admin

పాట్నా: బిహార్ లో జరగనున్న అసెంబ్లీ ఎన్నికల నేపథ్యంలో నేషనల్ డెమోక్రటిక్ అలయన్స్(ఎన్డీఏ) శుక్రవారం తన మ్యానిఫెస్టోను విడుదల చేసింది. కేంద్ర మంత్రి, భారతీయ జనతా పార్టీ (బిజెపి) జాతీయ అధ్యక్షుడు జెపి నడ్డా, ముఖ్యమంత్రి, జనతాదళ్ యునైటెడ్ (జెడియు) నాయకుడు నితీష్ కుమార్ సమక్షంలో ఈ మ్యానిఫెస్టోను విడుదల చేశారు. రాష్ట్రంలో యువతకు కోటి ఉద్యోగాలు కల్పిస్తామని ఎన్డీఎ హామీ ఇచ్చింది.

ఎన్డీఎ మ్యానిఫెస్టోలోని హామీలు

• ప్రతి జిల్లాలో మెగా స్కిల్ సెంటర్లను గ్లోబల్ స్కిల్లింగ్ సెంటర్లుగా మార్చడం
• ఈబీసీ ప్రజలకు రూ.10 లక్షలు అందించడంతోపాటు సుప్రీంకోర్టు న్యాయమూర్తి అధ్యక్షతన ఒక కమిషన్‌ను కూడా ఏర్పాటు
• కోటీశ్వరులైన మహిళా వ్యవస్థాపకులను తయారు చేయడం
• బీహార్‌లో ఏడు ఎక్స్‌ప్రెస్‌వేలను నిర్మించడం
• పాట్నాతో పాటు నాలుగు నగరాల్లో మెట్రో సేవలను తీసుకురావడం
• బీహార్‌లో 10 కొత్త పారిశ్రామిక పార్కులను ఏర్పాటు
• 5 సంవత్సరాలలో రూ.50 లక్షల కోట్ల పెట్టుబడులను ఆకర్షించడం
• కేజీ నుండి పీజీ వరకు పిల్లలకు ఉచిత విద్యను అందించడం
• ప్రతి జిల్లాలో తయారీ యూనిట్లు ఏర్పాటు చేయబడతాయి
• ఉన్నత విద్యను అభ్యసించే ఎస్సీ విద్యార్థులకు రూ.2000 ఒకేసారి సహాయం 
• బీహార్‌లో ప్రపంచ స్థాయి వైద్యం, ప్రతి జిల్లాలో వైద్య కళాశాలలను ఏర్పాటు
• మేడ్ ఇన్ బీహార్ పథకం ద్వారా వ్యవసాయ ఎగుమతులను రెట్టింపు చేయడం
• ‘వోకల్ ఫర్ లోకల్’ ప్రతిజ్ఞ కింద 100 ఎంఎస్‌ఎంఈ పార్కుల ఏర్పాటు
• గిగ్ కార్మికులు, ఆటో డ్రైవర్లకు ఆర్థిక సహాయం 

హైదరాబాద్: ఆంధ్రప్రదేశ్ లో మొంథా తుఫాన్ మీద ముందస్తు చర్యలు తీసుకోవడం వల్ల ఒక్కరు కూడా చనిపోలేదని బిఆర్ఎస్ మాజీ ఎంఎల్ఎ పెద్ది సుదర్శన్ రెడ్డి ప్రశంసించారు. కానీ తెలంగాణ ప్రభుత్వం మొద్దు నిద్ర వల్ల 12 మంది చనిపోయారని, ఇంకా చాలా మంది గల్లంతు అయ్యారని విమర్శలు గుప్పించారు. కాంగ్రెస్ అసమర్థతతో పాటు ముందస్తు చర్యలు తీసుకోకపోవడం వల్ల ఇవాళ విధ్వంసం ఎక్కువైందని మండిపడ్డారు. తుఫాన్ ప్రభావంతో 4.47 లక్షల ఎకరాల్లో పంట నష్టం జరిగిందని ప్రభుత్వం ప్రాథమిక అంచనా వేసిందని అది ముమ్మాటికీ తప్పే అని ధ్వజమెత్తారు.

పంటను అమ్మడానికి కొనుగోలు కేంద్రాలకు రైతులు తీసుకెళ్లారని, అకాల వర్షాలకు పంట తడిచి రైతులు నష్టపోవడంతో వారిని ప్రభుత్వం ఆదుకోవాలని డిమాండ్ చేశారు.  మొక్కజొన్న పంటను కొనడానికి ప్రభుత్వం కొర్రీలు పెట్టిందని, దీంతో పంటను అమ్మడానికి రైతులు తీవ్ర ఇబ్బందులు పడుతున్నారని దుయ్యబట్టారు. తేమశాతాన్ని, డ్యామేజ్ ను పరిగణనలోకి తీసుకోకుండా పత్తి, వరి, మొక్కజొన్న పంటలను కొనుగోలు చేయాలని బిఆర్ఎస్ పార్టీ తరపున డిమాండ్ చేస్తున్నామన్నారు. 

