admin

మనతెలంగాణ/హైదరాబాద్:గూగుల్ సంస్థ అంత ఎత్తుకు ఎదిగేలా స్టార్టప్‌లు కష్టపడాలని సిఎం రేవంత్‌రెడ్డి సూచించారు. స్టార్టప్‌ల కోసం ప్రభుత్వం రూ.1,000 కోట్ల ఫండ్ ఏర్పాటు చేయనున్న ట్టు ఆయన చెప్పారు. ప్రస్తుతం హైదరాబాద్ స్టార్టప్‌లపైనే కాకుండా యూనికార్న్‌పై దృష్టి పెట్టిందని ఆయన పేర్కొన్నారు. కనీసం హైదరాబాద్ నుంచి 100 యూనికార్న్ సంస్థలు రావాలని ఆయన ఆకాంక్షించారు. 2034 నాటికి వాటిల్లో కనీసం 10 సూపర్ యూనికార్న్ కంపెనీలుగా ఎదగాల ని, అందుకోసం రాష్ట్రంలో ఒక మంచి ఎకో సిస్టమ్ ను సృష్టించాలనుకుంటున్నామని సిఎం రేవంత్‌రెడ్డి తెలిపారు. హైదరాబాద్‌లోని టీహబ్‌లో గూగు ల్ ఫర్ స్టార్టప్స్ కేంద్రాన్ని సిఎం రేవంత్‌రెడ్డి బుధవారం ప్రారంభించారు. ఈ కేంద్రం ప్రారంభోత్స వానికి సిఎం రేవంత్‌రెడ్డి ముఖ్య అతిథిగా హాజరు కాగా, ఈ కార్యక్రమంలో మంత్రి శ్రీధర్ బాబు తదితరులు పాల్గొన్నారు.

ఈ సందర్భంగా సిఎం రే వంత్ రెడ్డి మాట్లాడుతూ 1998లో గూగుల్ ప్రస్థా నం ఒక స్టార్టప్‌గానే మొదలైందని ముఖ్యమంత్రి తెలిపారు. గూగుల్ విజయ ప్రస్థానం తమకు ని త్యం స్ఫూర్తిదాయకమని  ఆయన అన్నారు. గూగుల్‌కు రాష్ట్ర ప్రభుత్వం తరపున అవసరమైన సహకారం అందించడానికి సిద్దంగా ఉన్నామని సిఎం తెలిపారు. గూగుల్, యాపిల్, అమెజాన్, టెస్లా వంటివి గొప్ప స్టార్టప్‌లని ఆయన కొనియాడారు. 100 స్టార్టప్‌లను 1 బిలియన్ జాబితాలో చేర్చేలా కృషి చేస్తామన్నారు. 25 సంవత్సరాల క్రితం హైదరాబాద్‌లో ప్రారంభించిన సాఫ్ట్‌వేర్ సర్వీసెస్, ఫార్మా, లైఫ్ సైన్సెస్ రంగాలకు సంబంధించిన చాలా స్టార్ట్-ప్‌లు ప్రస్తుతం పెద్ద కంపెనీలుగా ఎదిగాయని సిఎం రేవంత్‌రెడ్డి తెలిపారు.

ప్రపంచానికి తెలంగాణ బ్రాండ్‌ను పరిచయం చేయాలని

ఈ సందర్భంగా యువతకు స్ఫూర్తి కలిగించే విషయాన్ని సిఎం చెబుతూ యువకులు, శక్తివంతులు సాధారణంగా వారి కలలను సాకారం చేసుకోవాలనుకుంటారన్నారు. అందులో భాగంగా ఉన్నత ఆశయాలతో 1998లో ఇద్దరు స్టాన్ఫోర్డ్ యూనివర్సిటీ మిత్రులు కలిసి కాలిఫోర్నియాలో ఒక గ్యారేజీలో ఓ స్టార్టప్‌ను ప్రారంభించారని, అదే నేటి ప్రఖ్యాత గూగుల్ కంపెనీగా అవతరించిందని ఆయన తెలిపారు. తెలంగాణ భవిష్యత్ అభివృద్ధిని ఆకాంక్షించి, ప్రపంచానికి తెలంగాణ బ్రాండ్‌ను పరిచయం చేయాలని రెండు రోజులు గ్లోబల్ సమ్మిట్‌ను నిర్వహించామని ఆయన తెలిపారు. జాతీయ అంతర్జాతీయ కార్పొరేట్ల సమక్షంలో తెలంగాణ భవిష్యత్ కోసం మన విజన్‌ను ఆవిష్కరించామని ఆయన తెలిపారు. 2034 నాటికి 1 ట్రిలియన్ డాలర్లు ఆర్థిక వ్యవస్థగా, 2047 నాటికి 3 ట్రిలియన్ డాలర్ల ఆర్థికవ్యవస్థగా తెలంగాణను తీర్చిదిద్దాలని లక్ష్యంగా పెట్టుకున్నామని ఆయన పునరుద్ఘాటించారు. తెలంగాణ రైజింగ్ విజన్ స్టార్టప్ కోసం మీ ప్రణాళికలు ఏంటని అడిగితే స్టార్టప్‌ను ఫుట్‌బాల్ ఆటతో పోల్చుతానని, తాను కూడా ఫుట్‌బాల్ ఆడతానని, ఈ ఆటలోనూ సమష్టి కృషి అవసరమని, పట్టుదలతో సాధన చేయాలని, ఇది టీమ్ వర్క్, కానీ, చివరకు గెలుపు చాలా ముఖ్యమని, స్టార్టప్‌లు కూడా అదే విధంగా ఉండాలని ఆయన సూచించారు.

