admin

హైదరాబాద్: సుకుమార్ దర్శకత్వంలో అల్లు అర్జున్ హీరోగా నటించిన చిత్రం ‘పుష్ప-2’. గతేడాది విడుదలైన ఈ సినిమా గ్రాండ్ సక్పెస్‌ను సాధించింది. అయితే సినిమా విడుదలై ఏడాది పూర్తవుతున్న సమయంలో మరోసారి ప్రత్యేక షోలో ఈ సినిమాను రీరిలీజ్ చేస్తున్నారు. ఈ నేపథ్యంలో తమ అభిమాన హీరోని మరోసారి వెండితెరపై చూసేందుకు అభిమానులు బారులు తీరారు.

బాలనగర్లలోని విమల్ థియేటర్‌లో ‘పుష్ప-2’ ప్రీమియర్ షో వేశారు. అయితే అయితే ఈ షో టికెట్లను ఆఫ్‌లైన్‌లో విక్రయానికి ఉంచారు. కేవలం సింగిల్ షో కావడంతో మరోసారి అభిమానులు బిగ్ స్క్రీన్ పై అల్లు అర్జున్ నట విశ్వరూపం చూసేందుకు పెద్దఎత్తున తరలివచ్చారు. దీంతో టికెట్ల కోసం ఫ్యాన్స్‌ కొట్టుకున్నట్లు తెలుస్తోంది. కొందరికి మాత్రమే టికెట్స్ దక్కడంతో మరికొందరు ఫ్యాన్స్ గొడవకు దిగారు. కొందరు ఆగ్రహానికి గురైన ఫ్యాన్స్‌ ఏకంగా కర్రలతో దాడి చేసుకున్నారు. దీనికి సంబంధించిన వీడియో సోషల్ మీడియాలో వైరల్‌గా మారింది.

హైదరాబాద్: హవాలా మార్గంలో కారులో తరలిస్తున్న భారీ నగదును పోలీసులు పట్టుకున్నారు. శామీర్‌పేటలో పక్కా సమాచారంతో తనిఖీలు చేసిన పోలీసులు ఓ కారులో టైర్లు, సీట్ల కింద దాచిన రూ.4 కోట్ల నగదును బోయిన్‌పల్లి క్రైమ్ పోలీసులు స్వాధీనం చేసుకున్నారు. హవాలా కేసులో 2024లో ఓ వ్యక్తి పరారయ్యాడు. శుక్రవారం ఆ వ్యక్తి భారీ మొత్తంలో నగదుతో నిజామాబాద్ నుంచి వస్తున్నట్లు టాస్క్‌ఫోర్స్ పోలీసులకు సమాచారం అందింది. ఈ నేపథ్యంలో తనిఖీలు చేపట్టిన పోలీసులు శామీర్‌పేట ఔటర్ రింగ్‌ రోడ్డు వద్ద నిందితుడిని అదుపులోకి తీసుకొని, హవాలాలో తరలిస్తున్న నగదును సీజ్ చేశారు.

హైదరాబాద్: చిన్నారులపై వీధికుక్కలు దాడులు చేస్తున్న కేసులు తరచూ జరుగుతున్నాయి. కొద్ది రోజుల క్రితమే ఓ మూగ బాలుడిపై వీధికుక్కలు దాడి చేసిన విషయం తెలిసిందే. తాజాగా మరో బాలుడు వీధి కుక్క దాడి నుంచి తృటిలో తప్పించుకున్నాడు. యూసుఫ్‌గూడలో రెండేళ్ల బాలుడిపై వీధి కుక్క దాడికి యత్నించింది. లక్ష్మీనరసింహనగర్‌లో మన్వీత్ నందన్ ఇంటి ముందు ఆడుకుంటుండగా.. బాలుడిపైకి వీధి కుక్క దూసుకెళ్లింది. చిన్నారిని కరిచే ప్రయత్నం చేసింది. అయితే అక్కడే ఉన్న బాలుడి తాత ఇది గమనించి కర్రతో కొట్టడంతో వీధి కుక్క అక్కడి నుంచి వెళ్లిపోయింది. దీంతో చిన్నారికి పెను ప్రమాదం తప్పింది. 

భారత్, సౌతాఫ్రికా మధ్య గత నెలలో జరిగిన టెస్ట్ సిరీస్‌ని సౌతాఫ్రికా క్లీన్ స్వీప్ చేసిన విషయం తెలిసిందే. రెండు టెస్టుల్లోనూ ఆల్ రౌండ్ ప్రదర్శనతో రాణించి.. 0-2 తేడాతో సిరీస్‌ను దక్కించుకుంది. ఈ సిరీస్‌లో సఫారీ బౌలర్ సైమన్ హార్మర్ అద్భుత ప్రదర్శన కనబర్చాడు. దీంతో అతను నవంబర్ నెలలో ఐసిసి ప్లేయర్ ఆఫ్ ది మంత్ అవార్డుకు పురుషుల విభాగంలో నామినేట్ అయ్యాడు.

