admin

నిజామాబాద్‌ కానిస్టేబుల్‌ ప్రమోద్‌ హత్య కేసు నిందితుడు రియాజ్‌ పోలీసుల ఎన్‌కౌంటర్‌ లో మృతి చెందాడు. నిన్న నగర పోలీసులు రియాజ్ ను అరెస్టు చేశారు. వైద్య పరీక్షల నిమిత్త జిల్లా ప్రభుత్వాస్పత్రికి తీసుకెళ్లగా.. అక్కడ ఏఆర్‌ కానిస్టేబుల్‌ నుంచి గన్‌ లాక్కుని పారిపోయేందుకు రియాజ్ ప్రయత్నించాడు. ఈ క్రమంలో కానిస్టేబుల్‌కు తీవ్రగాయాలైనట్లు తెలుస్తోంది. దీంతో వెంటనే అప్రమత్తమైన పోలీసులు రియాజ్‌పై కాల్పులు జరిపినట్లు సమాచారం.ఈ ఘటనలో రియాజ్ ప్రాణాలు కోల్పోయినట్లు పోలీసులు తెలిపారు. ఈ  ఎన్‌కౌంటర్‌పై డిజిపి శివధర్ రెడ్డి స్పందించారు.

“రియాజ్ ఆసుపత్రిలో చికిత్స పొందుతున్న సమయంలో.. రూమ్ బయట ఉన్న ఏఆర్ కానిస్టేబుల్ గన్ లాక్కునేందుకు ప్రయత్నించాడు. ఆ గన్‌తో పోలీసులపై కాల్పులు జరిపి పారిపోయేందుకు ప్రయత్నించాడు. రియాజ్ గన్ ఫైర్ చేసి ఉంటే ప్రజల ప్రాణాలు పోయేవి. ప్రజల ప్రాణాలు కాపాడే ప్రయత్నంలో భాగంగానే ఎన్‌కౌంటర్‌ జరిపాం” అని డిజిపి తెలిపారు.

కాగా, నిజామాబాద్ జిల్లాలో పలు దొంగతనాల కేసుల్లో నిందితుడిగా ఉన్న రియాజ్‌ను శుక్రవారం అదుపులోకి తీసుకుని విచారణ నిమిత్తం పోలీస్ స్టేషన్‌కి సిసిఎస్ పోలీసులు తరలిస్తుండగా.. కత్తితో కానిస్టేబుల్ ప్రమోద్ ఛాతీలో పొడిచి రియాజ్ పరారయ్యాడు. ఈ ఘటనలో తీవ్రంగా గాయపడిన ప్రమోద్ పరిస్థితి విషమించడంతో మరణించాడు. ఈ ఘటనను సీరియస్‌గా తీసుకున్న పోలీస్ శాఖ బృందాలు రంగంలోకి దిగి ఆదివారం పట్టుకున్నారు.

వాషింగ్టన్: రష్యా నుంచి చమురు కొనుగోలుపై అమెరికా అధ్యక్షుడు డొనాల్డ్ ట్రంప్ మరోసారి భారత్ కు వార్నింగ్ ఇచ్చారు. రష్యా ముడి చమురు కొనుగోలు నిలిపేసే వరకు భారత్ అధిక సుంకాలు చెల్లించక తప్పదని పేర్కొన్నాడు. రష్యా నుంచి చమురు కొనుగోలు ఆపేందుకు ప్రధాని మోడీ అంగీకరించారిని ఇటీవల ట్రంప్ చెప్పిన సంగతి తెలిసిందే. అయితే, ట్రంప్ వ్యాఖ్యలను భారత విదేశాంగ శాఖ తోసిపుచ్చింది. అయినా.. ట్రంప్ మాత్రమే మళ్లీ అదే మాటా మాట్లాడుతున్నారు.

