admin

ధర్మశాల: ఐదు టి-20ల సిరీస్‌లో భాగంగా ధర్మశాలలోని హిమాచల్ ప్రదేశ్ క్రికెట్ అసోసియేషన్ స్టేడియం వేదికగా సౌతాఫ్రికాతో జరుగుతున్న మూడో టి-20లో భారత్ టాస్ గెలిచి ఫీల్డింగ్ ఎంచుకుంది. ఈ సిరీస్‌లో ఇప్పటివరకూ భారత్, సౌతాఫ్రికా చెరో మ్యాచ్‌లో విజయం సాధించాయి. దీంతో ఈ మ్యాచ్‌లో నెగ్గి సిరీస్‌లో ఆధిక్యం సంపాదించుకోవాలని రెండు జట్లు భావిస్తున్నాయి. ఈ మ్యాచ్‌లో భారత్ జట్టులో రెండు మార్పులు చేసింది. అక్షర్, బుమ్రాలను జట్టు నుంచి తప్పించి వాళ్ల స్థానంలో హర్షిత్ రాణా, కుల్దీప్ యాదవ్‌లను జట్టులోకి తీసుకుంది. సౌతాఫ్రికా జట్టులో మూడు మార్పులు చేసింది. మిల్లర్, లిండే, సిపామ్లాల స్థానంలో బోష్, అన్రిక్ నోర్ట్యే, స్టబ్స్ ‌జట్టులోకి వచ్చారు.

తుది జట్లు

భారత్: అభిషేక్ శర్మ, శుభ్‌మాన్ గిల్, సూర్యకుమార్ యాదవ్(కెప్టెన్), తిలక్ వర్మ, హార్థిక్ పాండ్యా, శివమ్ దూబే, జితేశ్ శర్మ(కీపర్), హర్షిత్ రాణా, అర్ష్‌దీప్ సింగ్, కుల్దీప్ యాదవ్, వరుణ్ చక్రవర్తి.

సౌతాఫ్రికా: రీజా హెండ్రిక్స్, క్వింటన్ డి కాక్(కీపర్), ఐడెన్ మార్క్రామ్(కెప్టెన్), డెవాల్డ్ బ్రీవిస్, ట్రిస్టన్ స్టబ్స్, డోనోవన్ ఫెరీరా, మార్కో జాన్సెన్, కార్బిన్ బాష్, అన్రిచ్ నోర్ట్యే, లుంగి ఎన్గిడి, ఒట్నీల్ బార్ట్‌మన్.

దుబాయ్: అండర్-19 ఆసియా కప్‌లో భారత్ మరో విజయాన్ని సొంతం చేసుకుంది. ఆదివారం పాకిస్థాన్‌తో జరిగిన మ్యాచ్‌లో ఘన విజయం సాధించింది. ఈ మ్యాచ్‌లో తొలుత బ్యాటింగ్ చేసిన భారత్ 46.1 ఓవర్లలో 240 పరుగులు చేసి ఆలౌట్ అయింది. భారత బ్యాటింగ్‌లో అరోన్ జార్జి 85 పరుగులతో చెలరేగగా.. కెప్టెన్ ఆయుష్ మాత్రే 38, కనిష్క్ చౌహాన్ 46 పరుగులతో రాణించారు. అనంతరం 241 పరుగుల విజయ లక్ష్యంతో బ్యాటింగ్ ప్రారంభించిన పాకిస్థాన్ లక్ష్య చేధనలో తడబడింది. భారత బౌలర్ల ధాటికి పాకిస్థాన్ కుప్పకూలిపోయింది. దీంతో పాక్ 41.2 ఓవర్లలో 150 పరుగులకే ఆలౌట్ అయింది. పాక్ బ్యాటింగ్‌లో హుజైఫా అసన్ 70 పరుగులు చేయగా.. కెప్టెన్ ఫర్హాన్ యూఫఫ్ 23, ఉస్మాన్ ఖాన్ 16 పరుగులు చేశారు. భారత బౌలింగ్‌లో దీపేశ్ దేవేంద్రన్, కనిష్క్ చౌహాన్ చెరి మూడు, కిషన్ కుమార్ సింగ్ 2, ఖలన్ పటేల్, వైభవ్ సూర్యవంశీ తలో ఒక వికెట్ తీశారు. మ్యాచ్‌లో అటు బ్యాట్‌తో ఇటు బౌలింగ్‌లో రాణించిన కనిష్క్ చౌహాన్‌కి ప్లేయర్ ఆఫ్ ది మ్యాచ్ అవార్డు లభించింది.

