అంతర్జాతీయ వార్తలు,తాజా వార్తలు

బ్రసెల్స్: పంజాబ్ నేషనల్ బ్యాంక్‌కు రూ.వేల కోట్లు ఎగవేసి పారిపోయిన వ్యాపారవేత్త, ఆర్థిక నేరగాడు మెహుల్ ఛోక్సీని భారత్‌కు అప్పగించే విషయంపై బెల్జియం కోర్టు కీలక వ్యాఖ్యలు చేసింది. ఆయన్ను భారత్‌కు అప్పగించడంలో తమకు ఎలాంటి అడ్డంకులు లేవని స్పష్టం చేసింది. మెహుల్ ఛోక్సీని భారత్‌కు అప్పగించేందుకు ఇటీవల బెల్జియం న్యాయస్థానం ఆమోదం తెలిపిన సంగతి తెలిసిందే. ఈ క్రమంలో తన అప్పగింత ఆమోదం రాజకీయంగా ప్రేరేపించిందని, ఇది తన ప్రాథమిక హక్కులను ఉల్లంఘించడమే అవుతుందని ఆరోపించారు. ఈ ఆరోపణలపై తాజాగా బెల్జియం యాంట్వైర్ప్ న్యాయస్థానం కీలక వ్యాఖ్యలు చేసింది. ఛోక్సీ బెల్జియం పౌరుడు కాదని, గుర్తు చేసింది. అప్పగింతను సమర్థించే తీవ్రమైన అభియోగాలు అతడు ఎదుర్కొంటున్న విషయాన్ని కూడా ప్రస్తావించింది.

ఛోక్సీపై భారత్ వేసిన అభియోగాలను బెల్జియం చట్టప్రకారం కూడా నేరాలుగానే పరిగణిస్తామని వ్యాఖ్యానించింది. భారత్ ఆదేశాల మేరకు తనను ఆంటిగ్వా నుంచి కిడ్నాప్ చేశారంటూ చాలా కాలంగా ఛోక్సీ చేస్తున్న వాదనలను కూడా కోర్టు తోసిపుచ్చింది. ఈ ఆరోపణలకు సంబంధించి తగిన ఆధారాలు లేవని పేర్కొంది. ఈ సందర్భంగా ఛోక్సీ అప్పగింత అనంతరం అతడిని ఉంచే జైలుకు సంబంధించి భారత ప్రభుత్వం అందించిన వివరాలను బెల్జియం కోర్టు ప్రస్తావించింది.

పంజాబ్ నేషనల్ బ్యాంక్ నుంచి తీసుకున్న దాదాపు రూ.13 వేల కోట్ల రుణాలను ఎగ్గొట్టిన ఛోక్సీ, అతడి మేనల్లుడు నీరవ్ మోదీ (కేసులో మరో ప్రధాన నిందితుడు ) దేశం విడిచి పారిపోయారు. ఛోక్సీ ఆంటిగ్వాబార్బుడాకు వెళ్లగా, నీరవ్‌మోదీ లండన్‌లో ఆశ్రయం పొందాడు. ఇటీవల ఆంట్రర్ప్ లోని న్యాయస్థానం ఛోక్సీ అప్పగింతకు ఆమోదం తెలిపింది. 

ఇండియా రష్యా చమురు వాటా తగ్గుముఖం

ట్రేడ్, పాకిస్థాన్‌తో సయోధ్య విషయాల ప్రస్తావన

వ్యాపార దిగ్గజాల సమక్షంలో ప్రమిద జ్యోతి

వాఫింగ్టన్: భారత్-అమెరికా సంబంధాలు చాలా బాగున్నాయని అమెరికా అధ్యక్షులు డొనాల్డ్ ట్రంప్ చెప్పారు. తమ అధికారిక నివాసం వైట్‌హౌస్‌లో జరిగిన దీపావళి ఉత్సవాల సందర్భంగా ఆయన మాట్లాడారు. ప్రధాని మోడీ, భారత ప్రజలను ఆయన కొనియాడారు. ఎంతో మంచి సంబంధాలు ఉన్న ఇరుదేశాలూ రష్యా ఉక్రెయిన్ చిరకాల యుద్ధం సమసిసోవాలని కోరుకుంటున్నాయని ట్రంప్ చెప్పారు. సుంకాలు, వీసా అంశాలు, రష్యా నుంచి చమురు కొనుగోళ్ల వ్యవహారాల దశలో భారత్ అమెరికా సంబంధాలు బెడిసికొట్టాయి. ఈ దశలోనే ట్రంప్ ఆశాభావ వ్యాఖ్యలు వెలువడ్డాయి. మంగళవారం వైట్‌హౌస్‌లో రంగుల విద్యుద్దీపాల అలంకరణలతో వేడుక జరిగింది. భారతీయ సంతతి వ్యాపారవేత్తలను, సామాజిక వర్గాన్ని ఈ కార్యక్రమానికి ప్రత్యేకంగా ఆహ్వానించారు.