ఒక లక్ష్యం ఉంటేనే ప్రగతి పథంలో దూసుకెళతాం: మంత్రి శ్రీధర్‌బాబు

తాము అధికారంలోకి వచ్చి రెండేళ్లయిన సందర్భంగా ఈ కేంద్రం ప్రారంభించుకోవడం సంతోషంగా ఉందని మంత్రి శ్రీధర్ బాబు హర్షం వ్యక్తం చేశారు. ఇదో కొత్త ప్రారంభమని, ఇదో కొత్త ప్రయాణమని ఆయన కొనియాడారు. స్టార్టప్స్ రంగంలో ఎన్నో అవకాశాలు ఉన్నాయని, తమ స్టార్టప్‌లకు గూగుల్ మెంటార్‌గా ఉండటం చాలా సంతోషకరమన్నారు. ఇక ఇప్పుడు యూనికార్న్ సంస్థలకు ఏర్పాటు చేసే అవకాశం వచ్చిందని ఆయన సంతోషించారు. యూనికార్న్‌ను తయారు చేయడం కోసమే ఈ కేంద్రం ఉందని మంత్రి శ్రీధర్‌బాబు తెలిపారు. 3 ట్రిలియన్ డాలర్ల ఎకానమీ లక్ష్యంగా పెట్టుకోవడంపై విమర్శలు వచ్చాయని, ఒక లక్ష్యం ఉంటేనే ప్రగతి పథంలో దూసుకెళతామని ఆయన పేర్కొన్నారు. కొత్త టెక్నాలజీలను అందిపుచ్చుకోవాలని ఆయన సూచించారు. దేశంలోని మొదటి ప్రైవేటు రాకెట్ హైదరాబాద్‌లోనే తయారైందన్న విషయాన్ని మంత్రి శ్రీధర్‌బాబు గుర్తు చేశారు. టీహబ్‌కు గూగుల్‌ను రప్పించేందుకు చాలా శ్రమించామని, కానీ, ఇది దేశంలోనే మొట్టమొదటి గూగుల్ స్టార్టప్స్ కేంద్రమని ఆయన సంతోషం వ్యక్తం చేశారు. ఇది ప్రపంచంలోనే ఐదో గూగుల్ స్టార్టప్స్ కేంద్రమని ఆయన తెలిపారు.

గూగుల్ ఫర్ స్టార్టప్స్ చేసే పని

ఇన్వెస్టర్లు, పార్ట్‌నర్లు, ప్రభుత్వానికి గూగుల్ ఫర్ స్టార్టప్స్ వారథిగా నిలవనుంది. ప్రపంచస్థాయి ఆవిష్కరణలను గూగుల్ ఫర్ స్టార్టప్ ప్రోత్సహించనుంది. ప్రాంతీయ అంకుర పరిశ్రమలను ప్రపంచ స్థాయికి గూగుల్ ఫర్ స్టార్టప్స్ పరిచయం చేయనుంది. ఏడాది పాటు టీహబ్‌లో అంకుర పరిశ్రమలకు ఉచితంగా సీటింగ్ కల్పించనుంది. స్టార్టప్‌లకు అవసరమైన సలహాలు, సూచనలు, నైపుణ్యం గూగుల్ ఫర్ స్టార్టప్స్ పెంపొందించనున్నాయి.

