admin

హైదరాబాద్: మాదాపూర్ చందానాయక్ తండ ప్రభుత్వ పాఠశాలలో మధ్యాహ్న భోజనం తిని 44 మంది విద్యార్థులు అస్వస్థతకు గురయ్యారు. దీంతో విద్యార్థులను కొండాపూర్‌లోని ఏరియా ఆస్పత్రికి తరలించి చికిత్స అందిస్తున్నారు. వీరిలో ఆరుగురి పరిస్థితి ఆందోళనకరంగా ఉండటంతో ప్రైవేటు ఆస్పత్రికి తరలించారు.

మరోవైపు బాగ్‌లింగంపల్లిలోని మైనార్టీ గురుకుల పాఠశాలలో ఫుడ్ పాయిజన్‌కు గురైన ఏడుగురు విద్యార్థులు నిలోఫర్ ఆస్పత్రిలో చికిత్స పొందుతున్నారు. రాత్రి భోజనం చేసిన విద్యార్థులు వాంతులు, విరోచనాలు, కడుపునొప్పితో బాధపడుతున్నారని.. వెంటనే వారిని ప్రభుత్వ ఆస్పత్రికి తరలించామని గురుకుల పాఠశాల సిబ్బంది తెలిపారు. పిల్లల ఆరోగ్యం ప్రస్తుతం నిలకడగానే ఉందని నిలోఫర్ ఆస్పత్రి సూపరింటెండెంట్ విజయ్ కుమార్ తెలిపారు.

దుబాయ్: అండర్-19 ఆసియా కప్‌ను భారత్ ఘన విజయంతో ఆరంభించింది. యుఎఇతో జరిగిన తొలి మ్యాచ్‌లో భారీ తేడాతో విజయం సాధించింది. ఈ మ్యాచ్‌లో తొలుత బ్యాటింగ్ చేసిన భారత్ నిర్ణీత 50 ఓవర్లలో ఆరు వికెట్లు కోల్పోయి 433 పరుగులు చేసింది. భారత బ్యాటింగ్‌లో యువ కెరటం వైభవ్ సూర్యవంశీ (171, 9 ఫోర్లు, 14 సిక్సులు) విజృంభించగా.. ఆరోన్ జార్జి 69, విహాన్ మల్హోత్రా 69, వేదాంత్ త్రివేది 38, అభిజ్ఞాన్ కుందు 32 పరుగులతో రాణించారు.

భారీ లక్ష్య చేధనలో యుఎఇ ఆరంభం నుంచి తడబడుతూ వచ్చింది. 53 పరుగులకే ఐదు వికెట్లు కోల్పోయి కష్టాల్లో పడింది. ఈ దశలో పృధ్వీ మధు(50), ఉద్దిష్ సురి(78) జట్టును ఆదుకొనే ప్రయత్నం చేశారు. కానీ, భారీ లక్ష్యాన్ని మాత్రం చేరుకోలేకపోయారు. 50 ఓవర్లలో యుఎఇ 7 వికెట్లు కోల్పోయి 199 పరుగులు చేసింది. దీంతో భారత్ ఈ మ్యాచ్‌లో 234 పరుగుల భారీ తేడాతో విజయం సాధించింది. మ్యాచ్‌లో అద్భుతంగా రాణించిన వైభవ్ సూర్యవంశీకి ప్లేయర్ ఆఫ్ ది మ్యాచ్ అవార్డు దక్కింది.

మంగళగిరి: భారత మహిళ అంధుల క్రికెట్ జట్టు ఇటీవల ప్రపంచకప్‌ను సొంతం చేసుకున్న విషయం తెలిసిందే. ఈ సందర్భంగా జట్టును పలువురు ప్రముఖులు కలిసి అభినందిస్తున్నారు. తాజాగా ఎపి డిప్యూటీ సిఎం పవన్‌కల్యాణ్ కూడా ఆ జట్టు సభ్యులను కలిసి అభినందించారు. మంగళగిరిలోని క్యాంపు కార్యాలయంలో మహిళల అంధుల క్రికెట్ జట్టుతో ఆయన భేటీ అయ్యరు. ఈ కార్యక్రమంలో జట్టు సభ్యులతో పాటు, శిక్షకులు, సహాయక సిబ్బంది కూడా పాల్గొన్నారు. ఈ సందర్భంగా ప్రతీ ఒక క్రీడాకారిణిని పవన్ అభినందించారు. ఒక్కో ప్లేయర్‌కి రూ.5 లక్షలు, సహాయక సిబ్బంది రూ.2 లక్షలు బహుమతి చెక్కులను అందించారు.

