జాతీయ వార్తలు,తాజా వార్తలు

న్యూఢిల్లీ ః మెక్సికో భారీ సుంకాల పట్ల భారతదేశం తీవ్ర ఆగ్రహం వ్యక్తం చేసింది. దేశ ప్రయోజనాలు పరిరక్షణ కోణంలో తాము తగు విధంగా ప్రతిచర్యకు దిగాల్సి ఉంటుందని భారత ప్రభుత్వం మెక్సికోను శనివారం హెచ్చరించింది. ట్రంప్ ఆదేశాలకు లోబడి భారత్‌కు చెందిన నిర్ణీత సరుకులపై మెక్సికో 50 శాతం సుంకాల పెంపుదలకు దిగింది. ఈ చర్యను భారత్ తీవ్రస్థాయి నిర్ణయంగా పరిగణించింది. దేశీయ ఉత్పత్తులు, ఎగుమతిదారుల ప్రయోజనాలు కీలకం. వీటి కోసం తగు విధంగా స్పందించే హక్కు తమకు ఉందని ప్రభుత్వ వర్గాలు తెలిపాయి. ఓ వైపు మెక్సికోతో నిర్మాణాత్మక సంప్రదింపుల ప్రక్రియ కొనసాగుతుంది. మరో వైపు చర్యకు ప్రతిచర్య విధానం ఉండనే ఉంటుందని స్పష్టం చేశారు. మెక్సికో ప్రభుత్వం సుంకాల పెంపుదల బిల్లును తీసుకువచ్చే దశలోనే భారత్ తన వైఖరిని తెలిపింది. హెచ్చింపు ప్రతిపాదనలను వ్యతిరేకించింది.

అంతర్జాతీయ వాణిజ్య నిబంధనల పరిధిలోనే పరస్పర పరిష్కారం, సామరస్యం దిశలో ఉండేలా వ్యవహరించాలని అక్కడి ఆర్థిక వ్యవహారాల మంత్రిత్వశాఖకు భారతదేశ వాణిజ్య విభాగం హితవు పలికింది. అయితే వీటిని పక్కకు పెట్టి మెక్సికో ప్రభుత్వ అధికార యంత్రాంగం ఏకపక్షంగా ఎంఎఫ్‌ఎన్ టారీఫ్‌లను పెంచింది. ముందస్తు సంప్రదింపులు లేకుండానే వ్యవహరించింది. మన సహకార ఆర్థిక కార్యకలాపాల పద్థతికి విరుద్ధంగా చర్యకు దిగింది. అయితే దీనిపై చూస్తూ ఉండటం కుదరదు. మేం తీసుకునే చర్యల హక్కు మాకు ఉంటుంది. దీనిని మెక్సికో గుర్తించాల్సి ఉంటుందని తెలిపారు. బహుళ స్థాయి వ్యాపార వ్యవస్థకు భంగకరమైన రీతిలో చర్యకు దిగితే , అందుకు ప్రతిగా తమ స్పందన ఉండనే ఉంటుందని ఘాటుగా స్పందించారు.

లక్నో: ఉత్తరప్రదేశ్ బిజెపి రాష్ట్ర విభాగం అధ్యక్షులుగా కేంద్ర సహాయ మంత్రి పంకజ్ చౌదరి నియామకం దాదాపు ఖరారు అయింది ఈ పదవికి ఆయన ఒక్కరే తమ నామినేషన్ దాఖలు చేశారు. శనివారం ఆయన ఇక్కడ కేంద్ర మాజీ మంత్రి , బిజెపి ఎలక్షన్ ఆఫీసర్ మహేంద్ర నాథ్ పాండేకు అందించారు. ఈ కార్యక్రమం అట్టహాసంగా జరిగింది. ఆయన వెంట ముఖ్యమంత్రి యోగి ఆదిత్యానాథ్, ఉప ముఖ్యమంత్రులు కేశవ్ ప్రసాద్ మౌర్య, బృజేష్ పాఠక్ ఇతర నేతలు కార్యకర్తలు ఉన్నారు. చౌదరి యుపిలోని మహారాజు గంజ్ పార్లమెంటరీ స్థానం నుంచి ఏడుసార్లు ఎంపిగా గెలిచారు. కుర్మీ కులానికి చెందిన వారు. ప్రధాని మోడీ, అమిత్ షా, రాజ్‌నాథ్ సింగ్‌లకు అత్యంత విధేయుడుగా ఉన్నారు. 

