ఆంధ్రప్రదేశ్ వార్తలు,తాజా వార్తలు

మన తెలంగాణ/హైదరాబాద్: వైసీపీ అధినేత, ఏపీ మాజీ సీఎం వైఎస్ జగన్మోహన్ రెడ్డి గురువా రం సీబీఐ స్పెషల్ కోర్టుకు విచారణ నిమిత్తం హా జరయ్యారు. ముందుగా గన్నవరం ఎయిర్‌పోర్టు నుంచి ప్రత్యేక విమానంలో బేగంపేట ఎయిర్‌పోర్టుకు వచ్చిన ఆయన నేరుగా అక్కడి నుంచి నాం పల్లిలోని సిబిఐ కోర్టుకు చేరుకున్నారు. ఈ కేసు లో 2013 సెప్టెంబరు నుంచి జగన్ మధ్యంతర బెయిల్‌పై ఉన్న విషయం తెలిసిందే. కోర్టుకు వ్యక్తిగత హాజరు నుంచి తనకు మినహాయింపు ఇవ్వాలని జగన్ మోహన్‌రెడ్డి చేసిన అభ్యర్థనను సీబీఐ తీవ్రంగా వ్యతిరేకించింది. ఆరేళ్లుగా జగన్ కోర్టు కు ప్రత్యక్షంగాహాజరవడం లేదని, ఈ కేసుల్లో డిశ్చార్జ్ పిటిషన్లపై రోజువారీ విచారణ జరుగుతున్నందున ప్రత్యక్షంగా హాజరవ్వాలని సీబీఐ స్పష్టం చేసింది. ఈ పరిణామం నేపథ్యంలోనే శుక్రవారం లోపు వ్యక్తిగతంగా హాజరవ్వాలని జగన్ను

కోర్టు ఆదేశించడంతో ఆయన గురువారం విచారణకు హాజరయ్యారు. కోర్టు ప్రాంగణంలోకి వెళ్లిన తర్వాత జగన్ తొలుత వెయిటింగ్ గదిలోకి వెళ్లారు. విచారణ ప్రారంభం కాగానే, కోర్టు సిబ్బంది ఏ1 వైఎస్ జగన్మోహన్ రెడ్డి అని పిలిచిన వెంటనే ఆయన కోర్టు హాల్లోకి ప్రవేశించి న్యాయమూర్తికి నమస్కరించారు. అనంతరం, న్యాయమూర్తి సూచన మేరకు హాజరు పట్టికలో సంతకం చేశారు. ఈ ప్రక్రియ ముగిసిన వెంటనే జగన్‌ను కోర్టు నుంచి వెళ్లేందుకు జడ్జి అనుమతించారు. విచారణ సందర్భంగా జగన్ ను జడ్జి ఎలాంటి ప్రశ్నలు అడగలేదు. కేవలం ఆయన హాజరును మాత్రమే జడ్జి పరిగణనలోకి తీసుకుని, సంతకం చేయించుకుని పంపించి వేశారు. రాబోయే రోజుల్లో పిటిషన్లపై విచారణ జరగనుంది. అనంతరం ఆయన లోటస్‌పాండ్ లోని తన నివాసానికి చేరుకున్న కాసేపు ఉన్న అనంతరం తిరిగి బేగంపేట విమానాశ్రయం నుంచి ప్రత్యేక విమానంలో బెంగుళూరు బయలుదేరి వెళ్లారు.

