admin

మన తెలంగాణ/హైదరాబాద్: ఆధునికత, ఆధ్యాత్మికత సమ్మేళనమే మన నాగరికతకు ఉన్న అతిపెద్ద బలం అని రాష్ట్రపతి ద్రౌపది ముర్ము అన్నారు. వసుధైక కుటుంబకం అనే భావన ప్రపంచమంతటినీ ఒకే కుటుంబంగా భావించే ఆలోచనని, ఇది నేటి ప్రపంచ శాంతికి అత్యంత అవసరమని ఆమె తెలిపారు. బ్రహ్మకుమారీస్ శాంతి సరోవర్ సంస్థ 21వ వార్షికోత్సవాన్ని పురస్కరించుకుని హైదరాబాద్‌లో శనివారం నిర్వహించిన “భారతదేశ శాశ్వత జ్ఞానం: శాంతి, ప్రగతికి మార్గాలు” అంశంపై జరిగిన సదస్సును ఉద్దేశించి రాష్ట్రపతి ద్రౌపది ముర్ము ప్రసంగించారు.

ఈ సందర్భంగా రాష్ట్రపతి మాట్లాడుతూ ప్రపంచ సమాజం అనేక మార్పులకు లోనవుతోందన్నారు. ఈ మార్పులతో పాటు మనమూ మానసిక ఆరోగ్య సమస్యలు, సామాజిక సంఘర్షణలు, పర్యావరణ అసమతుల్యత, మానవీయ విలువల క్షీణత వంటి అనేక తీవ్రమైన సవాళ్లను ఎదుర్కొంటున్నామని చెప్పారు. ఈ నేపథ్యంలో ఈ సదస్సు కోసం ఎంచుకున్న అంశం చాలా సందర్భోచితంగా ఉందన్నారు. కేవలం భౌతిక అభివృద్ధి మాత్రమే సంతోషాన్ని, శాంతిని తీసుకురాదని మనం గుర్తుంచుకోవాలని సూచించారు. అంతర్గత స్థిరత్వం, భావోద్వేగ మేధస్సు, విలువలతో కూడిన జీవన విధానం అత్యంత అవసరమని తెలిపారు. 

మధ్యాహ్నం 2 గంటలకు బిఆర్‌ఎస్‌ఎల్‌పి, పార్టీ కార్యవర్గ సంయుక్త భేటీ

సాగునీటి హక్కుల కోసం కెసిఆర్ సమరశంఖం

రెండేళ్ల కాంగ్రెస్ పాలన, హామీల అమలుపై చర్చ

పంచాయతీ ఎన్నికల ఫలితాలు,

జూబ్లీహిల్స్ ఉప ఎన్నిక ఫలితాలపైనా సమీక్ష

సంస్థాగతంగా పార్టీ బలోపేతంపై చర్చ

గ్రేటర్, స్థానిక సంస్థల ఎన్నికలపై

అనుసరించాల్సిన వ్యూహాలపై

పార్టీ శ్రేణులకు కెసిఆర్ దిశానిర్ధేశం

మనతెలంగాణ/హైదరాబాద్ : బిఆర్‌ఎస్ అధినేత, మాజీ ముఖ్యమంత్రి కె.చంద్రశేఖర్‌రావు చాలా రోజుల విరామం తర్వాత ఆదివారం తెలంగాణ భవన్‌కు రానున్నారు. మధ్యాహ్నం 2 గంటలకు కెసిఆర్ అధ్యక్షతన బిఆర్‌ఎస్ శాసనసభాపక్షం, రాష్ట్ర కార్యవర్గ సంయుక్త సమావేశం జరగనుంది. ఈ సమావేశంలో పార్టీ ఎంఎల్‌ఎలు, ఎంఎల్‌సిలు, ఎంపిలతో పాటు కార్యవర్గ సభ్యులు పాల్గొంటారు. రాష్ట్రంలో కాంగ్రెస్ ప్రభుత్వం ఏర్పడి రెండేళ్లు పూర్తయిన సందర్భంగా, ప్రభుత్వ పాలన తీరు, ఇచ్చిన హామీల అమలుపై ప్రధానంగా చర్చించనున్నారు. ఈ భేటీలో ప్రధానంగా తెలంగాణ సాగునీటి హక్కుల పరిరక్షణ కోసం చేపట్టాల్సిన ప్రజా ఉద్యమంపై కెసిఆర్ పార్టీ శ్రేణులకు దిశానిర్దేశం చేయనున్నారు. కృష్ణా, గోదావరి జలాలతోపాటు సాగునీటి ప్రాజెక్టులపై ఈ సమావేశంలో చర్చించనున్నారు. రాష్ట్రంలో ప్రభుత్వ వ్యతిరేక విధానాలపై ప్రజా ఉద్యమాలకు సంబంధించి పార్టీ విస్తృతస్థాయి సమావేశంలో లోతుగా చర్చించనున్నట్లు తెలిసింది.