ముందుగా ట్రంప్ దీపావళి సాంప్రదాయక ప్రమిద దీపం వెలిగించారు. భారతీయులు, ఇండో అమెరికన్లకు ఈ దివ్వెల పండుగ శుభాకాంక్షలు తెలిపారు. ఇక్కడి ఉత్సవానికి ముందే తాను ప్రధాని మోడీతో ఫోన్‌లో మాట్లాడినట్లు ట్రంప్ చెప్పారు. చాలా మంచి సంభాషణ జరిగింది. ముఖ్యంగా ఇరుదేశాల మధ్య వ్యాపార వాణిజ్య విషయాలు ప్రస్తావనకు వచ్చాయని వివరించారు. ఇతర చాలా విషయాలు ముందుకు వచ్చాయి కానీ ట్రేడ్ విషయం కీలకం కదా అన్నారు. ఈ విషయంలో మోడీకి కూడా ఆసక్తి ఉందన్నారు. మోడీ గొప్ప వ్యక్తి, ఆయనతో తనకు ఏండ్ల తరబడి ఆయన తనకు మంచి మిత్రుడని వెల్లడించారు. ప్రదాని మోడీతో భారత్ పాక్ సంబంధాల విషయం కూడా ప్రస్తావనకు వచ్చిందని చెప్పారు.

ఇరుదేశాల మధ్య ఘర్షణలు వద్దని చెప్పానని, ఇదే తనకు కావల్సిందన్నారు. అసలు వివాదం గురించి మీడియాకు తెలిసిందేనని, అయినా రష్యా నుంచి భారత్ ఎక్కువగా చమురు కొనుగోళ్లకు ఇకపై దిగకపోవచ్చునని మీడియాకు చెప్పారు. భారత్ అమెరికా మధ్య రాబోయే రోజులలో మరిన్ని మంచి ఒప్పందాలు కుదురుతాయని కూడా ట్రంప్ వెల్లడించారు. తన మాదిరిగానే మోడీ కూడా ఉక్రెయిన్ రష్యా యుద్ధం ఆగిపోవాలని కోరుకుంటున్నారని, ఇది స్నేహభావ శాంతి సారూప్యం అని విశ్లేషించారు.

అమెరికా నిర్మాణంలో భారతీయ సమాజం కీలకం

అమెరికా ఆర్థిక వ్యవస్థ నిర్మాణంలో ఇక్కడి భారతీయ వ్యాపార వాణిజ్య వర్గాలు చిరకాలంగా కీలక పాత్ర వహిస్తున్నారని ట్రంప్ కొనియాడారు. వారి ఇక్కడి కంపెనీలను చూస్తే వారి కీలక పాత్ర ఏమిటనేది తెలుస్తుంది. పైగా ప్రపంచంలోనే దిగ్గజ కంపెనీలుగా నిలిచాయని కొనియాడారు. దీపావళి వేడుకలకు వైట్‌హౌస్‌కు ఆహ్వానితులుగా తరలివచ్చిన వారిలో భారతీయ సంతతికి చెందిన ప్రముఖ బిజినెస్‌మెన్‌లతో వైట్‌హౌస్ కళకళలాడింది. అడోబ్ సిఇఒ శంతనూ నారాయణ్, మైక్రాన్ కార్యనిర్వాహకులు సంజయ్ మెహ్రోత్రా, ఐబిఎం సిఇఒ అరవింద్ కృష్ణ వంటి పలువురు వైట్‌హౌస్ వేడుకకు తరలివచ్చారు.

దివ్వె విశ్వాసానికి, చీకటిపై వెలుగు విజయానికి తార్కాణంగా నిలుస్తుంది. అజ్ఞానంపై జ్ఞానం గెలుపు ప్రతీక అని ముందుగా ట్రంప్ ప్రకటించారు. కార్యక్రమంలో ఎఫ్‌బిఐ డైరెక్టర్ కాష్ పటేల్ కూడా పాల్గొన్నారు. ఈ సందర్భంగా ఆయన మాట్లాడుతూ తాను ఇక్కడికి తరలివచ్చిన తొలితరం బారతీయులలో తానూ ఒకడిని అని చెప్పారు. తన తల్లిదండ్రులు ఇక్కడికి చట్టబద్ధంగా వచ్చి స్థిరపడ్డారని వివరించారు. కార్యక్రమానికి అమెరికాలోని బారతీయ రాయబారి వినయ్ మెహన్ క్వాత్రా ప్రత్యేకంగా వచ్చారు. ప్రెసిడెంట్ ట్రంప్‌ను వైట్‌హౌస్ వేడుక నడుమ కలుసుకోవడం గర్వకారణంగా భావిస్తున్నట్లు స్పందించారు. 