న్యూఢిల్లీ : లోక్‌సభలో బుధవారం సర్ అంశంపై అధికార , విపక్ష సభ్యుల మధ్య తీవ్రస్థాయి వ్యా గ్యుద్ధం వేడివాడిని రగిల్చింది. హోం మంత్రి అమి త్‌షా , సభలో ప్రతిపక్ష నేత రాహుల్ గాంధీ నడు మ సూటి పోటీ మాటలతో సర్‌పై వాదోపవాదాలు సాగాయి. శీతాకాల సమావేశాలలో తీవ్రమైన వేడి కి దారితీశాయి. సర్‌పై సభలో తలపెట్టిన చర్చతో ఇప్పుడు ప్రతిపక్షాలకు సంకట స్థితి ఏర్పడిందని అమిత్ షా తెలిపారు. దేశ ప్రధాని, రాష్ట్రాల ము ఖ్యమంత్రులు చొరబాటుదార్లు కావ డం ప్రతిపక్షాలకు ఇష్టమా అని ప్రశ్నించారు. చొరబాటుదార్లు అయిన వారి పేర్లను ఓటర్ల జాబితాల నుంచి తొలిగించేందుకే సర్ ప్రక్రియను చేపట్టారు. ఇది ప్రతిపక్షాలకు రుచించడం లేదని ఎదురుదాడికి దిగారు. తప్పుడు పద్థతులు, చొరబాటుదార్ల ఓట్లతో గెలిచే కాంగ్రెస్ ఇతర విపక్షాల వారికి సర్‌తో అడ్డుకట్టపడింది. అందుకే వారు సర్‌ను వ్యతిరేకిస్తున్నారని వి మర్శించారు.

ఏది ఏమైనా ప్రతిపక్షాలు ఓడింది వారి నాయకత్వ లోపాలతోనే, వారికి ఉన్న బోలె డు మచ్చలు, కళంకిత చరిత్రతోనే అని వ్యాఖ్యానించారు. దీనికి వెంటనే రాహుల్ గాంధీ లేచి అభ్యంతరం తెలిపారు. తా ము చెపుతున్నది ఓట్ల చోరీ జరిగిందనేది, ఎన్నికల సంఘంతో కలిసి బిజెపి తన అధికారం , పలుకుబడితో తమకు అనుకూల ఓటర్లనే జాబితాల్లో ఉండేలా చేసుకుందని ఆరోపించారు. తాము చెపుతున్న ఓట్ల చోరీ అంశంపై అమిత్ షాకు ధైర్యం ఉంటే సభలో చర్చకు రాగల రా? అని సవాలు వి సిరారు. ఓట్ల చోరీపై తాను ప్రెస్‌మీట్ పెట్టి చెప్పిం ది, సాక్షాధారాలు చూపిం ది తమ బలీయమైన వాదనలో కోణం అని, దీనిపై చర్చకు వస్తారా? అని  అమిత్ షాకు సవాలు విసిరారు. దీనిపై అమిత్ షా స్పందిస్తూ రాహుల్‌కు డొంకతిరుగుడు అలవాటు అని, అయినా ఆయన తాను మాట్లాడేది నిర్ణయించడానికి వీలులేదు. ముందు నేను చెప్పేది ఆయన వినాలి. ఈ ఓపిక ఉండాలని హితవు పలికారు.

నెహ్రూ ఇందిర సోనియాలే విలన్లు

దేశంలో ప్రధానంగా జరిగిన ఓటు చోరీలు మూడే అని,ఇది రాహుల్ గుర్తించి తీరాలని ఆమిత్‌షా చెప్పారు. ఒకటి స్వాతంత్య్రం తరువాత సర్దార్ వల్లభ్‌భాయ్ పటేల్‌కు 28 మంది మద్దతు ఉండగా, నెహ్రూ కేవలం ఇద్దరి మద్దతుతోనే ప్రధాని అయ్యారు. ఇది తొలి ఓటు చోరీ, తరువాత ఇందిరా గాంధీ తన ఎన్నిక చెల్లనేరదనే కోర్టు తీర్పు నుంచి తనకు తాను మినహాయంపు పొందడం రెండో ఓటు చెరీ ఇక మూడవ ఓటు చోరీ సోనియా గాంధీ దేశ పౌరురాలు కాకముందే ఓటరు కావడం, ఇది ఇప్పుడు కోర్టులో వ్యాజ్యానికి వచ్చిందని గుర్తు చేశారు. ఓటు చోరీని ఇవిఎంలు వచ్చి అడ్డుకున్నాయి. అందుకే వారి ఆటలు సాగడం లేదనే సర్‌పై వారికి మంట అన్నారు. పలు రాష్ట్రాలలో ప్రతిపక్షాల పరాజయానికి కారణం

కేవలం వారి నాయకత్వ లోపమే అన్నారు. దీనికి ఓట్ల యంత్రాలను నిందించి లాభం ఉంటుందా? యంత్రాలతో ఓట్లు రాలుతాయా? అని ప్రశ్నించారు. బీహార్‌లో ప్రతిపక్ష నేత ఏకంగా చొరబాటుదార్ల రక్షణ యాత్రను చేపట్టారు. వారిని ఓటర్ల జాబితాల నుంచి తొలిగించరాదని వితండవాదానికి దిగారని విమర్శించారు. ఈ దశలోనే తాము (ఎన్‌డిఎ) బీహార్‌లో మూడింట రెండొంతుల మెజార్టీతో బ్రహ్మండంగా గెలిచామని తెలిపారు. వారు ఓడితే ఇసిని నిందించడం పరిపాటి అయింది. ఓటర్ల జాబితాలపై ఆడిపోసుకోవడం అలవాటు అయింది. ఇది మంచిది కాదన్నారు. ఓట్ల చోరీ ఒక్కటే కాదు దేనిపై అయినా చర్చకు బిజెపిఎన్‌డిఎ ఎప్పుడూ పార్లమెంట్‌లో చర్చకు సిద్ధం , వెనుకకు వెళ్లే ప్రసక్తే లేదన్నారు.  

