అంతర్జాతీయ వార్తలు,తాజా వార్తలు

కారకాస్ : తాను తన కుటుంబంతో సహా దేశాన్ని విడిచిపెట్టేందుకు సిద్ధంగా ఉన్నానని అమెరికా అధ్యక్షుడు ట్రంప్‌తో జరిగిన చర్చల్లో వెనెజువెలా అధ్యక్షుడు నికొలస్ మదురో పేర్కొన్నట్టు తెలుస్తోంది.అయితే ఆందుకు ఆయన కొన్నిషరతులు విధించినట్టు సమాచారం. ఈ మేరకు రాయిటర్స్ తన కథనంలో పేర్కొంది. గత నెలలో ట్రంప్, మదురోలు 15 నిమిషాల కంటే తక్కువ సమయం ఫోన్‌లో మాట్లాడుకున్నారు. ఆసమయంలో తనకు, తన కుటుంబానికి ఆంక్షల నుంచి పూర్తి ఉపశమనం లభిస్తే, తాను వెనెజువెలాను విడిచిపెట్టడానికి సిద్ధంగా ఉన్నానని, మదురో తెలియజేసినట్టు సమాచారం.

అమెరికా విధించిన అన్ని ఆంక్షలను ఎత్తివేయడంతోపాటు అంతర్జాతీయ క్రిమినల్ కోర్టు నుంచి తాను ఎదుర్కొంటున్న కేసును మూసివేయడం వంటి వాటి గురించి ప్రస్తావించారు. దీంతోపాటు అవినీతి, మాదక ద్రవ్యాల అక్రమ రవాణా, మానవహక్కుల ఉల్లంఘనలకు సంబంధించి 100 మందికి పైగా వెనెజువెలా అధికారులపై విధించిన ఆంక్షల నుంచి అమెరికా ఉపశమనం కలిగించాలని కూడా ఆయన కోరినట్టు సమాచారం. అయితే మదురోషరతుల్లో చాలా వాటిని ట్రంప్ తిరస్కరించినట్టు రాయిటర్ పేర్కొంది. మదురో తన కుటుంబంతో సహా దేశాన్ని వీడేందుకు ట్రంప్ ఒక వారం రోజులు గడువు విధించినట్టు తెలుస్తోంది. అయితే అది శుక్రవారంతో ముగిసింది. ఈ నేపథ్యంలో వెనెజువెలా భూభాగంపై అమెరికా దళాల సైనిక కార్యకలాపాలను విస్తరించారు. 

మాస్కో: వాణిజ్య లోటు విషయంలో భారత్ ఆందోళనలు తమకు తెలుసని, అందుకే దాన్ని సమతూకం చేసేందుకు దిగుమతులను గణనీయంగా పెంచుకుంటామని రష్యా అధ్యక్షుడు వ్లాదిమిర్ పుతిన్ అధికార ప్రతినిధి దిమిత్రి పెస్కోవ్ కీలక ప్రకటన చేశారు. అలాగే ఉగ్రవాదంపై ఉమ్మడిగా కలిసి పోరాటం చేయడానికి సిద్ధమని తెలిపారు. దైపాక్షిక వాణిజ్యంపై ఇతర దేశాల ఒత్తిడి లేని వ్యాపార విధానాన్ని అభివృద్ధి చేయాల్సిన అవసరం ఉందన్నారు. త్వరలో పుతిన్ భారత్‌లో పర్యటించనున్న నేపథ్యంలో భారత్ష్య్రా సంబంధాలపై రష్యా నుంచి ఈ ప్రకటన రావడం గమనార్హం. అమెరికా ఆంక్షల విధింపు ఎలా ఉన్నా భారత్‌కు రష్యా నుంచి చమురు సరఫరా తగ్గకుండా ప్రయత్నిస్తున్నట్టు పెస్కోవ్ తెలిపారు.

భౌగోళిక రాజకీయాలకు అతీతంగా పనిచేసే ఒక వాణిజ్య వ్యవస్థను అభివృద్ధి చేయాలని రష్యా కోరుకుంటున్నట్టు వెల్లడించారు. ఇరుదేశాల ద్వైపాక్షిక వాణిజ్యం 2030 నాటికి 100 బిలియన్ డాలర్లకు చేరుతుందని ఆశాభావం వ్యక్తం చేశారు. రక్షణ సహకారాన్ని కూడా మరింత విస్తరిస్తామని తెలిపారు. ఉక్రెయిన్ సంక్షోభంపై అమెరికా మధ్యవర్తిత్వం చాలా ప్రభావవంతంగా ఉందని , వారి ప్రయత్నాలు ఫలిస్తాయని ఆశిస్తున్నామన్నారు. ప్రధాని మోడీ ఆహ్వానం మేరకు ఈనెల 4,5 తేదీల్లో పుతిన్ భారత్‌లో పర్యటించనున్నారు. భారత్‌పై అమెరికా సుంకాలు విధించిన నేపథ్యంలో ఈ పర్యటన ప్రాధాన్యత సంతరించుకుంది. ఇరు దేశాల 23 వ వార్షిక శిఖరాగ్ర సదస్సులో వాణిజ్యం, రక్షణ తదితర అంశాలపై చర్చించనున్నారు. ఈ సందర్భంగా కొన్ని కీలక ఒప్పందాలు కుదిరే అవకాశం ఉంది. 

