జాతీయ వార్తలు,తాజా వార్తలు

చెక్కుచెదరని ఇండియాఆసియాన్ భాగస్వామ్యం

2026 మారిటైమ్ సహకార సంవత్సరం కాబోతుంది

ఆసియాన్ సదస్సునుద్దేశించి వర్చువల్‌గా ప్రధాని మోడీ ప్రసంగం

ఆసియాన్ సభ్య దేశంగా ఈస్ట్ తైమూర్

న్యూఢిల్లీ: భారత్ ఆసియాన్ సమగ్ర, ప టిష్ట వ్యూహాత్మక సహకార భాగస్వామ్యం ప్రపంచ సుస్థిరత, ప్రగతికి బలీయ పు నాది అవుతుందని ప్రధాని నరేంద్ర మోడీ చెప్పారు. సముద్ర మార్గాల సహకారం ది శలో వచ్చే ఏడాది 2026 ఆసియాన్ ఇండియా సంవత్సరం అవుతుందని చెప్పారు. మలేసియాలోని కౌలాలంపూర్ లో ఆదివారం ఆరంభమైన రెండు రోజుల ఇండియా ఆసియాన్ సదస్సును ఉద్ధేశిం చి ప్రధాని మోడీ వర్చువల్‌గా మాట్లాడా రు. భారతదేశపు విన్నూత తూర్పు ప్రాంత సహకార దృక్పథం దిశలో ఆసియాన్ వేది క అత్యంత కీలకమైనదని తెలిపారు. ఆసియాన్ కేంద్రీకృత విధానాలను, దృక్పధా న్ని భారత్ ఎప్పుడూ గౌరవిస్తూ వస్తోందిని చెప్పారు. ప్రస్తుత అనిశ్చితతల దశలోనూ ఇండియా ఆసియాన్ భాగస్వామ్యం చెక్కుచెదరకుండా నిలిచింది. ఎంతగానో పురోగతి సాథించిందని తెలిపారు. ఇటువంటి విశిష్ట సమ్మేళన ప్రక్రియతో ప్రపంచ స్థాయిలో ప్రగతి సుస్థిరతకు మరింత సజావైన బాటపడుతుందని ఆశాభావం వ్యక్తం చేశారు. పరస్పర సహకారం అనేది మిత్రబంధాలను బలోపేతం చేస్తుంది. ఇందుకు భారత్ ఆసియాన్ కలిసికట్టు పయనం ఉపయుక్తం అవుతుంది.

ప్రస్తుత సవాళ్ల దశలో సముద్ర జలమార్గాల భద్రత, సముద్ర వనరుల ఆర్థిక రంగం బ్లూ ఎకానమి అత్యంత కీలకం అయింది. అందుబాటులో ఉన్న విస్తారిత సముద్ర తీర ప్రాంతాలు, సముద్ర మార్గాల ఉనికి నేపథ్యంలో ఇండియా ఆసియాన్ రెండంచెల సహకారం దోహదకారి అయిందని ప్రధాని చెప్పారు. దీనిని పరిగణనలోకి తీసుకునే 2026 మారిటైం సహకార సంవత్సరం అవుతుందని ప్రధాని ప్రకటించారు. విద్యా, పర్యాటకం, శాస్త్ర సాంకేతికత , ఆరోగ్యం, హరిత ఇంధనం, సైబర్ సెక్యూరిటీలలో పరస్పర సహకారం విస్తృతం అవుతోందని తెలిపారు. ఇక మానసిక మానవ సంబంధాల దిశలో ప్రధానమైన సాంస్కృతిక వారసత్వ పరిరక్షణ , ప్రజల మధ్య సత్సంబంధాల దిశలో కూడా సహకారం ఇనుమడిస్తుందని ప్రధాని తెలిపారు.

ఈ ప్రాంతంలో ఆసియాన్ అత్యంత ప్రధాన శక్తివంతమైన బలీయ వేదిక అవుతుంది. భారత్‌తో పాటు, అమెరికా, చైనా , జపాన్, ఆస్ట్రేలియాలు కూడా ఈ సంప్రదింపుల ప్రక్రియలో ఉన్నాయి. ఆగ్నేయాసియా దేశాల వేదిక అయిన ఆసియాన్ తొలుత కేవలం ఐదు దేశాలతో 1967 ఆగస్టులో ఏర్పడింది. ఇప్పుడు 11 దేశాలు సభ్యదేశాలు ఉన్నాయి. భారత్ ఈ ఆసియాన్ వేదిక సభ్య దేశం కాకపోయినా ప్రతి ఏటా జరిగే సదస్సులో సంప్రదింపుల క్రమంలో పాల్గొనడం, నిర్మాణాత్మక పాత్రతో వెలుపలి కీలక శక్తిగా మారింది.