పాలమూరు – రంగారెడ్డి ఎత్తిపోతల ప్రాజెక్టుకు గత బిఆర్‌ఎస్ ప్రభుత్వం 91 టిఎంసిలు కేటాయిస్తే.. కాంగ్రెస్ ప్రభుత్వం ప్రస్తుతం కేవలం 45 టిఎంసిలు ఇస్తే చాలని కేంద్రం ముందు దేబరించడం బాధాకరమని బిఆర్‌ఎస్ పార్టీ అభిప్రాయపడుతుంది. నదుల అనుసంధానం పేరుతో ఆంధ్రప్రదేశ్‌కు కేంద్ర ప్రభుత్వం సహకరిస్తోందని, రాష్ట్రం నుంచి గెలిచిన 8 మంది బిజెపి ఎంపీలు ఈ విషయంపై మౌనంగా ఉన్నారని కెసిఆర్ ఆగ్రహంతో ఉన్నారు. ఈ అంశంలో కాంగ్రెస్, బిజెపి పార్టీలను ప్రజల ముందు దోషులుగా నిలబెట్టాలని బిఆర్‌ఎస్ భావిస్తోంది. రాష్ట్రానికి తీవ్రమైన అన్యాయం చేయడమే కాంగ్రెస్ ప్రభుత్వం వైఖరన్నట్లుగా ఉందని బిఆర్‌ఎస్ చెబుతోంది. తెలంగాణ రాష్ట్రానికి సాగునీటి విషయంలో కేంద్ర బిజెపి చేస్తున్న అన్యాయాన్ని కానీ., కావేరి తదితర నదుల అనుసంధానం పేరుతో ఆంధ్ర రాష్ట్ర జలదోపిడికి సహకరిస్తున్న కేంద్ర బిజెపి విధానాన్ని గానీ ఎదుర్కోవాలంటే.. తెలంగాణ సమాజం మరొకసారి ప్రత్యక్ష పోరాటాలే శరణ్యం అని పార్టీ అధినేత కెసిఆర్ భావిస్తున్నారు. బిఆర్‌ఎస్ ప్రభుత్వమే గనక తిరిగి వచ్చి ఉంటే ఈపాటికి పాలమూరు ఎత్తిపోతల ప్రాజెక్టు నుంచి నీళ్లు అందేవి అని, పాలమూరు రంగారెడ్డి నల్గొండ ప్రజల, రైతాంగ ప్రయోజనాలు కాపాడబడేవి అని పేర్కొన్నారు.

కానీ ఇప్పుడు వచ్చిన రాష్ట్ర ప్రభుత్వం, పాలమూరు రంగారెడ్డి నల్గొండ ప్రజల ప్రయోజనాల పట్ల పూర్తి నిర్లక్ష్య వైఖరిని ప్రదర్శించడం వల్ల పూచిక పొల్లంత పని కూడా చేయలేకపోవడం వల్ల ఆ ప్రాంతం ప్రజలు రైతాంగం తీవ్రంగా నష్టపోతున్నారని, రెండేళ్లు గడిచినా కూడా తెలంగాణ రాష్ట్ర రైతాంగ ప్రయోజనాలను నిర్లక్ష్యం చేస్తున్న కాంగ్రెస్ ప్రభుత్వంపై ఇంకా తెలంగాణ సమాజం మౌనం వహించ జాలదు అని, పాలమూరు రంగారెడ్డి ఎత్తిపోతల ప్రాజెక్టుకు, కృష్ణా జలాలలో కేవలం 45 టిఎంసిలు ఒప్పుకోవడం అనేది ఘోరం, దుర్మార్గం… కాబట్టి సాగునీరు తెలంగాణ రైతాంగ ప్రయోజనాలను కాపాడే విషయంలో బిఆర్‌ఎస్ పార్టీ ఎన్నటికీ రాజీ పడబోదు అని పార్టీ స్పష్టం చేసింది. ఇటువంటి కీలక సమయంలో పైన తెలిపిన విషయాలతో పాటు, పార్టీ సంస్థాగత నిర్మాణ విషయాలు సహా పలు అంశాలను ఆదివారం నిర్వహించబోయే సంయుక్త సమావేశంలో పార్టీ అధినేత కెసిఆర్ అధ్యక్షతన కూలంకషంగా చర్చించనున్నారు. అందుకు అనుగుణంగా చేపట్టబోయే ప్రజా ఉద్యమాలను నిర్మాణం, అనుసరించాల్సిన కార్యాచరణపై కీలక నిర్ణయాలు తీసుకోనున్నారు. తెలంగాణ సాగునీటి ప్రాజెక్టుల నిర్వహణ,పాలమూరు రంగారెడ్డి ఎత్తిపోతల నిర్మాణం, జలాల కేటాయింపు, గోదావరి కృష్ణా జలాల విషయంలో, ఆంధ్ర జలదోపిడి పైన పోరాడేందుకు.. ఒక ఉద్యమ స్వరూపానికి ఈ సమావేశంలో శ్రీకారం చుట్టనున్నారు.

పార్టీ బలోపేతంపైనా కెసిఆర్ దృష్టి

బిఆర్‌ఎస్ పార్టీ ప్రక్షాళన, సంస్థాగత బలోపేతంపైనా అధినేత కెసిఆర్ దృష్టి సారించినట్లు తెలుస్తోంది. ఇందుకు సంబంధించిన ప్రణాళికలపై ఈ సమావేశంలో చర్చించే అవకాశం ఉంది. చాలాకాలం తర్వాత పార్టీ అధినేత తెలంగాణ భవన్‌కు వస్తుండటంతో బిఆర్‌ఎస్ శ్రేణుల్లో కొత్త ఉత్సాహం నెలకొంది. కెసిఆర్‌కు ఘనంగా ఆహ్వానం పలికేందుకు ఏర్పాట్లు చేశారు. రాష్ట్రంలో జరిగిన పంచాయతీ ఎన్నికల్లో బిఆర్‌ఎస్ పార్టీ సాధించిన ఫలితాలతో పాటు ఇటీవల జరిగిన జూబ్లీహిల్స్ ఉపఎన్నిక ఫలితాలను కూడా కెసిఆర్ సమీక్షించే అవకాశం ఉంది.గ్రామ పంచాయతీ ఎన్నికల్లో దాదాపు 33 శాతం సీట్లు సాధించడం పట్ల అధినేత సంతృప్తి వ్యక్తం చేసినట్లు తెలిసింది.

