ఆంధ్రప్రదేశ్ వార్తలు,తాజా వార్తలు

: విద్యార్థి ప్రశ్నకు లోకేష్ సరదా సమాధానం!

అమరావతి: ఆంధ్రప్రదేశ్ రాష్ట్రం రాజమండ్రి గవర్నమెంట్ ఆర్ట్స్ కాలేజీలో నిర్వహించిన ‘హలో లోకేష్’ ముఖాముఖి కార్యక్రమంలో సరదా సన్నివేశం జరిగింది. మంత్రి లోకేష్ ను భరత్ అనే విద్యార్థి నవ్వుతూ ఓ ప్రశ్న అడిగాడు. ప్రశ్ని అడిగేముందు ఏమీ అనుకోవద్దని లోకేష్ ను కోరారు. అడుగుతారు ఏమీ అనుకోవద్దు ట్యాగ్ తగిలిస్తారు ఎందుకు అని లోకేష్ ఎదురు ప్రశ్నించాడు.  లోకేష్ మీ ఫస్ట్ క్రష్ ఎవరు? అని ప్రశ్నించగానే నవ్వులో లోకేష్ మునిగిపోయాడు. నవ్వుతూ… తన మొదటి, చివరి క్రష్ వన్ అండ ఓన్లీ వన్ సతీమణి బ్రాహ్మణియే అని చెప్పారు. దీంతో అక్కడ ఉన్న విద్యార్థులంతా నవ్వుల్లు మునిగిపోయారు. దయచేసి దంపతుల మధ్య చిచ్చు పెట్టొద్దురా నాయనా? అని చమత్కరించారు. ఈ వీడియోను లోకేష్ తన సోషల్ మీడియా ఖాతాలో పోస్టు చేశారు. ఇది వైరల్ గా మారింది. 

అమరావతి:  కర్టాటక జిల్లాలో పావుగడ పట్టణం దగ్గర రోడ్డు ప్రమాదం జరిగింది. పెనుకొండ నుంచి పావుగడ వెళ్తున్న ఎపి ఆర్టిసి బస్సు-కారు ఎదురెదురుగా ఢీకొని డ్రైవర్ మృతి చెందాడు. బస్సులో 25 మంది ప్రయాణికులకు గాయాలయ్యాయి. క్షతగాత్రులను ప్రభుత్వ ఆస్పత్రికి తరలించారు. స్థానికుల సమాచారం మేరకు పోలీసులు ఘటనా స్థలానికి చేరుకుని.. కేసు నమోదు చేసుకుని దర్యాప్తు చేస్తున్నారు. 

 ఆంధ్రప్రదేశ్‌లోని పసిబిడ్డల విక్రయాలకు పాల్పడుతున్న ఓ ముఠా గుట్టును విజయవాడ పోలీసులు రట్టు చేశారు ఢిల్లీ, యూపితో పాటు ఇతర రాష్ట్రాల నుంచి నెలల వయసున్న శిశువులను తెప్పించి అక్రమంగా విక్రయిస్తున్న ముఠాను అరెస్టు చేసి, ఐదుగురు పసిబిడ్డలను పోలీసులు స్వాధీనం చేసుకున్నారు. ఒక్కో శిశువును రూ.3 లక్షల నుంచి రూ.5 లక్షల వరకు విక్రయిస్తున్నట్టు పోలీసుల ప్రాథమిక విచారణలో తేలింది. గతంలో అరెస్ట్ అయిన బండి సరోజ ముఠానే ఈ అక్రమ శిశు విక్రయాలకు పాల్పడుతున్నట్టు పోలీసులు గుర్తించారు. మూడు నెలల క్రితం అరెస్ట్ అయిన అనంతరం బయటకు వచ్చిన సరోజ ముఠా మళ్లీ ఈ దందాను కొనసాగి స్తున్నట్టు పోలీసులు నిర్ధారించారు.