తరలి వచ్చిన వైసీపీ కార్యకర్తలు

ఈ సందర్భంగా వైసీపీ కార్యకర్తలు, జగన్ అభిమానులు బేగంపేట ఎయిర్ పోర్ట్ వద్ద, నాంపల్లి సీబీఐ కోర్టు సమీపంలో హల్ చల్ చేశారు. వైసీపీ జెండాలు, ప్లకార్డులు ప్రదర్శిస్తూ జగన్ మోహన్‌రెడ్డికి అనుకూలంగా నినాదాలు చేశారు. ‘2029లో రప్ప రప్పా’ అంటూ జగన్ అభిమానులు నినాదాలు చేశారు. బేగంపేట ఎయిర్‌పోర్టు వద్దకు భారీ సంఖ్యలో వైసీపీ కార్యకర్తలు రావడంతో పోలీసులు భారీ భద్రత ఏర్పాటు చేశారు. ఎయిర్‌పోర్టు లోపలికి చొచ్చుకెళ్లే ప్రయత్నం చేసిన కార్యకర్తలను పోలీసులు అడ్డుకున్నారు. దీంతో పోలీసులకు, కార్యకర్తలకు మధ్య వాగ్వాదం చోటుచేసుకుంది. అలాగే నాంపల్లి కోర్టు సమీపంలో కేసు విచారణకు వచ్చిన జగన్ కోసం వైసీపీ కార్యకర్తలు పెద్ద సంఖ్యలో నాంపల్లి సీబీఐ కోర్టు వద్దకు చేరుకున్నారు. రోడ్డుపై గుంపులుగా చేరి నినాదాలు చేశారు. ‘2029లో రప్పా రప్పా’ అంటూ రాసి ఉన్న బ్యానర్లను ప్రదర్శించారు. దీంతో ఆ మార్గంలో వాహనాల రాకపోకలకు తీవ్ర అంతరాయం కలిగింది.

నెల్లూరు లేడీ డాన్ అరుణ కు బెయిల్ మంజూరు అయింది. ఉద్యోగాల పేరుతో డబ్బులు వసూళ్లు చేసి కేసులో ఆమెను సూర్యారావుపేట పోలీసులు అరెస్ట్ చేసి రిమాండ్‌కు పంపిన విషయం తెలిసిందే. అయితే తనకు బెయిల్ మంజూరు చేయాలని విజయ వాడ కోర్టును అరుణ కోరారు. ఆమె పిటిషన్‌ను విచారించిన ధర్మాసనం బెయిల్ మంజూరు చేస్తూ ఆదేశాలు జారీ చేసింది. రూ.25 వేలు చొప్పున రెండు పూచీకత్తులు సమర్పించాలని సూచించింది. దీంతో ఆమె నెల్లూరు జైలులో జుడీషియర్ రిమాండ్ ఉన్నారు. ప్రస్తుతం బెయిల్ మంజూరు కావడంతో అరుణ జైలు నుంచి శుక్రవారం విడుదల కానున్నారు. కాగా నెల్లూరు జిల్లాకు చెందిన రౌడీషీటర్ శ్రీకాంత్ పెరోల్ విషయంలో అరుణ పేరు విపరీతంగా వినిపించింది. పలువురు అధికారులు, ప్రజాప్రతినిధుల సహకారంతో శ్రీకాంత్‌ను ఆమె జైలు నుంచి బయటకు తీసుకువచ్చారు. అంతేకాదు జగన్ ప్రభుత్వ హయాంలో పలువురిని బెదిరించినట్లు కూడా ఆరోపణలు వినిపించాయి. దీంతో అరుణ వ్యవహారం రాష్ట్ర వ్యాప్తంగా సంచలనంగా మారింది.

అమరావతి: ఏలూరు జిల్లా సూపర్ ఆక్వా ల్యాబ్ లో అగ్నిప్రమాదం జరిగింది. ల్యాబ్ లో వెల్డింగ్ పనులు చేస్తుండగా ఒక్కసారిగా మంటలు చెలరేగాయి. దట్టమైన పొగ కమ్ముకోవడంతో స్థానికులు భయాందోళన చెందారు. సమాచారం మేరకు అగ్ని మాపక సిబ్బంది, పోలీసులు ఘటనా స్థలానికి చేరుకున్నారు. ఫైర్ సిబ్బంది మంటలను ఆర్పే ప్రయత్నం చేశారు. పోలీసులు కేసు నమోదు చేసుకుని దర్యాప్తు చేస్తున్నారు. ఇంకా వివరాలు తెలియాల్సి ఉంది.

