admin 
అమరావతి: ఆంధ్రప్రదేశ్ రాష్ట్రం పల్నాడు జిల్లా నరసరావుపేటలో దారుణం వెలుగులోకి వచ్చింది. ఆపరేషన్ చేసిన సర్జికల్ బ్లేడ్ ను కడుపు పెట్టి కుట్లు వేశారు. రమాదేవి అనే మహిళ కడుపునొప్పితో ఆస్పత్రిలో చేరారు. ఆపరేషన్ చేసిన అనంతరం కడుపులో వైద్యులు బ్లేడు వదిలేశారు. తీవ్ర కడుపునొప్పితో మళ్లీ స్కానింగ్ చేయడంతో తొడ కండరాల్లో బ్లేడు ఉన్నట్టు గుర్తించారు. వైద్యుల నిర్లక్ష్యంపై మహిళ కుటుంబసభ్యుల ఆగ్రహం వ్యక్తం చేశారు. న్యాయం చేయాలని బంధువులు ఆస్పత్రి ఎదుట ఆందోళన చేపట్టారు.
నందమూరి బాలకృష్ణ హీరోగా, బోయపాటి శ్రీను దర్శకత్వంలో తెరకెక్కిన సినిమా ‘అఖండ-2’. 2021లో వచ్చిన ‘అఖండ’ సినిమాకి ఇది సీక్వెల్. అయితే ఈ సినిమా షెడ్యూల్ ప్రకారం శుక్రవారం (డిసెంబర్ 5) విడుదల కావాల్సి ఉంది. కానీ, ఈ సినిమా విడుదలపై కొన్ని గంటలుగా సందిగ్ధత నెలకొంది. గురువారం రాత్రి ప్లాన్ చేసిన ప్రీమియర్ షోలు కూడా రద్దు కావడంతో ఈ సినిమా సమస్యల్లో పడిందనే వార్తలకు మరింత బలం చేకూంది. తాజాగా చిత్ర విడుదలను వాయిదా వేస్తున్నట్లు నిర్మాణ సంస్థ 14 రీల్స్ ప్లస్ అధికారికంగా ఎక్స్ వేదికగా ప్రకటించింది.
‘‘అనివార్య కారణాల వల్ల ‘అఖండ-2’ షెడ్యూల్ ప్రకారం విడుదల కావడం లేదు. ఈ విషయం పట్ల చింతిస్తున్నాం. ఈ క్షణం మాకు చాలా బాధాకరమైంది. ప్రతి అభిమాని, సినీ ప్రేమికుడికి కలిగే నిరాశను మేం అర్థం చేసుకుంటాము. ఈ విషయాన్ని వీలైనంత త్వరగా పరిష్కరించడానికి అవిశ్రాంతంగా కృషి చేస్తున్నాము. ఈ నిర్ణయం పట్ల కలిగిన అసౌకర్యానికి మా హృదయపూర్వక క్షమాపణలు. ఈ సమయంలో మీ మద్దతు మాకు చాలా అవసరం. అతి త్వరలో సానుకూల నిర్ణయంతో మీ ముందుకు వస్తాం’’ అని 14 రీల్స్ ప్లస్ ఎక్స్లో పోస్ట్ చేసింది.