అయితే తక్కువ సర్పంచి స్థానాలు గెలిచిన జిల్లాల్లో పార్టీని మరింత పటిష్టం చేసే దిశగా కార్యాచరణ ప్రకటించనున్నట్లు తెలిసింది. పార్టీ నేతలు, కార్యకర్తలు మరింత సమన్వయంతో పనిచేసి ఉంటే ఇంకా మంచి ఫలితాలు వచ్చేవని కెసిఆర్ భావిస్తున్నట్లు తెలుస్తోంది. పార్టీలో చిన్న చిన్న మనస్పర్థలు పక్కనబెట్టి అందరూ సమన్వయం పనిచేయాలని, భవిష్యత్తులో పార్టీ కోసం పనిచేసే అందరికీ మంచి అవకాశాలు వస్తాయని పార్టీ శ్రేణులను దిశానిర్ధేశం చేయనున్నారు. స్థానిక సంస్థల ఎన్నికలు, మున్సిపాలిటీ, జిహెచ్‌ఎంసి ఎన్నికల్లో పార్టీ నేతలు, కార్యకర్తలు మరింత ఉత్సాహంతో పనిచేసి పార్టీ మెరుగైన ఫలితాలు సాధించేందుకు అనుసంరించాల్సిన వ్యూహాలపై అధినేత కెసిఆర్ బిఆర్‌ఎస్ శ్రేణులకు దిశానిర్ధేశం చేయనున్నారు. ఇందుకు సంబంధించిన ప్రణాళికలపై ఆదివారం జరిగే సమావేశంలో లోతుగా చర్చించనున్నారు.

నందినగర్ నివాసానికి చేరుకున్న కెసిఆర్

బిఆర్‌ఎస్ అధినేత కెసిఆర్ శనివారం నగరంలోని నందినగర్ నివాసానికి చేరుకున్నారు. ఆదివారం తెలంగాణ భవన్‌లో జరగనున్న పార్టీ శాసనసభాపక్ష, రాష్ట్ర కార్యవర్గ సంయుక్త సమావేశానికి ఆయన అధ్యక్షత వహించనున్నారు. ఈ నేపథ్యంలోనే కెసిఆర్ శనివారం మధ్యాహ్నం ఎర్రవల్లి నివాసం నుంచి నగరంలోని నందినగర్ నివాసానికి వచ్చారు.

మన తెలంగాణ/హైదరాబాద్: అసెంబ్లీ నూతన కార్యదర్శిగా ఆర్. తిరుపతి నియమితులయ్యారు. రాష్ట్ర వక్ఫ్ ట్రిబ్యునల్ చైర్మన్‌గా ఉన్న తిరుపతిని అసెంబ్లీ కార్యదర్శిగా నియమిస్తూ రాష్ట్ర ప్రభుత్వ ప్రధాన కార్యదర్శి కె. రామకృష్ణా రావు శనివారం జివో విడుదల విడుదల చేశారు. ఇదిలాఉండగా ఇప్పటి వరకు అసెంబ్లీ, కౌన్సిల్ (శాసనపరిషత్తు) కార్యదర్శిగా ఉన్న డాక్టర్ వి. నరసింహా చార్యులును కౌన్సిల్ కార్యదర్శిగా నియమిస్తూ అదే జివోలో ఉత్తర్వులు జారీ చేశారు. సుమారు ఐదు దశాబ్దాల తర్వాత జిల్లా జడ్జి (లీగల్ అధికారి) స్థాయి అధికారిని నియమించడం గమనార్హం. గతంలో 1971 సంవత్సరంలో లీగల్ అధికారి శంకర్ రెడ్డి అసెంబ్లీ కార్యదర్శిగా బాధ్యతలు నిర్వర్తించారు. 

స్వప్న సినిమాస్ అప్ కమింగ్ మూవీ ’ఛాంపియన్’ చిత్రంలో రోషన్, అనస్వర రాజన్ లీడ్ రోల్స్ పోషిస్తున్నారు. ప్రదీప్ అద్వైతం దర్శకత్వం వహిస్తున్నారు. జీ స్టూడియోస్ సమర్పణలో ఆనంది ఆర్ట్ క్రియేషన్స్, కాన్సెప్ట్ ఫిలిమ్స్‌తో కలిసి నిర్మిస్తు న్నారు. మిక్కీ జే మేయర్ అందించిన పాటలు చార్ట్ బస్టర్ అయ్యాయి. ఈ చిత్రం డిసెంబర్ 25న ప్రపంచవ్యాప్తంగా విడుదల కానుంది. ఈ సందర్భంగా హీరో రోషన్ మీడియాతో ముచ్చటిస్తూ చెప్పిన విశేషాలు…

ఫిక్షనల్ క్యారెక్టర్‌తో కథ…

1948లో జరిగే కథ ఇది. యాక్షన్, డ్రామా, వార్… అన్ని చాలా గ్రాండ్‌గా ఉంటాయి. చరిత్రలో బైరాన్ పల్లి గురించి చాలా మందికి తెలుసు. అందులో మైఖేల్ అనే ఒక ఫిక్షనల్ క్యారెక్టర్‌ని సృష్టించి ఈ కథని చూపించడం జరిగింది. సినిమాలో నా క్యారెక్టర్ పూర్తిగా హైదరాబాదీ. ఆ యాస స్పష్టంగా నేర్చుకోవడం జరిగింది.

అద్భుతమైన యాక్షన్…

ఈ సినిమా కోసం పీటర్ అద్భుతమైన యాక్షన్ డిజైన్ చేశారు. షూటింగ్‌లో నాకు కొన్ని గా యాలు కూడా అయ్యాయి. ఇండియాకి స్వా తంత్య్రం వచ్చిన తర్వాత ఇంకా హైదరాబాద్‌కి స్వాతంత్య్రం రాని రోజుల్లో జరిగిన కథ ఇది. డైరెక్టర్, స్వప్న, ఆర్ డైరెక్టర్ తోట ప్రతిదీ రీసె ర్చ్ చేశారు. ఆ కాలంలో ఎలా ఉండేవారు అనేదాన్ని డైరెక్టర్ ప్రతీది శ్రద్ధ తీసుకుని చేశారు.

