admin

కన్న తల్లిని కొట్టి.. ఆ తర్వాత మనస్తాపంతో ఓ బిజెపి నేత ఆత్మహత్య చేసుకున్నాడు. ఈ విషాద సంఘటన హైదరాబాద్ నగరంలోని ఉప్పల్ లో చోటుచేసుకుంది. వివరాల్లోకి వెళితే.. ఇటీవల కుటుంబ కలహాల కారణంగా ఉప్పల్ బిజెపి లీడర్ రేవల్లి రాజు.. తన తల్లిని కొట్టినట్లు తెలుస్తోంది. ఈ ఘటనకు సంబంధించిన వీడియోను ఎవరో సోషల్ మీడియాలో పోస్ట్ చేశారు. తల్లిని కొట్టిన వీడియో నెట్టింట వైరల్ కావడంతో రేవల్లి రాజు మనస్తాపానికి గురై.. బీబీనగర్ పెద్ద చెరువులో దూకి ఆత్మహత్య చేసుకున్నాడు. సమాచారం అందుకున్న పోలీసులు వెంటనే సంఘటనాస్థలానిక చేరుకుని స్థానికుల సాయంతో మృతదేహాన్ని బయటకు తీసుకొచ్చారు. అనంతరం పోస్ట్ మార్టం కోసం ఆస్పత్రికి తరలించారు. 

ఆత్మహత్యకు ముందు రేవల్లి రాజు సెల్ఫీ వీడియో తీసుకున్నాడు. ప్రపంచంలో ఏ కొడుకు కూడా తన తల్లిని కొట్టాలనుకోడని.. తనను మోసం చేసిందని భాద, కోపంతో తన తల్లిపై చేయి చేసుకున్నానని.. అందుకు తనను క్షమించాలని సెల్పీ వీడియోలో ఆవేదన వ్యక్తం చేశాడు. తన భార్య, పిల్లలు అమాయకులని.. తాను చనిపోయిన తర్వాత తన కుటుంబ సభ్యులకు అండగా ఉండాలని తన మిత్రులను వేడుకున్నాడు. రేవల్లి రాజు ఆత్మహత్యతో అతని భార్య, పిల్లలు కన్నీరు మున్నీరుగా విలపిస్తున్నారు. కాగా, ఈ ఘటనపై కేసు నమోదు చేసి దర్యాప్తు చేస్తామని పోలీసులు పేర్కొన్నారు.

ద్దపల్లి జిల్లా, రామగిరి మండలం, సెంటినరీకాలనీ పరిధిలో యువకుడి దారుణ హత్య సంచలనం రేపుతోంది. శుక్రవారం మధ్యాహ్నం సెంటినరీకాలనీ సిటూ200 నంబర్ గల క్వార్టర్ వద్ద కోట చిరంజీవి (38) అనే యువకుడిని గుర్తు తెలియని ముగ్గురు వ్యక్తులు ఇనుపరాడ్, కత్తితో దాడి చేసి అతి కిరాతకంగా హతమార్చారు. స్థానికుల కథనం ప్రకారం.. న్యూమారేడుపాక పోతనకాలనీకి చెందిన చిరంజీవి మీసేవా కేంద్రం నిర్వహిస్తూ జీవనం సాగిస్తున్నాడు. హత్య జరిగిన సమయంలో సెంటినరీకాలనీలోని ఐకెపి కార్యాలయానికి ఆయన రాగానే అదే సమయంలో ముగ్గురు దుండగులు అతనిపై దాడి చేసి, రాళ్లతో అతిదారుణంగా హత్య చేసినట్లు తెలుస్తోంది. పోలీసుల ప్రాథమిక దర్యాప్తులో మృతుని భార్య కొంతకాలం క్రితమే మృతి చెందిందని, అనంతరం మరో మహిళతో సన్నిహితంగా ఉంటున్నట్లు సమాచారం. ఇదే పరిణామం ఈ హత్యకు దారితీసి ఉండొచ్చని అనుమానాలు వ్యక్తమవుతున్నాయి. ఘటనా స్థలానికి చేరుకున్న గోదావరిఖని ఎసిపి మడత రమేష్, మంథని సిఐ రాజు, రామగిరి ఎస్‌ఐ టి.శ్రీనివాస్ కేసు నమోదు చేసి, విచారణ ప్రారంభించారు. నిందితుల కోసం గాలింపు చర్యలు చేపట్టారు. పట్టపగలు యువకుడి హత్య మండలంలో సంచలనంగా మారింది. 