అమరావతి: విద్యార్థులకు ఉపాధి కల్పించేలా నైపుణ్యాలు అందించాలని ఎపి డిప్యూటీ సిఎం పవన్ కల్యాణ్ తెలిపారు. మెగా పిటిఎం సమావేశాలు నిర్వహించాలన్న మంత్రి లోకేష్ ఆలోచన అద్భుతమని అన్నారు. చిలకలూరి పేటలో శ్రీశారదా జెడ్పి ఉన్నత పాఠశాలలో టీచర్, పేరెంట్స్ మీటింగ్ లో పవన్ పాల్గొన్నారు. విద్యార్థులు ప్రదర్శించిన ఆత్మరక్షణ విద్యలను తిలకించారు. ఈ సందర్భంగా ఆయన మీడియాతో మాట్లాడుతూ.. జాతీయ విద్యా విధానంలో స్కిల్ బేస్డ్ లెర్నింగ్ ఉండాలని ప్రధాని నరేంద్రమోడీకి విన్నివించానని, కూటమి నాయకులు పిల్లలకు గ్రంథాలయం సదుపాయాలు కల్పించాలని ఉన్నతాధికారులు పరిశీలించాలని పవన్ సూచించారు. పిల్లలు ఏర్పాటు చేసిన సైన్స్ ఎగ్జిబిషన్ అద్భుతంగా ఉందని అన్నారు. స్కూల్ క్రీడా మైదానం సరిపోవట్లేదని విద్యార్థులు తన దృష్టికి తెచ్చారని తెలియజేశారు. మెగా పిటిఎం సమావేశానికి తమ ప్రభుత్వం అధిక ప్రాధాన్యత ఇస్తోందని, శ్రీశారదా జెడ్పి ఉన్నత పాఠశాలలో గ్రంథాలయం ఏర్పాటు చేస్తానని పేర్కొన్నారు. పిల్లల ఆలోచనలు మెరుగుపరిచేందుకు గ్రంథాలయం ఎంతో అవసరమని, ప్రభుత్వ పాఠశాలల్లో గ్రంథాలయాల ఏర్పాటుకు జనసేన నేతలు కృషి చేయాలని పవన్ ఆదేశించారు.
బ్రిస్బేన్: ప్రతిష్టాత్మక యాషెస్ సిరీస్లో రెండో టెస్ట్ మ్యాచ్ ది గబ్బా వేదికగా జరుగుతోంది. ఈ మ్యాచ్ ఆసాంతం ఆసక్తికరంగా సాగుతోంది. అయితే ఈ మ్యాచ్లో ఆస్ట్రేలియా ఓపెనర్లు ట్రావిస్ హెడ్, జేక్ వెదరాల్డ్ అరుదైన రికార్డును సాధించారు. తొలి ఇన్నింగ్స్లో మొదటి వికెట్కి వీరిద్దరు 77 పరుగులు జోడించారు. ఈ క్రమంలో ఇంగ్లండ్పై డే అండ్ నైట్ టెస్ట్లో తొలి వికెట్కి అత్యధిక పరుగులు జోడించిన జోడిగా అరుదైన ఘనతను సాధించారు. గతంలో ఈ రికార్డు టీం ఇండియా ఆటగాళ్లు రోహిత్ శర్మ, శుభ్మాన్ గిల్ పేరిట ఉండేది. వీరిద్దరు కలిసి 2021 అహ్మదాబాద్ టెస్ట్లో 46 పరుగుల భాగస్వామ్యం నెలకొల్పారు.
ఇక మ్యాచ్ విషయానికొస్తే.. తొలి ఇన్నింగ్స్లో ఇంగ్లండ్ 334 పరుగులు చేసి ఆలౌట్ అయింది. ఆసీస్ గడ్డపై తొలి శతకం సాధించిన జో రూట్(138) అజేయంగా నిలిచాడు. ఆస్ట్రేలియా పేసర్ మిచెల్ స్టార్క్ మరోసారి విజృంభించాడు. ఈ మ్యాచ్లో ఏకంగా ఆరు వికెట్లు పడగొట్టాడు. అనంతరం తొలి ఇన్నింగ్స్ని ఆసీస్ కూడా ధాటిగా ప్రారంభించింది. ఆరంగేట్ర మ్యాచ్లో విఫలమైన జేక్ వెదరాల్డ్ ఈ మ్యాచ్లో చెలరేగిపోయాడు. ట్రావిస్ హెడ్ అతనికి చక్కగా సహకరించాడు. అయితే 33 పరుగుల వ్యక్తిగత స్కోర్ వద్ద హెడ్ ఔట్ అయ్యాడు. దీంతో వీరిద్దరి భాగస్వామ్యానికి తెరపడింది. అనంతరం అర్థశతకం సాధించి వెదరాల్డ్(72) జోఫ్రా ఆర్చర్ బౌలింగ్లో ఔట్ అయ్యాడు. ప్రస్తుతం 30 ఓవర్లు ముగిసేసరికి ఆస్ట్రేలియా 2 వికెట్లు కోల్పోయి 155 పరుగులు చేసింది. క్రీజ్లో లబుషేన్(35), స్మిత్(4) ఉన్నారు. ఆసీస్ ఈ ఇన్నింగ్స్లో 179 పరుగుల వెనుకంజలో ఉంది.