ప్రతి పాత్రకి ప్రాధాన్యత…

కోవై సరళ నాన్నగారితో కూడా చాలా సినిమాలు చేశారు. చాలా అద్భుతమైన టైమింగ్ వున్న నటి. ఇందులో కళ్యాణ్ చక్రవర్తిది బైరాన్ పల్లి గ్రామంలో ఒక నిజమైన పాత్ర స్ఫూర్తితో రాసుకున్న క్యారెక్టర్. ఆయనతో కలిసి నటించడం చాలా గొప్ప అనుభూతినిచ్చింది. సినిమాలో బైరాన్ పల్లి గ్రామంలోని ప్రతి పాత్రకి ప్రాధాన్యత ఉంటుంది. ప్రతి క్యారెక్టర్‌కి ఒక ప్రారంభం, ముగింపు ఉంటుంది.

బలమైన సబ్జెక్టుతో…

-హాలీవుడ్‌లో ‘స్పైడర్ మ్యాన్’ లాంటి సినిమాలు దాదాపు 3000 కోట్లు పెట్టి తీస్తారు కానీ అం దులో ఒక కొత్త నటుడు ఉంటాడు. ఖర్చు పెట్టే ది సినిమా మీద. ఇక ఈ సినిమాలో బలమైన సబ్జెక్టు ఉంది కాబట్టి ఎక్కువ బడ్జెట్ పెట్టారు.

చాలా మంచి వినోదం…

ఇందులో హీరో, హీరోయిన్‌ల మధ్య డ్రామా అనే కాన్సెప్ట్‌తో చాలా మంచి వినోదం ఉంటుంది. అనస్వర మలయాళంలో దాదాపు 25 సినిమాలు చేసింది. సినిమాలో తన పాత్రలో చాలా బలమైనది. ఇందులో మంచి భావోద్వేగాలు ఉంటాయి.

బ్యాక్‌గ్రౌండ్ స్కోర్ కొత్తగా…

ఈ సినిమాకు మిక్కీ జే మేయర్ మంచి మ్యూజిక్ ఇచ్చారు. ఇందులో కొత్త మిక్కీ జే మేయర్‌ని చూస్తారు. యాక్షన్‌లో బ్యాక్‌గ్రౌండ్ స్కోర్ చాలా కొత్తగా ఉంటుంది.

మేష రాశి వారికి ఈ వారం చాలా అనుకూలంగా ఉంది వృత్తి ఉద్యోగాలపరంగా సానుకూలమైన పరిస్థితులు గోచరిస్తున్నాయి. వ్యాపార పరంగా రావలసినటువంటి లాభాలు అందుతాయి. చేపట్టిన ప్రతి పనిలో విజయం సాధిస్తారు. వృత్తిపరంగా మంచి నైపుణ్యాన్ని సంపాదిస్తారు. పేరు ప్రఖ్యాతలు తెచ్చుకుంటారు. సంతాన సంబంధమైన విషయాలలో పురోగతి బాగుంటుంది. జీవిత భాగస్వామి సలహాలు సూచనలు మీకు ఎంతగానో మేలు చేస్తాయి. భాగస్వామ్య వ్యాపారాలు కొంత వరకు బాగుంటాయి. ఉద్యోగస్తులకు అధికారుల సహాయంతో పదోన్నతులు పెరుగుతాయి. వ్యాపార పరంగా మీరు ఆశించిన పురోగతి సాధిస్తారు. పుణ్యక్షేత్రాలను సందర్శిస్తారు. మానసికంగా ఒత్తిడి అనేది అధికంగా ఉంటుంది. సాధ్యమైనంత వరకు పొదుపుకి ప్రాధాన్యత ఇవ్వండి. వివాహ ప్రయత్నాలు వాయిదా వేస్తారు. ఈ రాశి వారు ప్రతి రోజు కూడా దక్షిణామూర్తి స్తోత్రాన్ని మరియు కాలభైరవ అష్టకం చదవడం మంచిది. ఈ రాశి వారికి కలిసి వచ్చే సంఖ్య ఏడు కలిసి వచ్చే రంగు మెరూన్.

వృషభ రాశి వారికి ఈ వారం మద్యస్థ ఫలితాలు గోచరిస్తున్నాయి. ఉద్యోగపరంగా వ్యాపార పరంగా ఒత్తిడి అనేది ఎక్కువగా ఉండే అవకాశం ఉంది. ఉద్యోగం మారే పరిస్థితి కనిపిస్తుంది. వ్యాపారస్తులకు వ్యాపార పరంగా ఖర్చులు అధికంగా రాబడి తక్కువగా ఉంటుంది. సంతానం యొక్క అభివృద్ధి బాగుంటుంది. సంతానం అభివృద్ధిలోకి వస్తారు. దూర ప్రాంత ప్రయాణాలు ఎక్కువగా చేయవలసి వస్తుంది. స్కాలర్షిప్స్ లభిస్తాయి. సాఫ్ట్వేర్ రంగంలో ఉన్నవారికి వైద్య వృత్తిలో ఉన్న వారికి హోటల్ వ్యాపారస్తులకు లాభాలు అధికంగా ఉంటాయి. ఈ రాశిలో జన్మించిన స్త్రీలకు వృత్తి ఉద్యోగాలపరంగా సానుకూలంగా ఉంటుంది. ఈ కష్టానికి తగిన ప్రతిఫలం కొంతవరకు లభిస్తుంది. అప్పు ఇస్తే తిరిగి రాదు. అప్పు తీసుకోవడం కూడా కలిసి రాదు. నూతన గృహం కొనుగోలు చేస్తారు. వాహనయోగం ఉంది. ప్రతిరోజు కూడా ఆరావళి కుంకుమతో అమ్మవారిని పూజించండి ఓం నమశ్శివాయ వత్తులతో దీపారాధన చేయండి.ఈ రాశిలో జన్మించిన వారికి కలిసివచ్చే సంఖ్య 6 కలిసి వచ్చే రంగు గ్రే.