డిగ్రీ చదువుతున్న విద్యార్థిని ఆత్మహత్య చేసుకున్న ఘటన లాలాగూడ పోలీస్‌స్టేషన్ పరిధిలో చోటు చేసుకుంది. పోలీసులు, బంధువులు తెలిపిన వివరాల ప్రకారం…. లాలాపేట సాయిబాబా దేవాలయం సమీపంలో నివాసముంటున్న రిటైర్ట్ రైల్వే ఉద్యోగి ప్రమోద్‌కుమార్ పెద్ద కూతురు మౌలిక (19) అలియాస్ వెన్నల తార్నాకలోని రైల్వే డిగ్రీ కళాశాలలో బిఏ ద్వితీయ సంవత్సరం చదువుతుంది. మౌలిక బుధవారం సాయంత్రం 5 గంటల ప్రాంతంలో ఇంట్లో ఎవరూ లేని సమయంలో సీలింగ్ ఫ్యాన్‌కు ఉరేసుకుని ఆత్మహత్య చేసుకుంది. సమాచారం తెలుసుకున్న పోలీసులు ఘటనా స్ద్థలానికి చేరుకుని మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు.

మాణికేశ్వర్‌నగర్‌కు చెందిన ఓ వ్యక్తి కొన్ని నెలల నుండి రైల్వే డిగ్రీ కాలేజీలో వాలీబాల్ కోచ్‌గా ఉంటూ మౌలికను ప్రేమ పేరుతో వేధిస్తున్నాడని బంధువులు ఆరోపిస్తున్నారు. ఈ మేరకు కేసు నమోదు చేసుకున్న పోలీసులు దర్యాప్తు చేపట్టారు. మృతురాలి సెల్‌ఫోన్‌లో కూడా డేటా పూర్తిగా డిలీట్ చేసి ఉందని, డేటాను రిట్రీవ్ చేస్తున్నట్లు తెలిపారు. మౌలిక ఆత్మహత్య కేసులో అనుమానిస్తున్న వ్యక్తి పరారీలో ఉన్నాడని, అతడి కోసం గాలిస్తున్నట్లు సీఐ తెలిపారు.

పాకిస్తాన్ రాజధాని ఇస్లామాబాద్ లో గందరగోళ పరిస్థితి నెలకొంది. తీవ్రవాద సంస్థ తెహ్రీక్ – ఎ- లబ్బాయిక్ పాకిస్తాన్ (టిఎల్ పి) కి చెందిన లక్షలాది మంది గాజా హత్యాకాండను నిరసిస్తూ, ఇస్లామాబాద్ లోని అమెరికా రాయబార కార్యాలయానికి మార్చ్ చేసేందుకు యత్నించారు. వారిని అడ్డుకునేందుకు భద్రతాదళాలు ఇస్లామాబాద్ కు వెళ్లే ప్రధాన దారులలో బారికేట్లు నిర్మించకుండా ఏకంగా ఫిస్పింగ్ కంటైనర్లను అడ్డంగా పెట్టి దిగ్బంధించాయి. మొబైల్ సేవలను నిలిపివేశారు. లాహోర్ లోనూ ఈ మార్చ్ కు యత్నించినవారిని పోలీసులు అడ్డుకున్నారు. దీంతో టిఎల్ పీ ప్రతిఘటన హింసాత్మక ఘర్షణకు దారితీసింది. పోలీసు కాల్పుల్లో ఇద్దరు చనిపోయారు. చాలామంది గాయపడ్డారు.

పాక్ భద్రతా దళాల అణచివేతలకు నిరసనగా టిఎల్ పి ఇస్లామాబాద్ కు మార్చ్ చేపట్టింది. లక్షలాది మంది నిరసన కారులు ఇస్లామాబాద్ శివారు లోని అమెరికన్ మిషన్ వద్ద మోహరించారు. ఇస్లామాబాద్ లోని రెడ్ జోన్ ప్రాంతంలో అదనపు బలగాలను మోహరించడంతో పాటు, అనేక హోటళ్లను ఖాళీ చేయించారు.పాకిస్తాన్ అంతటా నిరసనలు కొనసాగుతున్నందువల్ల ఇస్లామాబాద్ లోని అమెరికా రాయబార కార్యాలయం, లాహోర్, కరాచీ, పెషావర్ లోని అమెరికా కాన్సులేట్ ల వద్ద కట్టుదిట్టమైన భద్రత ఏర్పాటు చేయడంతో పాటు, పౌరులు ఈ ప్రాంతాలలో ఎలాంటి సమావేశాలు నిర్వహించరాదని భద్రతా దళాలు హెచ్చరికలు జారీ చేశాయి.

