admin 
హైదరాబాద్: సిద్దిపేట జిల్లా తహశీల్దార్ కార్యాలయం వద్ద రోడ్డు ప్రమాదం జరిగింది. రోడ్డుపై పనిచేస్తున్న రోడ్డు డివైడర్ పై గడ్డి కత్తిరిస్తున్న కూలీలను ఆర్టిసి బస్సు ఢీకొని అక్కడిక్కడే ఇద్దరు మృతి చెందారు. స్థానికులు సమాచారం మేరకు పోలీసులు ఘటనా స్థలానికి చేరుకుని కేసు నమోదు చేసుకుని దర్యాప్తు చేస్తున్నారు. ఆర్టిసి బస్సు ఢీకొన్న కూలీలు సాయిలు, రాజమల్లు గా పోలీసులు గుర్తించారు.
ఇస్లామాబాద్: పాకిస్థాన్ క్రికెట్ జట్టుకు ప్రస్తుతం బ్యాడ్ టైమ్ నడుస్తోంది. లీగ్ ఏదైనా సరే చెత్త ప్రదర్శనలతో విమర్శలు ఎదురుకుంటోంది. తమ దేశం ఆతిథ్యమిచ్చిన ఛాంపియన్స్ ట్రోఫీలో లీగ్ దరశలోనే వైదొలిగిన పాక్.. కొద్ది రోజుల క్రితం జరిగిన ఆసియాకప్లో ఫైనల్స్ వరకూ వచ్చి భారత్ చేతిలో చిత్తయింది. దీంతో జట్టులో మార్పలు చేయాలని పాకిస్థాన్ క్రికెట్ బోడర్డు నిర్ణయం తీుకుందని తెలుస్తోంది. ముఖ్యంగా టి-20 జట్టులో ప్రస్తుత ఉన్న కెప్టెన్ని తప్పించి అతడి స్థానంలో మరో యువ క్రికెటర్కు ఆ బాధ్యతలు అప్పిగిస్తారని టాక్.
యువ క్రికెటర్ షాదాబ్ ఖాన్.. గాయం కారణంగా ఆసియా కప్కి దూరమయ్యాడు. అతడు తిరిగి జట్టు లోకి వచ్చేందుకు సిద్ధంగా ఉన్నాడు. ప్రస్తుతం పాక్కి కెప్టెన్ సల్మాన్ అఘా నాయకత్వంలో పాకిస్తాన్ 30 టి20 మ్యాచ్లలో 17 విజయాలు సాధించినప్పటికీ.. అతడి బ్యాటింగ్ ప్రదర్శన మాత్రం దారుణంగా పడిపోయింది. ఆసియాకప్-2025లో 7 మ్యాచ్లు ఆడిన అఘా.. 12 సగటుతో 72 పరుగులు చేశాడు. దీంతో సల్మాన్ని కెప్టెన్సీ నుంచి తప్పించి.. షాదాబ్కు ఆ బాధ్యతలు ఇవ్వాలని పిసిబి భావిస్తోందట.
హైదరాబాద్: జూబ్లీహిల్స్ కాంగ్రెస్ అభ్యర్థిగా నవీన్ యాదవ్ నామినేషన్ వేశారు. షేక్పేట్ తహశీల్దార్ కార్యాలయంలో నవీన్ మొదటి సెట్ నామినేషన్ వేశారు. యూసుఫ్గూడ చెక్పోస్ట్ నుంచి ర్యాలీగా షేక్ పేట్ కు వెళ్లారు. ఈ నామినేషన్ కార్యక్రమంలో మంత్రులు పొన్నం ప్రభాకర్, వివేక్, ఎంపి అనిల్ పాల్గొన్నారు. రెండు రోజుల క్రితం జూబ్లీహిల్స్ ఉప ఎన్నికల సందర్భంగా బిఆర్ఎస్ పార్టీ అభ్యర్థి మాగంటి సునీత గోపీనాథ్ నామినేషన్ దాఖలు చేసిన విషయం తెలిసిందే. బిజెపి నుంచి లంకల దీపర్ రెడ్డి జూబ్లీహిల్స్ ఉప ఎన్నికలలో పోటీ చేస్తున్న విషయం విధితమే. జూబ్లీహిల్స్ నియోజకవర్గంలో బిఆర్ఎస్ ఎమ్మెల్యే మాగంటి గోపీనాథ్ గుండెపోటుతో మరణించడంతో ఉపఎన్నిక అనివార్యమైంది.
