admin

హైదరాబాద్: రంగారెడ్డి జిల్లాలోని అబ్దుల్లాపూర్‌మెట్‌లో ఓ వ్యక్తి సెల్ టవర్ చేసి హల్‌చల్ చేశాడు. ఓ గంటపాటు సెల్ టవర్ మీద అతను కలకలం సృష్టించాడు. సమాచారం అందుకున్న పోలీసులు అతన్ని కాపాడేందుకు వెంటనే ఘటన స్థలానికి చేరుకున్నారు. అతన్ని కిందకు దింపే ప్రయత్నంలో పోలీసులు 108 అంబులెన్స్ సర్వీస్‌ను, డాక్టర్లను అక్కడ అందుబాటులో ఉంచారు. పోలీసు సిబ్బందిలో ఒకరు పైకి ఎక్కి ఆ వ్యక్తిని కిందకు దింపే ప్రయత్నం చేశారు.

అతడిని కిందకు దింపే ప్రయత్నం చేయగా.. చేయి విదిల్చుకొని అతడు కిందకు దూకేశాడు. దూకే క్రమంలో టవర్‌కు ఉన్న కడ్డీలు తగిలి బురదలో పడ్డాడు. దాంతో అతనికి తీవ్ర గాయాలు కాగా స్థానిక ఆస్పత్రికి తరలించి చికిత్స అందిస్తున్నారు. అతడు బీహార్‌కు చెందిన వ్యక్తిగా గుర్తించారు. ప్రస్తుతం అతడి పరిస్థితి నిలకడగా ఉన్నట్లు తెలుస్తోంది. అయితే అతడు సెల్ టవర్ ఎందుకు ఎక్కాడనే విషయంపై ఇంకా స్పష్టత రాలేదు.

డార్లింగ్ ప్రభాస్ హీరోగా, సందీప్ రెడ్డి పంగా దర్శకత్వంలో తెరకెక్కుతున్న చిత్రం ‘స్పిరిట్’. ఈ సినిమాలో ప్రభాస్ పవర్‌ఫుల్ పోలీస్ అధికారిగా కనిపించనున్నారు. తాజాగా ప్రభాస్ పుట్టిన రోజు సందర్భంగా ‘వన్ బ్యాడ్ హాబిట్’ పేరుతో ఒక చిన్న గ్లింప్స్‌ని విడుదల చేశారు. ఇది సినిమాపై అంచనాలను పెంచేసింది. త్వరలోనే ఈ సినిమాపై సెట్స్‌పైకి వెళ్లనుంది. ఈ నేపథ్యంలో మరో ఆసక్తికర వార్త చక్కర్లు కొడుతోంది.

అదేంటంటే.. పోలీసు కథతో పాటు, మాఫియా నేపథ్యాన్ని కూడా స్పిరిట్ సినిమాలో సందీప్ చూపించబోతున్నారని టాక్ వినిపిస్తోంది. ముఖ్యంగా సెకండాఫ్‌లో ఇందకు సంబంధించి కీలక సన్నివేశాలు ఉంటాయని.. ప్రేక్షకులు థ్రిల్ ఫీల్ అవుతారని గుసగుసలు వినిపిస్తున్నాయి. ఇదే కథకు ప్రాణమని, మొత్తం సినిమాను మలుపు తిప్పి సన్నివేశం ఇదని తెలుస్తోంది. ఇక దీనిపై క్లారిటీ రావాలంటే కొన్ని రోజులు ఆగాల్సిందే.

కొద్ది రోజుల క్రితం విడుదలైన స్పిరిట్ వీడియోతో సినిమాలో నటీనటులు ఎవరనే విషయంలో క్లారిటీ వచ్చింది. ప్రభాస్‌ పక్కన హీరోయిన్‌గా త్రిప్తి డిమ్రీ నటిస్తోంది. వివేక్ ఒబెరాయ్, ప్రకాశ్ రాజ్ తదితరులు కీలక పాత్రలు పోషిస్తున్నారు. 

సిడ్నీ: ఆస్ట్రేలియాతో జరిగిన మూడో వన్డేలో భారత ఆటగాడు శ్రేయస్ అయ్యర్ గాయపడ్డాడు. ఓ క్యాచ్‌ని అందుకొనే క్రమంలో శ్రేయస్‌ పక్కటెముకల వద్ద ఫ్రాక్చర్ అయింది. దీంతో అతన్ని వెంటనే మైదానం నుంచి తరలించారు. రెండో ఇన్నింగ్స్‌లో అతడికి బ్యాటింగ్ చేసే అవకాశం రాలేదు. ప్రస్తుతం శ్రేయస్‌కి చికిత్స జరుగుతోంది. దీనిపై తాజాగా ఓ ప్రకటన విడుదల చేసింది.