ఆసియాన్‌లోకి ఈస్ట్ తైమూర్..

కౌలాలంపూర్ ఆసియాన్ దశలో ఈ గ్రూప్‌లో ఈస్ట్ తైమూర్ సభ్యదేశంగా చేరింది. ఈ చేరికను వేదిక ద్వారా స్వాగతించారు. ఇన్నేళ్ల తమ కల ఇప్పటకీ నెరవేరిందని ఈ నేపథ్యంలో తైమూర్ ప్రధాని క్సనానా గుసామా ఆనందం వ్యక్తం చేశారు. 1990 తరువాత ఆసియాన్ విస్తరణ ఇదే తొలిసారి. ఈ చేరికతోనే ఇక్కడ ఆసియాన్ సదస్సు ఆరంభం అయింది. ఈ సదస్సుకు భారత్, చైనా, రష్యా, అమెరికా , దక్షిణ కొరియా దేశాల ప్రతినిధి బృందాలు ఉన్నత స్థాయి నేతల సారధ్యంలో పాల్గొంటున్నారు. ఈ సదస్సు ఆరంభంలోనే థాయ్‌లాండ్, కాంబోడియాలు సరిహద్దు ఘర్షణల తాత్కాలిక విరమణను పొడిగించే ఒప్పందంపై సంతకాలకు దిగాయి. సమావేశానికి అమెరికా అధ్యక్షులు ట్రంప్ హాజరయ్యారు. ఘర్షణల నిలిపివేత అత్యంత కీలకమైన విషయం అన్నారు. 

నిజాంకు సవాల్‌గా నిలిచిన కొమురం భీమ్

 ‘మన్‌కీ బాత్’లో కొనియాడిన ప్రధాని నరేంద్ర మోడీ

మన తెలంగాణ/హైదరాబాద్: ఆదివాసీల పోరాటయోధుడైన కొమురం భీమ్ సేవలు అమోఘమైనవని ప్రధాని నరేంద్ర మోడి కొనియాడారు. ప్రతి నెలా నిర్వహించే మన్‌కీ బాత్ కార్యక్రమంలో భాగంగా ఆదివారం నిర్వహించిన 12 7 వ కార్యక్రమంలో ప్రధాని మోడి ప్రసంగించారు. ప్రధాని తన ప్రసంగంలో కొమురం భీమ్‌పై ప్రశంసల జల్లు కురిపించారు. భారత్‌ను దోచుకోవడానికి బ్రిటీష్ పాలకులు అన్ని మార్గాలూ ఉపయోగించారని ఆయన తెలిపారు. ఆ సమయంలో బ్రిటీష్ పాలకులు నిజాం పాలనను బలపరిచారని అన్నారు. పేదలు, గిరిజనులపై నాడు జరిగిన వేధింపులు వర్ణనాతీతమని ఆయన ఆందోళన వ్యక్తం చేశారు.

ప్రజల భూములను నిజాం పాలకులు లాక్కున్నారని ఆయన విమర్శించారు. అటువంటి కష్టకాల సమయంలో ఇరవై ఏళ్ళ యువకుడు ఆ అన్యాయాలను ఎదురొడ్డి నిలిచారని ప్రధాని వివరించారు. ఆ కుర్రాడి గురించి తెలియని వారంతా తెలుసుకోవాల్సి ఉందన్నారు. ఆ రోజుల్లో నిజాం గురించి ఏ ఒక్కరూ ఒక్క మాట మాట్లాడేందుకూ అవకాశం లేదని, అలా ఎవరైనా మాట్లాడితే నేరం అయ్యేదని ఆయన తెలిపారు. ఆ కుర్రాడే నిజాం అధికారి సిద్దిఖీని బహిరంగంగా సవాల్ చేశారని, చివరకు మట్టుబెట్టారని ఆయన తెలిపారు. ఆ కుర్రాడి వీరత్వం గురించి తెలుసుకున్న బ్రిటిషర్లు మట్టుపెట్టాలని ప్రయత్నించగా, తప్పించుకుని అసొం చేరుకున్నారని. ఆ కుర్రాడే కుమురం భీమ్ అని ప్రధాని మోదీ చెప్పారు.