అమరావతి: ప్రభుత్వ డిపోల నుంచి కాకుండా బయట్నుంచి పెద్ద ఎత్తున సరుకు తెచ్చి విక్రయిస్తున్నారని వైసిపి మాజీ మంత్రి పేర్నినాని తెలిపారు. ఎపి సిఎం చంద్రబాబు నాయుడుపై పేర్నినాని మండిపడ్డారు. ఈ సందర్భంగా ఆయన మీడియాతో మాట్లాడుతూ.. బార్లలో జరుగుతున్న అవినీతిని బయట పెట్టే దమ్ముందా? అని ప్రశ్నించారు. నెలకు రూ. 5 కోట్లు దండుకుని బార్లలో పెద్ద ఎత్తున స్కాం చేస్తున్నారని విమర్శించారు. నెలకు రూ. 5 కోట్లు లంచాల కింద వసూలు చేస్తున్నారని, ఆ డబ్బంతా ఎవరి జేబుల్లోకి వెళ్తోంది? అని నిలదీశారు.
చంద్రబాబుకు దమ్ముంటే బార్లలో తనిఖీలు చేసేందుకు రాగలరా? అని ప్రశ్నించారు. బార్లలో విక్రయించే మద్యం ఎక్కడిదో లెక్క తేల్చేందుకు.. ఎల్లోమీడియా, రాజకీయ పార్టీల సమక్షంలో తాము సిద్ధమని పేర్నినాని సవాల్ విసిరారు. నకిలి మద్యంపై డిప్యూటి సిఎం పవన్ కల్యాణ్ ఎందుకు మాట్లాడటం లేదు? అని అన్నారు. 16 నెలలుగా రాష్ట్రంలో నకిలీ మద్యం ఏరులై పారుతోందని ధ్వజమెత్తారు. రాష్ట్రంలో లక్షన్నర బెల్టు షాపులు ఉన్నాయని బెల్టు షాపులు ఉన్నట్లు చంద్రబాబే ఒప్పుకున్నారని, నకిలీ మద్యం కేసులో మిగతా వారిని ఎందుకు అరెస్టు చేయలేదు? అని పేర్నినాని ప్రశ్నించారు.
రేపోమాపో జయచంద్రా రెడ్డిపై సస్పెన్షన్ ఎత్తేస్తారని, జయచంద్రారెడ్డి, జనార్ధన్, సురేంద్ర ఫోన్లను ఎందుకు సీజ్ చేయలేదని, సంబంధం లేని జోగి రమేష్ ఫోన్లను ఎందుకు సీజ్ చేశారని పేర్నినాని ఆగ్రహం వ్యకం చేశారు.
పెర్త్: భారత్-ఆస్ట్రేలియాల మధ్య వన్డే సిరీస్ మరో రెండు రోజుల్లో ప్రారంభం కానుంది, తొలుత వన్డేల్లో, ఆ తర్వాత టి-20 సిరీస్లలో ఇరు జట్లు తలపడనున్నాయి. ఇప్పటిక టీం ఇండియాలోని కొందరు ఆటగాళ్లు ఆస్ట్రేలియాకు చేరుకొని.. ప్రాక్టీస్ ప్రారంభించారు. మరో వైపు ఆస్ట్రేలియా కూడా భారత్కు గట్టి పోటీ ఇఛ్చేందకు రెడీ అవుతోంది. ఈ నేపథ్యంలో తొలి వన్డేకు ముందు ఆస్ట్రేలియాకు అనుకొని షాక్ తగిలింది.
ఆష్ట్రేలియా ఆల్ రౌండర్ కామెరాన్ గ్రీన్ వన్డే సిరీస్కి దూరమయ్యాడు. కొంతకాలంగా వెన్ను గాయంతో గ్రీన్ 12 నెలల పాటు క్రికెట్కి దూరమయ్యాడు. ఈ ఏడాది ఫిబ్రవరిలో గ్రీన్ మళ్లీ జట్టులో చోటు సంపాదించుకున్నాడు. కానీ, ఆ సిరీస్లో అతడి కేవలం స్పెషలిస్ట్ బ్యాటర్గా మాత్రమే ఆడాడు. దీంతో ఇప్పుడు బౌలింగ్లో తన సత్తా చాటాలనేరు ఉద్దెశ్యంతో నెట్స్లో ప్రాక్టీస్ చేశాుడు. ఈ క్రమలో మరోసారి అడుతుండగా.. అతనికి మళ్లీ గాయమైంది. దీంతో అతడిని వన్డే సిరీస్ నుంచి తప్పించారు. గ్రీన్ స్థానంల మార్నస్ లాబుషేన్ని క్రికెట్ ఆస్ట్రేలియా జట్టులోకి తీసుకుంది.
