ఆంధ్రప్రదేశ్ వార్తలు,తాజా వార్తలు

అమరావతి: ఆంధ్రప్రదేశ్ రాష్ట్రం విజయనగరం జిల్లా బొబ్బిలి గ్రామం గొల్లవీధిలో దారుణం చోటు చేసుకుంది. ఇంటి గోడ కూలి మహిళ మృతి చెందింది. గోడ కూలిన ఘటనలో మరో ఇద్దరికి గాయాలయ్యాయి. క్షతగాత్రులను ఆస్పత్రికి తరలించారు. గొల్లవీధిలో నిర్మాణంలో ఉన్న ఇంటి గోడ కూలి పోవడంతో ఈ ప్రమాదం జరిగింది. స్థానికులు సమాచారం మేరకు పోలీసులు ఘటనా స్థలానికి చేరుకుని కేసు నమోదు చేసుకుని దర్యాప్తు చేస్తున్నారు. వివరాలకు వెళితే స్థానికులు గోడ శిథిలాల కింద మరికొందరు ఉండొచ్చనని అనుమానం వ్యక్తమవుతున్నాయి.  

 అమరావతి: మెడికల్ కాలేజీలను ఎక్కడా ప్రైవేటీకరణ చేయడం లేదని ఎపి మంత్రి పయ్యావుల కేశవ్ తెలిపారు. పిపిపి మోడల్ లో అభివృద్ధి చేయడం కోసం మరింత మెరుగైన సేవలు అందించడానికి ఈ ప్రయత్నం అని అన్నారు. ఈ సందర్భంగా పయ్యావుల మీడియాతో మాట్లాడుతూ.. చీప్ పాలిటిక్స్ చేయడం మాజీ సిఎం వైసిపి జగన్ మోహన్ రెడ్డి మార్చుకోవాలని సూచించారు. పిపిపి మోడల్ అనేది సరైన నిర్ణయం అని త్వరలో ఆర్ డిటి పై పాజిటివ్ వార్త వస్తుందని పయ్యావుల కేశవ్ తెలియజేశారు. 

మన తెలంగాణ/హైదరాబాద్ : ఎపిలో ఘోర విషాదం చోటు చేసుకుంది. అం బేద్కర్ కోనసీమ జిల్లాలోని రాయవరం గ్రామంలోని లక్ష్మీ గణపతి గ్రాండ్ ఫైర్ వర్క్‌లో భారీ అగ్నిప్రమాదం జరిగింది. ఒక్కసారిగా భారీ శబ్దంతో పేలుడు సంభవించింది. దీంతో పెద్ద ఎత్తున మంటలు ఎగిసిపడ్డా యి. పేలుడు ధాటితో పాటు మంటల నుంచి బయటకు రాలేక ఊపిరాడక మంటల్లో ఆరుగురు సజీవ దహనమయ్యారు. నలుగురు తీవ్రంగా గాయపడ్డారు. క్షతగాత్రుల్లో ముగ్గురిని కాకినాడ ప్రభుత్వాసుపత్రికి, మరొకరిని చెస్ట్ ఆసుపత్రికి తరలించారు. మొత్తం ఆరుగురు మృతుల్లో ఇప్పటివరకు ఐదుగురిని గుర్తించినట్లు అధికారులు చెబుతున్నారు. యజమాని వెలుగుబంటి సత్యనారాయణతో పాటు పాకా అరుణ, చి ట్టూరి శ్యామల, కుడిపూడి జ్యోతి, పి.శేషారత్నంగా గుర్తించినట్లు అధికారులు చెబుతున్నారు. కాగా, లక్ష్మీ గణపతి ఫైర్ వర్క్ కంపెనీ కార్యకలాపాలు కొనసాగిస్తోంది. దీపావళి సమీపిస్తోన్న నేపథ్యంలో 