భారత రాష్ట్ర సమితి (బీఆర్‌ఎస్) వర్కింగ్ ప్రెసిడెంట్, తెలంగాణ రాష్ట్ర మాజీ మంత్రి కల్వకుంట్ల తారక రామారావు (కేటీఆర్) శనివారం కోయంబత్తూరుకు వెళ్ళనున్నారు. దేశవ్యాప్తంగా వివిధ ఇంజనీరింగ్ కాలేజీల విద్యార్థులు పాల్గొనే ప్రతిష్టాత్మకమైన 10వ ఎఫ్‌ఎంఏఈ నేషనల్ స్టూడెంట్ మోటార్ స్పోర్ట్ కాంపిటీషన్ 2025 ప్రారంభోత్సవ కార్యక్రమానికి ఆయన ముఖ్య అతిథిగా హాజరుకానున్నారు. ఈ కార్యక్రమం కోయంబత్తూరులోని కుమారగురు ఇన్‌స్టిట్యూషన్స్‌లో జరగనుంది.దేశవ్యాప్తంగా ఇంజనీరింగ్ విద్యార్థులు తమ సాంకేతిక ప్రతిభను ప్రదర్శించే ఈ జాతీయ పోటీల్లో కేటీఆర్ పాల్గొనడం గర్వకారణంగా భావిస్తున్నారు. యువతలో ఆవిష్కరణా దృక్పథం, టెక్నాలజీ ప్రోత్సాహం, మోటార్ స్పోర్ట్ రంగంలో కొత్త ప్రతిభను వెలికితీసే వేదికగా ఈ కార్యక్రమం నిలుస్తుంది.

ఉద్యోగ కుంభకోణం వ్యవహారంలో ఎన్‌ఫోర్స్‌మెంట్ డైరెక్టరేట్ (ఇడి) బెంగాల్ రాష్ట్ర మంత్రి సుజిత్ బోస్ నివాసంపై శుక్రవారం భారీ స్థాయిలో దాడులు జరిపింది. ఈ కేసుకు సంబంధించి పదికి పైగా ప్రాంతాల్లో ఇడి సోదాలు చేపట్టింది. రాష్ట్ర అత్యవసర సేవలు, అగ్నిమాపక దళ వ్యవహారాల మంత్రి సుజిత్‌కు చెందిన సాల్ట్‌లేక్‌లోని నివాసంపై ఇడి బృందాలు ముందుగా తనిఖీలు చేపట్టాయని అధికారులు తెలిపారు. నగెర్‌బజార్ ప్రాంతంలో ఓ కౌన్సిలర్ ఇంటిపై, సౌత్ డమ్‌డమ్ మున్సిపాల్టీ మాజీ అధికారుల నివాసాలపై ఇడి సోదాలతో కలకలం చెలరేగింది. మున్సిపాల్టీలలో భారీ స్థాయి జాబ్ స్కామ్ జరగడంతో ఇడి రంగంలోకి దిగింది. సెంట్రల్ కోల్‌కతాలోని తంతానియా కాలిబన్‌లో ఓ ఇంట్లో, న్యూ అలిపోర్ ప్రాంతంలోని ఓ లాయర్ నివాసంలో

ఈ విధంగా ఇడి వర్గాలు ఏకకాలంలో ఏడుచోట్ల సోదాలకు దిగడంతో ఇది రాజకీయంగా , అధికార యంత్రాంగంపరంగా సంచలనం రేపింది. అవినీతి ఆరోపణలకు సంబంధించి సంబంధిత పత్రాలను సేకరించుకునేందుకు ఈ దాడులకు దిగాల్సి వచ్చిందని ఇడి అధికారి ఒకరు వార్తాసంస్థకు తెలిపారు. మంత్రి ఇంటి నుంచి ఇప్పటికైతే పలు ఒఎంఆర్ షీట్లను స్వాధీనం చేసుకున్నారని వెల్లడించారు. మంత్రికి చెందిన ఓ రెస్టారెంట్ మేనేజర్‌ను కూడా ఇడి అధికారులు ప్రశ్నించారు. ఈ స్కామ్ కేసు 2024 జనవరికి సంబంధించింది. ఈ వ్యవహారంలో మంత్రిని కేంద్రీయ దర్యాప్తు సంస్థ గతంలో 12 గంటల పాటు విచారించింది. అప్పుడు కూడా ఆయన నివాసాలపై, కార్యాలయాలపై దాడులు జరిగాయి.