admin

కోల్‌కతా: అర్జెంటీనా దిగ్గజ ఫుట్‌బాల్ క్రీడాకారుడు లియోనెల్ మెస్సీ భారత పర్యటనలో భాగంగా శనివారం కోల్‌కతాలోని సాల్ట్ లేక్ మైదానంలో పర్యటించారు. కానీ, అక్కడ మెస్సీకి నిర్వాహణ లోపం తలెత్తడంతో ఆయన కేవలం పది నిమిషాలు మాత్రమే ఉండి అక్కడి నుంచి వెళ్లిపోయారు. దీంతో ఆగ్రహానికి గురైన అభిమానులు స్టేడియంలోని కుర్చీలు, టెంట్లు ధ్వంసం చేశారు. ఈ గందరగోళ పరిస్థితులకు ముఖ్యమంత్రి మమతా బెనర్జీ ఇప్పటికే మెస్సీకి, అభిమానులకు క్షమాపణ చెప్పి.. విచారణకు ఆదేశించారు. తాజాగా పోలీసులు ఈవెంట్ మేనేజర్ శతద్రు దత్తాని అరెస్ట్ చేశారు. ‘శతద్రు దత్తా ఇనిషియేటివ్’ కింద మెస్సీ ఈవెంట్ టికెట్లను అతడు విక్రయించాడని పేర్కొన్నారు. ప్రస్తుతం సాధారణ పరిస్థితులు ఏర్పడ్డాయని.. ఈ వ్యవహారంపై దర్యాప్తు జరుగుతుందని పోలీసు ఉన్నతాధికారి ఒకరు తెలిపారు. ప్రధాన నిర్వహకుడిని అరెస్ట్ చేశామని.. టికెట్ డబ్బులు తిరిగి ఇస్తామని నిర్వహకులు చెబుతున్నారని. అది ఎలా చేస్తారో పరిశీలిస్తామని పేర్కొన్నారు. 

భారత్-సౌతాఫ్రికా మధ్య జరుగుతున్న ఐదు టి-20ల సిరీస్ ప్రస్తుతం 1-1గా సమంగా ఉంది. ధర్మశాల వేదికగా జరిగే మూడో మ్యాచ్‌లో విజయం సాధించి సిరీస్‌లో ఆధిక్యం సంపాదించాలని, రెండో టి-20లో ఓటమికి ప్రతీకారం తీర్చుకోవాలని భారత్ భావిస్తోంది. అయితే రెండో టి-20లో భారత్ చిత్తుగా ఓడిపోవడానికి బ్యాటింగ్‌లో వైఫల్యం ఒక కారణంగా చెప్పుకోవచ్చు. దీంతో మూడో టి-20 కోసం జట్టులో కీలక మార్పులు చేసేందుకు మేనేజ్‌మెంట్ వ్యూహాలు రచిస్తోంది.

తొలి రెండు టి-20ల్లో ఘోరంగా విఫలమైన వైస్ కెప్టెన్ శుభ్‌మాన్ గిల్‌పై వేటు పడనున్నట్లు వార్తలు వస్తున్నాయి. అతడి స్థానంలో సంజూ శాంసన్‌ను జట్టులోకి తీసుకోవాలని అనుకుంటున్నారట. గాయం నుంచి కోలుకున్న గిల్ రీ ఎంట్రీ ఇవ్వడంతో సంజూ ఏకంగా జట్టులో స్థానం కోల్పోయాడు. కానీ, గిల్ రెండు మ్యాచుల్లో ఏమాత్రం ప్రభావం చూపించలేకపోయాడు. దీంతో సంజూని తప్పించినందుకు మేనేజ్‌మెంట్‌పై విమర్శలు వచ్చాయి. ఈ నేపథ్యంలో మూడో టి-20కి సంజూని తిరిగి జట్టులోకి తీసుకొని విమర్శలకు చెక్ పెట్టాలని కోచ్ గంభీర్, మేనేజ్‌మెంట్ నిర్ణయం తీసుకున్నట్లు తెలుస్తోంది.