‘‘శ్రేయస్ అయ్యర్ ప్లీహానికి గాయమైంది. వైద్యబృందం చేసిన టెస్ట్‌ల రిపోర్టులు వచ్చాయి. అంతర్గతంగా రక్తస్రావం జరిగినట్లు రిపోర్టుల్లో తేలింది. దీంతో అతడిని ఐసియులో చికిత్స అందిస్తున్నాం. కనీసం రెండు రోజుల నుంచి ఏడు రోజుల వరకూ అబ్జర్వేషన్‌లో ఉంటాడు. బ్లీడింగ్ ఆగిపోవడం, ఇన్ఫెక్షన్ కాకుండా ఉంటే తుదుపరి నిర్ణయం తీసుకుంటాం. ఎలాంటి రిస్క్ తీసుకోకుండా టైంకి ఆస్పత్రికి తీసుకొచ్చారు. లేకపోతే ప్రాణాల మీదకు వచ్చేది. ప్రస్తుతం శ్రేయస్ ఆరోగ్యం నిలకడగానే ఉంది. శ్రేయస్ దృఢమైన వ్యక్తి.. త్వరలోనే కోలుకుంటాడు’’ అని క్రికెట్ వర్గాలు వెల్లడించాయి.

ఢిల్లీ: సైనిక అధికారినని నమ్మించి ఓ వైద్యురాలిపై డెలివరీ బాయ్ అత్యాచారం చేశాడు. ఈ సంఘటన ఢిల్లీలోని జరిగింది. పోలీసులు తెలిపిన వివరాల ప్రకారం… ఆరవ్ మాలిక్ అనే యువకుడు ఈ కామర్స్ సంస్థ అమెజాన్‌లో డెలివరీ బాయ్ గా పని చేస్తున్నాడు. సోషల్ మీడియాలో ఓ వైద్యురాలితో ఆరవ్ మాలిక్ పరిచయం చేసుకున్నాడు. తాను ఆర్మీ అధికారిగా పని చేస్తున్నానని వైద్యురాలని నమ్మించాడు. సైనిక దుస్తులు ధరించి ఆమెకు ఫొటో పంపాడు. ఇద్దరు సోషల్ మీడియాలో చాటింగ్‌లు చేసుకోవడంతో సన్నిహితం పెరిగింది. రెండు రోజుల క్రితం మాలిక్ మత్తుమందు కలిపిన ఆహారాన్ని ఆమె ఇంటికెళ్లి ఇచ్చాడు. ఆమె మత్తులోనికి జారుకున్న తరువాత ఆమెపై అతడు అత్యాచారం చేశాడు. అనంతరం నిందితుడు పారిపోయాడు. స్పృహలోనికి వచ్చిన తరువాత ఆమె స్థానిక పోలీస్ స్టేషన్‌లో ఫిర్యాదు చేసింది. పోలీసులు కేసు నమోదు చేసి నిందితుడిని అదుపులోకి తీసుకొని అరెస్టు చేశారు. ఆమెను నమ్మించడానికి అతడు ఆర్మీ దుస్తులు కొనుగోలు చేసి ఫోటో తీసి వైద్యురాలికి పంపించానని ప్రాథమిక విచారణలో తెలిపాడు.  గతంలో ఎవరిపైన అత్యాచారం చేశాడా? అనే విషయాలు తెలియాల్సి ఉంది.  

హైదరాబాద్: పూజల పేరుతో డబ్బును రెట్టింపు చేస్తామని నమ్మించి మోసాలకు పాల్పడుతున్న నలుగురు సభ్యుల గల ముఠాను దుండిగల్ పోలీసులు అరెస్టు చేశారు. నిందితుల నుంచి ఒక ఎయిర్ గన్ (పిస్టల్), ఒక కత్తి తో పాటు 8లక్షల 50 వేల నగదును స్వాధీనం చేసుకున్నారు. దుండిగల్ పోలీస్ స్టేషన్ లో మేడ్చల్ డిసిపి కోటిరెడ్డి మీడియాతో మాట్లాడారు. అక్టోబర్ 18 న దుండిగల్ లోని ఓ ఇంట్లో పూజల పేరుతో నలుగురు వ్యక్తులు నమ్మబలికి, ప్రసాదం లో మత్తుమందు కలిపి కుటుంబ సభ్యులకు ఇచ్చారన్నారు. వాళ్లు నిద్రలోని జారుకున్న తరువాత రూ. 8.5 లక్షల నగదును నిందితులు దోచుకెళ్లారన్నారన్నారు. ఈ రోజు నిందుతులను అరెస్టు చేసి రిమాండ్ కు తరలించామన్నారు. మరో ప్రధాన నిందితుడు పరారీలో ఉన్నాడని డిసిపి వెల్లడించారు.