హైదరాబాద్: ఎమ్మెల్యే పదవికి రాజీ నామా ప్రస్తావన ఇంకా రాలేదని కాంగ్రెస్ ఎమ్మెల్యే దానం నాగేందర్ తెలిపారు. తనకు ఎన్నికలు కొత్త కాదు అని అన్నారు. నియోజకవర్గ పరిధిలోని హిమాయత్ నగర్, నారాయణగూడలో రూ.1.40 కోట్లతో చేపట్టనున్న డ్రైనేజీ, రోడ్ల పనలకు ఆయన శంకుస్థాపన చేశారు. అనంతరం అనర్హత వేటు అంశంపై దానం స్పందించారు. ఈ సందర్భంగా ఆయన మీడియాతో మాట్లాడుతూ.. సిఎం రేవంత్ రెడ్డి ఆదేశిస్తే ఎమ్మెల్యే పదవికి రాజీనామా చేసేందుకు సిద్ధం అని తెలియజేశారు. ఎన్నికల్లో పోటీ చేయడం, గెలవడం తన రక్తంలోనే ఉందని,11 ఎన్నికల్లో కొట్లాడిన చరిత్ర ఉందని దానం పేర్కొన్నారు. అనర్హత కేసు విషయంలో సుప్రీంకోర్టులో వాదనలు నడుస్తున్నాయని, రేవంత్ రెడ్డి మరో పదేళ్లు సిఎం కొనసాగితేనే రాష్ట్రం అభివృద్ధి పథంలో దూసుకెళ్తుందని దానం నాగేందర్ స్పష్టం చేశారు.
హైదరాబాద్: ఎమ్మెల్యే పదవికి రాజీ నామా ప్రస్తావన ఇంకా రాలేదని కాంగ్రెస్ ఎమ్మెల్యే దానం నాగేందర్ తెలిపారు. తనకు ఎన్నికలు కొత్త కాదు అని అన్నారు. నియోజకవర్గ పరిధిలోని హిమాయత్ నగర్, నారాయణగూడలో రూ.1.40 కోట్లతో చేపట్టనున్న డ్రైనేజీ, రోడ్ల పనలకు ఆయన శంకుస్థాపన చేశారు. అనంతరం అనర్హత వేటు అంశంపై దానం స్పందించారు. ఈ సందర్భంగా ఆయన మీడియాతో మాట్లాడుతూ.. సిఎం రేవంత్ రెడ్డి ఆదేశిస్తే ఎమ్మెల్యే పదవికి రాజీనామా చేసేందుకు సిద్ధం అని తెలియజేశారు. ఎన్నికల్లో పోటీ చేయడం, గెలవడం తన రక్తంలోనే ఉందని,11 ఎన్నికల్లో కొట్లాడిన చరిత్ర ఉందని దానం పేర్కొన్నారు. అనర్హత కేసు విషయంలో సుప్రీంకోర్టులో వాదనలు నడుస్తున్నాయని, రేవంత్ రెడ్డి మరో పదేళ్లు సిఎం కొనసాగితేనే రాష్ట్రం అభివృద్ధి పథంలో దూసుకెళ్తుందని దానం నాగేందర్ స్పష్టం చేశారు.