హైదరాబాద్: బంగాళాఖాతంలో అల్పపీడనం ఏర్పడడంతో తమిళనాడు, ఎపిలో భారీ వర్షాలు కురవనున్నాయి. లక్షద్వీప్‌ దీ­వుల సరిహద్దుల్లో ఉన్న మాల్దీవుల వరకు అల్పపీడనం విస్తరించి ఉందని వాతావరణ శాఖ అధికారులు వెల్లడించారు. ఉపరితల ఆవర్తనం సగటు సముద్ర మట్టానికి 5.8 కిలోమీటర్ల ఎత్తు వరకు విస్తరించి ఉండడంతో తమిళనాడులో వర్షాలు కురుస్తున్నాయి. తమిళనాడులోని మూడు జిల్లాలకు ఆరెంజ్‌ అలర్ట్, చెన్నై సహా ఏడు జిల్లాలకు ఎల్లో అలర్ట్ ప్రకటించారు. తిరునల్వేలిలో పలు ప్రాంతాలు నీట మునిగడంతో జలపాతాల సందర్శన నిలిపివేశారు. తామిర భరణి నది ఉధృతంగా ప్రవహిస్తుంది. దక్షిణ తమిళనాడుపై వరద ప్రభావం ఉంటుందని అధికారులు ప్రకటించారు. ఇది వచ్చే 24 గంటల్లో ఇది పశ్చిమ, వాయవ్య దిశగా నెమ్మదిగా కదులుతున్నట్ల వాతావరణ శాఖ వెల్లడించింది. వీటి ప్రభావంతో తెలంగాణ వ్యాప్తంగా అక్కడక్కడా తేలికపాటి జల్లులు కురిసే అవకాశం కూడా ఉంది. 

మన తెలంగాణ/హైదరాబాద్: ఆంధ్రప్రదేశ్ ఏజెన్సీలోని మారేడుమిల్లి అటవీ ప్రాంతంలో బుధవారం నక్సల్స్, పోలీసులకు మధ్య జరిగిన ఎదురుకాల్పుల్లో ఏడుగురు మావో యిస్టు పార్టీకి చెందిన నక్సల్స్ మరణించినట్టు ఆంధ్రప్రదేశ్ ఇంటెలిజెన్స్ అడిషనల్ డైరెక్టర్ జనరల్ మహేశ్ చంద్ర లడ్డా తెలిపారు. మృతుల్లో నలుగురు పురుషులు, ము గ్గురు మహిళలు ఉండగా, వీరిలో కీలక నేత మెట్టూరి జోగారావు అలియాస్ ‘టెక్ శంకర్’గా ఉన్నట్టు ఆయన మీడియాకు వివరించారు. జోగా రావు శ్రీకాకుళం ప్రాంతానికి చెందిన వ్యక్తి కా గా మిగతా వారు చత్తీస్‌గఢ్‌కు చెందినవారని తెలిపారు. మృ తులలో సీత అలియాస్ జ్యోతి, సురేశ్, గణేష్, వాసు, అని త, షమ్మీగా గుర్తించినట్టు తెలిపా రు. మృతదేహాలను రంపచోడవరం ఏరియా ఆసుపత్రికి తరలించామన్నారు. ఛత్తీస్‌గఢ్‌లో కొంతకాలంగా నక్సల్స్ కార్యకలాపాల అణచివే త పె రుగుతుండటంతో వారంతా అక్కడి నుంచి ఆంధ్రప్రదేశ్‌లో తలదాచుకునేందుకు ప్రయత్నం చేస్తున్నారని మహేశ్ చం ద్ర లడ్డా తెలిపారు. దీంతో వారి కదలికలపై నిఘా వర్గాలు ప్రత్యేక దృష్టి పెట్టినట్లు వెల్లడించారు. ఈ నెల 17న కీలకమైన ఆపరేషన్ చేపట్టగా, మంగళవారం మారేడుమిల్లిలో జరిగిన ఎదురుకాల్పుల్లో హిడ్మాతో సహా ఆరుగురు మృతి చెందిన విషయం తెలిసిందే.

