ఆంధ్రప్రదేశ్ వార్తలు,తాజా వార్తలు

నిత్యం వివాదాలకు కేరాఫ్ అడ్రస్ గా మారుతున్నారు తెలుగుదేశం పార్టీ ఎంఎల్ఎ కొలికిపూడి శ్రీనివాస రావు. తాజాగా ఓ అమ్మాయితో అడ్డంగా దొరికిపోయారు. తన ఆఫీస్ కి వచ్చిన ఓ మహిళతో సాన్నిహిత్యంగా కొలికపూడి ఉన్న ఫోటో ఒకటి తెలుగుదేశం పార్టీ సోషల్ మీడియాలో వైరల్ గా మారింది. మహిళను కొలికిపూడి శ్రీనివాస రావు హగ్ చేసుకొని ఉన్నట్లు కనిపిస్తుంది. అయితే ఇది రియల్ ఫోటోనా? లేక కావాలనే టిడిపి పార్టీ శ్రీనివాస రావు ను టార్గెట్ చేసి బయటకు పంపిచేందుకు కుట్రా చేస్తుంద అని తెలియడంలేదు. అయితే ఈ వివాదంపై ఇప్పటివరకు కొలికపూడి శ్రీనివాస రావు స్పందించలేదు.

అమరావతి: అనకాపల్లి జిల్లా కశిం కోట మండలం కొత్తపల్లి వద్ద దారుణం చోటు చేసుకుంది. బీమా నగదు కోసం మామను (54) అల్లుడు, మనవడు హత్యచేశారు. మృతుడు సిమెంటు ఫ్యాక్టరీలో కూలీగా పనిచేస్తున్నాడు. ఇన్సూరెన్స్ ఏజెంట్ హత్యకు సహకరించాడు. స్థానికులు సమాచారం మేరకు పోలీసులు ఘటనా స్థలానికి చేరుకుని కేసునమోదు చేసుకున్నారు. దర్యాప్తులో వాస్తవాలు వెలుగులోకి వచ్చాయి. ఆ వ్యక్తికి రూ.1.08 కోట్ల ఇన్సూరెన్స్ ఉండడంతో ఈ ఘాతుకానికి పాల్పడ్డాడు. ఈ ఘటన రోడ్డు ప్రమాదంగా అల్లుడు అన్నవరం చిత్రీకరించాడు.. నిందితులు అల్లుడు అన్నవరం, మనవడు ప్రసాద్ ను పోలీసులు అరెస్టు చేశారు.

అమరావతి: విజయనగరం జిల్లా తెర్లాం మండలం చిన గొలుసులో అగ్నిప్రమాదం జరిగింది. ఒక్కసారిగా మంటలు ఎగిసిపడడంతో 10 పూరిళ్లు దగ్ధం అయ్యాయి. వృద్ధురాలు సజీవదహనం అయింది. స్థానికులు సమాచారం మేరకు అగ్నిమాపక సిబ్బంది, పోలీసులు ఘటనా స్థలానికి చేరుకున్నారు. అగ్నిమాపక సిబ్బంది మంటలను అదుపులోకి తీసుకొచ్చారు. పోలీసులు కేసు నమోదు చేసుకుని.. దర్యాప్తు చేస్తున్నారు. ఇంకా వివరాలు తెలియాల్సి ఉంది. 