తాజాగా తన అధికారిక ఎయిర్ ఫోర్స్ వన్ విమానంలో విలేకరులతో మాట్లాడుతూ.. భారత్ త్వరలో రష్యా చమురు కొనుగోలును నిలిపివేస్తుందని.. మోడీ తనకు హామీ కూడా ఇచ్చారని ట్రంప్ పేర్కొన్నారు. అయితే, ఆ వ్యాఖ్యలను భారత్ తిరస్కరించడంపై విలేకర్లు ప్రశ్నించగా.. “వాళ్లు అలా చెప్పాలనుకుంటే.. భారీ సుంకాలను చెల్లిస్తూనే ఉంటారు.. కానీ అలా చేయరని అనుకుంటున్నాను” అని ట్రంప్ తెలిపారు. కాగా, రష్యా చమురు కొనుగోలు చేస్తున్నందుకు భారత్ పై ట్రంప్.. మొదట 25 శాతం అదనపు సుంకాలను విధించారు.  ఆ తర్వాత మొత్తం సుంకాలను 50 శాతానికి పెంచారు. 

కన్న బిడ్డలను చంపి అనంతరం ఆత్మహత్యకు పాల్పడింది ఓ మహిళ. ఈ దారుణం సంఘటన నల్గొండ జిల్లా కొండమల్లేపల్లిలో జరిగింది. పోలీసులు తెలిపిన వివరాల ప్రకారం..సోమవారం తెల్లవారుజామున కొండమల్లేపల్లిలో ఓ మహిళ తన ఇద్దరు పిల్లలను చంపి.. తర్వాత ఆమె ఉరివేసుకుని ఆత్మహత్య చేసుకుంది. సమాచారం అందుకున్న పోలీసులు వెంటనే సంఘటనాస్థలానికి చేరుకుని పరిశీలించారు. అనంతరం మృతదేహాలను పోస్ట్ మార్టం కోసం ఆస్పత్రికి తరలించారు.

మృతులను బాపట్ల జిల్లాలోని జనకవరం గ్రామానికి చెందిన కుంచాల నాగలక్ష్మి(27) తన ఇద్దరు చిన్నారులు.. అవంతిక (9), భవన్‌ సాయి (7)గా పోలీసులు గుర్తించారు. ఫ్యామిలీలో గొడవల కారణంగానే నాగలక్ష్మీ తన ఇద్దరు పిల్లలను చంపి, ఆత్మహత్య చేసుకున్నట్లు పోలీసులు అనుమానిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

పెర్త్: ఆస్ట్రేలియాతో జరిగిన తొలి వన్డేలో భారత సీ నియర్ క్రికెటర్లు రోహిత్ శర్మ, విరాట్ కోహ్లిలు ఘోరంగా విఫలమయ్యారు. రో-కోలుగా పేరు తెచ్చుకున్న వీరు ఆస్ట్రేలియా సిరీస్‌కు ప్రత్యేక ఆకర్షణగా మారారు. అయితే భారీ అంచనాలతో బరిలోకి దిగిన రోహిత్, కోహ్లిలు పేలవమైన ఆటతో నిరాశ పరిచారు. ఓపెనర్‌గా దిగిన రోహిత్ శర్మ తన స్థాయికి తగ్గ ఆటను కనబరచడంలో విఫలమయ్యాడు. 14 బంతులు ఎదుర్కొన్న రోహిత్ ఓ ఫో ర్‌తో 8 పరుగులు మాత్రమే చేసి హాజిల్‌వుడ్ బౌలింగ్‌లో పెవిలియన్ చేరాడు. ఇక కోహ్లి అయితే ఖాతా కూడా తెరవకుండానే ఔటయ్యాడు. 8 బంతులను ఎదుర్కొన్న కోహ్లి సున్నాకే పెవిలియన్ దారి పట్టాడు. తొలి బంతి నుంచే ఇబ్బంది పడిన కోహ్లి చి వరికి డకౌట్‌గా వెనుదిరిగాడు. సుదీర్ఘ విరామం త ర్వాత అంతర్జాతీయ క్రికెట్‌లో బరిలోకి దిగిన రోహిత్, కోహ్లిలు పేలవమైన బ్యాటింగ్‌తో నిరాశే మిగిల్చారు. జట్టును ముందుండి నడిపిస్తారని భావిస్తే చెత్త బ్యాటింగ్‌తో తేలిపోయారు. వీరి వైఫల్యం జట్టుపై బాగానే పడింది.