ఇక్కడ బాణసంచా తయారీని కార్మికులు ముమ్మరంగా చేపట్టారు. బాణాసంచాను తయారు చేస్తోన్న సమయంలో హఠాత్తుగా మంటలు చెల రేగాయి. అక్కడున్న రసాయ నాలు, గంధకం, భాస్వరం..ఇవన్నీ కూడా మంటలు త్వరగా వ్యాప్తి చెందడానికి దోహదం చేసేవే. దీంతో మంటలు ఒక్క సారిగా ఫైర్ వర్క్ భవనాన్ని చుట్టుముట్టాయి. పేలుడు సమయంలో 40 మంది కార్మికులు విధుల్లో ఉన్నారు. ఈ భారీ పేలుడు ధాటికి షెడ్డు గోడ కుప్పకూలి పోయింది. గోడ శిథిలాల కింద మరికొందరు ఉండొచ్చని సమాచారం. అగ్ని కీలలు శరవేగంగా వ్యాపిం చాయి. ఆ సమ యంలో అక్కడ పలువురు కార్మికులు బాణాసంచా తయారీలో నిమగ్నమై ఉన్నవారు. వారందరూ సురక్షితంగా బయటపడే సమయం కూడా దొరకలేదంటే మంటల తీవ్రత ఏ స్థాయిలో ఉందో అర్థం చేసుకోవచ్చు. మంటల ధాటికి అక్కడ నిల్వ ఉంచిన బాణాసంచా పేలిపోయింది. అనేక మంది కార్మికులు లోపల చిక్కుకు పోవడంతో మృతుల సంఖ్య పెరిగింది.

పేలుడు తీవ్రతకు ఈ తయారీ కేంద్రానికి సమీపంలో ఉన్న రిటైల్ షాపు కూడా ధ్వంసం అయిందని అధికారులు తెలిపారు. ప్రమాద ఘటనపై స్థానికులు వెంటనే పోలీసులకు సమాచారం ఇచ్చా రు. సమాచారం అందిన వెంటనే పోలీసులు, అగ్నిమాపక సిబ్బంది హుటాహుటిన ఘటనా స్థలానికి చేరుకున్నా రు. సహాయక చర్యలు చేపట్టారు. మంటలను ఆర్పివేశారు. మంటల తీవ్రత ఎక్కువగా ఉండటంతో సహాయక చర్యలు చాలా కష్టంగా మారాయని పోలీసులు వెల్లడిం చారు.జిల్లా పోలీసు ఉన్నతాధికారులు, రెవెన్యూ అధికారులు, అత్యవసర సిబ్బంది ప్రస్తుతం సహాయక చర్యలను పర్యవేక్షిం చారు. కనీస భద్రతా చర్యలు కొరవడటం, రసాయనాలను సరిగ్గా నిల్వ ఉంచక పోవడం వల్ల ఈ పేలుడు సంభవించి ఉండవచ్చని ప్రాథమికంగా నిర్ధారించారు. ఈ ఘటనపై పోలీసులు కేసు నమోదు చేశారు. ప్రమాద ఘటనా స్థలిని రామచంద్రపురం ఆర్డీవో అఖిల పరిశీలించారు. ప్రమాద ఘటనపై జిల్లా కలెక్టర్ మహేశ్ కుమార్ స్పందించారు. వారం క్రితమే బాణసంచా తయారీ కేంద్రాన్ని స్థానిక పోలీసులు, రెవెన్యూ సిబ్బంది పరి శీలించి అన్ని రక్షణ చర్యలు ఉన్నట్లు నివేదిక ఇచ్చినట్లు తెలిపారు. అగ్నిమాపక నివారణ పరికరాలను గోదాము యజమానులు సక్రమంగా వినియోగించారా? లేదా? అనే విషయాన్ని పరిశీలిస్తున్నా మని చెప్పారు. ప్రమాదానికి గల కారణాలను తెలుసుకుంటున్నామన్నారు.

విచారం వ్యక్తం చేసి ప్రధాని మోడీ

ప్రమాదంలో పలువురు కార్మికులు మృతి చెందడంపై ప్రధాని మోదీ ఆవేదన వ్యక్తం చేశారు. మృతుల కుటుంబ సభ్యులకు ప్రగాఢ సానుభూతిని తెలిపారు. అలానే గాయపడిన వారు త్వరగా కోలుకోవాలని కోరుకున్నారు. కాగా ప్రమాద ఘటనపై ఎపి సిఎం చంద్రబాబు నాయుడు, డిప్యూటీ సిఎం పవన్ కల్యాణ్ తీవ్ర దిగ్భ్రాంతి వ్యక్తం చేశారు. 