భోపాల్ ః మధ్యప్రదేశ్‌లోని భోపాల్‌లో కేంద్ర వ్యవసాయ శాఖ మంత్రి శివరాజు సింగ్ చౌహాన్ నివాసం వద్ద భద్రత కట్టుదిట్టం చేశారు. శనివారం జరిగిన ఈ పరిణామంపై పలు రకాల వార్తలు వెలువడ్డాయి. అయితే ఇది అడపాదడపా జరిగే భద్రతా సమీక్షనే అని శనివారం బిజెపి వర్గాలు తెలిపాయి. ప్రత్యేకత ఏమీ లేదని వివరించారు. అయితే ఇక్కడి రద్దీ ప్రాంతం లింక్‌రోడ్‌లోని ఆయన నివాసం వెలుపల ఉన్నట్లుండి ఉదయమే తాత్కాలిక భద్రతా సిబ్బంది గుడారం వెలిసింది. ఈ ప్రాంతంలోకి అదనపు పోలీసు దళాలను తరలించారు.

శుక్రవారం రాత్రి చౌహాన్ ఈ నివాసంలోనే గడిపారు. శనివారం ఉదయం దేశ రాజధాని ఢిల్లీకి వెళ్లారు. అయితే ఇక్కడ భద్రతా ఏర్పాట్లు కొనసాగాయి. అయితే త్వరలోనే చౌహాన్ బిజెపి జాతీయ అధ్యక్షులు అవుతారని వార్తలు వెలువడుతున్నాయి. అందుకే ఈ మాజీ సిఎం నివాసం వద్ద భద్రతను పెంచినట్లు ప్రచారం జరిగింది. ఇక్కడ భద్రత పెంపుపై రాష్ట్ర కాంగ్రెస్ నేత ముఖేష్ నాయక్ అనుమానాలు వ్యక్తం చేశారు. ఇందుకు సిఎం మోహన్ యాదవ్ ప్రభుత్వం సమాధానం ఇచ్చుకోవాలని కోరారు. 

న్యూఢిల్లీ: దేశ రాజధాని ఢిల్లీలో వాయు కాలుష్యం అత్యధిక స్థాయిలో పెరిగిపోతుండడంతో శ్వాసకోశ వ్యాధుల రోగులతో ఆస్పత్రులు కిక్కిరిసిపోతున్నాయి. రోజువారీ ఆస్పత్రులకు వచ్చే రోగుల సంఖ్య కన్నా 20 నుంచి 30 శాతం ఎక్కువగా శ్వాసకోశ వ్యాధుల రోగుల సంఖ్య ఉంటోందని డాక్టర్లు చెప్పారు. జలుబు, దగ్గు, ఊపిరాడకపోవడం, ఛాతీ బిగుసుకుపోవడం, తదితర లక్షణాలతో రోగులు వస్తున్నారని తెలిపారు. కాలుష్యం ఎక్కువగా ఉంటున్న ప్రాంతాల నుంచే రోగులు అధిక సంఖ్యలో వస్తున్నారని డాక్టర్లు తెలిపారు. 

రాంచి : జార్ఖండ్ లోని రాంచీ విమానాశ్రయంలో శుక్రవారం రాత్రి ఇండిగో విమానం ల్యాండ్ అవుతుండగా వెనుక భాగం రన్‌వేను తాకింది. శుక్రవారం రాత్రి 7.30 గంటలకు ఈ విమానం 70 మంది ప్రయాణికులతో భువనేశ్వర్ నుంచి రాంచీకి వచ్చినప్పుడు ఈ సంఘటన జరిగింది. ఇందులో ప్రయాణికులు సురక్షితంగా ఉన్నారు. సాంకేతికంగా మళ్లీ టేకాఫ్‌కు అనువుగా లేకపోవడంతో రాంచీ నుంచి భువనేశ్వర్‌కు తిరిగి వెళ్లాల్సిన విమానాన్ని రద్దు చేసినట్టు రాంచీ ఎయిర్‌పోర్టు డైరెక్టర్ వినోద్ కుమార్ చెప్పారు. 