గోదావరి పుష్కరాల తేదీలను ఖరారు చేస్తూ ఎపి ప్రభుత్వం అధికారికంగా శుక్రవారం ఉత్తర్వులు జారీ చేసింది. 2027 సంవత్సరానికి వచ్చే గోదావరి పుష్కరాలు జూన్ 26 నుంచి జూలై 7 వరకు జరిగేలా నిర్ణయించింది. మొత్తం 12 రోజుల పాటు పుష్కరాలు కొనసాగనున్నాయని దేవాదాయ శాఖ స్పష్టంచేసింది. జిల్లాల వారీగా ఏర్పాట్లు ప్రారంభించేలా సంబంధిత విభాగాలకు వెంటనే సూచనలు పంపిం ది. తేదీల ఖరారులో తిరుమల తిరుపతి దేవస్థానాల ఆస్తాన సిధ్ధాంతి శ్రీ థంగిరాల వెంకట కృష్ణ పూర్ణ ప్రసాద్ ఇచ్చిన అభిప్రాయం కీలకంగా నిలి చింది. పుష్కరాల ప్రవేశ-ప్రస్థాన ఘడియలను ఖచ్చితంగా నిర్ధారించేందుకు ఆయన చేసిన జ్యోతిష్య విశ్లేషణను దేవాదాయ శాఖ కమిషనర్ ప్రభుత్వా నికి సమర్పించారు. ఆ నివేదికను పరిశీలించిన ప్రభుత్వం, పుష్కరాలు జూన్ 26 ఉదయం ప్రారంభమై జూలై 7తో ముగుస్తాయి అనే సిధ్ధాంతి సూచనలను అంగీకరించింది. అనంతరం తేదీలపై స్పష్టమైన నిర్ణయానికి వచ్చింది. 

ఎపిలో రిపీటెడ్‌గా నేరాలు చేస్తున్న రౌడీషీటర్లపై ఎస్పీ అజిత కఠినంగా వ్యవహరిస్తున్నారు. నెల్లూరు లేడీ డాన్ అరుణపై పీడీ యాక్ట్ నమోదు చేశారు. ఈ సందర్భంగా నెల్లూరు జైలు నుంచి కడప సెంట్రల్ జైలుకు తరలించారు. కోవూరు, నవాబ్ పేట, వేదాయ పాలెం పోలీస్‌స్టేషన్‌లలో ఇప్పటికే అరుణపై పలు కేసులు నమోదయ్యాయి. లేడీ డాన్ అరుణ బయటికీ వస్తే నేరాల్లో పాల్గొనే అవకాశం ఉండటం తో ఆమెపై పిడి యాక్ట్ ప్రయోగించినట్లు పోలీసులు వెల్లడించారు. రెండేళ్ల కాలంలో ఐదు కంటే ఎక్కువ నేరాలకు పాల్పడితే పిడి యాక్ట్ పెట్టే అవకాశం ఉంది. పీడీ యాక్ట్ ప్రయోగిస్తే ఏడాది పాటు నో బెయిల్, ఎవరిని కలిసేందుకు అనుమతి ఉండదన్నారు. బెయిల్ కావాలంటే హైకోర్టుకు వెళ్లాల్సిందే. ములాఖాత్ కోసం హోం ప్రిన్సిపల్ సెక్రటరీ అనుమతి తప్పనిసరిగా తీసుకోవాలి.

అమరావతి: కాగ్నిజెంట్ పెట్టుబడులతో ఉపాధి అవకాశాలు మెరుగవుతాయని ఎపి మంత్రి లోకేష్ తెలిపారు. ఈజ్ ఆఫ్ డూయింగ్ బిజినెస్ నుంచి స్పీడ్ ఆఫ్ డూయింగ్ బిజినెస్ కు మారాం అని అన్నారు. విశాఖలో ఐటి సంస్థలకు, కాగ్నిజెంట్ శాశ్వత క్యాంపస్ నిర్మాణానికి సిఎం చంద్రబాబు నాయుడు, లోకేష్ శంకుస్థాపన చేశారు. రూ.1,583 కోట్లతో 3 దశల్లో క్యాంపస్ నిర్మాణం పూర్తికి ప్రణాళిక, మొత్తం 8 వేలమందికి ఉపాధి ఇచ్చేలా ప్రణాళిక సిద్ధం చేశారు. ఈ సందర్భంగా లోకేష్ మీడియాతో మాట్లాడుతూ.. ఐటి సంస్థల పెట్టుబడులతో విశాఖకు మరింత వెలుగు వచ్చిందని, పెట్టుబడులు పెట్టేవారికి అన్ని సదుపాయాలు కల్పిస్తున్నామని తెలియజేశారు. ఇన్సెంటివ్ ప్యాకేజీపై కూడా గురువారం మంత్రివర్గంలో చర్చించామని, మౌలిక సదుపాయాల కల్పనలో ఒక అడుగు ముందున్నామని పేర్కొన్నారు. రియల్ టైమ్ లో కార్యకలాపాలు ప్రారంభం కావడమే తమకు కావాల్సిందని, ఐటి హబ్ గా మారుతోన్న విశాఖకు రావడం చాలా అదృష్టమని సంతోషాన్ని వ్యక్తం చేశారు. గత 18 నెలల నుంచి అనేక సంస్థలు పెట్టుబడులకు ముందుకొచ్చాయని, పెట్టుబడులకు వచ్చిన సంస్థలకు వెంటనే భూకేటాయింపులు జరుగుతున్నాయని అన్నారు. జాప్యం లేకుండా అన్ని అనుమతులు మంజూరు చేస్తున్నామని, సంతోషంగా తమ కార్యకలాపాలు చేసుకునేలా సహకరిస్తున్నామని లోకేష్ స్పష్టం చేశారు. 