 ఈ నెల 16న ప్రధానమంత్రి నరేంద్రమోడీ ఏపీలో పర్యటించనున్నారు. ప్రధాని నరేంద్ర మోదీ పర్యటన ఏర్పాట్లపై బుధవారం వెలగపూడి సచివాలయంలో ముఖ్యమంత్రి నారా చంద్రబాబు నాయుడు సమీక్షించారు. ఈ సమీక్షలో మంత్రులు నారా లోకేష్, బీసీ జనార్దన్ రెడ్డి, అనగాని, కందుల దుర్గేష్ పాల్గొన్నారు. సీఎస్, డీజీపీలు సహా వివిధ శాఖల ఉన్నతాధికారులు ఈ సమీక్షకు హాజరయ్యారు. ఈ క్రమంలో అమరావతి, విశాఖల్లో ప్రధాని పాల్గొన్న కార్యక్రమాలను మించిన స్థాయిలో కర్నూలు, నంద్యాల జిల్లాల్లో ప్రధాని పర్యటనను సక్సెస్ చేయాలని ప్రభుత్వం భావిస్తోంది. తన పర్యటన సందర్భంగా ప్రధాని శ్రీశైల భ్రమరాంబ, మల్లిఖార్జున స్వామిని దర్శనం చేసుకోనున్నారు. ఆ తర్వాత కర్నూలు జిల్లా ఓర్వకల్లు మండలం నన్నూరులో నిర్వహించే బహిరంగ సభకు హజరు కానున్నారు. కేంద్రం తెచ్చిన జీఎస్టీ-2.0 సంస్కరణలను స్వాగతించి దేశంలోనే తొలిసారిగా ఏపీ ప్రభుత్వం అసెంబ్లీలో అభినందనల తీర్మానం చేసింది. అలాగే జీఎస్టీ సంస్కరణల ఉత్సవ్ పేరుతో దసరా నుంచి దీపావళి వరకు పెద్ద ఎత్తు ప్రచార కార్యక్రమాలను చేపట్టింది.

ఈ క్రమంలో జీఎస్టీ సంస్కరణల ఉత్సవ్ కార్యక్రమంలో భాగంగా ప్రధాని పాల్గొనే ఈ సభను విజయవంతం చేసేలా ప్రభుత్వం కార్యాచరణ సిద్దం చేసింది. ఈ సభ నిర్వహాణను రాష్ట్ర ప్రభుత్వం ప్రతిష్టాత్మకంగా తీసుకుంది. ప్రధాని పర్యటన సందర్భంగా వాతావరణ పరిస్థితులను చూసుకుని దానికి తగ్గ ఏర్పాట్లు చేయాలని సీఎం ఆదేశించారు. ప్రధాని సభకు వచ్చే సభికులకు ఎలాంటి ఇబ్బంది లేకుండా ఏర్పాట్లు చేయాలని, ఆహారం, తాగునీరు సౌకర్యం కల్పించాలని, సభకు వచ్చే అప్రోచ్ రోడ్లను పూర్తి చేయాలని, పార్కింగ్ నిమిత్తం ఎలాంటి ఇబ్బంది లేకుండా చూడాలని ముఖ్యమంత్రి ఆదేశించారు. అలాగే ట్రాఫిక్ ఇబ్బందులు లేకుండా జాగ్రత్తలు తీసుకోవాలని ముఖ్యమంత్రి స్పష్టం చేశారు.

వైసిపి ఎంపి మిథున్ రెడ్డికి ఎపిలో విజయవాడలోని ఎసిబి ప్రత్యేక న్యాయస్థానంలో ఊరట లభించింది. పాస్ పోర్ట్ ఇచ్చేందుకు అనుమతి ఇస్తూ ఎసిబి కోర్టు ఆదేశాలు ఇచ్చింది.. సంచలనంగా మారిన ఎపి లిక్కర్ స్కామ్ కేసులో ఎ-4గా ఉన్న ఎంపి మిథున్‌రెడ్డి అరెస్ట్ అయిన సమయంలో తన పాస్ పోర్ట్ ను కోర్టులో మిథున్ రెడ్డి సమర్పించారు. అయితే, యూఎస్ వెళ్లేందుకు తన పాస్‌పోర్ట్ ఇవ్వాలని ఎసిబి కోర్టులో పిటిషన్ దాఖలు చేశారు. ఇక, మిథున్‌రెడ్డి దాఖలు చేసిన పిటిషన్‌పై విచారణ జరిపిన ఎసిబి ప్రత్యేక న్యాయస్థానం పాస్‌పోర్ట్ ఇచ్చేందుకు అనుమతి ఇస్తూ కోర్టు ఆదేశాలు జారీ చేసింది. దేశం విడిచి వెళ్లే సమయంలో అనుమతి తీసుకోవాలని ఆదేశాల్లో వెల్లడించింది. అయితే, న్యూయా ర్క్‌లో జరగబోయే యునైటెడ్ నేషన్స్ జనరల్ అసెంబ్లీ సమావేశాలకు పీఎంవో నుంచి ఎంపి మిథున్ రెడ్డి ఎంపికయ్యారు.