తిరువనంతపురం కార్పొరేషన్ ఎన్నికల్లో బీజేపీ విజయం సాధించడం కేరళ రాజకీయాల్లో సరికొత్త చరిత్రగా ప్రధాని మోడీ అభివర్ణించారు. క్షేత్రస్థాయిలో తమ కార్యకర్తలు చేసిన కృషివల్లనే దాదాపు 45 ఏళ్లుగా ఈ స్థానంలో అధికారంలో ఉన్న ఎల్‌డిఎఫ్‌ను ఓడించగలిగినట్టు పేర్కొన్నారు. ఈ విజయం కోసం శ్రమించిన బీజేపీ కార్యకర్తలను అభినందించారు. తిరువనంతపురం అభివృద్ధికి, ప్రజల జీవన ప్రమాణాలు పెంచడానికి బీజెపీ కృషి చేస్తుందని హామీ ఇచ్చారు.

ఎన్నికల ఫలితాల్లో ప్రజాస్వామ్య స్ఫూర్తి: శశిథరూర్

ఈ ఫలితాలు నిజమైన ప్రజాస్వామ్య స్ఫూర్తికి నిదర్శనమని కాంగ్రెస్ సీనియర్ నేత శశిథరూర్ ప్రశంసించారు. విజయం సాధించిన బీజేపీ నేతలకు ఆయన శుభాకాంక్షలు తెలిపారు. 45 ఏళ్లుగా అధికారంలో ఉన్న ఎల్‌డిఎఫ్ చేస్తున్న అక్రమాలను చాలాసార్లు ప్రశ్నించానని, వారి పాలన నుంచి బయటపడాలని ప్రజలు కూడా కోరుకుంటున్నట్టు ఈ ఫలితాలతో తేలిందన్నారు.

అనుకున్న ఫలితాలు సాధించలేక పోయాం: పినరయి విజయన్

స్థానిక సంస్థల ఎన్నికల్లో తమ పార్టీ అనుకున్న ఫలితాలు సాధించలేక పోయిందని కేరళ ముఖ్యమంత్రి పినరయి విజయన్ వ్యాఖ్యానించారు. రాష్ట్రం మొత్తం మీద ఘనవిజయం సాధిస్తామని అంచనా వేశామని , కానీ అనుకున్నట్టు సాధించలేకపోయామని అన్నారు. దీనికి కారణాలేమిటో విశ్లేషించుకుని అవసరమైన సవరణలు చేసుకుని, ముందుకు వెళ్తామన్నారు. వచ్చే ఏడాది కేరళ రాష్ట్రంలో అసెంబ్లీ ఎన్నికలు జరగాల్సి ఉండగా, తాజాగా జరిగిన తిరువనంతపురం మున్సిపల్ కార్పొరేషన్‌కు , మున్సిపాలిటీలకు జరిగిన ఎన్నికల్లో బీజేపీ గెలుపు సాధించడం ప్రాధాన్యతను సంతరించుకుంది. 45 ఏళ్ల తరువాత కామ్రేడ్ కోటలో బీజేపీ పాగా వేయడం రాజకీయ వర్గాల్లో ఆసక్తిని కలిగిస్తోంది. కేరళ స్థానిక సంస్థలకు డిసెంబర్ 9,11 తేదీల్లో రెండు దశల్లో ఎన్నికలు జరిగాయి.మొదటి దశలో70.91 శాతం, రెండో దశలో 76.08 శాతం పోలింగ్ జరిగింది. 