కేసులో మొత్తం 13 మందిని పోలీసులు అదుపులోకి తీసుకున్నారు. వీరిలో ఆరుగురు మహిళలు, ఏడుగురు పురుషులు ఉన్నట్లు పోలీసులు తెలిపారు. నిందితులు విజయవాడ, పాయకాపురం, గుంటూరు, నరసరావుపేట ప్రాంతాలకు చెందినవారిగా పోలీసులు గుర్తించారు. ముఠా నుంచి స్వాధీనం చేసుకున్న ఐదుగురు పసిబిడ్డలను ఐసిడిఎస్ అధికారులకు పోలీసులు అప్పగించారు. పిల్లలకు అవసరమైన వైద్య పరీక్షలు నిర్వహించి, రక్షణ చర్యలు చేపట్టినట్టు వెల్లడించారు. కేసు నమోదు చేసి దర్యాప్తు చేపట్టిన పోలీసులు అక్రమ శిశు విక్రయాల వెనుక ఉన్న పెద్ద నెట్‌వర్క్ ఛేదించే దిశగా చర్యలకు ఉపక్రమించారు.

అమరావతి: ఎపి సిఎం మెడికల్ కాలేజీలను ప్రైవేట్ వ్యక్తుల చేతుల్లో పెట్టడం దారుణం అని వైసిపి మాజీ మంత్రి గుడివాడ అమర్నాథ్ తెలిపారు. దీని వెనుక పెద్ద స్కామ్ ఉందని అన్నారు. ఈ సందర్భంగా ఆయన మీడియాతో మాట్లాడుతూ.. కిక్ బ్యాగుల రూపంలో కమీషన్లు దండుకుంటున్నారని, ఎపి సిఎం చంద్రబాబు నాయుడు విధానాలను కోటిమందికి పైగా తిరస్కరించారని విమర్శించారు. ప్రజల ఆకాంక్షను రేపు గవర్నర్ దృష్టికి తీసుకెళ్తామని గుడివాడ అమర్నాథ్ హెచ్చరించారు. 

తన భార్య నల్లగా ఉందని ఓ భార్యను ఆమెను పుట్టింటిలో వదిలేశాడో ప్రబుద్ధుడు. దీంతో ఆ భార్య బంధువులతో కలిసి ఏకంగా అత్తమామల ఇంటి ముందు ఆందోళన చేపట్టింది. ఎపిలోని పల్నాడు జిల్లా పరిధిలోని వినుకొండలో ఈ ఘటన చోటుచేసుకుంది. వినుకొండ మండలం నడిగడ్డకు చెందిన గోపి లక్ష్మికి కోటేశ్వరరావుతో ఈ ఏడాది జూన్‌లో వివాహం జరిగింది. పెళ్లి జరిగిన రెండు నెలల నుంచి భర్త, అత్త శేషమ్మ, మామ వెంకటేశ్వర్లు వేధిస్తున్నారని బాధితురాలు చెబుతోంది. పెళ్లి సమయంలో తన తల్లిదండ్రులు రెండు ఎకరాల పొలం అమ్మి 20 లక్షలు డబ్బులు, 20 సవర్ల బంగారం కట్నంగా ఇచ్చారని వెల్లడించింది. అదనపు కట్నం తెమ్మని అత్త మామలు వేధిస్తున్నారు. తిండి కూడా పెట్టకుండా కొట్టి పుట్టింటికి పంపారు. నల్లగా ఉన్నానని భర్త, అశుభాలు జరుగుతున్నాయని మామ, అత్త వేధింపులకు గురి చేస్తున్నారని బాధితు రాలు చెబుతోంది. తల్లి దండ్రులతో కలసి అత్తగారింటికి వెళ్ళగా మాపై దాడికి ప్రయత్నించి, ఇంటికి తాళం వేసి వెళ్లిపోయారంటూ బాధితురాలు వాపోయింది.. తనకు న్యాయం చేయాలని బాధితురాలు ఆవేదన వ్యక్తం చేస్తోంది. దీంతో కోడలు గోపి లక్ష్మి అత్త ఇంటి ముందు ఆందోళనకు దిగింది..

అతివేగంతో కారు అదుపు తప్పి జనం మీదకి దూసుకెళ్లిన ఘటనా ఆంధ్రప్రదేశ్ లోని కృష్ణా జిల్లా అబనిగడ్డ మండలం చల్లపల్లి లో చోటు చేసుకుంది. రోడ్డుపై వెళ్తున్న బైకర్లను ఢీకొట్టింది. ఈ ఘటనలో ఒకరు ఘటనాస్థలిలోనే మృతి చెందగా, మరికొందరు తీవ్రంగా గాయపడ్డారు. స్థానికుల సమాచారం మేరకు ఘటనా స్థలికి చేరుకున్న పోలీసులు గాయపడిన వారిని చికిత్స నిమిత్తం స్థానిక ఆసుపత్రికి తరలించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. పోస్ట్ మార్టం నిమిత్తం మృతదేహాన్ని ఆసుపత్రికి తరలించారు.