ఈ క్రమంలో ఎన్టీఆర్ కృషా జిల్లా, కాకినాడ, కోనసీమ, ఏలూరు జిల్లాల్లో మంగళవారం 50 మం ది మావోయి స్టులను అదుపులోకి తీసుకుని అరెస్ట్ చేశామన్నారు. వా రి వద్ద నుంచి 45 ఆయుధాలు, 272 రౌండ్ల బుల్లెట్లు, 2 మేగజైన్లు, 750 గ్రాముల వైర్, ఇతర సామగ్రిని స్వాధీనం చేసుకున్నామని, కచ్చితమైన ప్రణాళికతో ఆపరేషన్ జరిగిందని, ఇందులో పాల్గొన్న ప్రతి ఒక్కరినీ అభినందిస్తున్నట్టు తెలిపారు. తమ ఇంటిలిజెన్స్ విభాగం చాలా బాగా పని చేసిందని ప్రశంసించారు. ఇటీవల కొంతమంది మావోయిస్టు నక్సల్స్ తెలంగాణలో లొంగిపోయారని ఈ నేపథ్యంలో అప్రమత్తం అయిన మావోయిస్టులు తలదాచుకునేందుకు ఏపీలోని పలు ప్రాంతాలను ఎంచుకున్నారని, అయితే తమకు లభించిన పక్కా సమాచారంతో ఆపరేషన్ చేపట్టిన్నట్టు తెలిపారు. ఈ మధ్య కాలంలో మావోయిస్టులు ఛత్తీస్‌గఢ్ నుంచి ఆంధ్రప్రదేశ్‌లోకి ప్రవేశించడానికి ప్రయత్నాలు చేస్తున్నారని వారి కదలి కలపై నిఘా వర్గాలు ప్రత్యేక దృష్టి పెట్టాయని చెప్పారు. ఆపరేషన్ కగార్ కొనసాగుతున్న క్రమంలో మావోయిస్టు నక్సల్స్ ఛత్తీస్ గఢ్ అటవీ ప్రాంతాన్ని వదిలి ఎపికి మకాం మార్చే ప్రయత్నం చేస్తున్నారు. దీంతో అల్లూరి సీతారామరాజు జిల్లాతో సహా ఇతర ఏజెన్సీ జిల్లాల్లో మావోయిస్టుల కదలకలపై నిఘా పెట్టినట్లు వెల్లడించారు.

ఎదురు కాల్పుల్లోనే హిడ్మా మృతి

జర్నలిస్టులకు హిడ్మా లేఖ రాసిన విషయం తమకు తెలియదని లడ్డా తెలిపారు. హిడ్మా ఎదురు కాల్పుల్లోనే లోనే మృతి చెందారని ఆయన స్పష్టం చేశారు. ఆయనను పట్టుకు న్నాక చంపారనే ప్రచారంలో వాస్తవం లేదన్నారు. మావోయిస్టు రహిత ఆంధ్రప్రదేశ్ కోసం కృషి చేస్తున్నామని తెలిపారు. మావోయిస్టుల ప్లాన్ ఏమిటో, కానూరులో ఎందుకున్నారో దర్యాప్తు చేస్తున్నామన్నారు. త్వరలో చాలా మంది లొంగి పోతారని వెల్లడించారు. అరెస్టుల వల్ల భయపడా ల్సిన అవసరం లేదన్నారు. ఛత్తీస్‌గఢ్‌లో చాలా చోట్ల దాడులు జరుగుతున్నాయన్నారు. దీంతో అక్కడ్నించీ ఇతర ప్రాంతాలకు మావోయిస్టులు వెళ్తున్నారన్నారు. ఈ క్రమంలో పట్టుబడుతున్నారని ఎడిజి మహేష్ చంద్ర లడ్డా వెల్లడించారు.