శ్రీలంకకు చెందిన ఓ రాజకీయ నేత పార్టీ ఆఫీస్‌లో దారుణ హత్యకు గురయ్యారు. వెలిగామా కౌన్సిల్ ఛైర్మన్ లసంత విక్రమ శేఖర (38) బుధవారం తన కార్యాలయంలో ప్రజల సమస్యలు తెలుసుకుంటున్న సమయంలో ఇద్దరు దుండగులు ఆఫీస్ లోకి చొరబడ్డారు. తమ వద్ద ఉన్న గన్‌తో విక్రమశేఖరపై అనేక రౌండ్లు కాల్పులు జరిపారు. అనంతరం పరారయ్యారు. తీవ్రంగా గాయపడిన విక్రమశేఖరను ఆస్పత్రికి తరలిస్తుండగా, ప్రాణాలు కోల్పోయారు. సమాచారం అందుకున్న పోలీసులు సంఘటన స్థలానికి చేరుకుని దర్యాప్తు ప్రారంబించారు. కేసు నమోదు చేసుకొని విచారణ చేపట్టామని, దుండగుల కోసం గాలింపు చర్యలు కొనసాగుతున్నాయని పోలీసులు వెల్లడించారు. దాడికి కారణాలు తెలియాల్సి ఉంది. వెలిగామా కౌన్సిల్ నియంత్రణపై ప్రతిపక్ష సొమాగి జన బలవేగయ (ఎస్‌జెబి) పార్టీకి అధికార పార్టీ నేషనల్ పీపుల్స్ పవర్ పార్టీకి మధ్య తీవ్ర పోరు ఉన్న నేపథ్యంలో కౌన్సిల్ ఛైర్మన్ హత్యకు గురికావడం అక్కడి రాజకీయాల్లో తీవ్ర చర్చనీయాంశమైంది. 

జపాన్ తొలి మహిళా ప్రధానిగా అతివాద నేతగా పేరున్న సనే తకైచి ఎన్నికయ్యారు. జపాన్ పార్లమెంట్ మంగళవారం దేశం లోని తొలి మహిళా ప్రధాన మంత్రిగా సనేతకైచిని ఎనున్నకుంది. పార్టీలో అంతర్గత విభేదాల నేపథ్యంలో జపాన్ ప్రధానిగా ఉన్న షిగెరు ఇషిబా ఇటీవల తన పదవికి రాజీనామా చేసిన సంగతి తెలిసిందే. ఈ క్రమంలో అధికార లిబరల్ డెమోక్రటిక్ పార్టీ అధ్యక్షురాలిగా సనైతకైచి ఎన్నికయ్యారు. ఇటీవల దేశంలో జరిగిన ఎన్నికల్లో పార్లమెంట్ ఎగువ సభలో అధికార పార్టీ మెజార్టీని సాధించలేక పోయింది.దీనికి ముందు దిగువ సభలో కూడా మెజార్టీ కోల్పోయింది.

దీంతో ఇషిబాపై ఒత్తిడి పెరగ్గా, ఆయన తన పదవికి రాజీనామా చేశారు. ఈ క్రమం లోనే శనివారం పార్టీలో ఎన్నికలు జరగ్గా, మాజీ ప్రధానికుమారుడు షింజిరో కోయిజుమితోపాటు మరో ముగ్గురు అభ్యర్థులను ఓడించి తకైచి విజయం సాధించారు. నేడు పార్లమెంట్‌లో జరిగిన ఓటింగ్‌లో లిబరల్ డెమోక్రటిక్ పార్టీ జపాన్ ఇన్నోవేషన్ పార్టీ కూటమితో తకైచికి భారీ మద్దతు లభించింది. దీంతో జపాన్‌కు తొలి మహిళా ప్రధానిగా తకైచి అరుదైన ఘనత సాధించారు. 64 ఏళ్ల తకైచి 1993 లో స్వస్థలమైన నారా నుంచి పార్లమెంట్‌కు ఎన్నికయ్యారు. ఎల్‌డీపీలో ఆర్థిక భద్రత, అంతర్గత వ్యవహారాలు, లింగ సమానత్వ మంత్రితో సహా పలు కీలక పదవుల్లో పనిచేశారు.

మోడీ శుభాకాంక్షలు

జపాన్ తొలి మహిళా ప్రధానిగా ఎన్నికైన సానే తకైచికి భారత ప్రధాని నరేంద్రమోడీ శుభాకాంక్షలు తెలిపారు. భారత్ జపాన్‌ల ప్రత్యేక వ్యూహాత్మక ప్రపంచ భాగస్వామ్యాన్ని మరింత బలోపేతం చేయడానికి తకైచితో కలిసి పనిచేయడానికి ఎదురు చూస్తున్నట్టు పేర్కొన్నారు. ఇండో పసిఫిక్ ప్రాంతంలో శాంతి, స్థిరత్వం, శ్రేయస్సుల విషయంలో ఇరు దేశాల బంధాలు, కీలక పాత్ర పోషిస్తాయన్నారు. 

