లో తనిఖీలు చేసి పలు డాక్యుమెంట్లు, బ్యాంకు ఖాతాలను స్తం భింపజేసింది. ఈ క్రమంలో పరారీలో ఉన్న కాకర్ల శ్రీనివాస్‌ను అరెస్ట్ చేసింది.

సికింద్రాబాద్ మోండా మార్కెట్ లో శుక్రవారం రాత్రి భారీ అగ్నిప్రమాదం జరిగింది. శ్రీరామ ఎంటర్ ప్రైజెస్ దుకాణంలో ఒక్కసారిగా మంటలు ఎగిసిపడ్డాయి. దీంతో చుట్టుపక్కల ప్రాంతమంతా దట్టమైన పొగతో అలముకోవడంతో మార్కెట్ దగ్గర భారీగా ట్రాఫిక్ జామ్ అయ్యింది. ఈ ఘటనతో స్థానికులు భయభ్రాంతులకు గురయ్యారు.స్థనికుల సమాచారం మేరకు ఘటనా స్థలికి చేరుకున్న పోలీసులు, ఫైర్ సిబ్బంది మంటలు ఇతర దుకాణాలకు వ్యాపించకుండా అదుపు చేశారు. ఈ ఘటనకు సంబంధించి పూర్తి వివరాలు తెలియాల్సి ఉంది.

హెరాయిన్ విక్రయిస్తున్న వ్యక్తిని ఎక్సైజ్ డిటిఎఫ్ ఎన్‌ఫోర్స్‌మెంట్ సిబ్బంది బేగంబజార్‌లో శుక్రవారం అరెస్టు చేశారు. నిందితుడి వద్ద నుంచి 10.5 గ్రాముల హెరాయిన్ స్వాధీనం చేసుకున్నారు. స్వాధీనం చేసుకున్న హెరాయిన్ విలువ రూ.60వేలు ఉంటుంది. దినేష్ అనే వ్యక్తి హైదరాబాద్‌లో రాజస్థాన్ రాష్ట్రానికి చెందిన వారికి వంట చేస్తు జీవిస్తున్నాడు. రాజస్థాన్ రాష్ట్రలో తయారు చేసిన హెరాయిన్‌ను తక్కువ ధరకు కొనుగోలు చేసి ఇక్కడికి తీసుకుని వచ్చి అవసరం ఉన్న వారికి ఎక్కువ ధరకు విక్రయిస్తున్నారు. ఈ విషయం తెలుసుకున్న ఎక్సైజ్ సిఐ సృజన, సిబ్బంది కలిసి దాడి చేసి పట్టుకున్నారు. నిందితుడిని కేసు దర్యాప్తు కోసం బేగంబజార్ ఎక్సైజ్ స్టేషన్‌లో అప్పగించారు.

పట్టుకున్న విలువ సుమారు.. రూ. 60 వేల మేరకు ఉంటుందని అంచనా వేశారు. కాగా గంజాయి చాక్లెట్లు విక్రయిస్తున్న వ్యక్తిని ఎక్సైజ్ డిటిఎఫ్ సిబ్బంది అరెస్టు చేశారు. నిందితుడి వద్ద నుంచి 200 గ్రాముల గంజాయి చాక్లెట్లు స్వాధీనం చేసుకున్నారు. మనోజ్‌కుమార్ రెడ్డి అనే వ్యక్తి గంజాయి చాక్లెట్లు విక్రయిస్తున్నట్లు ఎక్సైజ్ సిబ్బందికి సమాచారం రావడంతో సికింద్రాబాద్ డిటిఎఫ్ సిఐ సృజన, సిబ్బంది నిందితుడిపై నిఘా పెట్టారు. ఈ క్రమంలోనే నిందితుడు గంజాయి చాక్లెట్లు విక్రయిస్తుండగా పట్టుకున్నారు. నిందితుడిపై కేసు నమోదు చేసుకుని దర్యాప్తు చేస్తున్నారు.