ఈ నెల 27వ తేదీన నుంచి 31వ తేదీ వరకు న్యూయార్క్ లో యునైటెడ్ నేషన్స్ జనరల్ అసెంబ్లీ సమావేశాలు జరగనున్నాయి.. ఈ నేపథ్యంలో సిట్ సీజ్ చేసిన పాస్ పోర్ట్ రిలీజ్ చేయాలంటూ ఎసిబి కోర్టును మిథున్ రెడ్డి ఆశ్రయించిన విషయం విదితమే. ఇక, ఎపిలో సంచలనం సృష్టించిన లిక్కర్ స్కామ్ కేసులో ఎ-4గా ఎంపీ మిథున్‌రెడ్డి ఉన్నారు. అయితే, సుమారు 71 రోజుల పాటు జైలులో రిమాండ్ ఖైదీగా ఉన్న మిథున్ రెడ్డికి సెప్టెంబర్ 29న ఎసిబి కోర్టు షరతులతో కూడిన బెయిల్ మంజూరు చేసింది. ఆ తర్వాత ఆయన జైలు నుంచి విడుదలయ్యారు. ఎంపి మిథున్ రెడ్డికి షరతులతో కూడిన బెయిల్ ను ఎసిబి కోర్టు మంజూరు చేసింది. ఈ సందర్భంగా రూ. 2 లక్షలతో రెండు ష్యూరిటీలు ఇవ్వాలని ఆదేశాలు జారీ చేసింది. అలాగే, వారంలో రెండుసార్లు స్థానిక పోలీస్ స్టేషన్‌లో సంతకాలు చేయాలని పేర్కొన్న విషయం తెలిసిందే.

అమరావతి: మందుబాబులకు కూడా ఎపి సిఎం చంద్రబాబు నాయుడు వెన్నుపోటు పొడిచారని వైసిపి మాజీ మంత్రి పేర్నినాని తెలిపారు. ఆఫ్రికా ఫార్ములా తెచ్చి ఎపిలో నకిలీ మద్యం తయారు చేస్తున్నారని అన్నారు. టిడిపి నేతల మద్యం తయారీపై పేర్ని నాని ఆగ్రహం వ్యక్తం చేశారు. ఈ సందర్భంగా ఆయన మీడియాతో మాట్లాడుతూ.. ఆఫ్రికాలో టిడిపి నేతలకు నకిలీ మద్యం తయారీలో శిక్షణ ఇస్తున్నారని, నకిలి మద్యం తాగి ప్రాణాల మీదకు తెచ్చుకోవద్దు అని పేర్ని నాని సూచించారు. డిప్యూటి సిఎం పవన్ కల్యాణ్ ను.. ఇక నుంచి ‘ కలుగు నాయుడు’ అని పిలవాలని, ఎన్నికల ముందు బయటకొస్తాడని, ఊగిపోతాడని, జుట్టు పీక్కుంటాడని విమర్శించారు. ఆడపిల్లలపై అఘాయిత్యాలు జరుగుతుంటే కలుగులో నుంచి బయటకు రాడని పేర్నినాని ఎద్దేవా చేశాడు. 