ఏలూరు గ్రీన్ సిటీలో పట్టుబడిన 15 మంది మావోయిస్టులకు రిమాండ్

ఏలూరు గ్రీన్ సిటీ లో పట్టుబడిన 15 మంది మావోయిస్టులకు కోర్టు రిమాండ్ విధించింది. ‘ఆపరేషన్ కగార్’లో భాగంగా కేంద్ర బలగాలు విజ యవాడలో 32 మంది, ఏలూరులో 12 మంది, కాకినాడలో ఇద్దరు మావోయిస్టులను అరెస్ట్ చేసిన విషయం తెలిసిందే. అయితే ఏలూరు గ్రీన్ సిటీలో పట్టుబడిన 15 మందికి వైద్య పరీక్షలు నిర్వహించి బుధవారం ఏలూరు కోర్టులో ప్రవేశ పెట్టారు. దీంతో వారికి ధర్మాసనం 14 రోజుల పాటు రిమాండ్ విధించింది. అలాగే వారిని రాజమండ్రి సెంట్రల్ జైలుకు తరలించాలని ఆదేశించింది. విజయవాడలో పట్టుబడిన 24 మంది మావోయిస్టులను రిమాండ్ నిమిత్తం రాజమండ్రి జైలుకు తరలించాలని కోర్టు ఆదేశించింది. అలాగే మరో నలుగురు మావోయి స్టులకు వయోపరిమితి నిర్ధారించాలని ఆదేశించింది.

న్యాయ విచారణ జరపాల్సిందే : సిపిఎం డిమాండ్

అల్లూరి సీతారామరాజు జిల్లా మారేడుమిల్లి ఏజెన్సీలో మంగళ, బుధవారం జరిగిన వరుస ఎన్‌కౌంటర్లపై న్యాయ విచారణ జరపాలని సిపిఎం ఏపి రాష్ట్ర కార్యదర్శి శ్రీనివాసరావు డిమాండ్ చేశారు. బుధవారం మీడియాతో మాట్లాడుతూ మావోయిస్టులను ముందుగానే నిర్బంధించి, అరెస్టు చేసి కోర్టు ముందు ఉంచే అవకాశం ఉన్నప్పటికీ పోలీసులు అన్యాయంగా బూటకపు ఎన్‌కౌంటర్ చేశారని వార్తలు వచ్చాయన్నారు. చట్ట విరుద్ధమైన బూటకపు ఎన్‌కౌంటర్లను సిపిఎం ఖండిస్తుందని తెలిపారు. విజయవాడ, ఏలూరు, కాకినాడ వంటి నగరాల్లో పోలీసులు దాడులు చేసి 50 మందికి పైగా మావోయిస్టులు, వారి అనుయాయులను నిర్బంధించారన్నారు.వివిధ చోట్ల నిర్బంధించబడిన వీరిని వెంటనే సంబంధిత న్యాయ స్థానాల ముందుంచాలని కోరారు. అమాయక గిరిజనులను మావోయిస్టులకు సహకరిస్తున్నారని, మిలిషియాగా పనిచేస్తున్నారని పోలీసులు వివిధ రూపాల్లో వేధిస్తున్నట్లు వార్తలు వస్తున్నాయన్నారు. వేధింపులను, నిర్భందాన్ని వెంటనే నిలిపివేయాలని సిపిఎం నేత శ్రీనివాసరావు డిమాండ్ చేశారు.****

అమరావతి: ఎందరో మహానుభావులు.. అందరికీ వందనములు అని.. ప్రధాని నరేంద్రమోడీ తెలిపారు.ఈ కార్యక్రమంలో పాల్గొనడం తన అదృష్టం అని అన్నారు. పుట్టపర్తిలో శ్రీసత్యసాయి శతజయంతి ఉత్సవాలు ఘనంగా జరిగాయి. సాయి కుల్వంత్ హాల్ లో మహాసమాధిని దర్శించుకున్నారు. సత్యసాయి జయంత్యుత్సవాల సందర్భంగా నాణెం, స్టాంపులను ఆవిష్కరించి, విడుదల చేశారు. పుట్టపర్తిలో మోడీ మీడియాతో మాట్లాడుతూ.. భౌతికంగా బాబా లేకున్నా.. ఆయన ప్రేమ మనతోనే ఉందని, విశ్వప్రేమకు ప్రతిరూపంగా సత్యసాయి జీవించారని తెలియజేశారు. భారతీయ నాగరికతకు సేవ మూల కేంద్రమని, భక్తి, జ్ఞానం, కర్మ.. ఈ మూడు సేవతోనే ముడిపడి ఉంటాయని, సేవే పరమ ధర్మమని మన నాగరికత చెప్పిందని అన్నారు. బాబా బోధనలు లక్షల మందికి మార్గం చూపాయని, అందరినీ ప్రేమించు.. అందరినీ సేవించు.. ఇదే బాబా నినాదమని మోడీ పేర్కొన్నారు.

