admin

అన్నతదాత సుఖీభవ కష్టాలు తొలగడం లేదు.ఆరుగాలం కష్టించి పంటలు పండించిన రైతన్నలకు అడుగడుగునా కష్టాలు వెంటాడుతున్నాయి. ప్రకృతి ప్రకోపంతో పంటలకు నష్టం కలుగుతుంది. ములుగు జిల్లా మాజేడు మండలం పడిగాపురం గ్రామ శివారులో మిరప సాగు చేస్తున్న రైతుల కష్టాలకు సజీవ సాక్ష్యం ఈ చిత్రం. పొలాల మధ్య ఉన్న ట్రాన్స్ ఫార్మర్ కాలిపోయింది. దీంతో రైతులు విద్యుత్ అధికారులను సంప్రదిస్తే ములుగు లేదా రేగొండ తీసుకొళ్లాలని తెలిపారు. పొలాల మధ్య ఉన్న ట్రాన్స్ ఫార్మర్ వద్దకు ట్రాక్టర్ వెళ్లడానికి బాట లేక పోవడంతో రైతులు ఎడ్లబండిని కిరాయికి తీసుకొని దానిమీద ట్రాన్స్ ఫార్మర్ పెట్టి, బండికి తాళ్లతో కట్టి.. మోకాలి లోతు బురదలో బండిని లాగుతూ అరకిలో మీటరు దూరం ఉన్న రోడ్డు మీదకు తీసుకెళ్లారు. అక్కడి నుంచి ట్రాక్టర్ పై రేగొండకు తీసుకెళ్ళారు.

సిద్దూ జొన్నలగడ్డ ప్రధాన పాత్రలో వచ్చిన ‘తెలుసు కదా ‘ సినిమా సక్సెస్ మీట్ లో నిర్మాతలు బండ్ల గణేష్ , ఎస్ కెఎస్ పాల్గొన్నారు. ఈ సందర్భంగా బండ్ల గణేష్ మాట్లాడాతూ.. తాన్ ఎన్నో బ్లాక్ బస్టర్ సినిమాలు నిర్మించానని,తెలుసు కదా సినిమా బాగుందన్నారు. ఈ సినిమాలో సిద్దూ జొన్నలగడ్డ అద్భుతంగా నటించారని, రవితేజ స్థానంలో సిద్దూ చూస్తున్నట్లు ఉందన్నారు. ‘తెలుసు కదా’ లాంటి సినిమాని నిర్మించాలంటే చాలా దైర్యం కావాలని, ఈ విషయంలో విశ్వప్రసాద్ ను అభినందించాలన్నారు. నా విషయానికి వస్తే టెంపర్ లాంటి బ్లాక్ బస్టర్ ఇచ్చి బ్రేక్ తీసుకున్నాను. అంతే కానీ ఫ్లాఫ్ లు వల్ల కాదు.. త్వరలోనే సెంకడ్ ఇన్నింగ్స్ ప్రారంభిస్తానన్నారు .

సెల్ టవర్ పై నుంచి దూకి యువకుడు ఆత్మహత్య చేసుకున్న సంఘటన ఆంద్రప్రదేశ్ లోని కోనరావుపేట మండలం మామిడిపల్లి గ్రామంలో బుధవారం రాత్రి చోటుచేసుకుంది. వివరాలలోకి వెళితే.. స్థానికులు, పోలీసులు తెలిపిన వివరాల ప్రకారం.. మామిడిపల్లి గ్రామానికి చెందిన గుమ్మడి బాబు అనే యువకుడు సెల్ టవర్ ఎక్కి అక్కడి నుండి దూకాడు. ఈ ఘటనలో బాబు అక్కడికక్కడే మృతి చెందాడు. మృతుడికి భార్య, ఇద్దరు పిల్లలు ఉన్నారు. స్థానికుల సమాచారం మేరకు ఘటనా స్థలికి చేరుకున్న పోలీసులు కేసు నమోదు చేసి మృతదేహాన్ని పోస్ట్ మార్టమ్ నిమిత్తం స్థానిక ఆసుపత్రికి తరలించారు. ఈ ఘటనకు సంబంధించి పూర్తి వివరాలు తెలియాల్సి ఉంది.