అమరావతి: కల్తీ మద్యం మూలాలు మొత్తం తాడేపల్లి ప్యాలెస్ చుట్టే ఉన్నాయని ఎపి మంత్రి అనగాని సత్యప్రసాద్ తెలిపారు. కల్తీ మద్యం తయారుచేసే దొంగల ముఠాను పట్టుకుంది తమ ప్రభుత్వమేనని అన్నారు. ఈ సందర్భంగా ఆయన మీడియాతో మాట్లాడుతూ.. కల్తీ మద్యం గుట్టు తాము విప్పితే.. మాజీ సిఎం వైసిపి జగనే మోహన్ రెడ్డి కనిపెట్టినట్లు సంబరాల? అని ప్రశ్నించారు. జగన్ హయాంలోనే మద్యం స్కామ్ ను తప్పుదారి పట్టించేందుకే కొత్త నాటకాలు అని గత ఐదేళ్లు కల్తీ మద్యం వల్ల 30 వేల మంది ప్రాణాలు కోల్పోయారని బాధను వ్యక్తం చేశారు. కల్తీ సారా మృతులపై గతంలో వైసిపి నాయకులు హేళన చేసి మాట్లాడారని, నేడు కల్తీ మద్యంపై నాయకులు మాట్లాడటం సిగ్గుచేటు అని మండిపడ్డారు. నిందితులు ఎంతటి వారైనా ఉపేక్షించేది లేదని అనగాని సత్యప్రసాద్ పేర్కొన్నారు. 

పెందుర్తి: విశాఖ జిల్లా పెదగాడి గ్రామంలో దుర్గామాత ఉత్సవ ముగింపు ఊరేగింపులో విషాదం చోటు చేసుకుంది. అమ్మవారి నిమజ్జనం సందర్భంగా భార్యతో పాటు భర్త ఉత్సాహంగా నృత్యం చేశాడు. ఊరేగింపులో భార్యతో డాన్స్ చేస్తూ, పాట పూర్తయిన వెంటనే భర్త ఒక్కసారిగా కుప్పకూలిపోయాడు. గ్రామస్థులు ఆస్పత్రికి తీసుకు వెళ్లగా ఆయన అప్పటికే మృతి చెందినట్లు వైద్యులు తెలిపారు. ఇలా జరగడంతో పండగవేళ గ్రామంలో విషాద ఛాయలు అలుముకున్నాయి. పెందుర్తి మండలం పెదగాడి గ్రామంలో ఘటన చోటు చేసుకుంది. స్థానికులు సమాచారం మేరకు పోలీసులు ఘటనా స్థలానికి చేరుకుని కేసు నమోదు చేసుకుని దర్యాప్తు చేస్తున్నారు. గ్రామస్థులు తెలిపిన వివరాల ప్రకారం డిజె సౌండ్ అధికంగా ఉండటంతో గుండెపోటుతో మృతి చెందాడని భావిస్తున్నారు. మృతుడు అప్పికొండ త్రినాథ్(56) డ్రైవర్ గా పనిచేస్తుంటారని, ఈయనకు భార్య, లక్ష్మీ, కుమారుడు, కుమార్తె ఉన్నారని పోలీసులు తెలిపారు.     

 ఎపిలోని విశాఖపట్నం కంచరపాలెం ఇందిరానగర్‌లో దోపిడీ దొంగల బీభత్సం సృష్టించారు. ఈ ఘటన తీవ్ర కలకలం రేపింది. ఓ ఇంట్లో వృద్ధురాలు, ఆమె మనవడిని బంధించిన దొంగలు నగదు, బంగారం అపహరించారు. మొత్తం13 తులాల బంగారం, 3 లక్షల నగదు దొంగలు ఎత్తుకెళ్లినట్లు గుర్తించారు. వెళ్తూ వెళ్తూ ఇంట్లో ఉన్న కారు తాళం తీసుకొని కారుతో సహా ఉడాయించారు. ఘటనపై సమాచారం అందుకున్న పోలీసులు కేసు నమోదు చేసుకుని దర్యాప్తు చేపట్టారు. ఘటనకు సంబంధించిన పూర్తి వివరాల్లోకి వెళితే.. విశాఖపట్నం కంచరపాలెం ఇందిరానగర్‌లో ఎల్లయమ్మ, ఆమె మనవడు కృష్ణ కాంత్ నివాసం ఉంటున్నారు. ఆదివారం రాత్రి ఒంటిగంటన్నర సమయంలో ఇంటి వెనుక వైపు నుంచి ముగ్గురు దొంగలు ఎల్లయమ్మ ఇంట్లో చొరబడ్డారు. ఎల్లయమ్మ బెడ్ రూమ్‌లో నింద్రించగా, మనవడు హాల్‌లో పడు కున్నాడు. ముఖాలకు మాస్కులు పెట్టుకుని ఉన్న ముగ్గురు దుండగులు ముందుగా దొంగలు ఎల్లయమ్మ వద్దకు వచ్చి ఆమె రెండు చేతులు కట్టేశారు. అనంతరం అరవకుండా ముఖానికి ప్లాస్టర్ అంటీంచారు. ఆమె చేతికి ఉన్న బంగారు గాజులన్నీ తీసుకున్నారు.

