admin

హైదరాబాద్: పాత బస్తీలోని మీర్ చౌక్ ఎసిపిపై లైంగిక వేధింపుల ఆరోపణలు వచ్చాయి. ఎసిపి తనతో అసభ్యంగా ప్రవర్తిస్తున్నడంటూ  ఓ మహిళ వీడియో విడుదల చేసింది. ఇంటి ముందు కారు పెట్టి ఓ వ్యక్తి వేధిస్తున్నాడని మిర్ చౌక్ పోలీసులకు దళిత మహిళ జూన్ లో ఫిర్యాదు చేసింది. అప్పుడు ఫిర్యాదు చేస్తే పోలీసులు చర్యలు తీసుకోవటం లేదని మిర్ చౌక్ ఎసిపిని బాధితురాలు కలిసింది. కానీ తనకు ఎసిపి అసభ్య మెసేజీలు పెట్టడంతో పాటు ఫోన్ లో వేధిస్తున్నాడని బాధితురాలు వీడియో విడుదల చేసింది.  ఒంటరిగా రావాలని, తనతో గడపాలని, చెప్పినట్టు వింటేనే న్యాయం చేస్తానని మహిళాతో ఎసిపి ఫోన్ లో మాట్లాడినట్టు ఆరోపణలు చేసింది. మిర్ చౌక్ పోలీసులతో బాధితురాలికి ఫోన్ చేయించి ఒత్తిడి చేస్తున్నట్లు వీడియోలో మహిళా ప్రస్తావించింది. 

హైదరాబాద్: గోవాకు వెళ్ళి ఏకాంతంగా గడపాలనుకుంటున్న ప్రేమ జంటలు జాగ్రత్తగా ఉండాలని పోలీసుల సూచిస్తున్నారు. హోటల్ నిర్వహకులు వీడియోలు తీసి బ్లాక్ మెయిల్ కు పాల్పడుతున్నారు. గోవాలోని ఓ హోటల్ కు వెళ్లిన ప్రేమజంట వీడియోలు తీసి హోటల్ నిర్వహకులు బ్లాక్ మెయిల్ కు పాల్పడుతున్నారు. మరొక వ్యక్తిని పెళ్లి చేసుకున్నానని వదిలేయాలని బాధితురాలు కోరినా కూడా వినకుండా డబ్బులు కావాలని బెదిరింపులకు పాల్పడ్డారు. దీంతో బాధితురాలు పోలీసులను ఆశ్రయించింది. హైదరాబాద్ లోని ఎర్రగడ్డ ప్రాంతానికి చెందిన ఒక మహిళ(35), తన పెళ్లికిముందు 2023 సంవత్సరంలో ఒక వ్యక్తితో కలిసి గోవా వెళ్లింది. యశ్వంత్(40) అనే వ్యక్తి ఆ జంటకు బస, ఇతర ఏర్పాట్లు చేశాడు.  ఇటీవల సదరు మహిళకు ఫోన్ చేసి, గతంలో మీరు సన్నిహితంగా ఉండే వీడియోలు తీశానని, రూ.30 లక్షలు ఇవ్వాలని యశ్వంత్ డిమాండ్ చేశాడు.  తనకు ఇప్పుడు వేరే వ్యక్తితో పెళ్లయిందని తన వైవాహిక జీవితం చెడిపోతుందని వదిలేయాలని వేడుకుంది. యశ్వంత్ వినకపోవడంతో బాధిత మహిళ పోలీసులకు ఫిర్యాదు చేసింది. మహిళ ఫిర్యాదు మేరకు సనత్‌నగర్ పోలీసులు కేసు నమోదు చేసి దర్యాప్తు చేస్తున్నారు.  