బాబా బోధనల ప్రభావం దేశమంతా కనిపిస్తుందని, కోట్లమంది బాబా భక్తులు మానవ సేవ చేస్తున్నారని అన్నారు. బాబా ప్రేమ సూత్రాలు ఎందరినో ఆలోచింపజేశాయని, చాలామంది జీవితాలను బాబా సమూలంగా మార్చేశారని ఆనందాన్ని వ్యక్తం చేశారు. లక్షలమందిని బాబా సేవా మార్గంలో నడిపించారని, సత్యసాయి ప్రజల కోసం ఎన్నో కార్యక్రమాలు చేపట్టారని చెప్పారు. తాగునీరు, వైద్యం వంటి రంగాల్లో విశిష్ట సేవలు అందించారని, 20 వేల మంది బాలికలకు ఇవాళ సురక్ష సమృద్ధి యోచన అందించారని చెప్పారు. బాలికల ప్రగతిలో సురక్ష సమృద్ధి యోచన కీలకమైందని, గరీబ్ కల్యాణ్ యోచన లబ్ధిదారుల సంఖ్య వంద కోట్లకు చేరిందని అన్నారు. ఓకల్ ఫర్ లోకల్ నినాదంతో ముందుకెళ్లాలని, స్థానిక ఉత్పత్తుల మార్కెటింగ్ కు ప్రాధాన్యం ఇవ్వాలని సూచించారు. పుట్టపర్తి పవిత్రభూమిలో ఏదో మహత్తు ఉందని, సత్యసాయి సంస్థలన్నీ ఇలాగే ప్రేమను పంచుతూ వర్థిల్లాలని మోడీ స్పష్టం చేశారు.   

అమరావతి: మారేడుమిల్లి పరిధిలో బిఎం వలసలో కాల్పులు కలకలం రేపింది. ఎవొబిలో మరో ఎన్ కౌంటర్ జరిగింది. ఏడుగురు మావోయిస్టులు మృతి చెందారు. మృతుల్లో మంగళవారం ఆరుగురు మావోయిస్టులు తప్పించుకున్నారు. మృతుల్లో మావోయిస్టు పార్టీ కేంద్ర కమిటీ, స్పెషల్ జోనల్ సభ్యులు, మావోయిస్టు అగ్రనేతలు ఆజాద్, దేవ్ జీ, జ్యోగరావు, అలియాస్ టెక్ శంకర్ ఉన్నట్టు సమాచారం. ఇంటెలిజెన్స్ ఎడిజి లడ్డా ఎన్ కౌంటర్  ధ్రువీకరించారు. మారేడుమిల్లి ఘటనాస్థలికి 5కి.మి. దూరంలో ఎన్ కౌంటర్ జరిగిందని ఇంటెలిజెన్స్ ఎడిజి లడ్డా ఎన్ కౌంటర్ మహేష్ చంద్ర లడ్డా తెలిపారు. బుధవారం కూడా ఏజెన్సీలో కాల్పులు జరిగాయని అన్నారు. ఆయన మీడియాతో సమావేశమయ్యారు. ఎన్ కౌంటర్ లో 6 నుంచి 7 మంది చనిపోయారని, హిడ్మా లేఖ గురించి తమకు తెలియదని చెప్పారు. ఛత్తీస్ గఢ్ నుంచి ఎపికి రావాలని మావోయిస్టుల యత్నమని, వాళ్లు ఇచ్చిన సమాచారంతో ఎక్కడెక్కడ మావోయిస్టులు ఉన్నారని.. మావోయిస్టుల కదలికలపై నిఘా వర్గాలు ప్రత్యేక దృష్టి పెట్టామని తెలియజేశారు.