సైనికులు హత్య చేశారు

1940లో నిజాం సైనికులు కొమురం భీమ్‌ను హత్య చేశారని ఆయన తెలిపారు. నిజాంకు చాలా కాలం సవాల్‌గా నిలిచిన కొమురం భీమ్ నలభై ఏళ్ళు బ్రతికారని ఆయన చెప్పారు. ఆదివాసీల పోరాట యోధుడైన కొమురం భీమ్ ప్రజల్లో చెరగని ముద్ర వేశారని ఆయన తెలిపారు. కొమురం భీమ్ చరిత్రలో చిరస్థాయిగా నిలిచిపోయారని ఆయన చెప్పారు. సంస్కృత భాష, వందేమాతరం, కాఫీ ఉత్పత్తులు, సర్దార్ పటేల్ జయంతి గురించి కూడా ప్రధాని మోదీ సుదీర్ఘంగా వివరించారు. ఇదిలాఉండగా ప్రధాని నరేంద్ర మోడి మనక్ బాత్ కార్యక్రమాన్ని కేంద్ర మంత్రులు జి. కిషన్ రెడ్డి, బండి సంజయ్, బిజెపి రాష్ట్ర అధ్యక్షుడు ఎన్. రాంచందర్ రావు పార్టీ ముఖ్య నాయకులతో కలిసి వీక్షించారు. ఇదేవిధంగా జిల్లాల్లోనూ పార్టీ ఎంపీలు, ఎమ్మెల్యేలూ వీక్షించారు.

న్యూఢిల్లీ : భారత్ ఆసియాన్ సమగ్ర, పటిష్ట వ్యూహాత్మక సహకార భాగస్వామ్యం ప్రపంచ సుస్థిరత, ప్రగతికి బలీయ పునాది అవుతుందని ప్రధాని నరేంద్ర మోడీ చెప్పారు. సముద్ర మార్గాల సహకారం దిశలో వచ్చే ఏడాది 2026 ఆసియాన్ ఇండియా సంవత్సరం అవుతుందని చెప్పారు. మలేసియాలోని కౌలాలంపూర్‌లో ఆదివారం ఆరంభమైన రెండు రోజుల ఇండియా ఆసియాన్ సదస్సును ఉద్ధేశించి ప్రధాని మోడీ వర్చువల్‌గా మాట్లాడారు.

భారతదేశపు విన్నూత తూర్పు ప్రాంత సహకార దృక్పథం దిశలో ఆసియాన్ వేదిక అత్యంత కీలకమైనదని తెలిపారు. ఆసియాన్ కేంద్రీకృత విధానాలను, దృక్పధాన్ని భారత్ ఎప్పుడూ గౌరవిస్తూ వస్తోందిని చెప్పారు. ప్రస్తుత అనిశ్చితతల దశలోనూ ఇండియా ఆసియాన్ భాగస్వామ్యం చెక్కుచెదరకుండా నిలిచింది. ఎంతగానో పురోగతి సాథించిందని తెలిపారు. ఇటువంటి విశిష్ట సమ్మేళన ప్రక్రియతో ప్రపంచ స్థాయిలో ప్రగతి సుస్థిరతకు మరింత సజావైన బాటపడుతుందని ఆశాభావం వ్యక్తం చేశారు. పరస్పర సహకారం అనేది మిత్రబంధాలను బలోపేతం చేస్తుంది. ఇందుకు భారత్ ఆసియాన్ కలిసికట్టు పయనం ఉపయుక్తం అవుతుంది.