అమెరికా లోని భారతీయ విద్యార్థులకు , సాంకేతిక నిపుణులకు శుభవార్త, ప్రెసిడెంట్ డోనాల్డ్ ట్రంప్ అడ్మినిస్ట్రేషన్ సెప్టెంబర్ లో ప్రెసిడెంట్ ఆర్డర్ ద్వారా ప్రవేశపెట్టిన లక్ష డాలర్ల హెచ్ -1బి వీసా రుసుము విషయంలో పలు మినహాయింపులను ప్రకటించింది. ఇది అమెరికాలో ఉన్న విదేశీయులు ముఖ్యంగా భారతీయ విద్యార్థులు, సాంకేతిక నిపుణులకు ఊరట కల్గించే విషయం.సడలించిన నిబంధనల ప్రకారం ఎఫ్ – 1 విద్యార్థి వీసాలు, లేదా ఎల్ -1 ప్రొఫెషనల్ వీసాలు వంటి చెల్లుబాటు అయ్యే వీసాలపై ఇప్పటికే అమెరికాలో నివసిస్తున్న వ్యక్తులు, హెచ్ -1 బి వీసాలకు మారేందుకు దరఖాస్తు చేసుకునే టప్పుడు లక్ష డాలర్ల రుసుము చెల్లించనవసరం లేదని అమెరికా పౌరసత్వం, ఇమ్మిగ్రేషన్ సర్వీసెస్ ( యుఎస్ సిఐఎస్) ఒక ప్రకటనలో తెలిపింది. ఈ ప్రస్తుతం హెచ్ -1 బి వీసా కలిగిన వారులు తమ స్థితిని పునరుద్ధరించుకోవడానికి, లేదా పొడిగించుకోవాలని కోరిన పక్షంలో వారికీ వర్తిస్తుంది. ఈ ప్రకటన ప్రకారం మినహాయింపులు 2025 సెప్టెంబర్ 21 నుంచి అమలులోకి వస్తాయి. అమెరికా వెలుపల ఉన్న, చెల్లుబాటు అయ్యే హెచ్ -1 బి వీసాలు లేని లబ్ధిదారుల తరుపున దాఖలైన కొత్త హెచ్ -1బి పిటిషనర్లకు వర్తిస్తుంది.

గొప్ప విషయం ఏమిటంటే, అమెరికాను విడిచి వెళ్లకుండా ఒక స్థాయి నుంచి మరో స్థాయికి మారే సందర్భంలో , ఉదాహరణకు ఎఫ్ -1 విద్యార్థి స్థితి నుంచి హెచ్ -1 బి స్థితికి మారిన పక్షంలో ఆ స్టేటస్ మార్పుకు కూడా ఈ రుసుము వర్తించదని యుఎస్ సిఐఎస్ స్పష్టం చేసింది. హెచ్ -1 బి వీసా కావాలంటే, దాదాపు రూ. 89 లక్షలు చెల్లించక తప్పని వివాదాస్పద ప్రకటన సెప్టెంబర్ 19 లో వెలువడింది. ఈ ప్రకటన యాజమాన్యాలు, దరఖాస్తు దారులలో గందరగోళానికి దారితీసింది. యుఎస్ సీఐఎస్ తాజా ప్రకటన భారతీయ విద్యార్థులకు, టెక్ నిపుణులకు ఉపశమనం కలిగిస్తుంది. అమెరికా లో ఉన్న అంతర్జాతీయ విద్యార్థులలో వీరే ఎక్కువమంది. 2024 లో హెచ్ -1 బి వీసాలు పొందిన వారిలో 70 శాతం మంది భారతీయ పౌరులే. 2024 లో అమెరికాలో మొత్తం విదేశీ విద్యార్థులలో భారతీయ విద్యార్థులు 27 శాతం మంది. ఉండగా, గత సంవత్సరం కంటే, ఈ ఏడాది 11.8 శాతం పెరిగిందని యుఎస్ ఇమ్మిగ్రేషన్ , కస్టమ్స్ ఎన్ ఫోర్స్ మెంట్ స్టూడెంట్ అండ్ ఎక్స్చేంజ్ విజిటర్ ప్రోగ్రామ్ వార్షిక నివేదిక తెలిపింది. ఇప్పటికే ఉన్న హెచ్ -1బి వీసా హోల్డర్లు,ఆమోదం పొందిన లబ్ధిదారులు ఎలాంటి పరమితులు లేకుండా అమెరికా లోపలకి, బయటకు ప్రయాణించవచ్చునని యుఎస్ సిఐఎస్ హామీ ఇచ్చింది. యుఎస్ సిఐఎస్ దరఖాస్తును తిరస్కరించి ఉంటే, ఆ వ్యక్తి స్టేటస్ మార్పు లేదా పొడిగింపునకు అనర్హుడని భావిస్తే, ఆయా యాజమాన్యాలు రుసుము చెల్లించవలసి ఉంటుందని ఆ ప్రకటన స్పష్టం చేసింది.

వాషింగ్టన్: అమెరికాలో చదువుతున్న హెచ్-1 బి ఫీజు విషయంలో విదేశీ విద్యార్థులకు భారీ ఊరట లభించిందని అమెరికా సిటిజన్ షిప్ అండ్ ఇమ్మిగ్రేషన్ తెలిపింది. అమెరికా బయట నుంచి వచ్చే దరఖాస్తులకే హెచ్-1బి ఫీజు లక్ష డాలర్లు అందజేయాలని అన్నారు. ఈ మేరకు అమెరికా సిటిజన్ షిప్ అండ్ ఇమ్మిగ్రేషన్ ప్రకటన విడుదల చేసింది.   