మిధున రాశి వారికి ఈ వారం చాలా అనుకూలంగా ఉంటుంది. వివాహాది విషయాలు ఆలస్యం అవుతాయి. ఉద్యోగ మారాలి అని ఆలోచన వస్తుంది. ఉద్యోగ పరంగా మానసికమైన ఒత్తిడి ఎక్కువగా ఉంటుంది ధ్యానం చేయండి దైవ నామస్మరణ ఎక్కువగా చేయండి. నూతన అవకాశాలు కలిసి వస్తాయి. నూతన వ్యాపారాన్ని ప్రారంభిస్తారు. స్త్రీలకు వృత్తి ఉద్యోగాలపరంగా చాలా అనుకూలంగా ఉంటుంది. పర్సనల్ లోన్ కానీ బిజినెస్ లోన్ కానీ తీసుకుంటారు. ఆరోగ్య పరంగా చిన్నచిన్నఇబ్బందులు ఉంటాయి. జీవిత భాగస్వామికి కొంత సమయం కేటాయించండి. కాలభైరవ రూపు మెడలో ధరించండి. మంగళవారం మరియు శనివారం రోజున హనుమాన్ వత్తులతో దీపారాధన చేయండి. ఈ రాశి వారికి కలిసి వచ్చే సంఖ్య నాలుగు కలిసి వచ్చే రంగు కాషాయం.

కర్కాటక రాశి వారికి ఈ వారం చాలా అనుకూలంగా ఉంది. వ్యాపారం లాభాల బాటలో నడుస్తుంది. ముఖ్యమైన పనులలో విజయం సాధిస్తారు. అమ్మకాలు కొనుగోలులో లాభాలు పొందుతారు. రియల్ ఎస్టేట్ రంగంలో ఉన్న వారికి కాలం అనుకూలంగా. ఉద్యోగ ప్రయత్నాలు చేస్తున్న వారికి మీ చదువుకు తగిన ఉద్యోగం లభిస్తుంది. పోటీ పరీక్షలలో ఇంటర్వ్యూలలో పాల్గొంటారు. ఆత్మవిశ్వాసం కలిగి ఉంటారు. స్వగృహ నిర్మాణం అనే కల నెరవేరుతుంది. సంతానం యొక్క చదువుపై శ్రద్ధ వహించాలి. తగాదాలకు వివాదాలకు దూరంగా ఉండండి. కోపాన్ని అదుపులో ఉంచుకోవాలి. కోర్టుకు తీర్పులు మీకు అనుకూలంగా వస్తాయి. స్టాక్ మార్కెట్ కి స్పెక్యులేషన్ కి దూరంగా ఉండండి. కన్స్ట్రక్షన్ రంగంలో ఉన్నవారికి ఫార్మా రంగంలో ఉన్న వారికి సినీ కళారంగాలలో ఉన్న వారికి ఈ వారం అనుకూలంగా ఉంటుందని చెప్పవచ్చు. ఖర్చుల విషయంలో జాగ్రత్త వహించాలి. ఈ రాశి వారు ప్రతిరోజు కూడా ఓం నమశ్శివాయ వత్తులతో దీపారాధన చేయండి. ఈ రాశి వారికి కలిసివచ్చే సంఖ్య త్రీ కలిసివచ్చే రంగు లైట్ ఎల్లో.

సింహ రాశి వారికి ఈ వారం మిశ్రమ ఫలితాలు గోచరిస్తున్నాయి. కెరియర్ పరంగా బాగుంటుంది. ఈ రాశి వారికి అష్టమ శని నడుస్తుంది కావున శనికి తైలాభిషేకం చేయించండి. మీరు చేయాలనుకున్న పనులను పూర్తి చేస్తారు. వ్యాపారంలో లాభాలు తక్కువగా ఉంటాయి పేరు ప్రఖ్యాతలు మాత్రం బాగుంటాయి. సంతానం యొక్క అభివృద్ధి బాగుంటుంది. సంతానం యొక్క ఆరోగ్యం విషయంలో అశ్రద్ధ చేయడం మంచిది కాదు. ప్రస్తుతం చేస్తున్న ఉద్యోగంలోనే కొనసాగడం మంచిది. జీవిత భాగస్వామితో ఏర్పడిన విభేదాలు తొలగిపోతాయి. గడిచిన రెండు వారాల కంటే కూడా ఈ వారం బాగుంటుందని చెప్పవచ్చు. పది రోజు కూడా అష్టమూలికా తైలంతో దీపారాధన చేయండి. ప్రతిరోజు కాలభైరవ అష్టకం చదవండి లేదా వినండి. విద్యార్థినీ విద్యార్థులకు చదువుపై ఏకాగ్రత అవసరం. స్నేహితులకి చెడు అలవాట్లకి దూరంగా ఉండటం మంచిది. ప్రతిరోజు ఓం నమశ్శివాయ వత్తులతో దీపారాధన చేయండి. ఈ రాశి వారికి కలిసి వచ్చే సంఖ్య రెండు కలిసి వచ్చే రంగు తెలుపు.