ప్రస్తుత సవాళ్ల దశలో సముద్ర జలమార్గాల భద్రత, సముద్ర వనరుల ఆర్థిక రంగం బ్లూ ఎకానమి అత్యంత కీలకం అయింది. అందుబాటులో ఉన్న విస్తారిత సముద్ర తీర ప్రాంతాలు, సముద్ర మార్గాల ఉనికి నేపథ్యంలో ఇండియా ఆసియాన్ రెండంచెల సహకారం దోహదకారి అయిందని ప్రధాని చెప్పారు. దీనిని పరిగణనలోకి తీసుకునే 2026 మారిటైం సహకార సంవత్సరం అవుతుందని ప్రధాని ప్రకటించారు. విద్యా, పర్యాటకం, శాస్త్ర సాంకేతికత , ఆరోగ్యం, హరిత ఇంధనం, సైబర్ సెక్యూరిటీలలో పరస్పర సహకారం విస్తృతం అవుతోందని తెలిపారు.

ఇక మానసిక మానవ సంబంధాల దిశలో ప్రధానమైన సాంస్కృతిక వారసత్వ పరిరక్షణ , ప్రజల మధ్య సత్సంబంధాల దిశలో కూడా సహకారం ఇనుమడిస్తుందని ప్రధాని తెలిపారు. ఈ ప్రాంతంలో ఆసియాన్ అత్యంత ప్రధాన శక్తివంతమైన బలీయ వేదిక అవుతుంది. భారత్‌తో పాటు, అమెరికా, చైనా , జపాన్, ఆస్ట్రేలియాలు కూడా ఈ సంప్రదింపుల ప్రక్రియలో ఉన్నాయి. ఆగ్నేయాసియా దేశాల వేదిక అయిన ఆసియాన్ తొలుత కేవలం ఐదు దేశాలతో 1967 ఆగస్టులో ఏర్పడింది. ఇప్పుడు 11 దేశాలు సభ్యదేశాలు ఉన్నాయి. భారత్ ఈ ఆసియాన్ వేదిక సభ్య దేశం కాకపోయినా ప్రతి ఏటా జరిగే సదస్సులో సంప్రదింపుల క్రమంలో పాల్గొనడం, నిర్మాణాత్మక పాత్రతో వెలుపలి కీలక శక్తిగా మారింది.

ఆసియాన్‌లోకి ఈస్ట్ తైమూర్..

కౌలాలంపూర్ ఆసియాన్ దశలో ఈ గ్రూప్‌లో ఈస్ట్ తైమూర్ సభ్యదేశంగా చేరింది. ఈ చేరికను వేదిక ద్వారా స్వాగతించారు. ఇన్నేళ్ల తమ కల ఇప్పటకీ నెరవేరిందని ఈ నేపథ్యంలో తైమూర్ ప్రధాని క్సనానా గుసామా ఆనందం వ్యక్తం చేశారు. 1990 తరువాత ఆసియాన్ విస్తరణ ఇదే తొలిసారి. ఈ చేరికతోనే ఇక్కడ ఆసియాన్ సదస్సు ఆరంభం అయింది. ఈ సదస్సుకు భారత్, చైనా, రష్యా, అమెరికా , దక్షిణ కొరియా దేశాల ప్రతినిధి బృందాలు ఉన్నత స్థాయి నేతల సారధ్యంలో పాల్గొంటున్నారు. ఈ సదస్సు ఆరంభంలోనే థాయ్‌లాండ్, కాంబోడియాలు సరిహద్దు ఘర్షణల తాత్కాలిక విరమణను పొడిగించే ఒప్పందంపై సంతకాలకు దిగాయి. సమావేశానికి అమెరికా అధ్యక్షులు ట్రంప్ హాజరయ్యారు. ఘర్షణల నిలిపివేత అత్యంత కీలకమైన విషయం అన్నారు.

డివిజన్ కమిటీ నేత ముఖేష్ సహా మారణాయుధాల అప్పగింత

బస్తర్‌లో సాగుతోన్న లొంగుబాట

కంకేర్ : ఛత్తీస్‌గఢ్ బస్తర్‌లో మావోయిస్టుల లొంగుబాట కొనసాగింది. ఆదివారం కంకేర్ జిల్లాలో 21 మంది నక్సల్స్ తమ ఆయుధాలతో అధికారుల ఎదుట లొంగిపోయారని అధికారులు వెల్లడించారు. స్థానిక పోలీసు విభాగం చేపట్టిన భారీ స్థాయి పునరావాస , జనజీవన ప్రవేశ విధానం పూనా మార్గెమ్ పరిధిలో ఈ నక్సల్ సరెండర్ అయ్యారు. లొంగిపోయిన వారిలో డివిజన్ కమిటీ కార్యదర్శి ముఖేష్ కూడా ఉన్నారు. అస్త్ర సన్యాసం చేసిన వీరిలో 13 మంది మహిళా నక్సలైట్లు కూడా ఉన్నారని అధికారులు తెలిపారు. తొమ్మండుగురు ఏరియా కమిటీ సభ్యులు. మిగిలిన వారు నిషేధిత ఉద్యమ కేడర్‌కు చెందిన దిగువశ్రేణి సభ్యులు.