మనతెలంగాణ/హైదరాబాద్:రాష్ట్ర ప్రభుత్వం ప్రతిష్టాత్మకంగా నిర్మించ తలపెట్టిన భారత్ ఫ్యూచర్ సిటీకి అ రుదైన ప్రాముఖ్యతను సొంతం చేసుకుంది. 13,500 ఎకరాల్లో సువిశాలంగా రూపుదిద్దుకోనున్న ఈ నగ రం రానున్న రోజుల్లో 13 లక్షల ఉ ద్యోగాలను కల్పించనుంది. వచ్చే ఫి బ్రవరి చివరిలో భారత్ ఫ్యూచర్ సిటీ నిర్మాణం రూపుదిద్దుకోనుంది. తొ మ్మిది విభాగాలుగా దీని నిర్మాణాన్ని చేపట్టాలని ప్రభుత్వం భావిస్తోంది. ఈనెల 8,9వ తేదీల్లో రెండు రోజుల పాటు జరిగిన తెలంగాణ రైజింగ్ గ్లో బల్ సమ్మిట్-2025తో ప్రపంచ పారిశ్రామిక పటంలో ఈ నగరం కీలక గమ్యస్థానంగా నిలిచింది. ఈ సమ్మిట్‌లో 44 దేశాల ప్రతినిధులు హాజరుకావడం, రూ.5.75 లక్షల కోట్ల పెట్టుబడుల ఒప్పందాలు జరగడం, ఫ్యూచర్ సిటీ పట్ల పెట్టుబడిదారుల విశ్వాసానికి నిదర్శనంగా నిలుస్తోం ది. ఈ సమ్మిట్‌తో ఈ నగరానికి ప్ర పంచ స్థాయి గుర్తింపు లభించింది. దేశంలో ఇప్పటికే అనేక స్మార్ట్ సిటీలు, కొత్త నగరాల నిర్మాణ ప్రతిపాదనలు వచ్చినా దశాబ్దాలుగా కేవలం అవి కాగితాలకే పరిమితమయ్యాయి. కానీ, భారత్ ఫ్యూచర్ సిటీ నిర్మాణానికి వేదికగా గ్లోబల్ సమ్మిట్‌ను నిర్వహించడం సిఎం రేవంత్ రెడ్డి నేతృత్వంలోని కాంగ్రెస్ ప్రభుత్వ దార్శనికత, కార్యాచరణ వేగానికి నిదర్శనమని, రానున్న రోజుల్లో ఈ నగరం ప్రపంచపటంలో నిలిచిపోతుందని పెట్టుబడిదారులు పేర్కొంటున్నారు.

నెల రోజుల్లో యంగ్ ఇండియా స్కిల్స్ యూనివర్సిటీ కార్యక్రమాలు

ప్రస్తుతం సమ్మిట్ ముగిసిన వెంటనే ‘భారత్ ఫ్యూచర్ సిటీ’ నిర్మాణానికి అడుగులు పడుతున్నాయి. డీప్‌టెక్, గ్రీన్ ఎనర్జీ, ఏరోస్పేస్, ఇన్ఫ్రా, ఎంటర్‌టైన్‌మెంట్, డిఫెన్స్, ఏఐ, విద్యా, క్రీడలు వంటి రంగాలకు లక్షల కోట్ల పెట్టుబడులు తరలివస్తున్నాయి. ఈ నేపథ్యంలోనే ఈ ప్రాంతాన్ని నివాస కేంద్రంగా, వ్యాపార – పరిశోధన కేంద్రంగా అభివృద్ధి చేయాలని ప్రభుత్వం ప్రణాళికలు రచిస్తోంది. అందులో భాగంగా ఆరు విభాగాలుగా భారత్ ఫ్యూచర్ సిటీని నిర్మించాలని ప్రభుత్వం భావిస్తోంది. ఈ నిర్మాణంలో భాగంగా ఆర్టిఫీషియల్ ఇంటెలిజెన్స్, హెల్త్ సిటీ, ఎంటర్‌టైన్‌మెంట్, క్రీడలు, డేటా సెంటర్స్, అంతర్జాతీయ స్థాయి ఉన్నత విద్యా సంస్థలకు నిలయంగా (ఆరు విభాగాలుగా), వచ్చే ఫిబ్రవరి చివరిలో ఈ నగర నిర్మాణం ప్రారంభం కానుంది. ముఖ్యమైన నిర్మాణ ప్రక్రియలో భాగంగా డేటా సెంటర్ల కోసం 400 ఎకరాలను ప్రభుత్వం కేటాయించనుంది. ఇక, మరో నెల రోజుల్లో యంగ్ ఇండియా స్కిల్స్ యూనివర్సిటీ కార్యక్రమాలు సైతం ఇక్కడ మొదలవుతాయి.

