జాతీయ వార్తలు,తాజా వార్తలు

పాట్నా : బీహార్‌లో మంగళవారం (నవంబరు 11)జరగనున్న రెండోదశ పోలింగ్‌కు సర్వం సిద్ధమైంది. మొదటి దశలో 121 స్థానాల్లో పోలింగ్ జరగ్గా, మిగతా 122 స్థానాలకు రెండవ, తుది దశ పోలింగ్ జరుగుతుంది. మొత్తం 45,399 పోలింగ్ కేంద్రాల్లో 40,173 గ్రామీణ ప్రాంతాల్లో ఉన్నాయి. 1302 మంది అభ్యర్థుల భవితవ్యాన్ని 3.7 కోట్ల ఓటర్లు నిర్ణయించనున్నారు. తూర్పు, పశ్చిమ చంపారన్ జిల్లాలు, సీతామర్హి, మధుబని,సుపౌల్, అరేరియా, కిషన్‌గంజ్ ఈ జిల్లాల నియోజకవర్గాల్లో ఇప్పుడు పోలింగ్ జరుగుతుంది. ఈ జిల్లాలన్నీ నేపాల్ సరిహద్దుకు ఆనుకుని ఉన్నాయి.

దాదాపు 4 లక్షల మంది పోలీసులు, పారా మిలిటరీ బలగాలు, ఇతర సిబ్బంది ఎన్నికల విధులు నిర్వహించనున్నారు. ఈ జిల్లాల్లో ఎక్కువ జిల్లాలు ముస్లిం జనాభా అత్యథికంగా ఉన్న సీమాంచల్ రీజియన్‌లో ఉన్నాయి. ఇటు ఎన్‌డిఎకు, అటు ఇండియా కూటమికి సవాలుగా నిలిచే పోరుగా మారాయి. ఇండియా కూటమి మైనార్టీ సమాజాల మద్దతుపై ఆధారపడగా, చొరబాటుదార్లను విపక్షకూటమి ప్రోత్సహిస్తోందని ఎన్‌డిఎ ప్రచారంలో ఆరోపించింది. రాష్ట్ర కేబినెట్‌లో సీనియర్ మంత్రి, జెడి(యు) నేత బిజేంద్ర ప్రసాద్ యాదవ్ తన సుపౌల్ స్థానాన్ని తిరిగి ఎనిమితోసారి దక్కించుకుని రికార్డు సాధించే ప్రయత్నంలో ఉన్నారు. ఆయన సహచర మంత్రి, బీజేపీ నేత ప్రేమ్‌కుమార్ , గయటౌన్ నుంచి 1990 నుంచి వరుసగా ఏడుసార్లు విజయం సాధిస్తూ వస్తున్నారు. ఈసారి కూడా తన అదృష్టాన్ని పరీక్షించుకోనున్నారు. మిగతా మంత్రుల్లో బీజేపీ కి చెందిన రేణుదేవి (బెట్టియా), నీరజ్‌కుమార్ సింగ్ “బబ్లు”(ఛాటపూర్), జెడి(యు)కు చెందిన లెషి సింగ్ (ధండహా) , షీలా మండల్ (ఫుల్‌పరస్), జమఖాన్ (’చైన్‌పూర్ ) పోటీలో ఉన్నారు. బీజేపీకి చెందిన మరో ప్రముఖ నేత , మాజీ డిప్యూటీ సిఎం టర్కిషోర్ ప్రసాద్, కథియార్ నుంచి ఐదో సారి కూడా తన స్థానాన్ని నిలబెట్టుకోవాలన్న ఆకాంక్షతో ఉన్నారు. కథియార్ జిల్లాల్లో బలరాంపూర్, కద్వా అసెంబ్లీ స్థానాలు ఉన్నాయి.

సిపిఐ (ఎంఎల్) లిబరేషన్ , కాంగ్రెస్ పార్టీలకు చెందిన మెహబూబ్ ఆలం, షకీల్ అహ్మద్ ఖాన్ క్రమంగా హాట్‌ట్రిక్ సాధించాలన్న పట్టుదలతో ఉన్నారు. ఈ రెండవ , తుది దశ పోలింగ్ మైనర్ ఎన్‌డిఎ భాగస్వాములైన హిందుస్థాన్ అవాం మోర్చా ( హెచ్‌ఎఎం) అధినేత , కేంద్ర మంత్రి జితన్ రామ్ మంఝీ, రాజ్యసభ ఎంపీ ఉపేంద్ర కుష్వాహా కు చెందిన రాష్ట్రీయ లోక్‌మోర్చాలకు అగ్నిపరీక్ష కానుంది. ఈ రెండు పార్టీలకు చెరో ఆరు స్థానాలున్నాయి. హెచ్‌ఎఎంకు చెందిన ఆరుస్థానాలు ఈ రెండోదశలో పోలింగ్‌కు సిద్ధం అయ్యాయి. వీటిలో నాలుగు ఇమంగంజి, బారాఛట్టి, టికారి, సికంద్ర స్థానాలకు సిటింగ్ ఎమెఎల్‌ఎలే పోటీలో ఉన్నారు. గత ఏడాది గయ లోక్‌సభ స్థానం నుంచి ఎన్నికైన వరకు మాంఝీ ఇమాంగంజి స్థానం నుంచే ప్రాతినిథ్యం వహించేవారు.