వాషింగ్టన్: రష్యా నుంచి చమురు కొనుగోలుపై అమెరికా అధ్యక్షుడు డొనాల్డ్ ట్రంప్ మరోసారి భారత్ కు వార్నింగ్ ఇచ్చారు. రష్యా ముడి చమురు కొనుగోలు నిలిపేసే వరకు భారత్ అధిక సుంకాలు చెల్లించక తప్పదని పేర్కొన్నాడు. రష్యా నుంచి చమురు కొనుగోలు ఆపేందుకు ప్రధాని మోడీ అంగీకరించారిని ఇటీవల ట్రంప్ చెప్పిన సంగతి తెలిసిందే. అయితే, ట్రంప్ వ్యాఖ్యలను భారత విదేశాంగ శాఖ తోసిపుచ్చింది. అయినా.. ట్రంప్ మాత్రమే మళ్లీ అదే మాటా మాట్లాడుతున్నారు.

తాజాగా తన అధికారిక ఎయిర్ ఫోర్స్ వన్ విమానంలో విలేకరులతో మాట్లాడుతూ.. భారత్ త్వరలో రష్యా చమురు కొనుగోలును నిలిపివేస్తుందని.. మోడీ తనకు హామీ కూడా ఇచ్చారని ట్రంప్ పేర్కొన్నారు. అయితే, ఆ వ్యాఖ్యలను భారత్ తిరస్కరించడంపై విలేకర్లు ప్రశ్నించగా.. “వాళ్లు అలా చెప్పాలనుకుంటే.. భారీ సుంకాలను చెల్లిస్తూనే ఉంటారు.. కానీ అలా చేయరని అనుకుంటున్నాను” అని ట్రంప్ తెలిపారు. కాగా, రష్యా చమురు కొనుగోలు చేస్తున్నందుకు భారత్ పై ట్రంప్.. మొదట 25 శాతం అదనపు సుంకాలను విధించారు.  ఆ తర్వాత మొత్తం సుంకాలను 50 శాతానికి పెంచారు. 

 అమెరికా అధ్యక్షుడి విధానాలకు వ్యతిరేకంగా ‘నో కింగ్స్’ నిరసనలు

ఉధృతం 50కి పైగా నగరాల్లో వీధుల్లోకి మిలియన్ల కొద్దీ జనం

విదేశాల్లోని రాయబార కార్యాలయాల వద్ద ఆందోళనల వెల్లువ ట్రంప్

ఎదురుదాడి తనను తాను చక్రవర్తిగా చిత్రీకరిస్తూ ఎఐ ఫొటో విడుదల

న్యూయార్క్: అమెరికాలో క్రమేపీ పలు ప్రధాన నగరాలలో ట్రంప్ విధానాలకు నిరసనలు ఉ ధృతం అవుతున్నాయి. నో కింగ్స్ పేరిట జనం ప్లకార్డులతో వీధుల్లోకి తరలివస్తున్నారు. మహా నగరం న్యూయార్క్, వాషింగ్టన్ డిసి, చికాగో, మియామి, లాస్ ఏంజెలిస్‌ల్లో ట్రంప్‌కు వ్యతిరేకంగా నో కింగ్స్ ఉద్యమంలో మిలియన్ల కొద్దీ పాల్గొంటున్నారు. న్యూయార్క్‌లో ఎక్కడ చూ సినా నో కింగ్స్ బ్యానర్లు వెలిశాయి. జనం పెద్ద పెట్టున స్థానిక చారిత్రక ప్రతీకాత్మక టైమ్స్ స్కేర్ వద్ద గుమికూడారు. తమకు ప్రజాస్వా మ్యం ప్రాణం, రాచరికం కాదంటూ చెలరేగిన నినాదాలతో వీధులు మార్మోగాయి. కెనడా, జర్మనీ, ఫ్రాన్స్, ఇటలీ, స్విట్జర్లాండ్ దేశాల్లోని అమెరికా రాయబార కార్యాలయాల వద్ద కూ డా ట్రంప్‌పై నిరసనల వెల్లువలు సాగాయి.