కన్యా రాశి వారికి ఈ వారం మద్యస్థ ఫలితాలు సూచిస్తున్నాయి. వృత్తి ఉద్యోగాల పరంగా పేరు ప్రఖ్యాతలు లభిస్తాయి. మీ తెలివితేటలతో నలుగురిని ఆకట్టుకుంటారు. విద్యార్థులు కష్టానికి తగిన ఫలితం పొందుతారు. జీవిత భాగస్వామి సహాయంతో ముఖ్యమైన పనులు పూర్తి చేస్తారు. వృత్తి వ్యాపారాలలో ఆశించిన లాభాలు పొందుతారు. చిన్ననాటి మిత్రులతో కాలం ఆనందంగా గడుపుతారు. ఆర్థిక విషయాలు సంతృప్తికరంగా సాగుతాయి. వ్యాపారం యొక్క అభివృద్ధి కోసం మీరు చేసే ప్రయత్నాలు ఫలిస్తాయి. విదేశాలకు సంబంధించిన విషయ వ్యవహారాలు బాగున్నాయి. వైద్య వృత్తిలో ఉన్నవారికి ఒత్తిడి అనేది ఎక్కువగా ఉంటుంది. మీరు ఆశలు జన్మించిన స్త్రీలకు వృత్తి ఉద్యోగాలపరంగా వ్యాపార పరంగా అనుకూలమైన ఫలితాలు ఉంటాయి. రాజకీయరంగంలో ఉన్నవారికి నూతన పదవులు లభిస్తాయి. నూతన వాహనం కొనుగోలు చేస్తారు. క్రెడిట్ కార్డులకి దూరంగా ఉండటం మంచిది. ప్రతిరోజు కూడా ఓం నమో నారాయణ వత్తులతో దీపారాధన చేయండి. విద్యార్థిని విద్యార్థులు ఏకముఖి రుద్రాక్షలు ధరించండి. ఈ రాశి వారికి కలిసి వచ్చే సంఖ్య ఎనిమిది కలిసివచ్చే రంగు గ్రే.

తులా రాశి వారికి ఈ వారం మిశ్రమ ఫలితాలు గోచరిస్తున్నాయి. మీ కష్టానికి తగిన ప్రతిఫలం లభిస్తుంది. ఉద్యోగపరంగా మనశ్శాంతి లోపి స్తుంది. వ్యాపారంలో ఎంత కష్టపడినప్పటికీ ఫలితం అనేది తక్కువగా ఉంటుంది. ఖర్చులు అధికంగా ఉంటాయి. వృత్తి ఉద్యోగ వ్యాపార పరంగా ఏ విషయంలోనైనా ఒకటికి రెండుసార్లు ఆలోచించి నిర్ణయం తీసుకోవడం మంచిది. కుటుంబంలో శుభకార్యాలకు ప్రస్తావన ఉంటుంది. భూ సంబంధిత విషయ వ్యవహారాలు ఇబ్బంది పెడతాయి. వారాంతంలో ఒక శుభవార్త వింటారు. విద్యార్థినీ విద్యార్థులకు కాలం అనుకూలంగా ఉంది ఫలితాలు బాగుంటాయి. చదువుపై శ్రద్ధ ఎక్కువగా పెట్టవలసి ఉంటుంది. నిరుద్యోగ ప్రయత్నాలు వాయిదా పడతాయి. వృధా ప్రయాణాలు చేయవలసి వస్తుంది. ఇతరులతో వివాదాలకు వీలైనంత దూరంగా ఉండటం మంచిది. ఆరోగ్యం విషయంలో జాగ్రత్త అవసరం. చేపట్టిన పనులలో కొన్ని ఆటంకాలు ఏర్పడే అవకాశం ఉంది. వ్యాపార పరంగా స్వల్ప లాభాలు అందుకుంటారు. భూమి కొనుగోలు చేస్తారు. ప్రతిరోజు కూడా ఓం నమో నారాయణ వత్తులతో దీపారాధన చేయండి. విద్యార్థినీ విద్యార్థులు దక్షిణామూర్తి రూపు మెడలో ధరించండి. ఈ రాశి వారికి కలిసివచ్చే సంఖ్య ఏడు కలిసివచ్చే రంగు గ్రీన్.

వృశ్చిక రాశి వారికి ఈ వారం అనుకూలంగా ఉంటుంది. ఆరోగ్యపరంగా ఏర్పడిన చిన్న చిన్న సమస్యలు తొలగిపోతాయి. బంధు వర్గంలో నరదిష్టి అధికంగా ఉంటుంది. నూతన ఉత్సాహంతో ముందుకు సాగుతారు. ఖర్చులు అదుపులో ఉంచుకోవాలి. కుటుంబంలో చిన్నపాటి మనస్పర్ధలు ఏర్పడే అవకాశం ఉంది. కొన్ని కొన్ని విషయాలను గోప్యంగా ఉంచడమే మంచిది. విదేశీ వ్యవహారాలు సానుకూల పడతాయి. నూతన కాంట్రాక్టులు లీజులు లైసెన్సులు లభిస్తాయి. తల్లిదండ్రుల సహాయ సహకారాలు లభిస్తాయి. సంతానం కోసం చేసే ప్రయత్నాలు ఫలిస్తాయి. వివాహాది శుభకార్యాలు వాయిదా పడతాయి. నూతన ప్రాజెక్టులు చేతికి అందుతాయి. ప్రతి రోజు కూడా అష్టమూలికా తైలంతో ఓం నమశ్శివాయ భక్తులతో దీపారాధన చేయండి. ఈ రాశి వారికి కలిసి వచ్చే సంఖ్య 3 కలిసి వచ్చే రంగు డార్క్ మెరూన్.

ధనస్సు రాశి వారికి ఈ వారం అనుకూలంగా ఉంటుంది. వృత్తి ఉద్యోగాల పరంగా సానుకూలంగా ఉంటుంది. ప్రయాణాలు ఎక్కువగా చేయవలసి ఉంటుంది. కెరియర్ పరంగా చాలా బాగుంటుందని చెప్పవచ్చు. సమాజంలో పేరు ప్రఖ్యాతలు లభిస్తాయి. గో సేవ చేస్తారు. స్థిరాస్తులు కొనుగోలు చేస్తారు. రుణాలు చాలా వరకు తీరుస్తారు. మీ కష్టానికి తగిన ప్రతిఫలం లభిస్తుంది. సంతానం యొక్క అభివృద్ధి కోసం చేసే ప్రయత్నాలు ఫలిస్తాయి. విదేశాలకు వెళ్లడానికి మీరు చేసే ప్రయత్నాలు ఫలిస్తాయి వీసా లభిస్తుంది. రాజకీయరంగంలో ఉన్న వారికి నూతన పదవులు లభిస్తాయి. చేపట్టిన పనులలో శ్రమ అధికంగా ఉంటుంది. నూతన పనులను కొంతకాలం వాయిదావేస్తారు. ప్రతిరోజు కూడా శని గ్రహ స్తోత్రాన్ని చదవండి అలాగే శనికి తైలాభిషేకం చేయించండి. శనివారం రోజున నలుపు వత్తులతో దీపారాధన చేయండి మంచి ఫలితాలు సంప్రాప్తిస్తాయి. ఈ రాశి వారికి కలిసివచ్చే సంఖ్య 5 కలిసివచ్చే రంగు తెలుపు.