ఉప ఎన్నికలో ఈ స్థానం తిరిగి ఆయన కోడలు దీపాకు దక్కింది. బారాఛట్టి స్తానం నుంచి దీపా తల్లి జ్యోతిదేవి ప్రాతినిధ్యం వహిస్తున్నారు. రాష్ట్రీయ లోక్‌మార్చ్ అభ్యర్థులకు కుష్వాహా భార్యస్నేహలత, ఆయన విశ్వసనీయ సహచరుడు మాధవ్ ఆనంద్‌తోసహా ఎవరికీ రాష్ట్ర కేబినెట్‌లో రెండేళ్ల క్రితం వరకు ఎలాంటి చోటు దక్కలేదు. ససరాం, మధుబని నుంచి వారు అరంగేట్రం చేశారు. పార్టీ రంగం లోకి దింపిన ఆరుగురిలో నలుగురు రెండోదశలో పోటీలో ఉన్నారు. మరో ముఖ్యమైన అభ్యర్థి , రాష్ట్ర కాంగ్రెస్ అధ్యక్షుడు రాజేష్ కుమార్ , తన రిజర్వుడ్ కుటుంబ స్థానాన్ని వరుసగా రెండోసారి సాధించగలనన్న ఆశతో ఉన్నారు.

ఫిరాయింపుదారులు కూడా…

ఎన్నికల బరిలో పార్టీల ఫిరాయింపుదారులు కూడా ఉన్నారు. 2020లో ఆర్‌జెడి అభ్యర్థిగా గెలిచిన మొహనియా ఎంఎల్‌ఎ సంగీత కుమారి, ఇప్పుడు బీజేపీ టికెట్‌పై పోటీ చేస్తున్నారు. నవడా ఎంఎల్‌ఎల విభాదేవి ఇటీవలనే విపక్షం నుంచి బయటపడి జెడి (యు) లో చేరారు. మహాఘఠ్ బంధన్ ప్రభుత్వంలో కాంగ్రెస్ తరఫున మంత్రిగా పనిచేసిన మురారి గౌతమ్ గత ఏడాది నితీశ్ కుమార్ నాయకత్వంలో ఎన్‌డిఎ లో చేరారు. ఇప్పుడు తిరుగుబాటు అభ్యర్థిగా లోక్‌జనశక్తి పార్టీ అభ్యర్థిగా తన స్థానం చెనారి నుంచి పోటీ చేస్తున్నారు.

ఎన్నికల ముందు ఆర్‌జేడిలో చేరిన చాణక్యప్రసాద్ ఇప్పుడు విపక్ష పార్టీ చిహ్నంతో బెల్‌హర్ సీటు నుంచి పోటీ చేస్తున్నారు. మొత్తం ఓటర్లు 1.75 కోట్లలో సగానికి సగం మంది 30 నుంచి 60 ఏళ్ల లోపు వారు కాగా, 7.69 లక్షల మంది 18 నుంచి 19 ఏళ్ల గ్రూపు వారు. నవడా జిల్లా లోని హిసుయా స్థానంలో 3.67 లక్షల సంఖ్యలో భారీ ఎత్తున ఓటర్లు ఉన్నారు. లారియా, చనపాటియా,రక్సాయుల్,త్రివేణిగంజ్,సుగౌలి, బాణముఖి స్థానాల్లో ఒక్కొక్క స్తానం నుంచి 22 మంది అభ్యర్థులు పోటీలో ఉండడం విశేషం. మొదటిదశలో 121 నియోజకవర్గాల నుంచి 65 శాతం వరకు పోలింగ్ రికార్డు స్థాయిలో జరిగింది.  