లొంగిపోయిన వారంతా కూడా క్యూమారి/కిస్కోడే ఏరియా కమిటీలోని వారే. నార్త్ సబ్ జోనల్ బ్యూరోకు చెందిన కెశ్కల్ డివిజన్‌కు అనుబంధంగా ఈ కమిటీ పనిచేస్తోంది. మావోయిస్టులు తమ సరెండర్ దశలో మూడు ఎకె 47లు , రెండు ఇన్సాస్ రైఫిల్స్, నాలుగు ఎస్‌ఎల్‌ఆర్ రైఫిల్స్, .303 రైఫిల్స్ ఆరు, రెండు సింగిల్ షాట్ రైఫిల్స్, బారెల్ గ్రెనెడ్ లాంఛర్లు అధికారులకు అప్పగించారు. ఇటీవలి రోజులలో నక్సలైట్ల అగ్రనేతలు మల్లోజుల, ఆశన్న వంటివారితో దాదాపుగా 300 మంది వరకూ సరెండర్ అయ్యారు.

జనజీవన స్రవంతిలో కలిశారు. భారీ సంఖ్యలో ఆయుధాలను అప్పగించారు. ఈ ప్రాంతంలో నక్సలైట్ల బెడదను వచ్చే ఏడాది మార్చి 31 నాటికి పూర్తి స్థాయిలోనే నిర్మూలించడం జరుగుతుందని కేంద్ర హోం మంత్రి అమిత్ షా పదేపదే చేస్తున్న ప్రకటనల దశలోనే సరెండర్ల పర్వం జోరందుకుంది. భారీ స్థాయిలో పట్టిస్తే పారితోషికాలు ఉన్న వారు, పలు కీలక దాడులలో ప్రధాన వ్యూహకర్తలు కూడా వరుసగా సరెండర్ కావడం అడవుల్లో సంచలనానికి దారితీసింది. 

ఢిల్లీ: బ్రిటీష్ వారి దోపిడికి అంతులేకుండా ఉందని ప్రధాని నరేంద్రమోడీ తెలిపారు. అప్పట్లో హైదరాబాద్ ప్రజలపై దమనకాండ తీవ్రంగా ఉండేదని అన్నారు. మన్ కీ బాత్ లో కొమురం భీంను మోడీ కీర్తించారు. 20వ శతాబ్దం తొలినాళ్లలో స్వాతంత్ర్యం సుదూరస్వప్నంగా ఉండేదని కొనియాడారు. ఈ సందర్భంగా ఆయన మీడియాతో మాట్లాడుతూ.. ఆదివాసీలకు జరుగుతున్న అన్యాయంపైనా, బ్రిటీషర్ల అకృత్యాలపైనా.. 20 ఏళ్ల వయసులో కొమురం భీం ఉద్యమించారని అన్నారు. జనం భూములు నిజాం లాక్కునేవాడు, పన్నులతో వేధించేవాడని మండిపడ్డారు. నిజాం పోలీసు అధికారిని కొమురం భీం చంపారని, అరెస్టు కాకుండా కొమురం భీం తప్పించుకుకోగలిగారని మోడీ తెలియజేశారు. ప్రజల హృదయాల్లో, ముఖ్యంగా ఆదివాసీల మనస్సుల్లో కొమురం భీం సుస్థిరస్థానం సంపాదించారని, కొమురం భీం నుంచి యువత ఎంతో నేర్చుకోవాలని నరేంద్ర మోడీ సూచించారు.