గుజరాత్ : ప్రత్యేక నాణెం, స్టాంపు విడుదల చేశామని ప్రధాని నరేంద్ర మోడీ తెలిపారు. దేశ ఐక్యత కోసం అసాధ్యాన్ని సుసాధ్యం చేసి చరిత్ర సృష్టించారని కొనియాడారు. నర్మదా నది ఒడ్డున దివంగత మాజీ ఉప ప్రధాని సర్దార్ వల్లభాయ్ పటేల్ 150 జయంతి వేడుకలు ఘనంగా జరిగాయి. సర్దార్ వల్లభాయ్ పటేల్ జయంతి లో మోడీ పాల్గొన్నారు. ఐక్యత విగ్రహం వద్ద నివాళులర్పించారు. ఈ సందర్భంగా ఏక్తానగర్ లో ఆయన మీడియాతో మాట్లాడుతూ.. స్వాతంత్ర్య, గణతంత్ర దినోత్సవాల మాదిరిగానే ఏక్తా దివస్ జరుపుకుంటున్నామని, భారతీయులంతా ఐక్యంగా ఉండాల్సిన అవసరం ఉందని తెలియజేశారు. విభజన శక్తులకు ప్రజలు దూరంగా ఉండాలని, కశ్మీర్ విషయంలో కాంగ్రెస్ తప్పు చేసిందని విమర్శించారు. దేశ సమగ్రతకు నక్సలిజం ముప్పుగా పరిణమించిందని, నక్సల్ ఏరివేత లక్ష్యంగా ఎన్నో ఆపరేషన్లు చేశామని అన్నారు. నక్సలిజం మూలాలను సమూలంగా పెకలిస్తామని హెచ్చరించారు. పటేల్ అభిప్రాయాలను దివంగత మాజీ ప్రధానమంత్రి నెహ్రూ గౌరవించలేదని, పటేల్, డా. దాదాసాహెబ్ అంబేడ్కర్ ను కాంగ్రెస్ అవమానించందని ఆవేదన వ్యక్తం చేశారు.

పటేల్ దూరదృష్టిని కాంగ్రెస్ మరచిపోయిందని, కాంగ్రెస్ చేసిన తప్పు వల్ల కశ్మీర్ లో కొంత భాగాన్ని పాకిస్థాన్ ఆక్రమించిందని మండిపడ్డారు. ఆపరేషన్ సిందూర్ ద్వారా భారత్ బలాన్ని ప్రపంచం మొత్తం చూసిందని, దేశ ఐక్యతను బలోపేతం చేసే చర్యలను ప్రోత్సహిస్తామని మోడీ పేర్కొన్నారు. అక్రమ వలసదారులపై చర్యలు తీసుకుంటుంటే కొందరికి బాధగా ఉందని, దేశం నుంచి చొరబాటుదారులను తరిమి కొట్టాలని ప్రతిజ్ఞ చేద్దామని సూచించారు. కశ్మీర్ మొత్తాన్ని భారత్ లో కలపాలని పటేల్ ఆకాక్షించారని, కశ్మీర్ కు ప్రత్యేక రాజ్యాంగం, జెండాను ఇచ్చారని అన్నారు. కాంగ్రెస్ బలహీన విధానాల వల్ల కశ్మీర్ కొంత ఆక్రమణకు గురైందని, పాక్ ఆక్రమణ వల్ల కశ్మీర్, దేశంలో అశాంతి నెలకొందని ధ్వజమెత్తారు. ఉగ్రవాదాన్ని పాకిస్థాన్ పెంచిపోషించిందని, ఇంత జరిగినా ఉగ్రవాదుల ముందు కాంగ్రెస్ తలవంచిందని ఆగ్రహం వ్యక్తం చేశారు. పటేల్ ఆకాంక్షలను కాంగ్రెస్ గౌరవించలేదని, తాము గౌరవించామని నరేంద్ర మోడీ స్పష్టం చేశారు. 

హైదరాబాద్: హనుమకొండ భీమదేవరపల్లి మండలం గోపాల్ పూర్ లో రోడ్డు ప్రమాదం జరిగింది. పెళ్లి బృందం వాహనాన్ని ఢీకొని డిసిఎం, ముగ్గురు మృతి చెందారు. మరో ఐదుగురికి పరిస్థితి విషమంగా ఉండడంతో ఎంజిఎం ఆస్పత్రికి తరలించారు. వైద్యులు వారికి చికిత్స అందిస్తున్నారు. పెళ్లి వేడుకలకు వస్తుండగా ఈ వాహనం ప్రమాదానికి గురైంది. స్థానికులు సమాచారం మేరకు పోలీసులు ఘటనా స్థలానికి చేరుకుని కేసు దర్యాప్తు చేస్తున్నారు. బాధితులు మహబూబాబాద్ జిల్లా సుందనపల్లి వాసులుగా, మృతులు కమలమ్మ(60),త్రినాథ్ (5), స్వప్నగా పోలీసులు గుర్తించారు. 

గుజరాత్:  సర్దార్ వల్లభాయ్ పటేల్ 150 జయంతి వేడుకలు ఘనంగా జరిగాయి. గుజరాత్ లో నిర్వహించే ఈ కార్యక్రమానికి ప్రధాని నరేంద్ర మోడీ పాల్గొన్నారు. ఐక్యతా విగ్రహం వద్ద నివాళులర్పించారు. ఏక్తా దివస్ ను పురస్కరించుకుని పటేల్ విగ్రహానికి అంజలి ఘటించారు. హెలికాప్టర్ నుంచి సర్దార్ వల్లభాయ్ పటేల్ విగ్రహంపై పూలవర్షం కురిపించారు.