హార్మర్‌తో పాటు బంగ్లాదేశ్ స్పిన్నర్ తైజుల్ ఇస్లాం, పాకిస్థాన్ ఆల్ రౌండర్ మొహమ్మద్ నవాజ్ కూడా ఈ నామినేషన్‌లో ఉన్నారు. ఈ ప్రతిష్టాత్మక అవార్డు రేసులో భారత్ తరఫున ఒక్క ప్లేయర్ కూడా లేకపోవడం గమనార్హం. ఇక హార్మర్ విషయానికొస్తే.. భారత్‌తో జరిగిన టెస్ట్ సిరీస్‌లో అతడు తన స్పిన్ మాయాజాలాన్ని చూపించాడు. తన బౌలింగ్‌తో భారత ఆటగాళ్లను ఉక్కిరిబిక్కిరి చేశాడు. ఈ సిరీస్‌లో హార్మర్ మొత్తంగా 17 వికెట్లు తీశాడు. అంతకు ముందు పాకిస్థాన్‌తో జరిగిన సిరీస్‌లోనూ అతడు రాణించాడు. ఆ సిరీస్‌లో 13 వికెట్లు పడగొట్టాడు. ఇక ఐసిసి మంత్లీ అవార్డుల్లో మహిళల విభాగంలో భారత స్టార్ షెఫాలీ వర్మ నాయినేట్ అయింది. ఆమెతో పాటు ఈ లిస్ట్‌లో థాయ్‌లాండ్‌కు చెందిన ఎడమచేతి స్పిన్నర్ తిపట్చా పుత్తావోంగ్, యూఏఈ కెప్టెన్ ఇషా ఓజా కూడా ఉన్నారు.

హైదరాబాద్‌కు వచ్చే విమానాలకు వరుసగా బాంబు బెదిరింపులు రావడం భయాందోళనకు గురి చేస్తోంది. తాజాగా దుబాయ్ నుంచి హైదరాబాద్ వస్తున్న ఎమిరేట్స్ విమానానికి బాంబు బెదిరింపు వచ్చింది. దీంతో విమానాన్ని సురక్షితంగా ల్యాండ్ చేశారు. ఇకె526 విమానం దుబాయ్ నుంచి హైదరాబాద్‌కు వస్తోంది. ఈ క్రమంలో విమానాన్ని పేల్చేస్తామంటూ రాజీవ్ గాంధీ విమానాశ్రయానికి చెందిన ఎటిఎస్‌కు ఇ-మెయిల్ వచ్చింది. దీంతో వెంటనే అప్రమత్తమై విమానాన్ని సురక్షితంగా ల్యాండ్ యేశారు. ప్రయాణికులను సురక్షిత ప్రదేశానికి తరలించారు. అనంతరం విమానరంలో క్షణంగా తనిఖీలు చేపట్టారు. ఎలాంటి అనుమానస్పద వస్తువులు లభించకపోవడంతో అంతా ఊపిరి పీల్చుకున్నారు. గురువారం కూడా హైదరాబాద్‌కి మదీనా నుంచి వస్తున్న విమానంలో బాంబు బెదిరింపు వచ్చిన విషయం తెలిసిందే.

అమరావతి: ఆంధ్రప్రదేశ్ రాష్ట్రం పల్నాడు జిల్లా నరసరావుపేటలో దారుణం వెలుగులోకి వచ్చింది. ఆపరేషన్ చేసిన సర్జికల్ బ్లేడ్ ను కడుపు పెట్టి కుట్లు వేశారు. రమాదేవి అనే మహిళ కడుపునొప్పితో ఆస్పత్రిలో చేరారు. ఆపరేషన్‌ చేసిన అనంతరం కడుపులో వైద్యులు బ్లేడు వదిలేశారు.  తీవ్ర కడుపునొప్పితో మళ్లీ స్కానింగ్‌ చేయడంతో తొడ కండరాల్లో బ్లేడు ఉన్నట్టు గుర్తించారు.  వైద్యుల నిర్లక్ష్యంపై మహిళ కుటుంబసభ్యుల ఆగ్రహం వ్యక్తం చేశారు. న్యాయం చేయాలని బంధువులు ఆస్పత్రి ఎదుట ఆందోళన చేపట్టారు.