మకర రాశి వారికి ఈ వారం మిశ్రమ ఫలితాలు గోచరిస్తున్నాయి. వృత్తి ఉద్యోగాలపరంగా సానుకూలంగా ఉంటుంది. ఆరోగ్యం పట్ల కొన్ని జాగ్రత్తలు తీసుకోవాలి. ప్రతి పనిలో కూడా మీ కష్టానికి తగిన ప్రతిఫలం లభిస్తుంది. నూతన ఉద్యోగ ప్రయత్నాలు చేస్తున్న వారికి కాలం కలిసి వస్తుంది. వ్యాపారస్తులకు లాభాలు బాగుంటాయి. సినీ కళారంగాలలో ఉన్న వారికి నూతన అవకాశాలు కలిసి వస్తాయి. రియల్ ఎస్టేట్ రంగంలో వారికి కూడా కాలం అనుకూలంగానే ఉందని చెప్పవచ్చు. మీ జీవిత ఆశయం నెరవేరుతుంది. సంతానం కోసం ఎదురుచూస్తున్న వారికి సంతాన ప్రాప్తి కలుగుతుంది. వివాహ ప్రయత్నాలు వాయిదా పడతాయి. ఈ రాశి వారు ప్రతి రోజు కూడా ఓం నమో నారాయణా వత్తులతో దీపారాధన చేయండి. కాలభైరవ రూపు మెడలో ధరించండి. ప్రతిరోజు ఆదిత్య హృదయం చదవండి. ఈ రాశి వారికి కలిసివచ్చే సంఖ్య ఎనిమిది కలిసివచ్చే రంగు నేవీ బ్లూ.

కుంభ రాశి వారికి ఈ వారం అనుకూలమైన ఫలితాలు గోచరిస్తున్నాయి. ఖర్చు పెట్టే విషయంలో జాగ్రత్తలు తీసుకోవాలి. కెరియర్ పరంగా బాగుంటుంది. ఉద్యోగ విషయంలో అధికారాలతో జాగ్రత్తగా వ్యవహరించాలి. బంధువులతో వివాదాలు ఏర్పడే అవకాశం ఉంది. దైవ సేవా కార్యక్రమాలలో పాల్గొంటారు. ఆదాయ మార్గాలు అంతంత మాత్రంగా ఉంటాయి. ఆరోగ్యం పట్ల మెలకువ అవసరం. గృహంలో శుభకార్యాల ప్రస్తావన ఉంటుంది. దీర్ఘకాలిక రుణ సమస్యల నుండి కొంతవరకు బయట పడతారు. వృత్తి ఉద్యోగాలలో మీ పనితీరుతో అందరినీ ఆకట్టుకుంటారు. నూతన వస్తువులు, వాహనం కొనుగోలు చేస్తారు. సంతానం అభివృద్ధిలోకి వస్తారు. విదేశాలకు వెళ్లి ఉద్యోగం చేయాలి అనే మీ కోరిక నెరవేరుతుంది. ప్రతిరోజు కూడా అష్టమూలికా తైలంతో ఓం నమశ్శివాయ వత్తులతో దీపారాధన చేయండి. ఈ రాశి వారికి కలిసి వచ్చే సంఖ్య 6 కలిసివచ్చే రంగు స్కై బ్లూ.

మీన రాశి వారికి ఈ వారం మిశ్రమ ఫలితాలు గోచరిస్తున్నాయి. ప్రభుత్వ పరంగా రావలసినటువంటి బెనిఫిట్స్ చేతికి అందుతాయి. గతవారం కంటే కూడా ఈ వారం బాగుందని చెప్పవచ్చు. ఆర్థికంగా అభివృద్ధి సాధిస్తారు. నూతన అవకాశాలు కలిసి వస్తాయి. ఈ కష్టానికి తగిన ప్రతిఫలం లభిస్తుంది. నరదిష్టి ఎక్కువగా ఉంటుంది. సంతాన సంబంధమైన విషయ వ్యవహారాలు బాగున్నాయి. విద్యార్థినీ విద్యార్థులు చదువుపై శ్రద్ధ వహించాలి. వ్యాపార విస్తరణకు మీరు చేసే ప్రయత్నాలు ఫలిస్తాయి. జీవిత భాగస్వామితో విభేదాలు ఏర్పడే అవకాశం ఉంది. ఉద్యోగస్తులకు పని భారం పెరుగుతుంది. ఆధ్యాత్మిక చింతన పెరుగుతుంది. కుటుంబ పెద్దల ఆరోగ్యం విషయంలో అశ్రద్ధ చేయడం మంచిది కాదు. ఖర్చులను అదుపులో ఉంచుకోవాలి. ప్రతిరోజు శని గ్రహ స్తోత్రాన్ని చదవండి శనివారం రోజున శనికి తైలాభిషేకం చేయించండి. నలుపు రంగు వత్తులతో దీపారాధన చేయండి. ఈ రాశి వారికి కలిసివచ్చే సంఖ్య రెండు కలిసివచ్చే రంగు తెలుపు.

