admin

హైదరాబాద్: తెలంగాణ సిఎం రేవంత్ రెడ్డిపై మెగాస్టార్ చిరంజీవి ప్రశంసల వర్షం కురిపించారు. మంగళవారం తెలంగాణ రైజింగ్ గ్లోబల్ సమ్మిట్‌లో ఆయన ముఖ్య అతిథిగా పాల్గొన్నారు. తనను ఈ కార్యక్రమానికి ఆహ్వానించినందుకు రేవంత్‌కు ధన్యవాదాలు తెలిపారు. రేవంత్ రెడ్డి విజన్ చాలా గొప్పదని ప్రశంసించారు.

‘‘తెలంగాణ రైజింగ్-2047 విజన్‌లో భాగంగా అన్ని రంగాలతో పాటు సినిమా రంగానికి కూడా ప్రాముఖ్యత ఇస్తున్నారు. హైదరాబాద్ ఫిల్మ్, ఎంటర్‌టైన్‌మెంట్ గ్లోబల్ హబ్‌గా తీర్చిదిద్దాలనే విజన్ చాలా గొప్పది. హైదరాబాద్‌పై ప్రపంచ సినిమా దృష్టిసారిస్తుందని విశ్వసిస్తున్నా. ఈ గొప్ప కార్యక్రమంలో నా దిశానిర్దేశం కోరడం నాకెంతో ఆనందంగా ఉంది’’ అని చిరంజీవి ఎక్స్‌లో పోస్ట్ చేశారు.

ఇక వినోద రంగం విషయంలో ప్రపంచమంతా తెలంగాణ వైపు చూసేలా తన వంతు కృషి చేస్తానని చిరంజీవి ‘తెలంగాణ రైజింగ్ గ్లోబల్ సమ్మిట్‌’ కార్యక్రమంలో తెలిపారు. రాష్ట్ర ప్రభుత్వం కల్పిస్తున్న అవకాశాలను సద్వినియోగం చేసుకోవాలని సినిమా రంగానికి విజ్ఞప్తి చేశారు. ఈ ఈవెంట్‌కు తనను ఆహ్వానించడాన్ని గౌరవంగా భావిస్తున్నట్లు తెలిపారు.

గురువును దైవంలా భావించాలని మన పెద్దలు చెబుతూ ఉంటారు. కానీ, ఈ వ్యక్తులు మాత్రం తమకు అవకాశం కల్పించలేనదని గురువుపై తీవ్రంగా దాడి చేశారు. ఈ ఘటన తమిళనాడులోని పుదుచ్చేరిలో చోటు చేసుకుంది. పుదుచ్చేరి క్రికెట్ అసోసియేషన్ అండర్-19 కోచ్‌ ఎస్.వెంకటరమణ్‌పై ముగ్గురు ఆటగాళ్లు దాడి చేసినట్లు సమాచారం. ఈ దాడిలో వెంకట రమణకు తీవ్ర గాయాలయ్యయి. ఆయన నుదుటిపై 20 కుట్లు పడ్డాయి. భజం విరిగింది. సయ్యద్ ముస్తాక్ అలీ ట్రోఫీలో తమకు అవకాశం కల్పించనందుకే ఆ ఆటగాళ్లు ఈ ఘాతుకానికి పాల్పడ్డారని తెలుస్తోంది. ఈ విషయంపై ఎఫ్.ఎ.ఆర్ నమోదు చేసినట్లు పోలీసులు తెలిపారు. ‘‘వెంకటరమణ్ నుదుటిపై 20 కుట్లు పడ్డాయి. భుజం విరిగింది. కానీ, ప్రస్తుతానికి ఆరోగ్యం నిలకడగా ఉంది. దాడికి పాల్పడిన ఆటగాళ్లు పరారీలో ఉన్నారు. వారి కోసం గాలిస్తున్నాము. పూర్తి వివరాలు త్వరలో వెల్లడిస్తాం’’ తీఅని సిఐ రాజేశ్ తెలిపారు. 

అమరావతి: మరోసారి మంత్రులపై ముఖ్యమంత్రి చంద్రబాబు నాయుడు అసంతృప్తి వ్యక్తం చేశారు. హెచ్ఒడిల సమావేశంలో మంత్రుల పని తీరుపై ప్రస్థావన తీసుకొచ్చారు. మంత్రుల పనితీరులో ఎలాంటి మార్పు లేదని, చాలా మందికి తమ శాఖల్లో ఏం జరుగుతుందో తెలియడంలేదని చురకలంటించారు. కేంద్ర నిధులు తీసుకరావడంతో పాటు వినియోగంలో విఫలమయ్యారని ఆవేదన వ్యక్తం చేశారు. మంత్రులు ఒక్కరోజు ఢిల్లీకి వెళ్లడంలో నష్టం లేదని, ఇకనైనా మంత్రులు పనితీరు మార్చుకోవాలని చంద్రబాబు సూచించారు. కేంద్ర పథకాలను ఏపీకి ఎక్కువగా తీసుకురావాని, అధికారులు ప్రజలకు జవాబుదారీతనంగా ఉండాలన్నారు. వైసిపి విధానాలతో జనం ఇబ్బందుల పాలయ్యారని గుర్తు చేశారు. నాలెడ్జ్ ఎకానమీ దిశగా ఆంధ్ర అడుగులేస్తోందని, అందుకే పెద్ద ఎత్తున కంపెనీలు వస్తున్నాయని చంద్రబాబు వివరించారు.