మహిళ అంధ క్రికెటర్ల సాధించిన విజయ దేశానికే గర్వకారణమని పవన్ కొనియాడారు. అంధ క్రికెటర్ల ప్రాక్టీస్ కోసం ప్రత్యేక సదుపాయాలు కల్పించాలని, అన్ని విధాలా అండగా నిలవాలని అన్ని రాష్ట్రాల ముఖ్యమంత్రులకు స్వయంగా విజ్ఞప్తి చేస్తానని హామీ ఇచ్చారు. కూటమి ప్రభుత్వం క్రీడలను ప్రోత్సహిస్తోందని, మహిళ క్రికెటర్లు తెలిపిన అంశాలను ముఖ్యమంత్రి చంద్రబాబు నాయుడు దృష్టికి తీసుకువెళ్తానని చెప్పారు. ప్రపంచ కప్ గెలిచిన జట్టులో ఉన్న ఆంధ్రప్రదేశ్ క్రీడాకారిణులు దీపిక (జట్టు కెప్టెన్), పాంగి కరుణా కుమారి ఉండటం సంతోషంగా ఉందన్నారు. ప్రతి మహిళ క్రికెటర్‌లో పట్టు చీర, శాలువాతో పాటు జ్ఞాపిక, కొండపల్లి బొమ్మలు, అరకు కాఫీతో కూడా బహుమతులు అందించి సత్కరించారు.

ముల్లాన్‌పూర్ వేదికగా దక్షిణాఫ్రికాతో గురువారం జరిగిన రెండో టి-20 మ్యాచ్‌లో భారత్ 51 పరుగుల తేడాతో ఓటమిపాలైన విషయం తెలిసిందే. ఈ మ్యాచ్‌లో భారత బౌలర్లు విఫలమయ్యారు. ముఖ్యంగా అర్ష్‌దీప్ సింగ్ భారీగా పరుగులు (4 ఓవర్లలో 54) సమర్పించుకున్నాడు. అందులో 9 వైడ్లు కాగా.. ఒకే ఓవర్‌లో ఏడు వైడ్లు వేశాడు. దీంతో కోచ్ గౌతమ్ తీవ్రస్థాయిలో అసహనానికి గురయ్యారు. మ్యాచ్ అనంతరం ఆటగాళ్లకు షేక్ హ్యాండ్ ఇస్తూ.. చాలా కోపంగా కనిపించారు. ముఖ్యంగా అర్షదీప్‌కి షేక్ హ్యాండ్ ఇస్తున్న క్రమంలో గంభీర్ ముఖంలో కోపం కొట్టొచ్చినట్లు కనిపించింది. ఇందుకు సంబంధించిన వీడియో ప్రస్తుతం సోషల్‌‌మీడియాలో వైరల్ అవుతోంది.

After today’s loss, Gautam Gambhir was looking angry during the handshake with Indian players like Jitesh Sharma and Arshdeep Singh.

Look at the attitude of this man; rather than boosting the confidence of players, he was looking at them angrily 💔 pic.twitter.com/0nJTTZ8qfQ

— Tejash (@Tejashyyyyy) December 11, 2025

ఇక నిన్నటి మ్యాచ్‌లో తొలుత బ్యాటింగ్ చేసిన సౌతాఫ్రికా 20 ఓవర్లలో నాలుగు వికెట్లు కోల్పోయి 213 పరుగులు చేసింది. ఈ లక్ష్యాన్ని చేధించడంలో భారత్ విఫలమైంది. 19.1 ఓవర్‌లలో 162 పరుగులు మాత్రమే చేసి ఆలౌట్ అయింది. దీంతో ఐదు టి-20ల సిరీస్ 1-1గా సమం అయింది.

హైదరాబాద్: నందమూరి బాలకృష్ణ, బోయపాటి శ్రీను కాంబినేషన్‌లో 2021లో విడుదలైన ‘అఖండ’ చిత్రం ఘన విజయం సాధించిన విషయం తెలిసిందే. ఆ చిత్రానికి సీక్వెల్‌గా ‘అఖండ-2: తాండవం’ సినిమా శుక్రవారం విడుదలైంది. నిజానికి ఈ చిత్రం గత వారమే విడుదల కావాల్సింది. కానీ, ఆర్థిక ఇబ్బందుల కారణంగా సినిమా రిలీజ్‌ని వాయిదా వేశారు. కాగా, శుక్రవారం విడుదలైన ఈ సినిమాకి మంచి హిట్ టాక్ వచ్చింది. థియేటర్లలో బాలకృష్ణ అభిమానుల సందడి ఆకాశాన్ని తాకుతోంది. ముఖ్యంగా తమన్ అందించిన మ్యూజిక్ ఈ సినిమాపై ప్రత్యేక ఆకర్షణగా నిలిచింది. అయితే ఈ సినిమా చివర్లో అఖండ మూడో భాగం కూడా ఉంటుందని ప్రకటించారు. ‘జై అఖండ’ అనే టైటిల్‌తో మూడో భాగం రానుందని రెండో భాగం చివర్లో తెలిపారు. దీంతో ఫ్యాన్స్ ఫుల్ ఖుషీ అవుతున్నారు. మరి తొలి రెండు భాగాల్లాగా మూడో భాగం కూడా సూపర్ హిట్ అవుతుందో లేదో చూడాలి.