అమెరికాలోనే ఒక్కరోజే 50కి పైగా నగరాలలో ఈ నిరసనలు చెలరేగాయి. త్వరలోనే అమెరికా అంతటా 2500కు పైగా ర్యాలీలు తీస్తామని నో కింగ్స్ పేరిట ఆరంభమైన ఉద్యమ నిర్వాహకులు ప్రటించారు. ట్రంప్ వరుసగా తీసుకుంటున్న నిర్ణయాలు , దేశీయ విదేశీ విధానాలు , అమెరికా ఫస్ట్ పేరిట వలసల నియంత్రణ క్రమంలో అనాలోచిత , అరాచక చర్యలకు దిగుతున్నారని నిరసనకారులు మండిపడ్డారు. ట్రంప్ కానీ మరెవ్వరైనా కానీ అమెరికాలో రాజ్యాంగం కాదని వ్యవహరిస్తే కుదరదు, రాజ్యాంగం అనేది ఐచ్ఛిక్కం అనుకుంటున్నారా? ఇది అనివార్యం, అవశ్యం, తప్పనిసరి అని జనసంద్రపు మహానగరం న్యూయార్క్‌లో వెల్లువెత్తిన నో కింగ్స్ జనం హెచ్చరించారు. రాజుల కాలం, తమ మాటలనే చలామణి చేయించుకోవాలనే ధోరణి కుదరదని స్పష్టం చేశారు. పలు విశ్వవిద్యాలయాలకు నిధుల కోత, ప్రత్యేకించి డెమెక్రాట్లు ప్రాబల్యంతో ఉన్న లేదా ఈ పార్టీ గవర్నర్లు ఉన్న రాష్ట్రాలలో శాంతి భద్రతల పరిరక్షణకు ట్రంప్ నేరుగా తన అధీనంలోని నేషనల్ గార్డ్‌ను రంగంలోకి దింపడం వంటి చర్యలు నో కింగ్స్ ఉద్యమానికి దారీతీశాయి. బారోహ్ పట్టణంలో లక్షకు పైగా జనం గుమికూడారని స్వయంగా న్యూయార్క్ పోలీసు విభాగం తెలిపింది.

ఇండివిజబుల్ సంస్థ సహ వ్యవస్థాపకురాలు లియా గ్రీన్ బర్గ్ ఇక్కడ నిరసనలకు నాయకత్వం వహించారని అధికారులు నిర్థారించారు. డెమోక్రాటిక్ పార్టీ , పలు సంఘాలు, అమెరికాకు చెందిన పలువురు ప్రముఖుల నుంచి ఈ ఉద్యమానికి ప్రత్యక్ష పరోక్ష మద్దతు దక్కుతోంది. న్యూయార్క్‌లో నిరసనకారులు కొన్ని చోట్ల ట్రంప్‌ను చక్రవర్తి మాదిరిగా చూపే భారీ బొమ్మలను ప్రదర్శించారు. ఈ నిరసనల దశలో పలు నగరాలలో నేషనల్ గార్డ్‌ను ప్రధాన కూడళ్ల వద్ద మొహరించారు. అయితే అన్ని చోట్ల కలిపితే ఏడు లక్షల మందికి పైగా జనం నిరసనలలో పాల్గొన్నారని ఉద్యమ నిర్వాహకులు సామాజిక మాధ్యమాలలో తెలిపారు.

ఇది ఆరంభమే అనుకోవచ్చు, ఇకపై ఇతర చోట్ల, నగరాలలో కూడా మరింత వినూత్నంగా తాము వ్యవహరిస్తామని తెలిపారు. అమెరికా వ్యవస్థలోని ఫెడరల్ గవర్నమెంట్ల అంటే రాష్ట్రాల్లో అధికారంలో ఉండే ప్రాంతీయ అధికారిక వ్యవస్థ అధికారాలను ట్రంప్ దెబ్బతీస్తున్నారనే అంశం చాలారోజులుగా రగులుకొంటోంది. ట్రంప్ ఎక్కువగా అంతర్జాతీయ పరిణామాలు, ప్రత్యేకించి నోబెల్‌పై కన్ను వేసి ఉంచడం అంతర్గత పరిణామాలను సరిగ్గా గుర్తించని క్రమంలోనే ఇప్పుడు ఈ ఉద్యమం వెల్లువెత్తే అవకాశం ఏర్పడిందని అమెరికా పత్రిక ఒకటి రాసింది. నిరసనకారులు ఎక్కువగా అన్యాయంపై నిరసన, ఫాసిసంపై ప్రతిఘటననే గొప్ప దేశభక్తి అని నిరసనకారులు నినదించారు. ట్రంప్ అధికారంలోకి వచ్చిన తరువాత నిరసనలతో కూడిన నో కింగ్ ఆందోళనలు చెలరేగడం ఇది మూడోసారి అయింది.