మెదక్: మెదక్ మండలం చీపురుదుబ్బ తండా గ్రామ సర్పంచి ఎన్నిక ఫలితం డ్రాలో తేలింది. ఈ చీపురుదుబ్బతండా పంచాయతీకి మోటు కాడి తండా, నైలి తండా అనుబంధంగా ఉన్నాయి. మొత్తం 3 తండాల్లో కలిపి 377 ఓట్లు ఉండగా.. 367 ఓట్లు పోలయ్యాయి. అందులో కాంగ్రెస్ పార్టీ మద్దతుతో పోటీ చేసిన కేతావత్ సునీతకు 182, బిఆర్ఎస్ పార్టీ మద్దతుతో పోటీ చేసి బీమిలికి 182 ఓట్లు వచ్చాయి. ఇద్దరికి సమానంగా రావడంతో రిటర్నింగ్ అధికారి వెంకటయ్య డ్రా తీశారు. లాటరీలో కాంగ్రెస్ అభ్యర్థి సునీతను అదృష్టం వరించింది. దీంతో ఆమెను సర్పంచిగా రిటర్నింగ్ అధికారి ప్రకటించారు.

కాగా, సర్పంచి ఎన్నికల ఫలితాల్లో కాంగ్రెస్ జోరు చూపిస్తోంది. ఆదివారం జరిగిన రెండో విడత పంచాయతి ఎన్నికల లెక్కింపులో కాంగ్రెస్ పార్టీనే ఆధిక్యంలో ఉంది. ఇప్పటి వరకు జరిగిన లెక్కింపులో కాంగ్రెస్ 773 స్థానాల్లో ఆధిక్యంలో ఉండగా.. బిఆర్ఎస్ 239, బిజెపి 77, ఇతరులు 213 స్థానాలు దక్కించుకున్నారు. 

సిడ్నీ: ఆస్ట్రేలియాలో కాల్పులు కలకలం సృష్టించాయి. సిడ్నీలోని బాండీ బిచ్‌లో ముసుగు ధరించిన దుండగులు.. పర్యాటకులపై కాల్పులు జరిపారు. స్థానిక కాలమానం ప్రకారం ఆదివారం సాయంత్రం 6.30 గంటలకు ఈ ఘటన చోటు చేసుకుంది. బీచ్‌లో జరుగుతున్న ఓ ఈవెంట్‌ను లక్ష్యంగా చేసుకొని దుండగులు ఒక్కసారిగా తుపాకులతో ఫైరింగ్ చేశారు. ఈ దుర్ఘటనలో పది మందికి పైగా పర్యాటకులు మృతి చెందారు. కాల్పులకు భయపడి పర్యాటకులు పరుగులు తీశారు. వెంటనే రంగంలోకి దిగిన పోలీసులు.. ఓ దుండగుడిని హతమార్చారు. మరో ఇద్దరిని అదుపులోకి తీసుకున్నారు.

బీచ్‌లోకి పర్యాటకులను నిషేధించారు. ప్రజలు ఆ ప్రాంతానికి వెళ్లొద్దంటూ న్యూ సౌత్ వేల్స్ పోలీసులు సోషల్‌మీడియా ద్వారా తెలిపారు. ఇద్దరిని అదుపులోకి తీసుకున్నామని.. ఆపరేషన్ ఇంకా కొనసాగుతోందని స్పష్టం చేశారు. కాల్పుల్లో గాయపడిన వారిని హెలికాఫ్టర్లు, 30 అంబులెన్సుల్లో ఆస్పత్రకి తరలించారు. ఈ ఘటనపై ఆస్ట్రేలియా ప్రధాని ఆంటోని అల్బనీస్ దిగ్భ్రాంతి వ్యక్తం చేశారు.

I am simply horrified to have been sent footage of a shooting at a Hanukkah celebration at Bondi Beach in Sydney, Australia.

My thoughts and prayers are with the Jewish community in Australia at this awful moment. I sincerely hope that my friends are safe, and I am praying for… pic.twitter.com/gTx254iQ5z

— Sharren Haskel השכל שרן (@SharrenHaskel) December 14, 2025

దుబాయ్: అండర్‌-19 ఆసియా కప్‌లో భాగంగా శనివారం భారత్‌తో జరుగుతున్న మ్యాచ్‌లో పాకిస్థాన్ బౌలర్లు అద్భుతంగా రాణించారు. వర్షం కారణంగా ఈ మ్యాచ్ టాస్ ఆలస్యమైంది. దీంతో మ్యాచ్‌ని 49 ఓవర్లకు కుదించారు. ఈ నేపథ్యంలో టాస్ గెలిచిన పాకిస్థాన్ తొలుత బౌలింగ్ చేసేందుకు ముందుకొచ్చింది. భారత బౌలర్ల దూకుడికి కళ్లెం వేస్తూ.. కట్టుదిట్టంగా బౌలింగ్ చేశారు పాక్ బౌలర్లు. దీంతో భారత్ 46.1 ఓవర్లలో 240 పరుగులు చేసి ఆలౌట్ అయింది. భారత బ్యాటింగ్‌లో అరోన్ జార్జ్ (85) అర్థ శతకంతో రాణించగా.. కనిష్క్ 46, ఆయుష్ 38 పరుగులతో ఫర్వాలేదనిపించారు. పాక్ బౌలింగ్‌లో సయ్యం, సుభాన్ చెరి మూడు, షఫిక్ 2, హుస్సేన్, రజా తలో వికెట్ తీశారు.