 

కోన ఫిల్మ్ కార్పొరేషన్ బ్యానర్‌పై రూపొందుతోన్న లేటెస్ట్ మూవీ ‘బ్యాండ్ మేళం’. ఈ చిత్రంలో ‘కోర్ట్’ చిత్రంతో ప్రేక్షకుల మన్నలు అందుకున్న హర్ష్ రోషన్, శ్రీదేవి అపళ్ల జోడీ మరోసారి ప్రేక్షకులకు కనువిందు చేయనున్నారు. బ్లాక్ బస్టర్ రైటర్ కోన వెంకట్ ఈ క్రేజీ కాంబోని తీసుకొస్తున్నారు. కావ్య, శ్రావ్య ఈ చిత్రానికి నిర్మాతలు. శనివారం పుట్టినరోజుని జరుపుకుంటోన్న శ్రీదేవికి బర్త్‌డేను మరింత కలర్‌ఫుల్‌గా చేయడానికి మేకర్స్ సినిమా నుంచి బర్త్ డే గ్లింప్స్‌ను విడుదల చేశారు. ఇక సినిమా చిత్రీకరణ తుది దశకు చేరుకుంటోంది. సంగీతం, ప్రేమ, భావోద్వేగాల కలయికగా రూపొందుతోన్న ఈ అందమైన కథను సతీష్ జవ్వాజి తెరకెక్కిస్తున్నారు.

మన తెలంగాణ/హైదరాబాద్: హనుమకొండ జిల్లా కాజీపేట మండలం మడికొండ గ్రామంలో రైల్వే వ్యాగన్ పీరియాడికల్ ఓవర్ హాలింగ్ వర్క్‌షాప్ ఏర్పాటుకు రాష్ట్ర ప్రభుత్వం రూ.17 కోట్ల 3 లక్షల 75వేలు మంజూరు చేసింది, మిగిలిన పరిహారం మొత్తాన్ని మడికొండలోని శ్రీసీతా రామ ఆలయం తరపున ఆలయ ఖాతాలో జమచేస్తారు. ఈ మేరకు ప్రభుత్వ స్పెషల్ చీఫ్ సెక్రటరి వికాస్ రాజ్ శనివారం ఉత్తర్వులు జారీ చేశారు.

మన తెలంగాణ/హైదరాబాద్: తెలంగాణలో డ్రగ్స్ సరఫరా చేస్తున్న ఆరుగురు డ్రగ్ పెడ్లర్లను ఈగల్ టీమ్ పోలీసులు అరెస్టు చేశారు. హైదరా బాద్, సైబరాబాద్, వరంగల్ అంతటా ఈగల్ టీమ్, పోలీసు శాఖతో కలిసి నిర్వహించిన వివిధ దాడులలో ఆరుగురు డ్రగ్ పెడ్లర్లను అరెస్టు చేశారు. నిందితుల నుండి మొత్తం 330 గ్రాముల గంజాయి, 43 గ్రాముల కొకైన్, 11.5 గ్రాముల ఎండిఎంఎ, ఒక కారు, ఒక మోటార్ సైకిల్, ఐదు మొబైల్ ఫోన్‌లను పోలీసులు స్వాధీనం చేసుకున్నారు. మొదటి కేసులో ఈగల్‌కు చెందిన వరంగల్ నార్కోటిక్స్ పోలీసులు, వరంగల్ పోలీసులతో కలిసి హుజురాబాద్‌లోని రంగాపూర్‌కు చెందిన రెడ్డబోయిన కార్తీక్ (25) అనే వెల్డర్, రెడ్డబోయిన రాజేష్ (18) అనే రైతు అనే ఇద్దరు వ్యక్తులను అరెస్టు చేశారు.

పోలీసులు వారి నుండి 50 గ్రాముల గంజాయి, రెండు మొబైల్ ఫోన్లు మరియు ఒక మోటార్ సైకిల్‌ను స్వాధీ నం చేసుకున్నారు. విచారణలో, కార్తీక్ హన్మకొండకు చెందిన ఎండీ ఫర్దీన్ అనే వ్యక్తి నుండి గంజాయిని సేకరిస్తున్నట్లు వెల్లడించాడు. ఈ సమా చారం ఆధారంగా, పోలీసులు హన్మకొండలోని రెడ్డి కాలనీలో సోదాలు నిర్వహించి, కార్ కిట్ మార్కెటింగ్ ఎగ్జిక్యూటివ్ ఎండీ ఫర్దీన్ (21) ను అరెస్టు చేసి, 30 గ్రాముల గంజాయి, ఒక మొబైల్ ఫోన్‌ను స్వాధీనం చేసుకున్నారు. కార్తీక్, రాజేష్‌లను హుజురాబాద్ పోలీసులకు అప్ప గించ గా, ఎండీ ఫర్దీన్‌ను తదుపరి చట్టపరమైన చర్యల కోసం హన్మకొండ పోలీసులకు అప్పగించారు.

వరంగల్‌లో గంజాయి సప్లై చేస్తున్న ముగ్గురితో పాటుగా, మియాపూర్ పోలీసుస్టేషన్ పరిధిలో 250 గ్రాముల గంజాయితో ఒకరు, మసాబ్ ట్యాంకులో డ్రగ్స్‌తో ఇద్దరు పట్టు బడ్డారు. నిందితు లు ఎపి, తెలంగాణ మధ్య అంతరాష్ట్ర గంజాయి సరఫరాదారులుగా ఈగల్ టీమ్ గుర్తించింది. కాగా నగరంలో న్యూ ఇయర్ వేడుకల్లో ఏటా పెద్ద ఎత్తున డ్రగ్స్ పట్టుబడుతుంటాయి. ఏడాది పొడవునా జరిగే మత్తు పదార్ధాల వ్యాపారంలో 8090 శాతం డిసెంబర్ జనవరి మధ్య అవుతుం దని అంచనా. ఈ క్రమంలో ఈగల్ టీమ్ మెరుపు దాడులు నిర్వహిస్తోంది. దీంతో డ్రగ్స్ పెడ్లర్లు తీవ్రస్థాయిలో ఆందోళన చెందుతున్నారు.