నవంబరు 17న కీలక ఆపరేషన్ చేపట్టామని, మంగళవారం మారేడుమిల్లి హిడ్మా, మరో ఐదుగురు ఎన్ కౌంటర్ లో చనిపోయారని అన్నారు. ఎన్టిఆర్, కృష్ణా, కాకినాడ, కోనసీమ, ఏలూరు జిల్లాల నుంచి 50 మంది మావోయిస్టులను అరెస్టు చేశామని, ఎక్కడా ప్రమాదం జరగకుండా ఆపరేషన్ పూర్తి అయ్యిందని మహేష్ చంద్ర లడ్డా పేర్కొన్నారు. రాష్ట్ర చరిత్రలో ఇంతమంది కీలక వ్యక్తులను పట్టుకోవడం ఇదే ప్రథమం అని.. పోలీసులు ప్రణాళిక ప్రకారం ఆపరేషన్ పూర్తి చేశారని కొనియాడారు. ఇంటెలిజెన్స్ విభాగం ఈ అంశం మెరుగ్గా పని చేసిందని, తమకు ముందే సమాచారం అందడంతో వారిపై నిఘా పెట్టామని అన్నారు. మావోయిస్టుల కార్యకలాపాలను గమనించామని, ఒకేసారి అంచనా వేసి ఒకేసారి వారందరినీ పట్టుకున్నామని తెలిపారు. తెలంగాణ లో ఇటీవల కొంతమంది లొంగిపోయారని, కొన్ని రోజులు షెల్టర్ తీసుకునేందుకు ఎపిలో పలు ప్రాంతాలను ఎంచుకున్నారని, మావోయిస్టుల కదలికలపై సమాచారం లేదని అన్నారు. హిడ్మా పట్టుకున్నాక చంపామనే ప్రచారంలో నిజం లేదని మహేష్ చంద్ర లడ్డా స్పష్టం చేశారు.  

మారేడుమిల్లి: ఆంధ్రప్రదేశ్ అల్లూరి సీతారామరాజు జిల్లాలో ఎన్ కౌంటర్ లో ఆరుగురు చనిపోయారని ఇంటిలిజెన్స్ ఎఐడి మహేష్ చంద్ర లడ్డా తెలిపారు. కృష్ణా జిల్లా, విజయవాడ, కాకినాడలో మావోయిస్టులను అరెస్టు చేశామని అన్నారు. ఆయన మీడియాతో మాట్లాడుతూ.. అరెస్టైన వారిలో 9 మంది సెంట్రల్ కమిటీ సభ్యులు ఉన్నారని, మంగళవారం ఉ.6.30 నుంచి 7 గంటల మధ్యలో ఎన్ కౌంటర్ జరిగిందని తెలియజేశారు. ఇంటలిజెన్స్ సమాచారంతో గాలింపు చర్యలు విస్తృతం చేశామని మహేష్ చంద్ర లడ్డా పేర్కొన్నారు.  