రైలు మొదటి జనరల్ బోగి కింద మంటలు చెలరేగిన ఘటన రంగారెడ్డి జిల్లా శంకర్ పల్లి రైల్వే స్టేషన్ సమీపంలో గురువారం రాత్రి చోటుచేసుకుంది. వివరాలలోకి వెళితే.. హైదరాబాద్ నుంచి కర్ణాటకలోని బెళగావికి వెళ్తున్న ప్రత్యేక రైలు(07043) లో శంకర్ పల్లి రైల్వే స్టేషన్ సమీపంలోకి రాగానే జనరల్ బోగి కింద మంటలు చెలరేగాయి.గమనించిన ప్రయాణికులు రైల్వే సిబ్బందికి సమాచారం అందించారు. సమాచారం మేరకు వెంటనే అప్రమత్తమైన సిబ్బంది మంటలు ఆర్పి వేశారు. బ్రేక్ జామ్ అయ్యి మంటలు చెలరేగినట్లు రైల్వే అధికారులు తెలిపారు. 

 కారు అదుపు తప్పి భీభత్సం సృష్టించడంతో ఇద్దరు మృతిచెందగా, మరొకరు తీవ్రంగా గాయపడిన సంఘటన మైలార్‌దేవ్‌పల్లి పోలీస్ స్టేషన్ పరిధిలో బుధవారం తెల్లవారుజామున చోటుచేసుకుంది. పోలీసుల కథనం ప్రకారం…ఉత్తర ప్రదేశ్ రాష్ట్రానికి చెందిన ప్రభు మహరాజ్ తన కుమారులు దీపక్, సత్తునాథ్‌తో కలిసి నగరానికి వచ్చి మైలార్‌దేవ్‌పల్లిలోని ఫుట్‌పాత్‌పై దుప్పట్లు, బ్లాంకెట్లు విక్రయిస్తున్నారు. రోజు మాదిరిగానే ముగ్గురు ఫుట్‌పాత్‌పై వేసుకున్న గుండారంలో నిద్రిస్తున్నారు. నగరానికి చెందిన ఆరుగురు యువకులు ఇన్నోవా కారులో శంషాబాద్ నుంచి సంతోష్ నగర్‌కు వెళ్తున్నారు. కారును అతివేగంగా డ్రైవ్ చేయడంతో తెల్లవారుజామున 5 గంటలకు అదుపు తప్పి బాధితులు ఉన్న గుడారంపైకి దూసుకుని వెళ్లింది. దీంతో ప్రభుమహరాజ్, దీపక్ మృతిచెందగా, సత్తునాథ్‌కు తీవ్రగాయాలు కాగా ఆస్పత్రికి తరలించారు. ఇన్నోవా కారులో ఉన్న ముగ్గురు యువకులను పోలీసులు అదుపులోకి తీసుకోగా, మరో ముగ్గురు యువకులు పరారీలో ఉన్నారు. మృతిచెందిన ఇద్దరిని పోస్టుమార్టం కోసం ఉస్మానియా ఆస్పత్రికి తరలించారు. మైలార్‌దేవ్‌పల్లి పోలీసులు కేసు నమోదు చేసుకుని దర్యాప్తు చేస్తున్నారు.

హైదరాబాద్: చందానగర్ పరిధిలోని రాజేంద్రనగర్ ప్రాంతంలోదారుణం చోటు చేసుకుంది. మంగళవారం స్కూల్ నుంచి రాగానే బాత్రూంకు వెళ్లాడు. ముఖం కడుక్కుంటుండగా ఐడీకార్డు ట్యాగ్ కిటికీలో ఇరుక్కుపోవడంతో 9 ఏళ్ల విద్యార్థి ప్రశాంత్ మృతి చెందాడు. కుటుంబ సభ్యుల ఫిర్యాదు మేరకు పోలీసులు ఘటనా స్థలానికి చేరుకుని.. కేసు నమోదు చేసుకుని దర్యాప్తు చేస్తున్నారు. వివరాల్లోకి వెళితే.. ప్రమాదవశాత్తే.. ప్రశాంత్ చనిపోయాడని పోలీసులు గుర్తించారు.