న్యూఢిల్లీ: దేశ రాజధాని ఢిల్లీ భారీ పేలుడుతో ఉలిక్కి పడింది. సోమవారం సాయంత్రం ఎర్రకోట మెట్రో స్టేషన్ గేట్ నంబర్ 1 వద్ద పార్కింగ్ స్థలంలో నిలిపి ఉంచిన ఓ కారు ఒక్కసారిగా భారీ శబ్దంతో పేలడంతో 8మంది ప్రాణాలు కోల్పోయారు. 24మంది తీవ్రంగా గాయపడ్డారు. స్థానిక ఎల్‌ఎన్‌జేపీ ఆస్పత్రిలో వీరికి చికి త్స అందిస్తున్నారు. వీరిలో ముగ్గురి పరిస్థితి విషమంగా ఉన్నట్టు తెలుస్తోంది. పేలుడు ధాటికి మృతదేహాలు ఛిద్రమయ్యాయి. సా యంత్రం 6.55గంటల ప్రాంతంలో పేలుడు సమాచారం తమకు అందిందని అగ్నిమాపక శాఖ తెలియజేసింది. ఏడు ఫైరింజన్లు సంఘటన స్థలానికి చేరుకుని మంటలను అదుపులోకి తెచ్చాయి. పేలుడు ధాటికి ఆరు కార్లు, రెండు ఇ రిక్షాలు, ఒక ఆటో రిక్షా మంటల్లో దగ్ధమయ్యాయి. ఢిల్లీ పోలీసులు, క్లూస్ టీమ్ సంఘటన స్థలానికి చేరుకుని దర్యాప్తు చేపట్టాయి. మరోవైపు బాంబ్ స్కాడ్ ఆ ప్రాంతంలో క్షుణ్టంగా తనిఖీలు జరుపుతోంది.

ఆ ప్రాంతమంతా భీతావహ వాతావరణం నెలకొంది. ఎవరైనా రిమోట్ కంట్రోల్‌తో కారులో ఉన్న పేలుడు పదార్థాలను పేల్చి ఉంటారా? అని అనుమానిస్తున్నారు. ప్రతి సోమవారం ఢిల్లీ లోని పర్యాటక ప్రదేశాలకు, మార్కెట్లకు సెలవు కావడంతో ప్రమాదం తీవ్రత తక్కువగా ఉందని స్థానికులు చెబుతున్నారు. హర్యానా లోని ఫరీదాబాద్‌లో ఈ ఉదయం భారీ ఎత్తున పేలుడు సామగ్రి పట్టుబడగా, సాయంత్రమే ఢిల్లీ ఎర్రకోట సమీపంలో కారు పేలుడు సంఘటన జరగడంతో పోలీసులు భద్రతను మరింత కట్టుదిట్టం చేశారు. ఢిల్లీ, హర్యానా, ఉత్తరప్రదేశ్‌లను కలిపే అన్ని సరిహద్దు పాయింట్ల వద్ద నిఘా పెంచారు. దేశమంతటా హై అలర్ట్ చేశారు. కేంద్రహోం మంత్రి అమిత్‌షా, ఢిల్లీ పోలీస్ కమిషనర్‌తోపాటు, ఇంటెలిజెన్స్‌బ్యూరో డైరెక్టర్‌తో చర్చలు జరిపారు. ఢిల్లీ పేలుళ్లపై ఢిల్లీ పోలీస్ కమిషనర్ ఐపిఎస్ సతీష్ గోల్చా మీడియాతో మాట్లాడారు. ఎర్రకోట వద్ద రెడ్‌సిగ్నల్ వద్ద నెమ్మదిగా కదులుతున్న కారులో పేలుడు సంభవించిందని చెప్పారు. సాయంత్రం 6.52 గంటలకు పేలుడు జరిగిందని, ఆ సమయంలో కారులో ప్రయాణికులున్నారని పేర్కొన్నారు. ఈ సంఘటనకు సంబంధించి అనుమానితుడ్ని అదుపు లోకి తీసుకున్నామని, ప్రస్తుతం అతడిపై దర్యాప్తు చేస్తున్నామని చెప్పారు.

అన్ని కోణాల్లో సమగ్ర దర్యాప్తు: అమిత్‌షా

ఢిల్లీ ఎర్రకోట సమీపంలో సంభవించిన పేలుడుపై అన్ని కోణాల్లో సమగ్రంగా దర్యాప్తు నిర్వహిస్తామని కేంద్ర హోం మంత్రి అమిత్‌షా వెల్లడించారు. ఈ సంఘటనపై ఆయన మీడియాతో మాట్లాడారు. “ సాయంత్రం దాదాపు 7 గంటల ప్రాంతంలో ఎర్రకోట సమీపంలోని సుభాష్ మార్గ్ ట్రాఫిక్ సిగ్నల్ వద్ద ఓ కారులో పేలుడు సంభవించింది. ప్రాథమిక సమాచారం ప్రకారం ఈ సంఘటనలో కొంతమంది ప్రాణాలు కోల్పోయారు. పలువురు పాదచారులు గాయపడ్డారు. కొన్ని వాహనాలు దెబ్బతిన్నాయి. సమాచారం అందిన 10 నిమిషాల్లోనే ఢిల్లీ క్రైమ్ బ్రాంచ్, స్పెషల్ బ్రాంచ్ బృందాలు సంఘటన స్థలానికి చేరుకున్నాయి. ఎన్‌ఎస్‌జీ, ఎన్‌ఐఏ , ఫోరెన్సిక్ బృందాలు సమగ్ర దర్యాప్తు ప్రారంభించాయి. సమీపం లోని అన్ని సీసీటీవీ కెమెరాలను పరిశీలించాలని ఆదేశించాం. ఢిల్లీసీపీ, స్పెషల్ బ్రాంచ్ ఇన్‌ఛార్జితో మాట్లాడాను. వారు ప్రస్తుతం సంఘటన స్థలంలో పరిస్థితులను సమీక్షిస్తున్నారు. ఈ సంఘటనపై అన్ని కోణాల్లో సమగ్రదర్యాప్తు నిర్వహిస్తాం. వాస్తవాలను ప్రజల ముందు ఉంచుతాం” అని అమిత్ షా తెలిపారు. అనంతరం ఆయన ఘటనా స్థలికి వెళ్లి స్వయంగా పరిశీలించారు. ఆస్పత్రిలో క్షతగాత్రులను పరామర్శించారు.