లక్నో: ఉత్తర ప్రదేశ రాష్ట్రానికి చెందిన బిజెపి ఎంఎల్ఎ రెడ్‌ హ్యాండెడ్‌గా దొరికిపోయారు. యమునా నదిని బిజెపి సర్కార్ శుభ్రం చేసిందని బిజెపి ఎమ్మెల్యే రవి నేగి చూపించేందుకు ప్రయత్నించి బోల్తాపడ్డారు. ఓ ప్లాస్టిక్ బాటిల్‌లో నీళ్లు నింపుకొని ఇదిగోండి నీళ్లు ఎంతో శుభ్రంగా  ఉన్నాయని నమ్మించాడు. తీరా చూస్తే.. అప్పటికే వాటర్ బాటిల్‌లో శుభ్రమైన నీళ్లు ఉండటం వీడియోలోనే కనిపించడంతో సదరు ఎంఎల్ఎపై నెటిజన్లు కామెంట్లు చేస్తున్నారు. దీంతో బిజెపి ఎమ్మెల్యేపై తీవ్ర విమర్శలు వస్తున్నాయి. అసలు ఇంత నాటకం ఆడాల్సిన అవసరం ఎందుకు వచ్చిందని ప్రశ్నిస్తున్నారు. నిజంగానే యమునా నీళ్లు శుభ్రంగా ఉంటే అవి తాగి చూపించాలని నెటిజన్లు డిమాండ్ చేస్తున్నారు. అబద్దాలు ప్రచారం చేయడంతో బిజెపి మించిన వాళ్లు దేశంలో లేరని కామెంట్లు వస్తున్నాయి. సోషల్ మీడియాలో అబద్దాలకు మారుపేరు గోడీ మీడియా పునితన్ 3001 అనే నెటిజన్ చురకలంటించారు. ప్రజలను అబద్దాలతో ఎన్ని రోజులు మభ్య పెడుతారని  ప్రశ్నిస్తున్నారు. నకిలీ యుద్ధాలు, నకిలీ వాగ్దానాలు, నకిలీ ఆత్మగౌరవం, నిజమైనది వారి బడ్జెట్ మాత్రమేనని తంగో చార్టీ అనే నెటిజన్ కామెంట్ చేశాడు. ‘వాళ్ళు ప్రజలను మోసం చేస్తున్నామని అనుకుంటున్నారు. వాళ్ళ దగ్గర వాట్స్ యాప్ యూనివర్సిటీ ఉన్నంత వరకు భక్తులు మోసపోతారని నేను అనుకుంటున్నాను. ఎందుకంటే అది మోడీ భక్తుల ఆధిపత్యం ఉన్న మరొక సోషల్ మీడియా ప్రపంచం. ఎక్స్ లో చాలా మంది తెలివితక్కువవారు కాదు. నిజమైన తెలివితక్కువవారు ఇన్‌స్టా, వాట్సాప్‌లో ఉన్నారు’ అని కాస్మిచోస్ (@karmicoder) అనే నెటిజన్ కామెంటు చేశాడు. సదరు ఎంఎల్ఎ నిజంగా ఆ నదిని ప్రేమిస్తే, దాని నీరు శుభ్రంగా ఉందని ఎప్పుడూ చెప్పడు, అది మురికిగా ఉందని, దానిని శుభ్రం చేయాలని చెబుతారని ఎంఎన్ టి అగ్రి అనే నెటిజన్ సలహా ఇచ్చాడు. 

న్యూఢిల్లీ : దేశ వ్యాప్త ఎ న్నికల ఓటర్ల జాబితాల స వరణ(సర్)ను ఎన్నికల సంఘం వచ్చే వారం నుం చి ఆరంభించనుంది. వ చ్చే ఏడాది అసెంబ్లీ ఎన్నికలు జరిగే రాష్ట్రాలతో పా టు పది నుంచి 15 రాష్ట్రాలలో తొలుత సర్ ప్రక్రియ చేపడుతారు. ఈ విషయాన్ని అధికార వర్గాలు శనివారం తెలిపాయి. వచ్చే ఏడాది తమిళనాడు, పుదుచ్చేరి, కేరళ, పశ్చిమబెంగాల్ అసెంబ్లీ ఎన్నికలు జరుగుతాయి. ఈ రాష్ట్రాలలో ఓటర్ల జాబితాల సవరణ కీలకం కానుంది. ఇక ఎప్పటి నుంచి ఈ సవరణల ప్రక్రియ ఆరంభమవుతుందనేది ఎన్నికల సంఘం నవంబర్ తొలివారంలో ప్రకటిస్తారు. అయితే స్థానిక సంస్థల ఎన్నికలు జరిగే లేదా జరగాల్సిన చోట్ల సర్ నిర్వహించడం లేదు. మిగిలిన రాష్ట్రాలలోసర్ ఆ తరువాతి దశల్లో చేపడుతారు.