దేశ రాజధాని ఢిల్లీలోని రోహిణి ప్రాంతంలో బుధవారం అర్ధరాత్రి భారీ ఎన్ కౌంటర్ జరిగింది. ఈ ఎన్ కౌంటర్ లో బిహర్ కు చెందిన నలుగురు సిగ్మా గ్యాంగ్ సభ్యులు మరణించారు. గత కొంతకాలంగా ఈ గ్యాంగ్ బిహార్ లో నేరాలకు పాల్పడుతోంది. ఈ గ్యాంగ్ కీలక సభ్యుడు రంజన్ పాఠక్ పై బిహార్ పోలీసులు రివార్డు ప్రకటించారు. ఢిల్లీ క్రైమ్ బ్రాంచ్- బిహార్ పోలీసులు కలిసి ఢిల్లీ లో ఆపరేషన్ చేపట్టారు . ఈ క్రమంలో పోలీసులకు ఈ గ్యాంగ్ రోహిణి ప్రాంతంలో ఎదురుపడ్డారు. వెంటనే గ్యాంగ్ సభ్యులు పోలీసులపై కాల్పులు జరిపారు. దీంతో పోలీసులు ఆత్మరక్షణ చర్యల్లో భాగంగా ఎదురుకాల్పులు జరిపారు. ఈ కాల్పుల్లో నలుగురు మృతి చెందారు. మృతుల్లో ముఠా కీలక సభ్యుడు రంజన్ పాఠక్ ,బిమ్లేశ్ మహా, మనీష్ పాఠక్, అమన్ ఠాకూర్ ఉన్నారు. 

ఇకామర్స్ దిగ్గజం అమెజాన్ ఉద్యోగులకు పెద్ద షాక్ ఇచ్చింది. 2030 సంవత్సరం నాటికి కంపెనీ తన కేంద్రాల్లో సుమారు 6 లక్షల మంది ఉ ద్యోగులను రోబోలతో భర్తీ చేయాలని యోచిస్తోంది. న్యూయార్క్ టైమ్స్ నివేదిక ప్రకారం, రాబోయే సంవత్సరాల్లో ఇ-కామర్స్ దిగ్గజం అమెజాన్‌లో 6 లక్షలకుపైగా ఉద్యోగాలను రోబోలు భర్తీ చేసే అవకాశం ఉంది. గిడ్డంగుల్లో వస్తువులను ఎంచుకోవడం, ప్యాక్ చేయడం, డెలివరీ చేయడం వంటి పనులను రోబోలు నిర్వహించనున్నాయి. 2018 నుంచి అమెరికాలో అమెజాన్ శ్రామికశక్తి మూడు రెట్లు పెరిగి 12 లక్షలకు చేరింది. అయితే ఆటోమేషన్ కారణంగా కొత్త నియామకాలు నిలిచిపోయే అవకాశం ఉందని సమాచారం. 2033 నాటికి అమ్మకాలు రెట్టింపు అవుతాయని అంచనా ఉన్నప్పటికీ, రోబోటిక్ ఆటోమేషన్‌తో కంపెనీ నియామక రేటు స్థిరంగా ఉండగలదని అమెజాన్ ఎగ్జిక్యూటివ్‌లు బోర్డుకు తెలిపారు. దీంతో 6 లక్షల మంది అదనపు ఉద్యోగులను నియమించాల్సిన అవసరం ఉండదని తెలిపారు.

అంతర్గత పత్రాల ప్రకారం, ప్రతి వస్తువుపై 30 సెంట్లు ( రూ.2.5) ఆదా అవుతుందని, 2025-2027 కాలంలో మొత్తం 12.6 బిలియన్ డాలర్లు (రూ.1 లక్ష కోట్లు) ఆదా అవుతుందని అంచనా వేస్తున్నారు. అమెజాన్ తన 75 శాతం కార్యకలాపాలను ఆటోమేట్ చేయడానికి ప్రణాళికలు రూపొందిస్తోంది. లూసియానాలోని శ్రేవ్‌పోర్ట్‌లో ఇటీవల ప్రారంభించిన అత్యాధునిక గిడ్డంగి ఇప్పటికే మానవ శ్రామికశక్తిని 25 శాతం తగ్గించింది. 2027 నాటికి ఇలాంటి 40 కేంద్రాలను నిర్మించాలనుకుంటోంది. అయితే అమెజాన్ ప్రతినిధి కెల్లీ నాంటెల్ మాట్లాడుతూ, న్యూయార్క్ టైమ్స్ చూసిన పత్రాలు అసంపూర్ణమని, కంపెనీ పూర్తి నియామక వ్యూహాన్ని ప్రతిబింబించడం లేదని తెలిపారు. సెలవు సీజన్ కోసం 2.5 లక్షల మందిని తాత్కాలికంగా నియమించనున్నట్లు చెప్పారు. అమెజాన్ గ్లోబల్ ఆపరేషన్స్ హెడ్ ఉదిత్ మదన్ మాట్లాడుతూ, ఆటోమేషన్ వల్ల ఆదా అయ్యే డబ్బుతో కొత్త ఉద్యోగాలను సృష్టించడం సంస్థ సుదీర్ఘ విధానమని అన్నారు.