ప్రధాని మోడీ ఆరా

ఎర్రకోట వద్ద జరిగిన భారీ పేలుడుపై ప్రధాని నరేంద్రమోడీ ఆరా తీశారు. కేంద్ర మంత్రి అమిత్‌షాకు ఫోన్ చేసి వివరాలు అడిగి తెలుసుకున్నారు. మరోవైపు కేంద్రమంత్రి అమిత్‌షా ఈ సంఘటనపై తీవ్ర ఆందోళన వ్యక్తం చేశారు. ఎప్పటికప్పుడు ఇంటెలిజెన్స్ బ్యూరో డైరెక్టర్‌ను వివరాలు అడిగి తెలుసుకుంటున్నారు.

తీవ్ర బాధాకరం: కాంగ్రెస్

ఢిల్లీలో పేలుడు సంఘటన తీవ్ర బాధాకరమని కాంగ్రెస్ పేర్కొంది. దీనిపై సమగ్రమైన వేగవంతమైన దర్యాప్తు చేయాలని డిమాండ్ చేసింది. మృతుల కుటుంబాలకు కాంగ్రెస్ సీనియర్ నేత పవన్ ఖేడా సంతాపం తెలిపారు. క్షతగాత్రులు వేగంగా కోలుకోవాలని ప్రార్థిస్తూ ఎక్స్‌లో పోస్టు పెట్టారు.

తక్షణమే దర్యాప్తు చేయాలి: ఆప్

పేలుడు జరిగి కొందరు మృతి చెందినట్టు వస్తున్న వార్తలు తీవ్ర ఆందోళన కలిగిస్తున్నాయని ఆప్ అధినేత కేజ్రీవాల్ ఎక్స్‌లో ఆవేదన వెలిబుచ్చారు. ఈ పేలుడు ఎలా జరిగిందో దీనివెనుక ఏదైనా కుట్ర ఉందా అనేదానిపై పోలీసులు , ప్రభుత్వం వెంటనే దర్యాప్తు చేయాలని కోరారు.

న్యూఢిల్లీ : కర్నాటకలో ముఖ్యమంత్రి మార్పుకు రంగం సిద్ధమైందా? డిప్యూటీ సిఎం డికె శివకుమార్ వరుస హస్తిన పర్యటనలు దేనికి సంకేతం. ఢిల్లీకి వస్తున్న ప్రస్తుత ముఖ్యమంత్రి సిద్ధరామయ్యకు హైకమాండ్ పెద్దలు అపాయింట్‌మెంట్ ఇవ్వకం పోవడం వెనక ఏం దాగుంది. ఇదంతా ఎలాంటి పరిణామాలకు తావివ్వబోతోందన్న చర్చ కర్నాటకలో మళ్లీ జోరందుకుంది. ఇదంతా నాయకత్వ మార్పు దిశగానే వెళ్తుందన్న ఊహాగానాలు వెల్లువెత్తుతున్నాయి. సిద్ధరామయ్య తమను కలిసేందుకు అధిష్టానంలోని ప్రముఖులు మొహం చాటేశారని జాతీయ మీడియా కథనాలు వెలువరించడం, ఈ నెలాఖరులో ఆ రాష్ట్ర రాజకీయాల్లో భారీ మార్పులు చోటుచేసుకోబోతున్నాయని కూడా ఆ కథనాలు వెల్లడిస్తున్నాయి.

ఒక పుస్తకావిష్కరణ కోసం సిద్ధరామయ్య ఢిల్లీ రావాల్సి ఉందని, అదే సమయంలో హై కమాండ్‌లోని కీలక నేతలను కలిసేందుకు అపాయింట్‌టమెంట్ కోరినట్లు తెలిసింది. అయితే దానికి వారు ససేమిరా అనడమే కాకుండా ఇప్పుడు అలాంటివేమీ వద్దని ఖరాఖండిగా చెప్పినట్లు సమాచారం. ఇక ఓటు చోరీ అంశంపై మాట్లాడేందుకు ఢిల్లీ వెళుతున్నట్లు తరచూ డికె శివకుమార్ చెబుతున్నప్పటికీ అవి నమ్మశక్యంగా లేవని రాజకీయ పరిశీలకులు అభిప్రాయపడుతున్నారు.