ట్రంప్ వర్గీయుల ఎదురుదాడి

అమెరికా వీధుల్లోకి నిరసనల పేరిట చేరుకుంటున్నది కేవలం హేట్ అమెరికావాదులు అని ట్రంప్ మద్దతుదార్లు కౌంటర్‌కు దిగారు. ఇది ఫాసిస్టు, అతి వామపక్ష వాద జెండాల కసరత్తు అని వ్యాఖ్యానించారు. అమెరికా ఫస్ట్ అని మేమంటాం, హేట్ అమెరికా అని వారంటున్నారు ఇదే తేడా అంటూ ట్రంప్ మనుష్యుల ద్వారా ఎఐ ఫోటో ఒకటి వెలువరించారు. ఇందులో ట్రంప్‌ను చక్రవర్తిగా చిత్రీకరించారు. నో కింగ్స్ నిర్వాహకులను కవ్వించేందుకే ఈ చర్యకు పాల్పడినట్లు భావిస్తున్నారు. ఇక ఇప్పటి ఉద్యమం నేపథ్యంలో అమెరికా అధ్యక్షులు ట్రంప్ వీటిపై ఒకే ఒక్క మాటతో స్పందించారు. తన ఫోటో పెట్టి, తాను కింగ్‌ను కానని ( నాట్ ఏ కింగ్) అని వ్యాఖ్యానించారు. తరువాత ఫ్యాక్స్ బిజినెస్‌తో మాట్లాడుతూ తనను వారు కింగ్ అంటున్నారని, ఎంతైనా ఈ డెమోక్రాట్లు ఎప్పటికీ ప్రభుత్వ చలామణిలోకి రాబోరు. కాబట్టి డెమోక్రాట్ల ప్రాధాన్యతలను కాదంటూ అమెరికన్ల కోసం తానే కింగ్ అవుతానేమో అనే వ్యాఖ్యలు చేశారు. ఇక ఆ తరువాత ఎఐ ట్రిక్కు ఫోటోగ్రఫీలో భాగంగా ట్రంప్ తమ ట్రూత్ సోషల్ వేదికపై వెలువరించిన ఫోటోలో తాను కిరీటం ధరించి ఫైటర్ జెట్‌లో దూసుకువెళ్తున్నట్టుగా ఉంది.

ఇస్లామాబాద్ : పాకిస్థాన్ మరోమారు అఫ్గానిస్థాన్‌లోని ఉగ్రవాద స్థావరాలపై శనివారం వైమానిక దాడులకు దిగింది. ఈ భీకర దాడులలో పలువురు ఉగ్రవాదులు, పౌరులు మృతి చెందారు. వీరిలో ముగ్గురు యువ క్రికెటర్లు కూ డా ఉన్నారని ది డాన్ పత్రిక తెలిపింది. ఇప్పుడు పాక్, అఫ్గాన్ సేనల మధ్య డోలాయమాన స్థితిలో ఉన్న కాల్పుల విరమణ ఇప్పటి ఈ దాడుల ఘటనతో చతికిలపడింది. పైగా దోహాలో జరగాల్సిన ఇరుపక్షాల శాంతి చర్చలపై నీలినీడలు పర్చుకున్నాయి. తహరీక్ ఎ తాలిబన్ పాకిస్థాన్ (టిటిపి) బహదూర్ వర్గం పాక్ అఫ్గాన్ సరిహద్దుల్లో ప్రా బల్యం చాటుకునేందుకు యత్నించడంతో ఇరుపక్షాల మధ్య తీవ్ర ఘర్షణ వాతావరణం ఏర్పడింది. ఒక్కరోజు క్రితమే నార్త్ వజరిస్థాన్‌లోని పాక్ సైనిక కేంద్రంపై ఉగ్రవాదులు కాల్పులు, బాంబుల దాడికి దిగారు.

తాలిబన్ల ఉగ్రసంస్థ దాడికి ప్రతీకారంగా పాక్ సేనలు శనివారం అఫ్గాన్ మారుమూ ల ప్రాంతంలోని ఉర్గన్, బర్మాల్ జిల్లాల్లోని పలు ప్రాంతాలపై వైమానిక దా డులకు దిగాయి. అక్కడ ఉగ్రవాద స్థావరాలను లక్షాలుగా ఎంచుకున్నాయి. ఈ దాడులలో క్రికెటర్లు మృతి చెందారని పత్రిక తెలిపింది. క్రికెటర్ల మృతిని అఫ్గాన్‌స్థాన్ క్రికెట్ బోర్డు నిర్థారించింది. ముగ్గురు యువ ఆటగాళ్లు కబీర్, సిబ్ఘహతుల్లా, హరూన్‌లు చనిపోయారని ఈ క్రికెట్ బోర్డు తమ ప్రకటనలో తెలిపింది. క్రికెటర్ల మృతికి నిరసనగా తాము మూడు దేశాల టి 201 సీరిస్ క్రికెట్ పోటీని బహిష్కరిస్తున్నట్లు అఫ్గాన్ క్రికెట్ బోర్డు తెలిపింది. ఈ పోటీలో పాక్ క్రికెట్ జట్టు ప్రధాన పక్షంగా ఉంది నవంబర్ చివరిలో ఈ క్రికెట్ జరగాల్సి ఉంది. జరిగ. ఇప్పటి దాడులతో దోహాలో జరిగే శాంతిచర్చలకు ఎటువంటి ఇబ్బంది ఉండదని , యధావిధిగా జరుగుతాయని పాక్ తరఫున విదేశాంగ మంత్రి ఖవాజా ఆసిఫ్, తాబిబన్లతో చర్చలు జరుపుతారని ప్రకటన వెలువడింది.  