హైదరాబాద్: మావోయిస్టు వికల్ప్ పేరుతో మరో లేఖ విడుదల చేశారు. అగ్రనేతలు దేవ్జీ, రాజిరెడ్డిలు మాతో ఉన్నారన్నారు. హిడ్మా సమాచారాన్ని దేవ్జీ చెప్పారనడం అవాస్తవమన్నారు. చికిత్స కోసం హిడ్మా విజయవాడ వెళ్లారని, విజయవాడలోని కలప, ఫర్నీచర్ వ్యాపారులు మాకు ద్రోహం చేశారన్నారు. పోలీసులు హిడ్మాను సజీవంగా పట్టుకొని చిత్రహింసలకు గురి చేశారన్నారు. మారేడుమిల్లి ఎన్కౌంటర్ బూటకమని, 13 మందిని పట్టుకుని ఎపి పోలీసులు కాల్చి చంపారని ఆగ్రహం వ్యక్తం చేశారు. మారేడుమిల్లి ఎన్కౌంటర్కు ప్రతీకారం తీర్చుకుంటామని హెచ్చరించారు.
హైదరాబాద్: ఇళ్లులేని పేదవారికి ఇళ్లు ఇచ్చేందుకు చర్యలు చేపట్టామని మంత్రి పొంగులేటి శ్రీనివాసరెడ్డి తెలిపారు. తమ ప్రభుత్వం వచ్చాక పేదలకు అనేక కార్యక్రమాలు చేపట్టామని అన్నారు. ఈ సందర్భంగా సచివాలయంలో ఆయన మీడియాతో మాట్లాడుతూ.. అర్హులైన ప్రతి ఒక్కరికీ ఇళ్లు కేటాయించే బాధ్యత తీసుకున్నామని, వచ్చే మూడేళ్లలో అర్బన్ ప్రాంతాల్లోనూ ఇందిరమ్మ ఇళ్లు ఇస్తామని హామీ ఇచ్చారు. జి ప్లస్ త్రీ, జీ ప్లస్ ఫోర్ విధానంలో అర్బన్ ప్రాంతాల్లో ఇళ్లు కేటాయిస్తామని అన్నారు. ప్రస్తుతం 3 రకాల ఇళ్ల నిర్మాణం, ప్రస్తుతం 3.82 లక్షల ఇళ్ల నిర్మాణం కొనసాగుతోందని తెలియజేశారు. కేంద్రం ఇచ్చే సాయం నేరుగా లబ్ధిదారుల ఖాతాకు వెళ్తుందని పొంగులేటి శ్రీనివాసరెడ్డి పేర్కొన్నారు.
ఢిల్లీ: రష్యా అధ్యక్షుడు వ్లాదిమిర్ వ్లాదిమిరోవిచ్ పుతిన్ రాష్ట్రపతి భవన్కు చేరుకున్నారు. ఆయనకు రాష్ట్రపతి ద్రౌపదీ ముర్ము, ప్రధాని నరేంద్ర మోడీ ఘన స్వాగతం పలికారు. అనంతరం పుతిన్ సైనికుల నుంచి గౌరవ వందనం స్వీకరించారు. రష్యా అధ్యక్షుడు వ్లాదిమిర్ పుతిన్ భారత్ లో పర్యటిస్తున్న విషయం తెలిసిందే.
భారత్కు రష్యా చమురు సరఫరా సజావుగా, ఎటువంటి ఒడుదుడుకులు లేకుండా సాగుతోందని రష్యా అధ్యక్షులు వ్లాదిమిర్ పుతిన్ వెల్లడించారు. భారతీయ చమురు పరిశ్రమను రష్యా అత్యంత విశ్వసనీయ భాగస్వామ్యపక్షంగా భావిస్తుందని తెలిపారు. భారత్కు రష్యా చమురుపై అమెరికా వ్యతిరేకత గురించి ప్రస్తావించారు. అమెరికానే రష్యా ముడిచమురు తీసుకుంటూ ఉండగా, భారత్ తెప్పించుకుంటే తప్పేముంది? దీనినే హిపోక్రసీ అంటారేమోనని చురకలంటించిన విషయం తెలిసిందే.