ఓటర్ల జాబితా సవరణల ద్వారా ఎన్నికలు పారదర్శకతతో నిర్వహించేందుకు దారి ఏర్పడుతుంది. ఈ క్రమంలో ఇప్పటికే ఎన్నికల సంఘం రెండు సార్లు రాష్ట్రాల ఇసిలతో సమావేశం జరిపింది. క్షేత్రస్థాయిలో సాధకబాధకాలను తెలుసుకుంది. సర్ విషయంలో వివాదాలకు తావులేకుండా రాజకీయ పార్టీలు, సంస్థలు , పౌరులు తమకు నిర్మాణాత్మక సహకారం అందించాలని ఎన్నికల సంఘం పిలుపు నిచ్చిం ది. ఇంతకు ముందటి ఓటర్ల జాబితాల తుది ఫైళ్లను ఎన్నికల సంఘం ఇప్పటికే వెబ్‌సైట్‌లో పొందుపర్చింది. వీటి ప్రాతిపదికననే ఓటర్ల జాబితాలో సవరణకు వీలేర్పడుతుందని అధికారులు తెలిపారు. బీహార్ సర్ ప్రక్రియపై రాజకీయ పార్టీల విమర్శల నేపథ్యంలో ఎన్నికల సంఘం ఇప్పుడు ఎటువంటి వివాదాలకు తావులేకుం డా చూసుకునేందుకు సిద్ధం అయింది. 

చెన్నై : కరూర్‌లో టివీకే పార్టీ ర్యాలీలో 41 మంది ప్రాణాలు కోల్పోయిన సంగతి తెలిసిందే. ఈ నేపథ్యంలో బాధిత కుటుంబాలను సోమవారం పార్టీ అధ్యక్షుడు విజయ్ కలుసుకోనున్నారు. చెన్నై సమీపంలోని రిసార్టులో వారిని పరామర్శించనున్నారు. దీనికోసం టీవీకే పార్టీ రిసార్టులో 50 గదులను బుక్‌చేసినట్టు పార్టీ వర్గాలు వెల్లడించాయి. బాధితుల ఇళ్లకు వెళ్లి పరామర్శించడానికి ప్రభుత్వం అనుమతించకపోవడంతో ఈ ఏర్పాట్లు చేసినట్టు పార్టీ పేర్కొంది. అక్కడకు వెళ్లడానికి బస్ బుక్ చేశారని, మాలో చాలామంది వెళ్తున్నామని బాధిత కుటుంబానికి చెందిన ఓ వ్యక్తి మీడియాకు వెల్లడించారు.

న్యూఢిల్లీ : నేషనల్ హెరాల్డ్ కేసులో ఈడీ దాఖలు చేసిన ఛార్జిషీట్‌పై విచారణ ఢిల్లీకోర్టు ఈనెల 30కి వాయిదా వేసింది. ఈడీ (ఎన్‌ఫోర్స్‌మెంట్ డైరెక్టరేట్ ) నుంచి కొన్ని వివరణలు కావలసి ఉన్నందున విచారణ వాయిదా వేసినట్టు స్పెషల్ జడ్జి విశాల్ గోగ్నే శనివారం వెల్లడించారు. నేషనల్ హెరాల్డ్ వార్తాపత్రికను ప్రచురించే అసోసియేటెడ్ జర్నల్స్ లిమిటెడ్‌కు చెందిన రూ. 2000 కోట్ల విలువైన ఆస్తులను మోసపూరితంగా స్వాదీనం చేసుకున్నారని కాంగ్రెస్ నేతలు సోనియాగాంధీ, రాహుల్ గాంధీ, దివంగత నేతలు మోతీలాల్ ఓరా, ఆస్కార్ ఫెర్నాండెజ్, సుమన్ దుబే, శ్యామ్ పిట్రోడా,యంగ్ ఇండియన్ అనే ప్రైవేట్ కంపెనీలపై ఆరోపిస్తూ ఈడీ ఛార్జిషీటు దాఖలు చేసింది.