తిరువనంతపురం కార్పొరేషన్ లో సగం వార్డులు కమలానివే

త్రిపునిధుర, పలక్కాడ్ మున్సిపాలిటీల్లో బీజేపీ ఘనవిజయం

తిరువనంతపురం: కేరళలోని మొత్తం 86 మున్సిపాలిటీలు, 6 కార్పొరేషన్లు, 14 జిల్లా పరిషత్ స్థానాలకు, 941 గ్రామ పంచాయతీలకు, 152 బ్లాక్ పంచాయతీలకు డిసెంబర్ 9, 11 తేదీల్లో ఎన్నికలు జరిగాయి. ఈ ఫలితాలు శనివారం వెలువడ్డాయి. మొత్తం స్థానిక సంస్థల్లో చాలా చోట్ల బీజేపీ హవా కనిపిస్తుండగా, సిపిఎం నేతృత్వం లోని ఎల్‌డిఎఫ్ వెనుకబడడం కేరళ రాజకీయ చరిత్రలో చెప్పుకోదగిన పరిణామం. తిరువనంతపురం మున్సిపల్ కార్పొరేషన్‌తోపాటు త్రిపునిధుర, పలక్కాడ్ మున్సిపాలిటీలను కూడా బీజేపీ నేతృత్వం లోని ఎన్‌డిఎ కైవసం చేసుకోవడం కామ్రేడ్ కోటలో కాషాయం జెండా ఎగురవేయడమే . లెఫ్ట్ డెమొక్రటిక్ ఫ్రంట్ ఆధిపత్యం వహిస్తున్న కేరళ రాజకీయ క్షేత్రంలో ఇది చెప్పుకోదగిన మార్పు. సీనియర్ కాంగ్రెస్ నాయకుడు, ఎంపీ శశిథరూర్ స్వంత జిల్లా తిరువనంతపురంలో రాష్ట్ర రాజధానిలో బీజేపీ విజయకేతనం ఎగురవేయడం అత్యంత ప్రాధాన్యం సంతరించుకుంది. తిరువనంతపురం మున్సిపల్ కార్పొరేషన్‌కు జరిగిన ఎన్నికల్లో అధికార లెఫ్ట్ డెమోక్రటిక్ ఫ్రంట్ (ఎల్‌డిఎఫ్)తోపాటు కాంగ్రెస్ సారథ్యం లోని నేషనల్‌డెమోక్రటిక్ ఫ్రంట్ (యుడిఎఫ్)కు గట్టిదెబ్బ తగిలింది. బీజేపీ సారథ్యం లోని నేషనల్ డెమోక్రటిక్ అలయెన్స్ (ఎన్‌డిఎ) విజయకేతనం ఎగురవేసింది. 101 వార్డులకు జరిగిన ఎన్నికల్లో 50 వార్డులను బీజేపీ కైవసం చేసుకుంది.

ఎల్‌డీఎఫ్ 29 వార్డుల్లో గెలుపు సాధించగా, 19 వార్డులను యాడీఎఫ్ సొంతం చేసుకుంది. రెండు వార్డుల్లో ఇండిపెండెంట్లు గెలిచారు. తిరువనంతపురం కార్పొరేషన్‌లో నిర్ణయాత్మకమైన మెజార్టీ సాధించడానికి బీజేపీకి ఒక స్థానమే తక్కువైంది. ఈ విజయం 2026 అసెంబ్లీ ఎన్నికలకు బీజేపీకి నూతన శక్తిని అందించింది. ముఖ్యంగా రాష్ట్ర రాజధానిలో పట్టు నిలదొక్కుకునేలా చేసింది. ఇంతకు ముందు 2020లో తిరువనంతపురం కార్పొరేషన్ ఎన్నికల్లో ఎల్‌డీఎఫ్ 52 వార్డులు గెలుచుకోగా, బీజేపీ సారథ్యం లోని ఎన్డీయే 33 వార్డులు, యూడీఎఫ్ 10 వార్డులు దక్కించుకున్నాయి. ఎర్నాకులం జిల్లా త్రిపునిధుర మున్సిపాలిటీలో కూడా ఎన్‌డిఎ కీలక మైన విజయాన్ని నమోదు చేసుకుంది. మొత్తం 53 కౌన్సిల్ స్థానాల్లో 21 స్థానాలను ఎన్‌డిఎ గెలుచుకుంది. ఎల్‌డిఎఫ్‌కు 20 స్థానాలు మాత్రమే దక్కాయి. కాంగ్రెస్ నేతృత్వం లోని యునైటెడ్ డెమొక్రటిక్ ఫ్రంట్ (యుడిఎఫ్) మూడోస్థానానికి దిగజారి 12 స్థానాలకే పరిమితమైంది. ఎ గ్రేడ్ మున్సిపాలిటీగా ఉంటున్న త్రిపునిధుర మున్సిపాలిటీ దశాబ్దాలుగా ఎల్‌డిఎఫ్, లేదా యుడిఎఫ్ పాలనలో ఉంటోంది.