భారత్, ఆస్ట్రేలియా మధ్య వన్డే సిరీస్ ముగిసింది. 2-1 తేడాతో ఆస్ట్రేలియా ఈ సిరీస్‌ని కైవసం చేసుకుంది. అయినప్పటికీ.. ఆఖరి మ్యాచ్‌లో భారత్ సాధించిన విజయం ఫ్యాన్స్‌కి ఫుల్ కిక్ ఇచ్చింది. ముఖ్యంగా రోహిత్ శర్మ, విరాట్ కోహ్లీలు ఫామ్‌లోకి రావడం ఆనందాన్ని కలిగించింది. ఈ మ్యాచ్‌లో రోహిట్ శతకం, విరాట్ అర్థ శతకం సాధించి.. కంగారులను కంగారు పెట్టారు. అయితే సిరీస్ ముగిసిన తర్వాత టీం ఇండియా ఇంపాక్ట్ ప్లేయర్ ఆఫ్ ది సిరీస్ అవార్డును ప్రకటించే సంప్రదాయాన్ని కొనసాగించింది. ఈసారి ఇంపాక్ట్ ప్లేయర్ అవార్డు రోహిత్ శర్మనే వరించింది. కండీషనింగ్ కోచ్ ఆడ్రియన్ లె రౌక్స్ చేతుల మీదుగా రోహిత్ ఈ అవార్డు అందుకున్నాడు. ఈ సందర్భంగా ప్రధాన కోచ్ గౌతమ్ గంభీర్.. రోహిత్‌పై ప్రశంసల వర్షం కురిపించారు.

‘‘తొలి వికెట్‌కి గిల్‌తో కలిసి రోహిత్ నిర్మించిన భాగస్వామ్యం ఎంతో కీలకమైంది. ఆ తర్వాత విరాట్-రోహిత్‌లు అద్భుతంగా బ్యాటింగ్ చేశారు. రోహిత్ సెంచరీ చేయడమే కాక.. ఆఖరి వరకూ మ్యాచ్‌లో ఉండి జట్టును గెలిపించాడు. ఛేజింగ్‌లో మన సత్తా ఏంటో నిరూపించాం. ఈ మ్యాచ్‌లో మన బౌలింగ్ కూడా బాగుంది. ఆస్ట్రేలియా మొదటి 10 ఓవర్లు ముగిసే సరికి వికెట్ నష్టపోకుండా 63 పరుగులు చేసింది. కానీ, సరైన సమయంలో మన బౌలర్లు వికెట్లు తీసి ఆసీస్‌ని కట్టడి చేశఆరు. హర్షిత్ రాణాను ప్రత్యేకంగా అభినందించాలి. మంచి స్పెల్ వేశాడు. ఇకపై ఇలాగే కొనసాగాలని చెబుతా’’ అని గంభీర్ అన్నారు.

ఇక రోహిత్ తన బ్యాటింగ్ గురించి బిసిసిఐ వెబ్‌సైట్‌తో మాట్లాడుతూ.. ‘‘నా కెరీర్ ప్రారంభించినప్పటి నుంచి ఎప్పుడూ నాలుగైదు నెలలు ప్రాక్టీస్ చేయలేదు. కానీ, ఆసీస్ వన్డే సిరీస్ కోసం ఇప్పుడు చేశాను. దీనిని సరిగ్గా వినియోగించుకోవాలని భావించా. నా శైలిలోనే ఆడాలని అనుకున్నా. మిగిలిన కెరీర్ కోసం ఏం చేయగలనో అని ఆలోచించాను. దాని కోసం మనం సన్నద్ధం కావాలి. అందుకే సమయం తీసుకున్నా.. దాని ఫలితం ఈ సిరీస్‌లో కనిపించింది. గిల్ ఔట్ అయ్యాడు.. శ్రేయస్‌కి గాయమైంది. దీంతో విరాట్ నేను కలిసి వికెట్ ఇవ్వకుండా ముగించాలని భావించాం. ఆసీస్ ప్రజలకు నా కృతజ్ఞతలు. మా ఆటను చూసేందుకు పెద్ద సంఖ్యలో వచ్చారు’’ అని అన్నాడు.