పరిశోధన, మ్యాన్యుఫ్యాక్చరింగ్ కేంద్రాలు

13,500 ఎకరాల భారత్ ఫ్యూచర్ సిటీని ‘జీరో కార్బన్ సిటీ’గా రూపొందించే లక్ష్యంతో నగరం అంతటా అర్బన్ ఫారెస్ట్లు, రెయిన్ హార్వెస్టింగ్ వ్యవస్థ ఏర్పాటు చేయనున్నారు. లైఫ్ సైన్సెస్, గ్రీన్‌ఫార్మా, ఎలక్ట్రిక్ వాహనాల రంగాల్లో పరిశోధన, మ్యాన్యుఫ్యాక్చరింగ్ కేంద్రాలు ఇక్కడ ఉంటాయి. ఈ నగరం సమగ్ర జీవన కేంద్రంగా ఉంటుంది. ఇక్కడ 13 లక్షల మందికి ఉద్యోగాలు, 9 లక్షల జనాభా కోసం నివాస సము దాయాలు ఏర్పాటు అవుతున్నాయి. అంతేకాకుండా, రిలయన్స్ ఫౌండేషన్ ‘వంతార’తో వన్యప్రాణుల సంరక్షణ కేంద్రం ఏర్పాటుతో పాటు ఎంటర్‌టైన్‌మెంట్ డిస్ట్రిక్ట్లో అంతర్జాతీయ కన్వెన్షన్ సెంటర్లు, స్టార్ హోటళ్లు, రేసింగ్ ట్రాక్‌లు వంటి వినోద, క్రీడా సౌకర్యాలు కూడా అందుబాటులోకి రానున్నాయి. భారత్ ఫ్యూచర్ సిటీ నిర్మాణం అద్భుతమైన మౌలిక వసతులు, ఆధునిక రవాణా వ్యవస్థలతో ఒక ఆర్కిటెక్చర్ అద్భుతంగా నిలువనుంది. సమ్మిట్ విజయం తర్వాత, దేశంలో ఏ కొత్త నగరానికి దక్కని ప్రాముఖ్యత ఈ ప్రాజెక్టుకు దక్కింది. ఇది తెలంగాణ విజన్-2047 లక్ష్యాలకు అనుగుణంగా, 3 ట్రలియన్ డాలర్ల ఎకానమీగా తెలంగాణను తీర్చిదిద్దడంలో ఫ్యూచర్ సిటీ కీలక పాత్ర పోషించనుంది.

15 వేల ఎకరాల రిజర్వ్ ఫారెస్ట్‌తో గ్రీనరీతో…..

15 నిమిషాల్లో వాక్ టు వర్క్ కాన్సెఫ్ట్‌తో ఈ సిటీని నిర్మించాలని ప్రభుత్వం భావిస్తోంది. సుమారు 30 వేల ఎకరాల్లోని ఈ ప్రాంతంలో 15 వేల ఎకరాల రిజర్వ్ ఫారెస్ట్‌తో గ్రీనరీగా ఉండనుంది. మిగిలిన 15 వేల ఎకరాల్లో ఫ్యూచర్ సిటీని 9 జోన్లుగా విభజించారు. నివాసాలు, డేటా సెంటర్లు, కృత్రిమ మేధస్సు (ఏఐ), విద్యా, క్రీడలు, ఎలక్రానిక్స్, లైఫ్ సైన్సెస్ ఇలా అన్ని రంగాలకు ఫోర్త్ సిటీలో భూములను కేటాయించారు. ఫిబ్రవరిలో (ఎఫ్‌డిసి) ఫ్యూచర్ సిటీ డెవలప్‌మెంట్ అథారిటీ ఆఫీసు ప్రారంభం కానుంది. ఈ నిర్మాణానికి సంబంధించి పనులు శరవేగంగా జరుగుతున్నాయి. 5 ఎకరాల్లో జీ+1 అంతస్తుల్లో నిర్మిస్తున్న ఈ భవనం వచ్చే ఏడాది ఫిబ్రవరి నాటికి అందుబాటులోకి వస్తుంది. ఎఫ్‌డిసి అధికారులు, సిబ్బంది ఇక్కడి నుంచే విధులు నిర్వర్తిస్తారు. ఫ్యూచర్ సిటీలో నివాస సముదాయాలకు 1,300 ఎకరాలను కేటాయించారు. ఇందులో సామాన్య, మధ్యతరగతి వర్గాలకు చెందిన అందుబాటు గృహాలతో పాటు లగ్జరీ నివాసాలు కూడా ఉంటాయి. ఇప్పటికే ఫ్యూచర్ సిటీ డెవలప్‌మెంట్ అథారిటీ (ఎఫ్‌డిసి) ఫ్యూచర్ సిటీలో లే ఔట్లు, అపార్ట్‌మెంట్లకు నిర్మాణ అనుమతులు మంజూరు చేస్తోంది.