వరంగల్: హన్మకొండ జిల్లా పెద్దపెండ్యాలలో దారుణం వెలుగులోకి వచ్చింది. ప్రేమపెళ్లి చేసుకున్న దంపతులు మధ్య అనుమానులు రావడంతో భర్తను చంపింది. అశోక్ అనే వ్యక్తి యాదలక్ష్మి 14 సంవత్సరాల క్రితం ప్రేమ వివాహం చేసుకున్నాడు. దంపతులకు నలుగురు పిల్లలు ఉన్నారు. భార్య ప్రవర్తనపై పలుమార్లు భర్త ఆగ్రహం వ్యక్తం చేశాడు. దీంతో ఇద్దరు మధ్య గొడవలు జరుగుతున్నాయి. దీంతో భర్త మద్యానికి బానిసగా మారి ప్రతి రోజూ భార్యను వేదించేవాడు. మద్యం ఫుల్ గా తాగి భార్యతో గొడవకు దిగాడు. ఘర్షణ తారాస్థాయికి చేరుకోవడంతో యాదలక్ష్మి తన కూతురు సహాయంతో భర్త గొంతుకు చీర బిగించి హత్య చేసింది. అనంతరం ఆమె పోలీస్ స్టేషన్ లో లొంగిపోయింది. పోలీసులు కేసు నమోదు చేసి దర్యాప్తు చేస్తున్నారు. మృతదేహాన్ని ఎంజిఎం ఆస్పత్రికి తరలించారు.
హైదరాబాద్: మన రాష్ట్రంలో ఈ ఏడాది పత్తి ఉత్పత్తి పెరిగే అవకాశం ఉందని బిజెపి కేంద్రమంత్రి కిషన్ రెడ్డి తెలిపారు. నాణ్యమైన పత్తి ఉత్పత్తి మన రాష్ట్రం ముందుంది అని కొనియాడారు. ఈ సందర్భంగా ఆయన మీడియాతో మాట్లాడుతూ.. వర్షాలు పడినప్పుడు పత్తిలో తేమ శాతం పెరుగుతుందని, మన రాష్ట్రంలో పత్తి కొనుగోలు కేంద్రాలు 122కు చేరుతున్నాయని తెలియజేశారు. తేమ శాతం 12 కంటే పెరగకుండా రైతులు చూడాలని సూచించారు. కిపాస్ కిసాన్ యాప్ ద్వారా రైతుల వివరాలు, పంటల విస్తీర్ణం సేకరిస్తున్నామని, 9 ప్రాంతీయ భాషల్లో కిపాస్ కిసాన్ యాప్ తీసుకువచ్చామని కిషన్ రెడ్డి పేర్కొన్నారు.
పత్తికి మద్దతు ధర పెంచి సిసిఐ కొనుగోలు చేస్తోందని, కేంద్రం రూ. 600 కోట్లతో కపాస్ క్రాంతి మిషన్ ను ఏర్పాటు చేసిందని అన్నారు. పత్తి కొనుగోళ్లకు దేశవ్యాప్తంగా నిబంధనలు ఉన్నాయని, రైతులకు మేలు జరిగేలా జిన్నింగ్ మిల్లులను మ్యాపింగ్ చేశామని స్పష్టం చేశారు. తెలంగాణలో పదేళ్లలో పత్తి కోసం రూ.58 వేల కోట్లను కేంద్రం ఖర్చు చేసిందని, యాప్ లో ఇచ్చిన స్లాట్ ప్రకారం వస్తే వెంటనే కొనుగోలు పూర్తవుతుందని అన్నారు. పత్తికి మద్దతు ధర అందేలా రాష్ట్ర ప్రభుత్వాలు కూడా చూడాలని కిషన్ రెడ్డి కోరారు.