తాజా ఫలితాలు ఆ ఆనవాయితీ నుంచి బయటపడేలా చేశాయి. 2020 స్థానిక సంస్థల ఎన్నికల్లో త్రిపునిధుర మున్సిపాలిటీ 49వార్డుల్లో సిపిఎం అతిపెద్ద పార్టీగా 23 స్థానాలను గెలుచుకుంది. అప్పుడు బీజేపీ 17 స్థానాలనే దక్కించుకోగలిగింది. అయితే ఈ ఏడాది ఈ మున్సిపాలిటీని ఓటరు ప్రాధాన్యం బట్టి 53 వార్డులకు విస్తరించారు. పలక్కాడ్ మున్సిపాలిటీని కూడా ఎన్‌డిఎ తిరిగి స్వాధీనం చేసుకోగలిగింది. ఈ మున్సిపాలిటీలో బీజేపీయే ఏకైక భారీ పార్టీగా 25 స్థానాలను కైవసం చేసుకోగలిగింది. యుడిఎఫ్ 18,ఎల్‌డిఎఫ్ 9 స్థానాలను మాత్రమే దక్కించుకున్నాయి. త్రిస్సూర్ కార్పొరేషన్‌లో 8 వార్డులను బిజేపి గెల్చుకుంది. త్రిస్సూర్ నుంచి గత ఏడాది లోక్‌సభ ఎన్నికలకు సురేష్ గోపీ ఎన్నికైన సంగతి తెలిసిందే. కొడుంగల్లూరు మున్సిపాలిటీలో 46 వార్డులకు 18 బీజేపీ గెల్చుకుంది. గురువాయూరు, వడక్కంచెర్రి మున్సిపాలిటీల్లో చెరో రెండేసి వార్డులను గెల్చుకుంది.కున్నంకూలం మున్సిపాలిటీలో 7 వార్డులు, ఇరింజలకూడ మున్సిపాలిటీలో 6 వార్డులు, చలకుడి మున్సిపాలిటీలో ఒకటి వార్డులు బీజేపీ కైవసం అయ్యాయి.

గ్రామ పంచాయతీల్లో

ఇక బ్లాక్ పంచాయతీల్లో 4 వార్డులు, గ్రామపంచాయతీల్లో 167బీజేపీ దక్కించుకోగా, త్రిస్సూర్ జిల్లాలో ఏ పంచాయతీ బీజేపీకి దక్కలేదు. బీజేపీ నేతృత్వం లోని ఫ్రంట్ 1085 గ్రామ పంచాయతీ వార్డులను, 44 బ్లాక్ పంచాయతీ వార్డులను గెలుచుకున్నట్టు ఎన్నికల కమిషన్ వెల్లడించింది. కొల్లాం కార్పొరేషన్‌లో 11 వార్డులు, కోజికోడ్ కార్పొరేషన్‌లో 13 వార్డులు, కన్నూర్ కార్పొరేషన్‌లో 4 వార్డులు, కొచ్చి కార్పొరేషన్‌లో 6 వార్డులు, బీజేపీ పరమయ్యాయి. తిరువనంతపురం కార్పొరేషన్‌లో ఎల్‌డిఎఫ్ హయాంలో అవినీతి బాగా జరిగిందని బీజేపీ చేసిన ప్రచారం ఎక్కువ ప్రభావం చూపించింది. శబరిమల బంగారం స్కామ్ పై ప్రచారం అయ్యప్ప క్షేత్రం నెలకొన్న పథనం మిట్ట జిల్లాలోని 142 గ్రామ పంచాయతీ వార్డులు, ఆరు బ్లాక్ పంచాయతీ వార్డులు, 21 మున్సిపల్ వార్డులు బీజేపీ విజయం పొందడానికి దోహదం చేశాయి. పథనం మిట్ట జిల్లాలో పందలం మున్సిపాలిటీ లోని పందలం టౌన్ లోని 9 వార్డులు, పందలం బ్లాక్ పంచాయతీ లోని 3 వార్డులు బీజేపీ కైవసమయ్యాయి.