మన తెలంగాణ/నూతనకల్ : బిఆర్‌ఎస్ కార్యకర్తలపై కాంగ్రెస్ కార్యకర్తలు దాడి చేయగా బిఆర్‌ఎస్ పా ర్టీకి చెందిన కార్యకర్త ఉప్పుల మల్ల య్య(55) మృతి చెందిన సంఘట న మండల పరిధిలోని లింగంపల్లి గ్రామంలో మంగళవారం రాత్రి చోటుచేసుకుంది. స్థానికులు, పోలీసులు తెలిపిన వివరాల ప్రకారం స్థానిక సర్పంచ్ ఎన్నికలలో భాగం గా మృతుడు మల్లయ్య కోడలు బిఆర్‌ఎస్ పార్టీ తరపున వార్డు మెంబర్ గా పోటీ చేసింది. కాగా మంగళవా రం సాయంత్రం 5 గంటలకు ప్రచారం ముగిసింది.

దీనితో రాత్రి తమ పార్టీకి చెందిన కార్యకర్తలను కలవడానికి వెళుతున్న సమయం లో కాంగ్రెస్ కార్యకర్తలు ఎదురు కావడంతో ఒకరిపై ఒకరు ఆరోపించుకున్నారు. ఈ క్రమంలో ఇరు పా ర్టీలకు చెందిన నాయకులు వాగ్వా దం చేసుకున్నారు. దీంతో కాంగ్రెస్ కార్యకర్తలు రాళ్లు, కర్రలతో బిఆర్‌ఎస్ కార్యకర్తలపై దాడులకు దిగడంతో బిఆర్‌ఎస్ కార్యకర్తలకు తీవ్ర గాయాలు అవడంతో పాటు ఉప్పుల మల్లయ్య తలపై బలంగా దెబ్బ తగలడంతో అక్కడే పడిపోగా అతని తలపై రాయితో బలంగా మోదడంతో మల్లయ్య కు తీవ్ర గాయాలు అయి రక్తస్రావం విపరీతమవడంతో 108 వాహనంలో సూర్యాపేట ఏరియా ఆసుపత్రికి తరలించగా పరిస్థితి విషమించడంతో హైదరాబాద్ ఆసుపత్రికి తరలిస్తుండగా మృతి చెందనట్లు వారు తెలిపారు. ఈ దాడుల్లో బిఆర్‌ఎస్ పార్టీ మండల అధ్యక్షులు మున్న మల్లయ్య తో పాటు మరో 15 మందికి తీవ్ర గాయాలయ్యాయి. ప్రస్తుతం వీరు సూర్యాపేట ఏరియా ఆసుపత్రిలో చికిత్స పొందుతున్నట్లు వారు తెలిపారు. మృతుడికి భార్య, ఒక కూతురు, కుమారుడు ఉన్నారు. గ్రామంలో విశాద ఛాయలు నెలకొన్నాయి. దీనితో గ్రామంలో ఉద్రిక్త వాతావరణం ఏర్పడింది. ఎలాంటి అవాంఛనీయ సంఘటనలు జరగకుండా పోలీసు బందోబస్తు ఏర్పాటు చేశారు.

పోలీసుల అదుపులోకి 8మంది నిందితులు….

లింగంపల్లి గ్రామంలో జరిగిన భారాస నాయకుడి హత్య కేసుకు సంబంధించిన ప్రధాన నిందితులు 8 మందిని అరెస్టు చేసి రిమాండ్ కు తరలించినట్లు అడిషనల్ ఎస్పీ రవీందర్ రెడ్డి తెలిపారు. హత్యకు పాల్పడిన ప్రధాన నిందితులు ఉప్పుల సతీష్,కొరివి గంగయ్య, వీరబోయిన సతీష్, ఉప్పుల గంగయ్య, ఉప్పుల ఎలమంచి, వీరబోయిన లింగయ్య,కారింగుల రవీందర్, దేశపంగు అవిలయ్య లను అరెస్టు చేసి రిమాండ్ కు పంపినట్లు వారు తెలిపారు. కేసును ఛేదిందుకు సమర్థవంతంగా పనిచేసిన సూర్యాపేట డిఎస్పి ప్రసన్నకుమార్, తుంగతుర్తి సర్కిల్ సిఐ నరసింహారావు, నూతనకల్ ఎస్సై నాగరాజు, పోలీస్ స్టేషన్ సిబ్బందిని అడిషనల్ ఎస్పీ రవీందర్ రెడ్డి అభినందించారు.