అమరావతి: వైఎస్ ఆర్ సిపి నేత, పార్టీ అధికార ప్రతినిధి కారుమూరి వెంకటరెడ్డిపై కక్షగట్టి ఎపి పోలీసులు అరెస్టు చేశారని వైఎస్ఆర్ సిపి మాజీ మంత్రి అంబటి రాంబాబు తెలిపారు. కారుమూరి వెంకటరెడ్డి అరెస్టు అక్రమమని అన్నారు. ఈ సందర్భంగా ఆయన మీడియాతో మాట్లాడుతూ.. వెంకటరెడ్డి అరెస్టుకు కారణాలు చెప్పాలని, సమాధానం కోసం పోలీసులకు ఫోన్ చేస్తే స్పందించట్లేదని అంబటి మండిపడ్డారు. పరకామణి కేసులో విచారణకు వెళ్తూ సిఐ చనిపోయారని, హత్యా.. ఆత్మహత్యా అనేది ఎవరికీ తెలియదని ఆవేదన వ్యక్తం చేశారు. కూటమి ప్రభుత్వంలో పోలీస్ అధికారికే భద్రత లేదని, ఎపి సిఎం చంద్రబాబు నాయుడు, మంత్రి లోకేష్ చెప్పిందే సిట్ అధికారులు చేస్తున్నారని ధ్వజమెత్తారు. న్యాయస్థానాలు ఎన్ని సార్లు హెచ్చరించినా.. కొంతమంది పోలీసుల్లో మార్పు రాలేదని అంబటి రాంబాబు ఆగ్రహం వ్యక్తం చేశారు. 

బీఆర్ అంబేడ్కర్ అత్యున్నతమైన రాజ్యాంగం రూపొందించారని సీఎం చంద్రబాబు అన్నారు. చాయ్‌వాలా దేశానికి ప్రధాని అయ్యారంటే అది మన రాజ్యాంగం వల్లేనని పేర్కొన్నారు. భారత రాజ్యాంగం అమల్లోకి వచ్చి 75 ఏళ్లయిన పూర్తయిన సందర్భంగా ఏపీ హైకోర్టు న్యాయవాదుల సంఘం ఆధ్వర్యంలో మంగళగిరిలో నిర్వహించిన కార్యక్రమంలో చంద్రబాబు మాట్లాడుతూ ఆర్థిక సంస్కరణలు దేశ దిశనే మార్చేశాయన్నారు. 2014లో 11వ ఆర్థిక వ్యవస్థగా ఉన్న మనం ఇప్పుడు 4వ ఆర్థిక వ్యవస్థకు చేరామన్నారు. వచ్చే ఏడాది భారత్ ప్రపంచంలో మూడో, 2038 నాటికి రెండో అతిపెద్ద ఆర్థిక వ్యవస్థగా కాబోతోందని పేర్కొన్నారు. 2047 నాటికి భారత్ ప్రపంచంలోనే అతి పెద్ద ఆర్థిక వ్యవస్థగా అవతరించాలన్నది లక్ష్యమని అన్నారు. ప్రజాస్వామ్యం గాడి తప్పినప్పుడు న్యాయ వ్యవస్థే దాన్ని గాడిన పెడుతోందని తెలిపారు.

మీడియా రంగంలోనూ ఇటీవల చాలా మార్పులు వచ్చాయని, సోషల్ మీడియాలో ప్రతి ఒక్కరూ రైటరే, ప్రతి ఒక్కరూ ఎడిటరే అన్నారు. సామాజిక మాధ్యమాలను వ్యక్తిత్వ హననానికి ఉపయోగించడం దురదృష్టకరమని సీఎం చంద్రబాబు అన్నారు. అద్భుతమైన రాజ్యాంగాన్ని అంబేడ్కర్ మనకు అందించారని సీఎం చంద్రబాబు వ్యాఖ్యానించారు. భారత రాజ్యాంగం అమల్లోకి వచ్చి 75 ఏళ్లు పూర్తైన సందర్భంగా మంగళగిరిలో హైకోర్టు న్యాయవాదుల ఆధ్వర్యంలో జరిగిన కార్యక్రమంలో సీఎం పాల్గొన్నారు. భారత రాజ్యాంగం అందించే స్ఫూర్తి చాలా గొప్పదన్న ముఖ్యమంత్రి రాబోయే రోజుల్లో భారత్ అన్నిరంగాల్లో నిపుణులను అందిస్తుందని ఆశాభావం వ్యక్తం చేశారు. 2047కల్లా ప్రపంచంలో ప్రభావవంతమైన దేశంగా భారత్ మారుతుందని సీఎం వ్యాఖ్యానించారు.