మాజీ ప్రధాన మంత్రి, పాకిస్తాన్ తెహ్రీక్-ఇ-ఇన్సాఫ్ చీఫ్ ఇమ్రాన్ ఖాన్‌ను ఆయన సోదరి ఉజ్మా ఖానుమ్‌ కలిశారు. ఇమ్రాన్ ఆరోగ్యంపై వస్తున్న వదంతుల నేపథ్యంలో ఆయనను కలిసేందుకు జైలు అధికారులు మంగళవారం అనుమతించారు. దీంతో పాకిస్తాన్ లోని అడియాలా జైలులో ఇమ్రాన్ ను ఆయన సోదరి ఉజ్మా కలిశారు. అనంతరం జైలు బయట ఆమె మీడియాతో మాట్లాడారు. జైలులో ఇమ్రాన్ ఖాన్ సురక్షితంగానే ఉన్నట్లు తెలిపారు. కానీ ఆయనను మానసికంగా వేధిస్తున్నారని ఆమె ఆరోపణలు చేశారు.

కాగా, జైలులో ఇమ్రాన్ ఖాన్ మరణించినట్లు గత వారం రోజులుగా సోషల్ మీడియాలో ప్రచారం జరుగుతున్న సంగతి తెలిసిదే. ఆయనను జైలులో చిత్రహింసలకు గురిచేసి చంపినట్లు బలూచిస్థాన్ విదేశాంగ మంత్రిత్వ శాఖ సంచలన ఆరోపణలు చేసింది. ఇమ్రాన్ ఆరోగ్యంపై పుకార్లు రావడంతో కుటుంబ సభ్యులు, పార్టీ నేతలు, మద్దతుదారులు పెద్ద ఎత్తున రావిల్పిండిలోని అడియాలా జైలు వద్ద ఆందోళనకు దిగారు. ఆయనను కలిసేందుకు అనుమతివ్వాలని డిమాండ్ చేశారు. ఈ క్రమంలో కుటుంబంలోని ఒకరికి మాత్రమే అనుమతించడంతో ఇమ్రాన్ సోదరి ఉజ్మా జైలులోకి ఆయన వెళ్లి కలిశారు.

మాజీ ప్రధాన మంత్రి, పాకిస్తాన్ తెహ్రీక్-ఇ-ఇన్సాఫ్ చీఫ్ ఇమ్రాన్ ఖాన్‌ను కలిసేందుకు ఆయన సోదరికి ఎట్టకేలకు అనుమతి లభించింది. జైలులో ఇమ్రాన్ ఖాన్ మరణించినట్లు గత వారం రోజులుగా సోషల్ మీడియాలో ప్రచారం జరుగుతోంది. అంతేకాదు, ఆయనను చిత్రహింసలకు గురిచేసి చంపినట్లు బలూచిస్థాన్ విదేశాంగ మంత్రిత్వ శాఖ ఆరోపించింది. ఇమ్రాన్ ఖాన్ ఆరోగ్యంపై పుకార్లు రావడంతో కుటుంబ సభ్యులు, పార్టీ నేతలు, మద్దతుదారులు పెద్ద ఎత్తున పాక్ లోని రావిల్పిండి జైలు వద్ద ఆందోళనకు దిగారు. 

ఇమ్రాన్ ఖాన్ బతికే ఉన్నారనేందుకు రుజువు కోరుతూ ఆయన కుటుంబ సభ్యులు ఆందోళన చేస్తున్న నేపథ్యంలో.. అడియాలా జైలు అధికారులు మంగళవారం మాజీ ప్రధానిని కలిసేందుకు ఆయన సోదరి ఉజ్మా ఖానుమ్‌ను అనుమతించినట్లు పాకిస్తాన్ మీడియా వెల్లడించింది.

చెన్నై : తమిళనాడులో ఆదివారం జరిగిన రోడ్డు ప్రమాదంలో కనీసం 11మంది మృతి చెందారు. దాదాపు 40 మంది వరకూ గాయపడ్డారు. రాష్ట్రంలోని శివగంగ జిల్లాలోని తిరుపత్తూరు వద్ద తమిళనాడు రాష్ట్ర రోడ్డు రవాణా సంస్థ కు చెందిన రెండు బస్సులు ఎదురెదురుగా వచ్చి ఢీకొన్నాయి. ఈ ఘటనలో ప్రయాణికులు మృతి చెందారని అధికారులు తెలిపారు.వీరిలో తొమ్మండుగురు మహిళలు ఉన్నారు. సహాయక బృందాలు ఘటనాస్థలికి చేరుకున్నాయి. ముందు మృతుల సంఖ్య ఏడు అని ప్రకటించారు.