కేరళలో బీజేపీ సరికొత్త చరిత్ర: ప్రధాని మోడీ

తిరువనంతపురం కార్పొరేషన్ ఎన్నికల్లో బీజేపీ విజయం సాధించడం కేరళ రాజకీయాల్లో సరికొత్త చరిత్రగా ప్రధాని మోడీ అభివర్ణించారు. క్షేత్రస్థాయిలో తమ కార్యకర్తలు చేసిన కృషివల్లనే దాదాపు 45 ఏళ్లుగా ఈ స్థానంలో అధికారంలో ఉన్న ఎల్‌డిఎఫ్‌ను ఓడించగలిగినట్టు పేర్కొన్నారు. ఈ విజయం కోసం శ్రమించిన బీజేపీ కార్యకర్తలను అభినందించారు. తిరువనంతపురం అభివృద్ధికి, ప్రజల జీవన ప్రమాణాలు పెంచడానికి బీజెపీ కృషి చేస్తుందని హామీ ఇచ్చారు.

ఎన్నికల ఫలితాల్లో ప్రజాస్వామ్య స్ఫూర్తి: శశిథరూర్

ఈ ఫలితాలు నిజమైన ప్రజాస్వామ్య స్ఫూర్తికి నిదర్శనమని కాంగ్రెస్ సీనియర్ నేత శశిథరూర్ ప్రశంసించారు. విజయం సాధించిన బీజేపీ నేతలకు ఆయన శుభాకాంక్షలు తెలిపారు. 45 ఏళ్లుగా అధికారంలో ఉన్న ఎల్‌డిఎఫ్ చేస్తున్న అక్రమాలను చాలాసార్లు ప్రశ్నించానని, వారి పాలన నుంచి బయటపడాలని ప్రజలు కూడా కోరుకుంటున్నట్టు ఈ ఫలితాలతో తేలిందన్నారు.

అనుకున్న ఫలితాలు సాధించలేక పోయాం: పినరయి విజయన్

స్థానిక సంస్థల ఎన్నికల్లో తమ పార్టీ అనుకున్న ఫలితాలు సాధించలేక పోయిందని కేరళ ముఖ్యమంత్రి పినరయి విజయన్ వ్యాఖ్యానించారు. రాష్ట్రం మొత్తం మీద ఘనవిజయం సాధిస్తామని అంచనా వేశామని , కానీ అనుకున్నట్టు సాధించలేకపోయామని అన్నారు. దీనికి కారణాలేమిటో విశ్లేషించుకుని అవసరమైన సవరణలు చేసుకుని, ముందుకు వెళ్తామన్నారు. వచ్చే ఏడాది కేరళ రాష్ట్రంలో అసెంబ్లీ ఎన్నికలు జరగాల్సి ఉండగా, తాజాగా జరిగిన తిరువనంతపురం మున్సిపల్ కార్పొరేషన్‌కు , మున్సిపాలిటీలకు జరిగిన ఎన్నికల్లో బీజేపీ గెలుపు సాధించడం ప్రాధాన్యతను సంతరించుకుంది. 45 ఏళ్ల తరువాత కామ్రేడ్ కోటలో బీజేపీ పాగా వేయడం రాజకీయ వర్గాల్లో ఆసక్తిని కలిగిస్తోంది. కేరళ స్థానిక సంస్థలకు డిసెంబర్ 9,11 తేదీల్లో రెండు దశల్లో ఎన్నికలు జరిగాయి.మొదటి దశలో70.91 శాతం, రెండో దశలో 76.08 శాతం పోలింగ్ జరిగింది. 