మూడో టి20కి భారత తుది జట్టు(అంచనా)

సంజూ శాంసన్‌, అభిషేక్ శర్మ, సూర్యకుమార్ యాదవ్ (కెప్టెన్‌), తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్ కీప‌ర్‌), అర్ష్‌దీప్ సింగ్, వరుణ్ చ‌క్ర‌వ‌ర్తి, జస్ప్రీత్ బుమ్రా.

హైదరాబాద్: బాలకృష్ణ హీరోగా బోయపాటి శ్రీను దర్శఖత్వంలో తెరకెక్కిన లేటె్స్ట్ మూవీ ‘అఖండ-2: తాండవం’. నిజానికి ఈ సినిమా గత వారమే విడుదల కావాల్సింది. కానీ, ఆర్థిక సమస్యలు తలెత్తడంతో వాయిదా పడింది. అన్ని సమస్యలు క్లియర్ కావడంతో ఈ సినిమాను నిన్న (నవంబర్ 12న) విడుదల చేశారు. ప్రీమియర్స్ నుంచే ఈ సినిమా హిట్ టాక్ తెచ్చుకుంది. థియేటర్లలో సినిమా చేూసిన అభిమానులు ఫుల్ ఎంజాయ్ చేస్తున్నారు. ఈ నేపథ్యంలో సినిమా తొలి రోజు కలెక్షన్లను చిత్ర నిర్మాణ అధికారికంగా ప్రకటించింది. పీమియర్స్‌తో కలిపి తొలి రోజు ఈ సినిమా రూ.59.5 కోట్లు వసూలు చేసిట్లు తెలిపింది. బాలకృష్ణ కెరీర్‌లోనే మొదటి రోజు ఈ స్థాయిలో వచ్చిన తొలి చిత్రం ఇదే కావడం విశేషం.

హైదరాబాద్: కోల్‌కతా ఘటన నేపథ్యంలో హైదరాబాద్‌ పోలీసులు అప్రమత్తమయ్యారు. ఉప్పల్‌ స్టేడియం దగ్గర పోలీసులు బందోబస్తు పెంచారు. ఉప్పల్‌ స్టేడియానికి డిజిపి శివధర్‌రెడ్డి చేరుకున్నారు. భద్రతా సిబ్బందికి డిజిపి శివధర్‌రెడ్డి పలు సూచనలు చేశారు. కోల్‌కతా ఘటనను స్క్రీనింగ్‌ చేసి చూపించారు. స్టేడియంలో అవాంఛనీయ ఘటనలు జరగకుండా చూడాలని ఆదేశించారు. ఇప్పటికే స్టేడియం దగ్గర 3 వేల మంది పోలీసులు పహారా కాస్తున్నారు. కోల్‌కతా లాంటి ఘటనలు జరగకుండా హైదరాబాద్‌లో ముందస్తు చర్యలు తీసుకుంది. టిక్కెట్లు లేనివారు స్టేడియం పరిసరాల్లోకి రావొద్దని పోలీసులు హెచ్చరికలు జారీ చేశారు.

మెస్సీ కనిపించలేదని కోల్‌కతాలోని సాల్ట్‌ లేక్‌ స్టేడియంలో అభిమానులు బీభత్సం సృష్టించారు.  వేలల్లో ఖర్చు చేసి టికెట్‌ కొంటే కనీసం మెస్సీ కనిపించలేదని అభిమానుల ఆగ్రహం వ్యక్తం చేయడంతో స్టేడియంలోని బారికేడ్లను దాటుకొని కుర్చీలు, వాటర్‌ బాటిళ్లు విసిరేసి, టెంట్లను ధ్వంసం చేశారు. మెస్సీ మ్యాచ్‌ ఆడకుండా వెళ్లిపోయారని స్టేడియంలో అభిమానులు గందరగోళం సృష్టించారు. ఫ్యాన్స్‌ గొడవ చేయడంతో సొరంగం ద్వారా మెస్సీ టీమ్‌ బయటకు వెళ్లిపోయింది.  