రోహిత్, కోహ్లిలు తమపై ఉంచిన నమ్మకాన్ని నిలబెట్టడంలో విఫలమయ్యారు. ఇప్పటికే టి20,టెస్టు ఫార్మాట్‌లకు రిటైర్మెంట్ ప్రకటించిన కోహ్లి, రోహిత్‌లు కేవలం వన్డేలకే పరిమితమయ్యారు. రానున్న వన్డే వరల్డ్‌కప్ వరకు క్రికెట్‌లో కొనసాగాలని ఇద్దరు భావిస్తున్నా రు. ఇలాంటి స్థితిలో చాలా రోజుల తర్వాత వీరు ఆడుతున్న తొలి సిరీస్ ఇదే కావడంతో ప్రాధాన్యత సంతరించుకుంది. కోట్లాది మంది అభిమానులు వీరి బ్యాటింగ్ విన్యాసాలను చూడాలని తహతలహలాడారు. అయితే రోకోలు మాత్రం అభిమానుల నమ్మకాన్ని నిలబెట్ట లేకపోయారు. రానున్న మ్యాచుల్లోనైనా వీరు తమ బ్యాట్‌కు పని చెప్పాల్సిన అవసరం ఎంతైనా ఉంది. లేకుంటే భవిష్యత్తులో టీమిండియాలో చోటు కాపాడు కోవడం చాలా కష్టంతో కూడుకున్న అంశమని చెప్పాలి.

గోవా: భారత సాయుధ దళాల సిబ్బందితో దీపావళి జరుపుకునే సంప్రదాయాన్ని కొనసాగిస్తూ.. ప్రధానమంత్రి నరేంద్ర మోడీ సోమవారం గోవా, కార్వార్ తీరంలోని ఐఎన్ఎస్ విక్రాంత్‌ను సందర్శించి నావికా దళాలతో కలిసి దీపావళి వేడుకల్లో పాల్గొన్నారు. ఈ సందర్భంగా నావికాదళ సిబ్బందిని ఉద్దేశించి ప్రధాని ప్రసంగించారు. దేశ ప్రజలకు దీపావళి శుభాకాంక్షలు తెలిపారు. భారత నావికాదళ సైనికులతో దీపావళి జరుపుకోవడం తన అదృష్టమని అన్నారు.

ఆపరేషన్ సింధూర్ విజయవంతం అయినందుకు భారత సాయుధ దళాలను ప్రధాని ప్రశంసించారు. నేవీ, వైమానిక దళం, నావికాదళం మధ్య సమన్వయం పాకిస్తాన్‌ను త్వరగా లొంగిపోయేలా చేసిందని చెప్పారు. “నిన్న ఐఎన్ఎస్ విక్రాంత్‌లో గడిపిన రాత్రిని మాటల్లో చెప్పడం కష్టం. మీరందరిలో నిండిన అపారమైన శక్తి, ఉత్సాహాన్ని నేను చూశాను. నిన్న మీరు దేశభక్తి గీతాలు పాడటం చూసినప్పుడు, మీ పాటలలో ఆపరేషన్ సిందూర్‌ను మీరు వర్ణించిన విధానం, యుద్ధభూమిలో నిలబడి ఒక జవాన్ అనుభవించే అనుభవాన్ని ఏ పదాలు పూర్తిగా వ్యక్తపరచలేవు” అని మోడీ ప్రశంసించారు.