అనంతరం బీరువా ఓపెన్ చేసి అందులోని నగదు, నగలు తీసుకున్నట్లు బాదితురాలు ఎల్లయమ్మ వెల్లడించింది. ఆ తర్వాత హాల్లో నిద్రిస్తున్న ఆమె మనవడు కృష్ణ కాంత్ దగ్గరకు వచ్చి దాడి చేశారు. చేతుల కట్టి డైమండ్ రింగ్ ఉందని తీసుకున్నారు. వచ్చిన ముగ్గురు హిందీలో మాట్లాడుతున్నారని అతడు తెలిపాడు. వెళ్లేటప్పుడు ఇంట్లో ఉన్న కారు తాళాలు తీసుకొని కారులో పారిపోయినట్లు వివరించాడు. ‘మా నాన్న హైదరాబాద్ వెళ్లారు. ఘటన జరిగిన వెంటనే నేను పోలీసులకు కాల్ చేశాను. వెంటనే పోలీసులు వచ్చి వెరిఫై చేశారు. బయట రాష్ట్రానికి చెందిన ముఠాగా అనిపిస్తోంద’ని మనవడు కృష్ణ కాంత్ పోలీసులకు తెలిపాడు. దీనిపై క్రైమ్ ఎస్‌ఐ మహరూఫ్ మాట్లాడుతూ ముగ్గురు దొంగలు హిందీలో మాట్లాడుతున్నట్టు బాధితులు చెప్పారు. ప్లాస్టిక్ వైర్లతో బంధించి నగదు, నగలు ఎత్తుకెళ్లారు. సిపి ప్రత్యేక బృందాలను రంగంలోకి దింపారు. క్లూస్ టీం, డాగ్ స్కాడ్ ఆధారాలను సేకరిస్తుంది. సిపి ఫుటేజ్‌లను కూడా పరిశీలిస్తున్నాం. కారు మారికవలస ప్రాంతంలో ఉన్నట్టు సమాచారం అందింది. నిందితులు ఇతర రాష్ట్రాలకు చెందిన వారుగా అనుమానిస్తున్నాం. కొన్ని సందర్భాల్లో డైవర్ట్ చేసేందుకు లోకల్ గ్యాంగ్ కూడా హిందీలో మాట్లాడే అవకాశం లేకపోలేదు. సాధ్యమైనంత త్వరగా కేసును చేదిస్తామని ఆయన మీడియాకు వెల్లడించారు.

అమరావతి: కల్తీ మద్యం మాఫియాకు మూల విరాట్ మాజీ సిఎం వైసిపి జగన్ మోహన్ రెడ్డే అని టిడిపి ఎమ్మెల్సి పంచుమర్తి అనురాధ తెలిపారు. మహిళల పుస్తెలు తెంచి.. పాపపు సొమ్ము తన ప్యాలెస్ లో దాచారని అన్నారు. ఈ సందర్భంగా ఆమె మీడియాతో మాట్లాడుతూ.. నాటి కుంభకోణాలు, మృతులపై నోరు మెదపలేదని ఆరోపించారు. జగన్ తీరుపై మండిపడ్డారు. ప్రస్తుతం ఏదో జరిగిపోతుందని సొంత పత్రికలో రాసుకున్నారని, లిక్కర్ కుంభకోణంలో నిందితులను వదిలే ప్రసక్తి లేదని తెలియజేశారు. కల్తీ మద్యంతో ప్రజల ప్రాణాలు తీసిన వారిని జగన్ ఏం చేశారు? అని ఎమ్మెల్యే మల్లాది విష్ణు బార్ లో మద్యం తాగి 6 మంది చనిపోతే ఏం చేశారు? అని ప్రశ్నించారు. ఇప్పుడు కల్తీ మద్యంతో దొరికిన వారంతా వైసిపి మూలాలున్న వారే అని పంచుమర్తి అనురాధ విమర్శించారు.