క్రికెట్ ప్రపంచంలో అత్యంత ఫిట్నెస్ కలిగిన ఆటగాళ్లలో విరాట్ కోహ్లీ ప్రథమ స్థానంలో ఉంటాడు. ఎలాంటి పరిస్థితులో అయినా చిరుతలా వేగంగా పరుగులు తీస్తాడు కోహ్లీ. అతడి పరుగు చూసి ప్రత్యర్థులు సైతం ఫిదా కావాల్సిందే. కాగా, చివరిగా ఛాంపియన్స్ ట్రోఫీలో ఆడిన విరాట్.. త్వరలో జరగబోయే ఆస్ట్రేలియా సిరీస్కి రెడీ అవుతున్నాడు. ఇప్పటికే ఆసీస్కు చేరుకొని అక్కడ సాధన ప్రారంభించాడు. ఈ సందర్భంగా కోహ్లీ ఫిట్నెస్ గురించి ఆసీస్ వెటరన్ పేసర్ కేన్ రిచర్డ్సన్ ఆసక్తికర విషయాలు గుర్తు చేసుకున్నాడు. 2017లో కోల్కతాలో ఆసీస్తో జరిగిన మ్యాచ్లో భారత్ విజయం సాధించడంలో కోహ్లీ కీలక పాత్ర పోషించాడు. ఆ రోజు కోహ్లీ ఫిట్నెస్ చూసి ఆశ్చర్యమేసిందని రిచర్డ్సన్ పేర్కొన్నాడు.
‘‘కోల్కతాలో జరిగిన మ్యాచ్ నాకు ఇప్పటికీ గుర్తుంది. ఆ రోజు వాతావరణం చాలా వేడిగా ఉంది. మ్యాథ్యూ వేడ్ కీపింగ్ చేస్తున్నాడు. నేను మైదానంలోకి అడుగుపెట్టే సమయానికి అతడు చెమటలతో తడిసిపోయాడు. ప్యాట్ కమ్మిన్స్ కూలర్ బాక్స్ వద్ద కూర్చున్నట్లు గుర్తు. జంపా అతడికి డ్రింక్ అందిస్తుండగా.. ఎవరో బౌల్లోకి పరిగెత్తుతున్నారని అన్నాను.. ప్యాటీ.. బౌలర్ లోపలికి పరిగెత్తుతున్నాడని జంపా కూడా అన్నాడు. ప్యాటీ మాత్రం తనకు తెలుసు అన్నట్లుగా కూర్చొని ఉండిపోయాడు. అక్కడి వాతావరణం అంత వేడిగా ఉంది. మేమంతా చనిపోతామేమో అని భయం వేసింది. కానీ, విరాట్ మాత్రం ఎసి వేసుకొని త్రెడ్ మిల్ మీద పరగెడుతున్నట్లుగా సింగిల్స్, డబుల్స్ తీస్తున్నాడు. మీకు డౌట్ ఉంటే ఆ మ్యాచ్ వీడియో ఫుటేజీలను గమనించండి. ఐస్తో కూడిన నెక్లెస్లు వేసుకున్నట్లు ఉంటారు. అందరి ముఖాలు పాలిపోయి ఉంటాయి. ఎవరూ మాట్లాడుకోరు. వికెట్ వచ్చిన పెద్దగా సెలబ్రేట్ చేసుకోలేదు. అసలు ఎనర్జీ లేదు. కానీ, విరాట్ పరిస్థితి పూర్తి భిన్నంగా ఉంది. పరిస్థితులు తనను ఏమీ చేయలేవు అన్నట్లుగా పరులు తీశాడు’’ అని రిచర్డ్సన్ తెలిపాడు. ఆ మ్యాచ్లో భారత్ 252 పరుగులు చేసింది. అందులో విరాటే 107 బంతుల్లో 92 పరుగులు చేశాడు. అందులో 60 పరుగులు సింగిల్స్, డబుల్స్ రూపంలో రావడం విశేషం. చివరకి ఆసీస్ 202 పరుగులకే ఆలౌట్ కావడంతో భారత్ ఈ మ్యాచ్లో విజయం సాధించింది.