అమరావతి: ఆంధ్రప్రదేశ్ రాష్ట్రం తిరుపతిలోని జాతీయ సంస్కృత యూనివర్సిటీలో దారుణం వెలుగులోకి వచ్చింది. విద్యార్థినిపై లెక్చరర్ లక్ష్మణ్‌కుమార్ లైంగికదాడికి పాల్పడ్డాడు. విద్యార్థినితో లక్ష్మణ్ కుమార్ ఏకాంతంగా ఉన్న దృశ్యాలు రికార్డు చేసి మరో లెక్చరర్ శేఖర్‌ కు పంపించాడు. ఆ వీడియోతో విద్యార్థినిని లెక్చరర్ శేఖర్ బ్లాక్ మెయిల్ కు పాల్పడ్డాడు. ప్రొఫెసర్ల కీచకపర్వం భరించలేక సదరు విద్యార్థిని వైస్ ఛాన్సలర్‌ కు ఫిర్యాదు చేసింది. పోలీసులకు  విసి, రిజిస్ట్రార్ ఫిర్యాదు చేశారు.  లెక్చరర్లు లక్ష్మణ్‌కుమార్, శేఖర్ సెల్‌ఫోన్లను పోలీసులు స్వాధీనం చేసుకొని ప్రశ్నిస్తున్నారు. పోలీస్ స్టేషన్‌లో ఫిర్యాదు చేసిన సదరు విద్యార్థిని యూనివర్సిటీ నుంచి సొంతూరుకు వెళ్లిపోయింది. విద్యాబుద్ధులు నేర్పించాల్సిన లెక్చరర్లు దారి తప్పి  కామకీచకులు మారడం సమాజానికి మంచిది కాదని నెటిజన్లు కామెంట్లు చేస్తున్నారు. యూనివర్సిటీల్లో ఇంత జరుగుతున్న ప్రభుత్వం మొద్దు నిద్రపోతుందని నెటిజన్లు మండిపడుతున్నారు.   

హైదరాబాద్: పోలీస్ స్టేషన్ లో దొంగతనం జరిగిన సంఘటన హైదరాబాద్ లోని మెహదీపట్నంలో జరిగింది. లాకర్ లో పెట్టిన కాస్ట్ లీ ఫోన్ ను పోలీస్ డ్రైవర్ కొట్టేయడంతో అతడిని అరెస్టు చేసి రిమాండ్ కు తరలించారు. పోలీసులు తెలిపిన వివరాల ప్రకారం…  మెహదీపట్నం పోలీస్ స్టేషన్ పరిధిలోని రైతు బజార్ వద్ద తన ఫోన్ పోయిందని ఓ వ్యక్తి ఫిర్యాదు చేశాడు. సిసి కెమెరాల ఆధారంగా దొంగను పోలీసులు పట్టుకుని ఫోన్ ను రికవరీ చేశారు. అనంతరం రూ.1.75 లక్షల విలువగల ఫోన్ ను లాకర్లో దాచి పెట్టారు. కాస్ట్ లీ ఫోన్ కావడంతో దానిని పోలీస్ డ్రైవర్ శ్రవణ్ కుమార్ ఎత్తుకెళ్లాడు. శ్రవణ్ కుమార్ దొంగతనం చేశాడని నిర్ధారించుకున్నారు. శ్రవణ్ కుమార్ ఫోన్ ను స్వాధీనం చేసుకొని అతడిని ఉన్నతాధికారులు రిమాండ్ కు తరలించారు. 

అమరావతి: ఆంధ్రప్రదేశ్ రాష్ట్రం సింహాచలంలో సింహాద్రి అప్పన్న స్వామిని భారత క్రికెటర్ విరాట్ కోహ్లీ దర్శించుకున్నారు. విరాట్‌కు అలయ అధికారులు, పూజారాలు ఘన స్వాగతం పలికారు. దర్శనానంతరం కోహ్లీకి అర్చకులు వేదాశీర్వచనం చేశారు. స్వామి వారి చిత్రపటం, తీర్థప్రసాదాలను అధికారులు అందజేశారు. విశాఖపట్నంలో జరిగిన మూడో వన్డేలో సౌతాఫ్రికాపై భారత జట్టు ఘన విజయం సాధించి సిరీస్ కైవసం చేసుకుంది. సపారీలపై టీమిండియా తొమ్మిది వికెట్ల తేడాతో గెలిచింది. మూడో మ్యాచ్‌లో జైస్వాల్ సెంచరీ, రోహిత్ శర్మ, విరాట్ కోహ్లా హాఫ్ సెంచరీలు చేయడంతో గెలుపొందింది. విరాట్ కోహ్లీకి మ్యాన్ ఆఫ్ ది సిరీస్ దక్కగా యశస్వి జైస్వాల్‌కు మ్యాన్ ఆఫ్ ది మ్యాచ్ వరించింది.