వాషింగ్టన్: ట్రంప్ రెండోసారి అధికారంలోకి వ చ్చినప్పటి నుంచి అమెరికా వీసా నిబంధనలను మరింత కఠినతరం చేస్తున్నారు. ఈ నేపథ్యంలో భారతీయులకు మరో ఎదురుదెబ్బ తగిలింది. యూఎస్ డైవర్సిటీ వీసా (డీవీ) లాటరీలో పాల్గొనేందుకు భారతీయులకు 2028 వరకు అవకా శం లభించదని సంబంధిత వర్గాలు పేర్కొంటున్నాయి. గ్రీన్ కార్డ్ లాటరీ కార్యక్రమంలో గత ఐ దేళ్లలో అమెరికాకు తక్కువ వలసలు ఉన్న దేశాల దరఖాస్తుదారులను ఎంచుకుంటున్నట్టు తెలిపా యి. ఏటా 50వేల మంది లోపు అమెరికాకు వల స వచ్చే దేశాలకే అవకాశం ఇస్తున్నట్టు సమాచా రం. అమెరికాలో అన్ని దేశాలకు చెందిన వలసదారులకు అవకాశం ఇవ్వాలనే లక్షంతో ఇ లాంటి చర్యలు తీసుకుంటున్నట్టు తెలుస్తోంది. వీసా లాటరీలో పాల్గొనడానికి అనుమతి ఉన్న దేశాలకు తాజా వీసా కేటాయింపులను ప్రకటించారు. గత కొన్నేళ్లుగా భారత్ నుంచి అమెరికాకు అధికంగా వలసలు ఉండడంతో భారతీయులకు ఈ వీసా కార్యక్రమానికి కావాల్సిన అర్హత పరిమి తి మించిపోయిందని,

అందువల్లే ఈ లాటరీలో పా ల్గొనడానికి వారికి అవకాశం ఇవ్వట్లేదని సం బంధిత అధికారులు పేర్కొన్నారు. వారు తెలిపిన వివరాల ప్రకారం.. 2021లో , 93,450 మంది భారతీయులు అమెరికాకు వలస రాగా, 2022 లో ఈ సంఖ్య 1,27,010 గా ఉంది. ఇది అమెరికాకు వస్తున్న దక్షిణ అమెరికన్ (99,030), ఆఫ్రికన్ (89,570). యూరోపియన్ (75.610) వలసదారుల సంఖ్య కంటే ఎక్కువ. 2023లో 78,070 మంది భారతీయులు అమెరికాకు వల స వచ్చారు. ఈ రికార్డుల ఆధారంగా 2028 వర కు భారతీయులను యూఎస్ డైవర్సిటీ వీసా లా టరీలకు అనర్హులుగా నిర్ణయించినట్టు తెలిపింది. ఇప్పటికే ఇమిగ్రేషన్ విధానంలో అమెరికా తీసుకుంటున్న కఠిన చర్యలతో సమస్యలు ఎదుర్కొంటున్న భారతీయులకు ఇది మరో ఎదురుదెబ్బగా మారింది. ఈ లాటరీకి 2026 వరకు అర్హత సా ధించని ఇతర దేశాల్లో చైనా, దక్షిణ కొరియా, కెనడా, పాకిస్థాన్ ఉన్నాయి.

వలసదారుల పెరోల్ ఫీజు 1,000 డాలర్లు

పెరోల్ ఫేజుపై అమెరికా సిటిజన్ షిప్ అండ్ ఇమిగ్రేషన్ సర్వీస్ తాజాగా నోటిఫికేషన్ జారీ చేసింది. అందులో కొన్ని రకాల వలసదారులకు అవసరమయ్యే పెరోల్ ఫీజును 1000 డాలర్లకు పెంచుతున్నట్టు ప్రకటించింది. వీసా లేదా ఇతర అధికారిక పత్రాలు లేకుండా అమెరికాలో ప్రవేశించడానికి , ఉండడానికి పెరోల్ అనేది తాత్కాలిక అనుమతి. కొన్ని అత్యవసర పరిస్థితుల్లో మాత్రమే దీనిపై విదేశీయులను అమెరికా లోకి అనుమతిస్తారు. ఇటీవల ట్రంప్ ప్రవేశ పెట్టిన బిగ్ బ్యూటిఫుల్ బిల్లులో ఈ పెరోల్ ఫీజును తప్పనిసరి చేశారు. ప్రస్తుతం దీని ఆధారంగా అమెరికా లోకి ప్రవేశించాలంటే విదేశీయులు 1000 డాలర్ల పెరోల్ రుసుమును చెల్లించాలి. వీటిలో ప్రారంభ పెరోల్, రీ పెరోల్, పెరోల్ ఇన్ ప్లేస్ లేదా డీహెచ్‌ఎస్ కస్టడీ నుంచి పెరోల్ వంటివి ఉంటాయి. ఈ రుసుము ఇప్పటికే ఉన్న ఏదైనా ఇతర ఇమిగ్రేషన్ సర్వీస్ ఫైలింగ్ లేదా బయోమెట్రిక్ రుసుమును అదనంగా చెల్లించాల్సి ఉంటుంది. ఇమిగ్రేషన్ అధికారులు సూచించిన సమయం లోపు ఈ రుసుమును చెల్లిస్తేనే పెరోల్ పొందడానికి అనుమతినిస్తారు.