కర్నాటకలో కాంగ్రెస్ అధికారంలోకి వచ్చిన తర్వాత సిద్ధరామయ్య, డికె శివకుమార్ సీఎం పీఠం కోసం పోటీపడ్డారు. రెండు వర్గాలుగా విడిపోయి ఎవరి ప్రయత్నాలు వారు చేసుకున్నారు. అయితే చివరికి సీనియర్ అయిన సిద్ధరామయ్యవైపే అధిష్టానం మొగ్గు చూపింది. డికె శివకుమార్‌ను బుజ్జగిస్తూనే ముఖ్యమంత్రి పదవిని చెరో రెండున్నరేళ్లు పంపకాలు చేసినట్లు, తదనుగుణంగా ఒప్పందం కుదర్చినట్లు అప్పట్లో వార్తలు వెలువడ్డాయి. ఇప్పుడు ఆ సమయం రావడంతో మళ్లీ సిఎం మార్పు అంశం తెరపైకి వచ్చింది. 

న్యూఢిల్లీ: ఢిల్లీ ఎర్రకోట సమీపంలో సంభవించిన పేలుడుపై అన్ని కోణాల్లో సమగ్రంగా దర్యాప్తు నిర్వహిస్తామని కేంద్ర హోం మంత్రి అమిత్‌షా వెల్లడించారు. ఈ సంఘటనపై ఆయన మీడియాతో మాట్లాడారు. “సాయంత్రం దాదాపు 7 గంటల ప్రాంతంలో ఎర్రకోట సమీపంలోని సుభాష్ మార్గ్ ట్రాఫిక్ సిగ్నల్ వద్ద ఓ కారులో పేలుడు సంభవించింది. ప్రాథమిక సమాచారం ప్రకారం ఈ సంఘటనలో కొంతమంది ప్రాణాలు కోల్పోయారు. పలువురు పాదచారులు గాయపడ్డారు. కొన్ని వాహనాలు దెబ్బతిన్నాయి.

సమాచారం అందిన 10 నిమిషాల్లోనే ఢిల్లీ క్రైమ్ బ్రాంచ్, స్పెషల్ బ్రాంచ్ బృందాలు సంఘటన స్థలానికి చేరుకున్నాయి. ఎన్‌ఎస్‌జీ, ఎన్‌ఐఏ , ఫోరెన్సిక్ బృందాలు సమగ్ర దర్యాప్తు ప్రారంభించాయి. సమీపం లోని అన్ని సీసీటీవీ కెమెరాలను పరిశీలించాలని ఆదేశించాం. ఢిల్లీసీపీ, స్పెషల్ బ్రాంచ్ ఇన్‌ఛార్జితో మాట్లాడాను. వారు ప్రస్తుతం సంఘటన స్థలంలో పరిస్థితులను సమీక్షిస్తున్నారు. ఈ సంఘటనపై అన్ని కోణాల్లో సమగ్రదర్యాప్తు నిర్వహిస్తాం. వాస్తవాలను ప్రజల ముందు ఉంచుతాం” అని అమిత్ షా తెలిపారు.

న్యూఢిల్లీ : హర్యానా పోలీసులతో కలిసి జమ్ముకశ్మీర్ పోలీసులు నిర్వహించిన సంయుక్త ఆపరేషన్‌లో అంతర్రాష్ట్ర, అంతర్జాతీయ ఉగ్రమూకల గుట్టు రట్టయింది. నిషేధిత జైషే మహమ్మద్, అన్సార్ ఘజ్‌వత్‌ఉల్‌హింద్ ఉగ్రవాద సంస్థలతో అత్యంత సబంధం ఉన్న ఎనిమిది మందిని అరెస్ట్ చేశారు. వీరిలో ముగ్గురు వైద్యులు కూడా ఉన్నారు. వీరి నుంచి భారీ ఎత్తున ఆయుధాలు, మందుగుండు సామగ్రి, 2900 కిలోల ఐఈడీ తయారీ పదార్థాలను స్వాధీనం చేసుకున్నారు. అరెస్టయిన వైద్యుల్లో జమ్ముకశ్మీర్ లోని కుల్గాంకు చెందిన డాక్టర్ ఆదిల్, పుల్వామాకు చెందిన డాక్టర్ ముజమ్మిల్ అహ్మద్, లఖ్‌నవూకు చెందిన మహిళా డాక్టర్ షాహీన్ ఉన్నారు. షహీన్ లక్నో లోని లాల్‌బాగ్‌కు చెందినది. ఆమెకు చెందిన కారును డాక్టర్ ముజమ్మిల్ వినియోగిస్తున్నట్టు తేలింది. ఆ కారు నుంచి రైఫిల్, తూటాలు పట్టుబడ్డాయి.