విశాఖలో ఒక గిగా వాట్ డేటా సెంటర్ ఏర్పాటు కాబోతుందని, సుపరిపాలన కోసం అవసరమైతే బిజినెస్ రూల్స్ మార్చుకోవచ్చని తెలియజేశారు. రాజ్యాంగ సవరణ జరిగినప్పుడు,  బిజినెస్ రూల్స్ మారిస్తే తప్పేంటని ప్రశ్నించారు. ప్రజల అవసరాలకు అనుగుణంగా రూల్స్ ఉండాలని, ప్రజలు ప్రభుత్వ కార్యాలయాలకు ఎందుకు రావాలి? నిలదీశారు. వివిధ కార్పొరేషన్లను కూడా రీ స్ట్రక్చర్ చేయాలని, ఫైల్స్ క్లియరెన్స్ వేగవంతంతో పాటు అనవసర ఫైళ్లు సృష్టించే విధానం పోవాలన్నారు. దేశంలో ఇండస్ట్రియల్‌ పార్కులు ఎక్కువగా ఉన్న రాష్ట్రం మనదే అని చంద్రబాబు తెలిపారు. ప్రతి శాఖ చేసిన పనులన్నీ తన వద్ద రికార్డు రూపంలో ఉన్నాయని, పథకాలు, కార్యక్రమాలను ఎప్పటికప్పుడు సమీక్ష చేసుకోవాలని అధికారులను ఆదేశించారు. రాయలసీమలో ఇప్పుడు భూగర్భజలాలు పైకి వచ్చాయని, భూగర్భజలాలు 3 మీటర్లకు చేరితే ఖర్చుపెట్టే బడ్జెట్‌ తగ్గుతుందని తెలియజేశారు. సౌరశక్తి వినియోగించుకుంటే విద్యుత్‌ డిమాండ్‌ బాగా తగ్గుతుందని, ఈ ఏడాది కరెంట్‌ ఛార్జీలు పెంచమని చంద్రబాబు చెప్పారు. 

ఫ్లోరిడా: సాధారణంగా రోడ్డు ప్రమాదాలంటే రోడ్డుపై ప్రమాణించే వాహనాలు ఒకదాన్ని మరొకటి ఢీకొనడం జరుగుతుంది. కానీ, గాల్లో ఎగిరే విమానం.. నేలపై నడిచే కారును ఢీకొనడం ఎప్పుడైనా చూశారా.? రోడ్డుపై ప్రయాణిస్తున్న కారుపై విమానం క్రాష్ ల్యాండింగ్ అయింది. ఈ ఘటన అమెరికాలోని ఫ్లోరిడాలో చోటు చేసుకుంది. సోమవారం రాత్రి బ్రెవర్డ్ కౌంటీ వద్ద ఇంటర్‌స్టేట్-95 జాతీయ రహదారిపై ఓ చిన్న విమాణం చేస్తున్న కారుపై ఓ చిన్న విమానం నేలపై వాలిపోయింది. ఈ క్రమంలో అది వేగాన్ని అదుపు చేసుకోలేక ప్రయాణిస్తున్న కారును ఈ ఘటనలో కారులో ఉన్న మహిళ స్వల్ప గాయాలతో బయటపడింది.

హైదరాబాద్: నగరంలోని అమీర్‌పేటలో అగ్ని ప్రమాద్ సంభవించింది. మైత్రివనంలోని శివమ్ టెక్నాలజీస్ కోచింగ్ సెంటర్‌లో ఈ ఘటన చోటు చేసుకుంది. స్థానికుల సమాచారంతో పోలీసులు, అగ్నిమాపక సిబ్బంది ఘటనాస్థలికి చేరుకొని మంటలను అదపులోకి తీసుకవచ్చారు. బ్యాటరీలు పేలడంతోనే ఈ ప్రమాదం జరిగినట్లు తెలుస్తోంది. ఈ ఘటనతో అక్కడి కోచింగ్ సెంటర్లలోని విద్యార్థులను బయటకు పంపించారు. 

హైదరాబాద్: బాలకృష్ణ, బోయపాటి కాంబినేషన్‌లో వచ్చిన ‘అఖండ’ సినిమాకి సీక్వెల్‌గా ‘అఖండ-2’ సినిమాను తీసుకొచ్చిన విషయం తెలిసిందే. అయితే, డిసెంబర్ 5వ తేదీన విడుదల కావాల్సిన ఈ సినిమా ఆర్థిక ఇబ్బందుల కారణంగా విడుదల వాయిదా పడింది. దీంతో అభిమానులు తీవ్ర నిరాశకి గురయ్యారు. సమస్యలన్నీ తొలగిపోవడంతో ఈ సినిమాను డిసెంబర్ 12న విడుదల చేస్తున్నట్లు చిత్ర యూనిట్ అధికారికంగా ప్రకటించింది. డిసెంబర్ 11న ప్రీమియర్స్ ప్రదర్శించనున్నట్లు వెల్లడించింది.

‘అఖంఢ-2’ విడుదల తేదీ ప్రకటించడంతో చిన్న సినిమాలపై ప్రభావం పడే అవకాశం ఉంది. ఇప్పటికే డిసెంబర్ 12న మోగ్లీ, సఃకుటుంబానాం తదితర సినిమాలు విడుదలకు సిద్ధంగా ఉన్నాయి. కానీ, అఖండ-2 ఆ రోజే రావడంతో ఈ సినిమాలు వెనకడుగు వేయాల్సి ఉంటుంది. మరి ఈ విషయంపై స్పష్టత రావాలి అంటే.. వేచి చూడాలి. ఇక 2021లో వచ్చి అఖండ సినిమాకి సీక్వెల్‌గా ఈ చిత్రాన్ని రూపొందించారు. ఇందులో సంయుక్త, ఆది పినిశెట్టి తదితరులు కీలక పాత్రలు పోషించారు. తమన్ ఈ సినిమాకి సంగీతం అందించారు.