కానీ చికిత్స పొందుతున్న వారిలో కొందరు చనిపోవడంతో ఈ సంఖ్య పెరిగింది.హైవేపై ఓ బస్సు కరైకూడకి మరోటి మధురైకు వెళ్లుతుండగా బస్సులు ఢీకొన్నాయి. దీనితో వాహనాల ముందు భాగాలు ఒకదానిలోకి మరోటి చొ చ్చుకువెళ్లాయి. లోపల ప్రయాణికులు విలవిలలాడుతూ ప్రా ణాలు కోల్పోయ్యారు.. ఘటన గురించి తెలియగానే అక్కడికి స్థానికులు , సహాయక బృందాలు వచ్చి గాయపడ్డ వారిని హు టాహుటిని శివగంగై ప్రభుత్వ ఆసుపత్రికి తరలించారు. గాయపడి చికిత్స పొందుతున్న వారిలో కొందరి పరిస్థితి విషమంగా ఉందని వెల్లడైంది. ఘటనపై సిఎం ఎంకె స్టాలిన్ స్పందించారు.

స్టాక్‌టన్ : అమెరికాలోని కాలిఫోర్నియాలోని ఫంక్షన్‌హాల్‌లో జరిగిన కాల్పుల్లో నలుగురు మృతి చెందారు. పది మంది వరకూ గాయపడ్డారు. అక్కడి స్టాక్టన్ ప్రాంతంలో ఈ ఘటన చోటుచేసుకుంది. ఓ కుటుంబం వేడుక కోసం అక్కడికి చేరిన దశలోనే ఎవరో వారిపై దాడికి దిగాడని షెరీఫ్ అధికారులు తెలిపారు. బాధితులలో పిల్లలు , పెద్దలు ఉన్నారు. కాల్పులకు దిగిన వ్యక్తిని అరెస్టు చేశారు. దాడికి కారణాలను దర్యాప్తు చేస్తున్నామని అధికారులు వివరించారు. గాయపడ్డ వారి పరిస్థితి ఏమిటనేది వెలుగులోకి రాలేదు. 

ఆస్ట్రేలియా ప్రధాని ఆంథోని అల్బనెస్ తమ 62వ ఏట పెళ్లి చేసుకున్నారు. ప్రధాని హోదాలో ఉన్న వ్యక్తి మనువాడిన ఘటన ఇదే తొలిసారి అయింది. దేశ రాజధాని కానెబెర్రాలో శనివారం ఆయన తన ప్రియురాలు జోడి హెడన్‌ను అత్యంత రహస్యంగా జరిగిన కార్యక్రమంలో పెళ్లి చేసుకున్నారు. ఆస్ట్రేలియాలో ఇది రికార్డు అయింది కేవలం 60 మంది గెస్టులు వచ్చిన దశలో కొందరు మంత్రుల హడావిడి నడుమ పెళ్లి జరిగింది. ఆస్కార్ నటుడు రసెల్ క్రోవే ఇతర ప్రముఖులు వేడుకకు తరలివచ్చారు. పెళ్లినాటి ప్రమాణాలను జంటనే రూపొందించుకుంది. వారి పెంపుడు కుక్క టోటో రింగ్ అందించింది. అక్కడికి వచ్చిన వధువు బంధువు చిన్నారి ఎల్లా పూలబాలిక అయి ఉందని తరువాత వెలువరించిన ప్రకటనలో తెలిపారు. ప్రధానికి 60 దాటింది. ప్రియురాలికి 46 సంవత్సరాలు . చాలాకాలంగా ఇరువురి మధ్య ప్రేమ జీవిత భాగస్వామ్యం నడుస్తోంది. ఇప్పుడు ఇది పెళ్లిగా మారింది. 

ఆస్ట్రేలియా ప్రధాన మంత్రి ఆంథోనీ అల్బనీస్ 62 ఏళ్ల వయసులో వివాహబంధంలోకి అడుగుపెట్టారు. శనివారం ఆంథోనీ తన చిరకాల స్నేహితురాలు జోడీ హైడెన్‌ వివాహం చేసుకున్నారు. కాన్‌బెర్రాలోని తన అధికారిక నివాసం ది లాడ్జ్ తోటలో అత్యంత సన్నిహితుల మధ్య జరిగిన ఒక ప్రైవేట్ వేడుకలో 46 ఏళ్ల ఆర్థిక వేత్త జోడీ హైడెన్‌ ను వివాహం చేసుకున్నారు. “మా కుటుంబం, సన్నిహితుల ముందు, మా భవిష్యత్తు జీవితాలను కలిసి గడపడానికి మా ప్రేమ, నిబద్ధతను పంచుకోవడానికి మేము పూర్తిగా సంతోషిస్తున్నాము” అని ఆంథోనీ ప్రకటన చేశారు. పదవిలో ఉండగా వివాహం చేసుకున్న దేశంలో మొదటి నాయకుడిగా ఆంథోనీ అల్బనీస్ నిలిచారు.