ఓ జంక్షన్ వద్ద ఆగిన రైలులోకి ఒకేసారి 30 నుంచి 40 మంది యువకులు  బోగీలోకి దూసుకురావడంతో భయపడిన ఓ మహిళా ప్రయాణికురాలు రైలు లోని టాయిలెట్‌ లోకి వెళ్లి లాక్ చేసుకున్న ఘటన బిహార్ లో చోటుచేసుకుంది. వివరాలలోకి వెళిలే.. రైల్వే అధికారులు తెలిపిన వివరాల ప్రకారం.. ఓ మహిళ బిహార్ లోని జయనగర్ లో నివసిస్తుంది. ఆమె ఇటీవల జానకి ఎక్స్ ప్రెస్ రైలులో ప్రయాణించింది. ఆ సమయంలో రైలు బిహార్ లోని కతిహార్ జంక్షన్ వద్ద ఆగగా 30 నుంచి 40 మంది దాకా యువకులు రైలు ఎక్కారు. దీంతో భయాభ్రాంతులకు గురైన మహిళా గట్టిగా అరుస్తూ రైలులోని టాయిలెట్ లోకి వెళ్లి లాక్ చేసుకొని రైల్వే అధికారులకు సమాచారం ఇచ్చింది. దీంతో వెంటనే అప్రమత్తమైన రైల్వే భద్రతా సిబ్బంది, పోలీసులు టికెట్ లేకుండా బోగీలోకి ఎక్కిన ప్రయాణికులను దింపేసారు. ఈ ఘటనకు సంబంధించిన వీడియాను మహిళా సోషల్ మీడియాలో పోస్ట్ చేయడంతో వైరల్ గా మారింది.

స్పీకర్, కేంద్ర మంత్రిగా విశేషానుభవం

ఏడుసార్లు ఎంపి అయిన మరాఠా నేత

జాతీయ స్థాయిలో కాంగ్రెస్‌లో కీలకం

లాతూరు ః కాంగ్రెస్ దిగ్గజ నేత శివరాజ్ పాటిల్ శుక్రవారం మృతి చెందారు. 90 సంవత్సరాల పాటిల్ లోక్‌సభ స్పీకర్‌గా, కేంద్ర మంత్రిగా కూడా వ్యవహరించారు. మహారాష్ట్రలోని లాతూరులో ఆయన స్వగృహం దేవ్‌ఘర్‌లో ఉదయం ఆయన కన్నుమూసినట్లు కుటుంబ వర్గాలు తెలిపాయి. స్వల్ప అస్వస్థత తరువాత ఆయన తనువు చాలించారు. శనివారం (నేడు) అంత్యక్రియలు స్థానికంగానే జరుగుతాయని సన్నిహితులు తెలిపారు. సౌమ్యుడుగా పేరొందిన శివరాజ్ పాటిల్ ముంబై 26/11 ఉగ్రదాడుల దశలో కేంద్ర మంత్రిగా ఉన్నారు. ఈ దశలో ఆయన నిర్లక్షం వహించారనే ఆరోపణలు ఉన్నాయి. ఆయనకు కుమారుడు శైలేష్ పాటిల్, కోడలు అర్చన, ఇద్దరు మనవరాళ్లు ఉన్నారు. గత ఏడాది మహారాష్ట్ర అసెంబ్లీ ఎన్నికల్లో అర్చన బిజెపి టికెట్‌పై పోటీ చేశారు. కాంగ్రెస్ నేత అమిత్ దేశ్‌ముఖ్ చేతిలో ఓటమి పాలయ్యారు.

శివరాజ్ పాటిల్ జీవితాంతం కాంగ్రెస్‌లోనే కొనసాగారు. నెహ్రూ గాంధీ కుటుంబానికి అత్యంత విధేయుడుగా నిలిచారు. కాంగ్రెస్ అధికారంలో ఉన్నప్పుడు పలు కీలక మంత్రిత్వశాఖలను నిర్వహించారు. ఆయన ప్రజా జీవితం ఐదు దశాబ్దాల పాటు సాగింది. ముంబై ఉగ్రదాడుల దశలో 2008 సంవత్సరంలో ఆయన నవంబర్ 26 నాడు రాత్రి మూడు సార్లు దుస్తులు మార్చి కనబడటం వివాదాస్పదం అయింది. ఓవైపు భయానక ఉగ్రదాడులు జరిగితే హోం మంత్రికి తన వస్త్రధారణే ముఖ్యమైందా? అనే విమర్శలు తలెత్తాయి. అయితే ప్రతిపక్షాలు పాలసీ ఆధారంగా విమర్శలకు దిగాలి తప్పితే , దుస్తులను బట్టి కాదని ఆయన సమర్థించుకున్నారు. కానీ తరువాతి పరిణామాలలో ఈ వ్యవహారం రాద్ధాంతానికి దారితీసింది. రెండు మూడు రోజుల్లోనే పదవికి రాజీనామా చేయాల్సి వచ్చింది. పాటిల్ మృతి పట్ల ప్రముఖులు అనేకులు సంతాపం వ్యక్తం చేశారు.

