admin

అమరావతి: అంబేడ్క‌ర్ విగ్ర‌హం త‌గ‌ల‌బెట్టార‌ని ఫిర్యాదు ఇచ్చిన మా నాన్న‌నే అరెస్ట్ చేశారని దేవళంపేట ద‌ళిత స‌ర్పంచ్ గోవింద‌య్య కుమారుడు ఆవేద‌న‌ వ్యక్తం చేశారు. ‘జ‌రిగిన విష‌యం ఏంటీ?… పోలీసులు మా నాన్న మీద పెట్టిన కేసు ఏంటీ?.. ఇది మీకు న్యాయమా?’ అని ప్రశ్నించారు. టిడిపి నేత స‌తీష్ నాయుడుపై ఎందుకు చ‌ర్య‌లు తీసుకోవ‌డం లేదని అతడు ప్రశ్నించాడు. మా నాన్న లాక‌ప్ డెత్ అయితే పోలీసుల‌దే బాధ్య‌త‌ అని హెచ్చరించారు. దేవళంపేట ప్రధాన కూడలిలో మూడు రోజుల క్రితం డాక్టర్ బి.ఆర్ అంబేద్కర్ విగ్రహానికి గుర్తు తెలియని వ్యక్తులు నిప్పు పెట్టిన విషయం తెలిసిందే. విగ్రహానికి నిప్పు పెట్టిన వారిని వెంటనే అరెస్టు చేసి కఠినంగా శిక్షించాలని స్థానికులు, దళితులు  డిమాండ్ చేశారు. టిడిపి నేత సతీష్ నాయుడు, అతని అనుచరులు అంబేడ్కర్ విగ్రహానికి నిప్పు పెట్టారని దళిత సర్పంచ్ చొక్కా గోవిందయ్య ఆరోపణలు చేసిన విషయం విధితమే. 

– 

ఢిల్లీ: స్నేహం పేరుతో హోటల్‌కు తీసుకెళ్లి ఎంబిబిఎస్ విద్యార్థినిపై స్నేహితుడు అత్యాచారం చేసి అనంతరం వీడియో రికార్డు చేశాడు. దీంతో అతడిపై  ఆదర్శ్ నగర్ పోలీస్ స్టేషన్‌లో మెడికో ఫిర్యాదు చేసింది. పోలీసులు తెలిపిన వివరాల ప్రకారం… హర్యానాలోని జింద్ ప్రాంతానికి చెందిన ఓ ఎంబిబిఎస్ విద్యార్థిని ఢిల్లీలోని ఆదర్శ్‌నగర్ ప్రాంతంలో డా.బాబా సాహెబ్ అంబేడ్కర్ మెడికల్ కాలేజీ హాస్టల్‌లో ఉంటుంది. అమన్‌ప్రీత్ అనే యువకుడు మాయమాటలతో యువతికి పరిచయమయ్యాడు. పరిచయం కాస్త చనువుగా మారడంతో స్నేహం పేరుతో  ఆపిల్‌ హోటల్ కు తీసుకెళ్లాడు. హోటల్ రూమ్‌లో ఆమెపై అత్యాచారం చేసి వీడియో రికార్డు చేశాడు. ఈ వీడియోతో బ్లాక్‌మెయిల్ చేయడంతో తనతో కలిసి ఉండాలని బలవంతం చేస్తున్నాడు. దీంతో యువతి స్థానిక పోలీస్ స్టేషన్‌లో ఫిర్యాదు చేసింది. పోలీసులు కేసు నమోదు చేసి దర్యాప్తు చేస్తున్నారు. 

లక్నో: రాంగ్ నంబర్ కాల్ ఓ యువతి ప్రాణం తీసింది. యువతి అదృశ్యమైన రెండున్నర సంవత్సరాల తరువాత ఆమె అస్థిపంజరం లభించింది. ఈ సంఘటన ఉత్తర ప్రదేశ్ రాష్ట్రం హర్దోయ్ జిల్లాలో జరిగింది. పోలీసులు తెలిపిన వివరాల ప్రకారం… 2023 ఫిబ్రవరిలో సోనమ్ అనే వివాహిత ఓ రాంగ్ నంబర్‌కు కాల్ చేసింది. మస్‌దూల్ అనే వ్యక్తి ఫోన్ కాల్ లిఫ్ట్ చేసి అడిగాడు. ఫోన్ కాల్ ఇద్దరు మధ్య అక్రమ సంబంధానికి దారితీసింది. అప్పటికే సోనమ్‌కు భర్త ఉన్నాడు. ఆమె భర్త జీవనోపాధి నిమిత్తం యుపి బయట నివసిస్తున్నాడు. 2023 అగస్టు 6న ఆమె కనిపించకపోవడంతో మామ స్థానిక పోలీస్ స్టేషన్‌లో ఫిర్యాదు చేశాడు. పోలీసులు కేసు నమోదు చేసి దర్యాప్తు ప్రారంభించారు, కానీ ఆమె ఆచూకీ మాత్రం దొరకలేదు. ఆరుగురు పోలీస్ అధికారులు మారిన కూడా ఆమె ఆచూకీ లభించకపోవడంతో కేసును మూలకు పడేశారు.

నాలుగు నెలల క్రితం ఎఎస్‌పి నృపేంద్ర సోనమ్ అదృశ్యం కేసు దర్యాప్తు పున:ప్రారంభించారు. ఆమె సెల్‌ఫోన్‌కు వచ్చిన 3000 ఫోన్ కాల్స్ రికార్డును పరిశీలించాడు. సోనమ్ రాంగ్ నంబర్ కాల్ గురించి వివరాలు ఆరా తీశాడు. గుజరాత్‌కు చెందిన మస్‌దూల్‌గా గుర్తించారు. మస్‌దూల్ అదుపులోకి తీసుకొని ప్రశ్నించారు. సోనమ్‌తో ఢిల్లీలో సహజీవనం చేశానని అనంతరం హర్దోయ్‌లో కొంత కాలం ఒకే ఇంట్లో ఉన్నామని వివరించాడు. 2023 అగస్టు 23న సోనమ్‌తో మస్‌దూల్ గొడవకు దిగాడు. ఇద్దరు మధ్య గొడవ తారాస్థాయికి చేరుకోవడంతో మస్‌దూల్ తన తమ్ముడు షామ్స్‌దూల్, తండ్రి అయూబ్‌తో కలిసి ఆమెను చంపేశారు. అనంతరం మృతదేహాన్ని బావిలో పడేశాడు. పోలీసులు మళ్లీ కేసు నమోదు చేసి పోలీసులు బావిలో నుంచి అస్థిపంజరం బయటకు తీసి పోస్టుమార్టమ్‌కు పంపారు. పోలీసులు ముగ్గురిని అరెస్టు చేసి రిమాండ్‌కు తరలించారు.