హర్యానాలోని ఫరీదాబాద్‌లో డాక్టర్ ముజమ్మిల్ అహ్మద్ అల్ ఫలాహ్ యూనివర్శిటీ టీచర్‌గా పనిచేస్తున్నాడు. ఢిల్లీకి 45 కిమీ దూరంలో హర్యానా లోని ధోజ్‌లో ఈ యూనివర్శిటీ ఉంది. ప్రైవేట్‌గా నడుపుతున్న ఈ యూనివర్శిటీకి యూనివర్శిటీ గ్రాంట్స్ కమిషన్ గుర్తింపు ఉంది. ముజమ్మిల్ అహ్మద్ అద్దె నివాసంపై ఆదివారం రాత్రి దాడి చేసి భారీ ఎత్తున పేలుడు పదార్ధాలు, ఆయుధాలు స్వాధీనం చేసుకున్నారు. శ్రీనగర్‌లో జేషే మహమ్మద్ పోస్టర్లు వేసిన కేసులో కూడా ముజమ్మిల్ వాంటెడ్‌గా ఉన్నాడు. ఆయన నుంచి 360 కిలోల పేలుడు పదార్థాలు స్వాధీనం చేసుకున్నట్టు ఫరీదాబాద్ పోలీస్ కమీషనర్ సతేందర్ గుప్తా వెల్లడించారు. అది ఆర్‌డిఎక్స్ కాదని, కానీ అమోనియం నైట్రేట్ కావచ్చని చెప్పారు.

ఇవి కాక ఉగ్రవాద కార్యకలాపాలకు వినియోగించడానికి 20 టైమర్లు, బ్యాటరీలతో నాలుగు టైమర్లు, ఐదు కిలోల మెటల్, వాకీ టాకీ సెట్, బ్యాటరీలు, రైఫిల్, మూడు మ్యాగజైన్లు, మరో 83 తూటాలు, 8 తూటాలతో ఉన్న పిస్టోలు, రెండు ఖాళీతూటాలు, స్వాధీనం అయ్యాయన్నారు. 8 పెద్ద సూట్‌కేసులు, నాలుగు చిన్న సూట్‌కేసులు, బకెట్ ధౌజ్ లోని ఆయన గది నుంచి స్వాధీనం చేసుకున్నామని తెలిపారు. డాక్టర్ ముజమ్మిల్ ఫరీదాబాద్‌లో అరెస్టు కాగా, మరో నిందితుడు ఉత్తర ప్రదేశ్ లోని సహరాన్‌పూర్ నుంచి జమ్ముకశ్మీర్ పోలీసులు అరెస్టు చేశారని కమిషనర్ గుప్తా వెల్లడించారు.

జమ్ము కశ్మీర్ పోలీస్ అధికార ప్రతినిధి వివరాల ప్రకారం అక్టోబర్ 19న శ్రీనగర్ లోని బన్‌పొరా నౌగామ్ ప్రాంతంలో పోలీసులు, భద్రతా బలగాలను లక్షం చేసుకుని జైషే మహమ్మద్ పోస్టర్లు వెలిశాయి. దర్యాప్తులో ఉగ్రవాద భావజాలం కలిగిన విద్యార్థులు, ప్రొఫెసర్‌తోకూడిన ఓ ఉగ్రవ్యవస్థ వెలుగు చూసింది. పాకిస్థాన్ తదితర దేశాల నుంచి పనిచేసే ఉగ్రమూకలతో వీరికి సంబంధాలు ఉన్నాయి. సామాజిక, ధార్మిక కార్యక్రమాల ముసుగులో వీరు నిధులు సేకరించడం, తీవ్ర వాద భావజాలాన్ని పేరేపించడం, ఉగ్రవాద సంస్థల్లో చేర్పించడం తదితర కార్యకలాపాలు సాగిస్తున్నారని బయటపడింది. భద్రతా దళాలు మరికొందరిని అరెస్టు చేసే అవకాశం కనిపిస్తోంది. ఆయుధాలను, పేలుడు పదార్థాలను స్మగ్లింగ్ చేయడం ఈ ముఠా చర్యల్లో భాగంగా ఉంటోంది. ఆయుధాల చట్టం లోని సెక్షన్లు 7,25 కింద, చట్టవిరుధ్ధ కార్యకలాపాల నివారణ ఉపా చట్టం కింద వీరిపై కేసులు నమోదు చేసి దర్యాప్తు కొనసాగిస్తున్నారు. 

ఎర్రకోట వద్ద జరిగిన భారీ పేలుడుపై ప్రధాని నరేంద్రమోడీ ఆరా తీశారు. కేంద్ర మంత్రి అమిత్‌షాకు ఫోన్ చేసి వివరాలు అడిగి తెలుసుకున్నారు. మరోవైపు కేంద్రమంత్రి అమిత్‌షా ఈ సంఘటనపై తీవ్ర ఆందోళన వ్యక్తం చేశారు. ఎప్పటికప్పుడు ఇంటెలిజెన్స్ బ్యూరో డైరెక్టర్‌ను వివరాలు అడిగి తెలుసుకుంటున్నారు. 