రాయ్పూర్: మావోయిస్టు అగ్రనేత, పార్టీ కేంద్ర కమిటీ సభ్యుడు తక్కళ్లపల్లి వాసుదేవరావు అలియస్ ఆశన్న అలియాస్ రూపేష్ పోలీసులు ఎదుట లొంగిపోయారు. తన ఉద్యమ సహచరులు 208 మంది కలిసి పోలీసుల ముందు లొంగిపోయారు. లొంగిపోయిన వారిలో 110 మంది మహిళలు, 98 మంది పురుషులు ఉన్నారు. ఇదే అతిపెద్ద లొంగబాటు. మావోయిస్టు పార్టీ అగ్రనేత మల్లోజుల వేణుగోపాల్ అలియాస్ అభయ్ తన 60 మంది మావోయిస్టులతో మహారాష్ట్ర ముఖ్యమంత్రి ముందు లొంగిపోయిన విషయం తెలిసిందే. ఇద్దరు మావోయిస్టుల అగ్రనేతలు లొంగిపోవడంతో మావోయిస్టు పార్టీ భారీ ఎదురుదెబ్బ తగిలింది.
ములుగు జిల్లా వెంకటాపురం మండలం నర్సింగాపూర్ గ్రామంలో వాసుదేరావు జన్మించారు. లక్ష్మీదేవి పేట ప్రభుత్వ పాఠశాలలో ఒకటి నుంచి ఐదో తరగతి వరకు చదువుకున్నాడు. అనంతరం హనుమకొండలోని ఫాతిమా స్కూల్లో సెకండరీ విద్యను పూర్తి చేశాడు. కాకతీయ వర్సిటీలో డిగ్రీ చదువుతుండగా ఉద్యమాలపై వెళ్లాడు. రాడికల్ స్టూడెంట్ యూనియన్లో పని చేస్తూ 25 ఏళ్ల వయసులో పీపుల్ష్వార్ ఉద్యమం వైపు ఆకర్షితుడయ్యాడు. హోంమంత్రి మాధవ్ రెడ్డి, ఐపిఎస్ అధికారి ఉమేశ్ చంద్ర హత్యలకు ఆశన్న నేతృత్వం వహించినట్టు సమాచారం. అలాగే ఎపి సిఎం చంద్రబాబు నాయుడు, మాజీ సిఎం నేదరుమల్లి జనార్తన రెడ్డిపై బాంబు పేల్చి హత్యాయత్నానికి పాల్పడినట్టు సమాచారం.
హైదరాబాద్: తొలిసారిగా సైంటిఫిక్ గా కులగణన నిర్వహించామని డిప్యూటీ సిఎం భట్టి విక్రమార్క తెలిపారు. ప్రతిపక్షాలు చేస్తున్న పనులన్నీ బిసిలు చూస్తున్నారని అన్నారు. ఈ సందర్భంగా ఖమ్మం లో ఆయన మీడియాతో మాట్లాడుతూ.. సర్వే ద్వారా వచ్చిన సమాచారంతో బిసిలకు 42 శాతం రిజర్వేషన్లు ఇవ్వాలని చూశామని, అఖిల పక్షాలను తీసుకెళ్లాలని బిజెపిని కోరుతున్నామని బిజెపి రాష్ట్ర అధ్యక్షుడు రామచందర్ రావు కూడా ముందుకు రావాలని కోరారు. రేపటి బంద్ లో కాంగ్రెస్ శ్రేణులంతా పాల్గొనాలని, బిల్లు పెడితే మద్దతిస్తామని తమ అగ్రనేతలంతా ఇప్పటికే స్పష్టం చేశారని తెలియజేశారు. బిసి రిజర్వేషన్ల బిల్లుకు అడ్డుపడుతున్న బిజెపికి వ్యతిరేకంగా అందరూ పాల్గొనాలని సూచించారు. పార్లమెంటులో బిల్లు పెట్టకుండా అడ్డుపడుతున్నదెవరో తేలాలని డిమాండ్ చేశారు. సిఎం రేవంత్ రెడ్డి సహా అందరం వచ్చేందుకు తాము సిద్ధంగా ఉన్నామని సవాల్ విసిరారు. అఖిలపక్షంతో ప్రధాని నరేంద్ర మోడీని కలవాలనుకున్నామని, మోడీ అపాయింట్ మెంట్ ఇవ్వడం లేదని భట్టి విక్రమార్క పేర్కొన్నారు.