కోల్‌కతా మెస్సీ పర్యటన ఏర్పాట్లపై గవర్నర్‌ సివి ఆనంద్ బోస్ సీరియస్‌ అయ్యారు. బెంగాల్‌ ప్రభుత్వాన్ని గవర్నర్ నివేదిక కోరారు. మెస్సీ టూర్‌లో గందరగోళంపై బెంగాల్‌ ముఖ్యమంత్రి మమతా బెనర్జీ సారీ చెప్పారు. మెస్సీ అభిమానులు క్షమించాలని మమతా కోరారు. మెస్సీ టూర్‌లో నిర్వహణ లోపం ఉందని అంగీకరించారు. మెస్సీ టూర్‌లో గందరగోళం నెలకొనడంతో విచారణ కమిటీ వేశారు. 

ఓటమి జీర్ణించుకోలేక ప్రత్యర్థుల దాడి

సర్పంచ్ కవిత భర్త భరత్ కుమార్‌పై దాడి

బిఆర్ఎస్ తరఫున సర్పంచ్‌గా పనిచేసిన భరత్ కుమార్

మన తెలంగాణ/పెద్దేముల్: వికారాబాద్ జిల్లా పెద్దేముల్ మండల పరిధిలోని పాషాపూర్ సర్పంచ్‌గా గెలుపొందిన కవిత భర్త భరత్‌ కుమార్‌పై శుక్రవారం రాత్రి దాడి జరిగింది. గ్రామానికి చెందిన ఓ పార్టీ నాయకులు మాజీ సర్పంచ్ భరత్ కుమార్‌, ప్రస్తుతం గెలుపొందిన వార్డు సభ్యులపై దాడికి పాల్పడినట్లుగా భరత్ కుమార్ ఆరోపిస్తున్నారు. భరత్ కుమార్ భార్య బిఆర్ఎస్ మద్దతుతో గెలుపొందారు. ఈ నేపథ్యంలో ఓటమి చవిచూసిన కాంగ్రెస్ నాయకులే తమపై దాడికి పాల్పడ్డారని భరత్ ఆరోపిస్తున్నారు. భరత్ కుమార్ సైతం ఇదివరకు బిఆర్ఎస్ హయాంలో సర్పంచ్‌గా సేవలందించారు. ప్రస్తుతం ఆయన సతీమణి గెలుపొందడంతో ప్రత్యర్థి వర్గీయులు దాడికి పాల్పడ్డారని భరత్ ఆరోపిస్తున్నారు. పోలీసులు గ్రామానికి చేరుకొని విచారణ చేపట్టారు. కాగా ఈ సంఘటనకు సంబంధించి పూర్తి వివరాలు తెలియాల్సి ఉంది.

భూపాలపల్లి: భార్య వేధింపులు తట్టుకోలేక ఆమెను చంపేసి అనంతరం వాట్సాప్‌లో స్టేటస్ పెట్టి అతడు ఆత్మహత్య చేసుకున్నాడు. ఈ సంఘటన జయశంకర్ భూపాలపల్లి జిల్లా ఘణపురం మండలంలో జరిగింది. సీతారాంపురం గ్రామంలో రామాచారి(45), సంధ్య(42) అనే దంపతులు నివసిస్తున్నారు. మొదటి భార్య చనిపోవడంతో సంధ్యను రెండో వివాహం చేసుకున్నాడు. పెళ్లైనప్పటి నుంచి భర్తను భార్యవేధించడంతో ఓపిక పట్టాడు. భార్య వేధింపులు తారాస్థాయికి చేరుకోవడంతో ఆమెను హత్య చేశాడు. భార్య వేధింపులు తట్టుకోలేకపోతున్నానని వాట్సాప్ స్టేటస్ పెట్టాడు. అనంతరం అతడు ఆత్మహత్య చేసుకున్నాడు. గ్రామస్థుల సమాచారం మేరకు పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు. దీంతో గ్రామంలో విషాదచాయలు అలుముకున్నాయి. మృతుల కుటుంబ సభ్యులు శోకసంద్రంలో మునిగిపోయారు.