దేశ రాజధాని ఢిల్లీలో జరిగిన భారీ పేలుడుతో దేశవ్యాప్తంగా హైఅలర్ట్‌ ప్రకటించారు. హైదరాబాద్‌ తోపాటు దేశంలోని ముంబై, చెన్నై, బెంగళూరు, కోల్ కతా వంటి ప్రధాన నగరాల్లో కేంద్రహోంశాఖ అధికారులను అప్రమత్తం చేసింది. దీంతో హైదరాబాద్ లో పోలీసులు భద్రత కట్టుదిట్టం చేశారు. రద్దీ ప్రదేశాల్లో విస్తృత తనిఖీలు చేస్తున్నారు. అనుమానాస్పదంగా వ్యక్తులు, వస్తువులు కనిపిస్తే డయల్ 100కి సమాచారం ఇవ్వాలని నగర సిపి సజ్జనార్… ప్రజలకు సూచించారు. 

కాగా, ఢిల్లీలోని ఎర్రకోట దగ్గర జరిగిన పేలుడు ఘటనలో 8 మంది మృతి చెందారు. మరికొంతమంది తీవ్రంగా గాయపడ్డారు. సమాచారం అందుకున్న అగ్నిమాపక సిబ్బంది ఘటనాస్థలానికి చేరుకుని  8 ఫైరింజన్లతో మంటలను అదుపు చేశారు. తర్వాత NIA, NSG టీమ్స్‌ ప్రమాదస్థలానికి చేరుకుని పరిశీలించారు. గాయపడిన వారిని ఆస్పత్రికి తరలించి చికిత్స అందిస్తున్నారు. ఇందులో ముగ్గురి పరిస్థితి విషమంగా ఉన్నట్లు తెలుస్తోంది. ఎర్రకోట మెట్రో స్టేషన్ సమీపంలోని ట్రాఫిక్ సిగ్నల్ వద్ద ఆగిన కారులో పేలుడు సంభవించినట్లు ఢిల్లీ పోలీస్‌ కమిషనర్‌ వెల్లడించారు. ఈ ఘటనపై ప్రధాని మోడీతోపాటు హోంశాఖ మంత్రి అమిత్ షాలు ఆరా తీస్తున్నారు.

హర్యానా పోలీసులతో కలిసి జమ్ముకశ్మీర్ పోలీసులు నిర్వహించిన సంయుక్త ఆపరేషన్‌లో అంతర్రాష్ట్ర, అంతర్జాతీయ ఉగ్రమూకల గుట్టు రట్టయింది. నిషేధిత జైషే మహమ్మద్, అన్సార్ ఘజ్‌వత్‌ఉల్‌హింద్ ఉగ్రవాద సంస్థలతో అత్యంత సబంధం ఉన్న ఎనిమిది మందిని అరెస్ట్ చేశారు. వీరిలో ముగ్గురు వైద్యులు కూడా ఉన్నారు. వీరి నుంచి భారీ ఎత్తున ఆయుధాలు, మందుగుండు సామగ్రి, 2900 కిలోల ఐఈడీ తయారీ పదార్థాలను స్వాధీనం చేసుకున్నారు. అరెస్టయిన వైద్యుల్లో జమ్ముకశ్మీర్ లోని కుల్గాంకు చెందిన డాక్టర్ ఆదిల్, పుల్వామాకు చెందిన డాక్టర్ ముజమ్మిల్ అహ్మద్, లఖ్‌నవూకు చెందిన మహిళా డాక్టర్ షాహీన్ ఉన్నారు. షహీన్ లక్నో లోని లాల్‌బాగ్‌కు చెందినది. ఆమెకు చెందిన కారును డాక్టర్ ముజమ్మిల్ వినియోగిస్తున్నట్టు తేలింది. ఆ కారు నుంచి రైఫిల్, తూటాలు పట్టుబడ్డాయి. హర్యానా లోని ఫరీదాబాద్‌లో డాక్టర్ ముజమ్మిల్ అహ్మద్ అల్ ఫలాహ్ యూనివర్శిటీ టీచర్‌గా పనిచేస్తున్నాడు. ఢిల్లీకి 45 కిమీ దూరంలో హర్యానా లోని ధోజ్‌లో ఈ యూనివర్శిటీ ఉంది.