కొత్తగూడ మండలంలోని గోపాలపురం గ్రామంలో బుధవారం మొక్కజొన్న సోప్పకు నిప్పు పెట్టిన వ్యక్తి చిన్న సమ్మయ్య ప్రమాదవశత్తు మంటల్లో పడి మృతి చెందాడు,వివరాలు ఇలాఉన్నాయి..కొత్తగూడ మండలంలోని గోపాలపురం గ్రామానికి చెందిన రైతు చిన్న సమ్మయ్య మొక్కజొన్న చొప్ప తలగబెడుతున్న క్రమంలో ప్రమాదవశాత్తు అందులో పడి తురుష చిన్న సమ్మయ్య సజీవ దహనం అయ్యాడు.చిన్న ఎంతటికి ఇంటికి రాలేదని కుటుంబ సభ్యులు వెతుక్కుంటూ పొలం వద్దకు వెళ్లి చూడగా మంటల్లో సజీవ దహనమైన మృతదేహాం లభ్యమైంది. దీంతో కుటుంబ సభ్యుల రోదనలతో ఆ ప్రాంత ప్రజలందరూ ప్రమాదం జరిగిన స్థలానికి చేరుకొని కంట తడి పెట్టారు.స్థానికుల సమాచారం మేరకు ఘటనా స్థలికి చేరుకున్న పోలీసులు కేసు నమోదు చేసి మృతదేహాంను పోస్ట్ మార్టం నిమిత్తం స్థానిక ఆసుపత్రికి తరలించారు.

మేషం

చిన్ననాటి మిత్రులతో ఆలయాలు సందర్శిస్తారు. బంధువులతో మాటపట్టింపులు ఉంటాయి. వ్యాపారాలు నత్తనడకన సాగుతాయి. ఉద్యోగాలలో కొత్త బాధ్యతలు వలన విశ్రాంతి ఉండదు. చేపట్టిన వ్యవహారాలలో స్వల్ప అవాంతరాలు ఉంటాయి. నూతన రుణ ప్రయత్నాలు చేస్తారు.

వృషభం

ఆకస్మిక ధనలాభ సూచనలు ఉన్నవి. నూతన వాహనం కొనుగోలు చేస్తారు. వ్యాపారాలలో సొంత నిర్ణయాలు తీసుకుని ముందుకు సాగడం మంచిది. నిరుద్యోగ ప్రయత్నాలు వేగవంతం చేస్తారు. సమాజంలో ప్రముఖ వ్యక్తులతో పరిచయాలు ఉత్సాహాన్నిస్తాయి. కుటుంబ సభ్యులతో శుభకార్యాలలో పాల్గొంటారు.

మిధునం

వ్యాపారాలు ఆశించిన రీతిలో రాణిస్తాయి. ఉద్యోగాలలో అనుకూల వాతావరణం ఉంటుంది. ఆర్థిక పరిస్థితి మెరుగవుతుంది విలువైన వస్తు వాహనాలు కొనుగోలు చేస్తారు. చేపట్టిన పనులు చకచకా సాగుతాయి. ఆప్తుల నుంచి శుభవార్తలు అందుతాయి. దూరపు బంధువులను కలుసుకుంటారు.

కర్కాటకం

దైవానుగ్రహం తో కొన్ని పనులు పూర్తి చేస్తారు. సోదరులతో స్థిరాస్తి ఒప్పందాలు వాయిదా పడతాయి. వృత్తి వ్యాపారాలలో ఆలోచించి నిర్ణయాలు తీసుకోవడం మంచిది. ఉద్యోగమున అధికారులతో చిన్నపాటి వివాదాలు ఉంటాయి. చేపట్టిన పనులలో జాప్యం కలుగుతుంది. ఆర్థిక విషయాలు నిరుత్సాహపరుస్తాయి.

సింహం

ముఖ్యమైన వ్యవహారాలు నిరాశ పరుస్తాయి. దాయదులతో ఆస్తి వివాదాలు మరింత చికాకు పరుస్తాయి. ఆరోగ్య విషయంలో అశ్రద్ధ చేయటం మంచిది కాదు. బంధు మిత్రులతో మాటపట్టింపులు తప్పవు. ఆధ్యాత్మిక చింతన పెరుగుతుంది. వ్యాపార ఉద్యోగాలలో ఊహించని మార్పులు కలుగుతాయి.

కన్య

మిత్రుల కలయిక మరింత ఆనందం కలిగిస్తుంది. వృత్తి వ్యాపారాలు లాభాల బాటలో సాగుతాయి. ఉద్యోగాలలో పదోన్నతులు పెరుగుతాయి. ఆదాయ మార్గాలు పెరుగుతాయి. భూ సంబంధిత క్రయవిక్రయాలలో అనుకూల ఫలితాలు పొందుతారు. దూరపు బంధువుల నుండి అరుదైన ఆహ్వానాలు అందుతాయి.