అమరావతి: అల్లూరి జిల్లా లో చింతూరు- మారేడుమిల్లి వద్ద ఘోర రోడ్డు ప్రమాదం జరిగింది. రాజుగారి మలుపు వద్ద అదుపు తప్పి ఘాట్ రోడ్డు నుంచి బస్సు కిందపడింది. 9 మంది మృతి చెందారు. ఐదుగురి పరిస్థితి విషమంగా ఉండడంతో భద్రాచలం ఆస్పత్రికి తరలించారు. బస్సులో ఇద్దరు డ్రైవర్లతో సహా 35 మంది యాత్రికులు ప్రయాణిస్తుండగా, అరకు నుంచి భద్రాచలం వైపు వెళ్తుండగా ఈ ఘటన చోటు చేసుకుంది. చింతూరు- మారేడుమిల్లి ఘాట్ రోడ్డు వద్ద రాకపోకలు నిలిచిపోయాయి. ఘటనా స్థలిలో 3 అంబులెన్సులు, 5 పోలీసు వాహనాలు వినియోగించారు. స్థానికులు సమాచారం మేరకు పోలీసులు ఘటనా స్థలానికి చేరుకుని కేసునమోదు చేసుకుని..సహాయక చర్యలు చేపట్టారు. బస్సులోని ప్రయాణికులు చిత్తూరు జిల్లాకు చెందినవారిగా సమాచారం. చిత్తూరు జిల్లాకు చెందిన ప్రైవేటు బస్సుగా పోలీసులు గుర్తించారు. 

అమరావతి: ఎపి సిఎం చంద్రబాబు నాయుడు వైఖరి వల్లే తిరుమలలో అపచారాలు జరుగుతున్నాయని వైసిపి నేత భూమన కరుణాకర్ రెడ్డి తెలిపారు. కూటమి వచ్చాక తిరుమలలో అనేక ఘోరాలు జరుగుతున్నాయని అన్నారు. ఈ సందర్భంగా ఆయన మీడియాతో మాట్లాడుతూ.. తన స్వార్థం కోసం బాబు తిరుమల పవిత్రతను దెబ్బతీస్తున్నారని విమర్శించారు. వాటిని డైవర్ట్ చేసేందుకే తమపై దుష్ప్రచారం చేస్తున్నారని మండిపడ్డారు. రోజుకో మాట మాట్లాడటంలో డిప్యూటీ సిఎం పవన్ కల్యాణ్ దిట్టని భూమన కరుణాకర్ రెడ్డి ధ్వజమెత్తారు.

అమరావతి: కర్నూలు జిల్లా ఆదోని ఎన్ డిబిఎల్ పత్తి జిన్నింగ్ పరిశ్రమలో భారీ అగ్ని ప్రమాదం సంభవించింది. పత్తి జిన్నింగ్ పరిశ్రమ నుంచి భారీగా మంటలు ఎగిసిపడ్డాయి. స్థానికులు సమాచారం మేరకు పోలీసులు, అగ్నిమాపక సిబ్బంది ఘటనా స్థలానికి చేరుకున్నారు. అగ్ని మాపక సిబ్బంది మంటలను అదుపులోకి తీసుకున్నారు. పోలీసులు కేసునమోదు చేసుకుని దర్యాప్తు చేస్తున్నారు. ఇంకా వివరాలు తెలియాల్సి ఉంది.