రాష్ట్రపతి ద్రౌపది ముర్మూ, ప్రధాని నరేంద్ర మోడీ, మహారాష్ట్ర సిఎం ఫడ్నవిస్, ఎన్‌సిపి నేత, పాటిల్ సమకాలీనులు శరద్ పవార్ , మల్లిఖార్జున ఖర్గే, రాహుల్ గాంధీ ఇతర నేతలు పాటిల్‌కు నివాళలు తెలిపారు. 1935 అక్టోబర్ 12న జన్మించిన శివరాజ్ రాజకీయ యాత్ర లాతూరు మున్సిపాల్టీ ఛైర్మన్‌గా 1966లో ఆరంభం అయింది. తరువాత రెండుసార్లు అక్కడి నుంచే ఎమ్మెల్యే అయ్యారు. లాతూరు లోక్‌సభ స్థానం ఆయనకు పెట్టని కోట అయింది. ఏకంగా ఏడుసార్లు గెలిచారు. 1991 నుంచి 96 వరకూ లోక్‌సభ స్పీకర్‌గా అందరి మన్నన్నలు పొందారు. కేంద్రంలో ఆయన రక్షణ, హోం, వాణిజ్య, శాస్త్ర సాంకేతిక వంటి పలు కీలక బాధ్యతలు నిర్వర్తించారు. పంజాబ్ గవర్నర్‌గా కూడా వ్యవహరించారు. ఈ ఏడాది మార్చిలోనే పాటిల్ సకుటుంబంగా ఢిల్లీలో ప్రధాని నరేంద్ర మోడిని కలుసుకున్నారు. ఇది లాంఛనప్రాయపు భేటీ అని చెప్పారు. అయితే కాంగ్రెస్‌లో దీనిపై అనేక విమర్శలు తలెత్తాయి. బహుభాషాకోవిదుడు అయిన పాటిల్ మరాఠా నేతలు ఎందరికో మార్గదర్శి, గురువు, రాజకీయ సలహాదారుడు అయ్యారు.

 ఈ శతాబ్ధి చివరి నాటికి అరుదైన దాదాపు 8వేల రకాల జంతుజాలాలు అంతరించి పోతాయి. వాటి అవశేషాలే మిగులుతాయి. ఈ విషయాన్ని తాజా అధ్యయనంలో వెల్లడించారు. అత్యధిక ఉష్ణోగ్రతలు , భూతాపం, ఇతరత్రా పర్యావరణ మార్పులతో ఈ వినాశనం జరుగుతుంది. యుకె యూనివర్శిటీకి చెందిన పరిశోధకుల సారధ్యంలో సర్వే జరిగింది. ఉభయచరాలు, పక్షులు, సరీసృపాల వంటి 30000 జీవాల మనుగడపై అధ్యయనం జరిగింది. ఈ క్రమంలో ఈ శతాబ్ధం ముగిసేలోగానే ఎనిమిది వేల రకాల జంతుజాలాలు ఇక మట్టిలో కలిసిపోతాయని నిర్థారించారు. తాము నివసించే భూమి తమ ఉనికికి ముప్పు తెచ్చిపెట్టే విధంగా వైపరీత్యాలకు గురవుతుంది. దీనితోనే ఈ ప్రాణులు అంతరించి పోతాయని పరిశోధకులు తెలిపారు. గ్లోబల్ ఛేంజ్ బయాలజీ జర్నల్‌లో అధ్యయన వివరాలను వెల్లడించారు.