తుల

దీర్ఘకాలిక వివాదాలు తీరి ఊరట చెందుతారు. స్థిరస్తి కొనుగోలు ప్రయత్నాలలో ఆటంకాలు తొలగుతాయి. చిన్ననాటి మిత్రుల సహాయ సహకారాలతో కొన్ని పనులు పూర్తి చేస్తారు. వ్యాపార ఉద్యోగాలలో నూతన ప్రోత్సాహకాలు అందుతాయి. సన్నిహితులతో గృహమున సఖ్యతగా వ్యవహరిస్తారు.

వృశ్చికం

చేపట్టిన పనులలో అధిక శ్రమ ఫలితాన్ని పొందుతారు. ఆధ్యాత్మిక సేవా కార్యక్రమాలలో పాల్గొంటారు. ఆరోగ్యం మీద శ్రద్ధ చేయటం మంచిది కాదు. ఉద్యోగ వాతావరణం గందరగోళంగా ఉంటుంది. ముఖ్యమైన పనులు వాయిదా వేయడం మంచిది. ఆర్థిక విషయాలు నిరుత్సాహపరుస్తాయి.

ధనస్సు

ముఖ్యమైన పనులు వ్యయ ప్రయాసలతో గాని పూర్తి కావు. బంధువులతో అకారణ వివాదాలు కలుగుతాయి. ఆలయాలు సందర్శిస్తారు. వృత్తి వ్యాపారాలలో చికాకులు అధికమవుతాయి. ఉద్యోగాలలో పని ఒత్తిడి వలన తగిన విశ్రాంతి ఉండదు. ఇంటా బయట పరిస్థితులు అనుకూలించవు.

మకరం

చేపట్టిన పనులు సకాలంలో పూర్తి చేస్తారు. ఆత్మీయుల నుంచి కీలక సమాచారం అందుతుంది. విందు వినోద కార్యక్రమాలకు ఆహ్వానాలు అందుతాయి. స్థిరస్తి కొనుగోలు ప్రయత్నాలు వేగవంతం చేస్తారు. వ్యాపారాలు లాభసాటిగా సాగుతాయి. ఉద్యోగాలలో సమస్యలు అధిగమిస్తారు.

కుంభం

ముఖ్యమైన వ్యవహారాలలో అవాంతరాలు కలుగుతాయి. నూతన రుణాలు చేస్తారు. బంధువులతో స్వల్ప వివాదాలు తప్పవు. కుటుంబ వ్యవహారాలలో ఆలోచనలు స్థిరంగా ఉండవు. వ్యాపారాలలో గందరగోళ పరిస్థితులు ఉంటాయి. ఉద్యోగస్థులకు స్థానచలన సూచనలు ఉన్నవి.

మీనం

ఆకస్మిక ప్రయాణ సూచనలు ఉన్నవి. స్థిరస్తి వివాదాలు పరిష్కార దిశగా సాగుతాయి. విలువైన వస్తు వాహనాలు కొనుగోలు చేస్తారు. వృత్తి వ్యాపారాలు సాఫీగా సాగుతాయి. ఉద్యోగాలలో పదోన్నతులు పెరుగుతాయి. అనుకున్న పనులు అనుకున్న సమయానికి పూర్తి చేయగలుగుతారు. గృహమున శుభకార్యాలు నిర్వహిస్తారు.

 

 అంతర్జాతీయ క్రికెట్ మండలి (ఐసిసి) బుధవారం ప్రకటించిన వన్డే బ్యాటింగ్ ర్యాంకింగ్స్‌లో భారత స్టార్ బ్యాటర్ విరాట్ కోహ్లి రెండో స్థానానికి చేరుకున్నాడు. సౌతాఫ్రికాతో జరిగిన వన్డే సిరీస్‌లో రెండు సెంచరీలతో పాటు ఓ అజేయ హాఫ్ సెంచరీ సాధించిన విరాట్ కోహ్లి తన ర్యాంక్‌ను మెరుగు పరుచుకున్నాడు. ఇంతకుముందు నాలుగో స్థానంలో ఉన్న కోహ్లి తాజా ర్యాంకింగ్స్‌లో 773 పాయింట్లతో రెండో స్థానానికి ఎగబాకాడు. భారత్‌కే చెందిన రోహిత్ శర్మ తాజా ర్యాంకింగ్స్‌లో అగ్రస్థానాన్ని కాపాడుకున్నాడు. రోహిత్ 781 పాయింట్లతో టాప్ ర్యాంక్‌లో కొనసాగుతున్నాడు. అతనికి కోహ్లి నుంచి గట్టి పోటీ నెలకొంది. రానున్న న్యూజిలాండ్ సిరీస్‌లో కోహ్లి టాప్ ర్యాంక్‌ను అందుకున్న ఆశ్చర్యం లేదు. డారిల్ మిఛెల్ (కివీస్) మూడో, ఇబ్రహీం జద్రాన్ (అఫ్గాన్) నాలుగో, గిల్ (భారత్) ఐదో ర్యాంక్‌లో నిలిచారు.