బాపట్ల: పల్నాడు జిల్లా రొంపిచర్ల మండలం మాచారంలో దారుణం చోటు చేసుకుంది. భార్యను గొంతునులిమి చంపి మృతదేహాన్ని భర్త బైక్ పై పిఎస్ కు తీసుకెళ్లాడు. నిందితుడు వెంకటేశ్వర్లు స్వగ్రామం సంతమాగూరు మండలానికి చెందినవాడు. పదేళ్ల కిందట వెంకటేశ్వర్లు, మహాలక్ష్మి ప్రేమ వివాహం చేసుకున్నారు. వీరిద్దరికి ఇద్దరు సంతానం. భార్యాభర్తల మధ్య విభేదాలతో వెంకటేశ్వర్లకు దూరంగా మహాలక్ష్మి ఉంటుంది. శనివారం రాత్రి మాచవరంలో ఉంటున్న భార్య వద్దకు వెంకటేశ్వర్లు వెళ్లాడు. ఉదయం మహాలక్ష్మిని మాచవరం శివారుకు తీసుకెళ్లి హత్య చేశాడు. బాపట్ల జిల్లా సంతమాగులూరు పిఎస్ లో వెంకటేశ్వర్లు లొంగిపోయాడు. రొంపిచర్ల పోలీసులు మృతదేహాన్ని స్వాధీనం చేసుకుని దర్యాప్తు చేస్తున్నారు. 

అమరావతి: కృష్ణా జిల్లా గుడివాడలో భారీ అగ్నిప్రమాదం జరిగింది. గుడివాడ నెహ్రూ చౌక్ లోని షాపింగ్ కాంప్లెక్స్ కు ఒక్కసారిగా మంటలు చెలరేగాయి. స్థానికులు సమాచారం మేరకు అగ్నిమాపక సిబ్బంది, పోలీసులు ఘటనా స్థలానికి చేరుకున్నారు. అగ్నిమాపక సిబ్బంది మంటలను అదుపులోకి తీసుకొచ్చారు. పోలీసులు కేసు నమోదు చేసుకుని.. దర్యాప్తు చేస్తున్నారు. షార్ట్ సర్య్కూట్ తోనే ఈ ప్రమాదం జరిగి ఉంటుందని అగ్నిమాపక సిబ్బంది, పోలీసులు భావిస్తున్నారు. భారీగా ఆస్తి నష్టం జరిగినట్టు సమాచారం. ఇంకా వివరాలు తెలియాల్సి ఉంది.

అమరావతి: కృష్ణా జిల్లా గుడివాడలో భారీ అగ్నిప్రమాదం జరిగింది. గుడివాడ నెహ్రూ చౌక్ లోని షాపింగ్ కాంప్లెక్స్ కు ఒక్కసారిగా మంటలు చెలరేగాయి. తొలుత సెల్ ఫోన్ దుకాణం లో వచ్చిన మంటలు క్రమంగా మిగతా షాపులోకి వ్యాపించాయి. ఇదే కాంప్లెక్స్ లో జూనియర్ కళాశాల, ఎస్ బిఐ శాఖలు ఉన్నాయి. స్థానికులు సమాచారం మేరకు అగ్నిమాపక సిబ్బంది, పోలీసులు ఘటనా స్థలానికి చేరుకున్నారు. అగ్నిమాపక సిబ్బంది మంటలను అదుపులోకి తీసుకొచ్చారు. పోలీసులు కేసు నమోదు చేసుకుని.. దర్యాప్తు చేస్తున్నారు. షార్ట్ సర్య్కూట్ తోనే ఈ ప్రమాదం జరిగి ఉంటుందని అగ్నిమాపక సిబ్బంది, పోలీసులు భావిస్తున్నారు. భారీగా ఆస్తి నష్టం జరిగినట్టు సమాచారం. ఇంకా వివరాలు తెలియాల్సి ఉంది.