ప్రైవేట్‌గా నడుపుతున్న ఈ యూనివర్శిటీకి యూనివర్శిటీ గ్రాంట్స్ కమిషన్ గుర్తింపు ఉంది. ముజమ్మిల్ అహ్మద్ అద్దె నివాసంపై ఆదివారం రాత్రి దాడి చేసి భారీ ఎత్తున పేలుడు పదార్ధాలు, ఆయుధాలు స్వాధీనం చేసుకున్నారు. శ్రీనగర్‌లో జేషే మహమ్మద్ పోస్టర్లు వేసిన కేసులో కూడా ముజమ్మిల్ వాంటెడ్‌గా ఉన్నాడు. ఆయన నుంచి 360 కిలోల పేలుడు పదార్థాలు స్వాధీనం చేసుకున్నట్టు ఫరీదాబాద్ పోలీస్ కమీషనర్ సతేందర్ గుప్తా వెల్లడించారు. అది ఆర్‌డిఎక్స్ కాదని, కానీ అమోనియం నైట్రేట్ కావచ్చని చెప్పారు. ఇవి కాక ఉగ్రవాద కార్యకలాపాలకు వినియోగించడానికి 20 టైమర్లు, బ్యాటరీలతో నాలుగు టైమర్లు, ఐదు కిలోల మెటల్, వాకీ టాకీ సెట్, బ్యాటరీలు, రైఫిల్, మూడు మ్యాగజైన్లు, మరో 83 తూటాలు, 8 తూటాలతో ఉన్న పిస్టోలు, రెండు ఖాళీతూటాలు, స్వాధీనం అయ్యాయన్నారు. 8 పెద్ద సూట్‌కేసులు, నాలుగు చిన్న సూట్‌కేసులు, బకెట్ ధౌజ్ లోని ఆయన గది నుంచి స్వాధీనం చేసుకున్నామని తెలిపారు. డాక్టర్ ముజమ్మిల్ ఫరీదాబాద్‌లో అరెస్టు కాగా, మరో నిందితుడు ఉత్తర ప్రదేశ్ లోని సహరాన్‌పూర్ నుంచి జమ్ముకశ్మీర్ పోలీసులు అరెస్టు చేశారని కమిషనర్ గుప్తా వెల్లడించారు. జమ్ము కశ్మీర్ పోలీస్ అధికార ప్రతిని ధి వివరాల ప్రకారం అక్టోబర్ 19న శ్రీనగర్ లోని బన్‌పొరా నౌగామ్ ప్రాంతంలో పోలీసులు, భద్రతా బలగాలను లక్షం చేసుకుని జైషే మహమ్మద్ పోస్టర్లు వెలిశాయి. దర్యాప్తులో ఉగ్రవాద భావజాలం కలిగిన విద్యార్థులు, ప్రొఫెసర్‌తోకూడిన ఓ ఉగ్రవ్యవస్థ వెలుగు చూసింది. పాకిస్థాన్ తదితర దేశాల నుంచి పనిచేసే ఉగ్రమూకలతో వీరికి సంబంధాలు ఉన్నాయి. సామాజిక, ధార్మిక కార్యక్రమాల ముసుగులో వీరు నిధులు సేకరించడం, తీవ్ర వాద భావజాలాన్ని పేరేపించడం, ఉగ్రవాద సంస్థల్లో చేర్పించడం తదితర కార్యకలాపాలు సాగిస్తున్నారని బయటపడింది. భద్రతా దళాలు మరికొందరిని అరెస్టు చేసే అవకాశం కనిపిస్తోంది. ఆయుధాలను, పేలుడు పదార్థాలను స్మగ్లింగ్ చేయడం ఈ ముఠా చర్యల్లో భాగంగా ఉంటోంది. ఆయుధాల చట్టం లోని సెక్షన్లు 7,25 కింద, చట్టవిరుధ్ధ కార్యకలాపాల నివారణ ఉపా చట్టం కింద వీరిపై కేసులు నమోదు చేసి దర్యాప్తు కొనసాగిస్తున్నారు. 

చంద్రుని ధ్రువ ప్రాంతాలను మరింత లోతుగా అధ్యయనం చేయడానికి చంద్రయాన్2 లూనార్ ఆర్బిటర్ నుంచి అత్యంత ఆధునిక డేటాను సేకరించినట్టు ఇస్రో శనివారం వెల్లడించింది. చంద్రుని ధ్రువ ప్రాంతాల ఉపరితలంపైని భౌతిక, విద్యుద్వాహక ప్రమాణాల లక్షణాలను సమగ్రంగా అధ్యయనం చేయడానికి వీలవుతుందని పేర్కొంది. చంద్రునిపై భవిష్యత్‌లో చేపట్టబోయే ప్రయోగాలకు ఈ డేటా ఉపయోగపడుతుందని వివరించింది. 2019 నుంచి చంద్రుని కక్షలో చంద్రయాన్ 2 ఆర్బిటర్ పరిభ్రమిస్తోందని, అత్యంత నాణ్యమైన డేటాను సేకరించిందని ఇస్రో పేర్కొంది. చంద్రయాన్ 2 ప్రయోగించిన దగ్గర నుంచి ఇప్పటివరకు దాదాపు 1400 రాడార్ డేటా సెట్ల సమాచారం గ్రహించడమైందని, ఉత్తర, దక్షిణ ధ్రువాల 8ం నుంచి 90 డిగ్రీల అక్షాంశాల్లో ధ్రువ మాపక నమూనా సృష్టించడానికి ఈ డేటా ఉపయోగపడుతుందని ఇస్రో వివరించింది.