admin

సాధారణంగా హ్యాట్రిక్ సాధిస్తే.. దాన్ని ఎంతగానో సెలబ్రేట్ చేసుకుంటారు బౌలర్లు.. అతడి టీమ్. మరి ఒకే ఓవర్‌లో ఐదు వికెట్లు తీస్తే.. అంతేకాక.. అదే ఓవర్‌తో మొత్తం మ్యాచ్‌నే గెలిపిస్తే.. ఆ ఆనందాన్ని అవుధులు ఉండవు. ఇప్పుడు ఇలాంటి ఘటనే ఇండోనేషియా-కంబోడియా మధ్య జరిగిన టి-20 మ్యాచ్‌లో జరిగింది. ఇండోయానేషియా బౌలర్ గ్రెడే ప్రియాందన ఈ మ్యాచ్‌లో సంచలనం సృష్టించాడు. టి-20ల్లో ఒకే ఓవర్‌లో ఐదు వికెట్లు తీసి చరిత్ర సృష్టించాడు. అంతేకాక.. తాను వేసిన తొలి ఓవర్‌లోనే ఈ ఫీట్ సాధించడం గమనార్హం.

బాలి వేదికగా మంగళవారం కంబోడియాతో జరిగిన మ్యాచ్‌లో ఇండోనేషియా తొలుత బ్యాటింగ్ చేసి 168 పరుగుల విజయ లక్ష్యాన్ని ముందుంచింది. ఆ తర్వాత లక్ష్య చేధనలో కంబోడియా 15 ఓవర్లలో 5 వికెట్ల నష్టానికి 106 పరుగులు చేసి పటిష్టంగానే కనిపించింది. కానీ, అప్పుడే గ్రెడే ప్రియాందన ఎంటరయ్యాడు. 16వ ఓవర్‌లో తొలి మూడు బంతులకే ముగ్గురిని ఔట్ చేసి హ్యాట్రిక్ సాధించాడు. ఆ తర్వాత బంతి డాట్ బాల్ అయింది. ఆ తర్వాతి రెండు బంతుల మధ్యలో ఒక వైడ్ వేసి రెండు వికెట్లు తీశాడు. దీంతో కంబోడియా 107 పరుగులకే ఆలౌట్ అయింది. పలితంగా ఇండోనేషియా ఈ మ్యాచ్‌లో 60 పరుగుల తేడాతో విజయం సాధించింది.

ఇదే మ్యాచ్‌లో బ్యాటింగ్ చేసిన ప్రియాందన 11 బంతులు ఎదుర్కొని 6 పరుగులు మాత్రమే చేశాడు. అయితేనేం బంతితో కంబోడియా బ్యాటర్లను వణికించాడు. 1 ఓవర్‌లో కేవలం 1 పరుగు మాత్రమే ఇచ్చి 5 వికెట్లు పడగొట్టాడు. ఇది అంతర్జాతీయ టి-20ల్లో తొలి బౌలర్‌గా నయా చరిత్ర లిఖించాడు. గతంలో ఇలాంటి ఫీట్ కేవలం దేశవాళీ క్రికెట్‌‌లో కేవలం రెండు సానకలు మాత్రమే నమోదైంది. 2013-14లో విక్టరీడే టి-20 కప్‌లో యుసిబి-బిసిబి మధ్య జరిగిన మ్యాచ్‌లో బంగ్లాదేశ్ బౌలర్ అల్ మీన్ హోస్సేన్ ఒకే ఓవర్‌లో ఐధు వికెట్లు తీశాడు. ఇక 2019-20లో సయ్యద్ మస్తాద్ అలీ ట్రోఫీలో కర్ణాటక ఆటగాడు అభిమన్యు మిథున్ హరియాణాపై ఈ ఘనతను సాధించాడు. కానీ, అంతర్జాతీయ క్రికెట్‌లో మాత్రం ప్రియాందనదే తొలి రికార్డు.IDROVISIA

అమరావతి: కన్నతండ్రి ఇద్దరు కూతుళ్లను కాలువలోకి తోసేసి చంపిన సంఘటన ఆంధ్రప్రదేశ్ రాష్ట్రం అనంతపురం జిల్లా బొమ్మనహాళ్ మండలంలో జరిగింది. పోలీసులు తెలిపిన వివరాల ప్రకారం…. నేమకల్లు గ్రామంలో కల్లప్ప అనే వ్యక్తి భార్య, పిల్లలతో కలిసి నివసిస్తున్నాడు. కల్లప్పకు ఇద్దరు కూతుళ్లు, ఒక కుమారుడు ఉన్నాడు. కూతుళ్లు సింధూ, అనసూయ స్థానిక పాఠశాలలో ఐదు, ఆరు తరగతులు చదువుతున్నారు. ఆదివారం సెలవు దినం కావడంతో కూతుళ్లకు మాయమాటలు చెప్పి హెచ్‌ఎల్‌సి కాలువ దగ్గరకు తీసుకెళ్లాడు. పెద్ద కూతురు కాలువలోకి తోసేశాడు. అనంతరం చిన్న కూతురును కాలువలోకి తోయడానికి ప్రయత్నించడంతో తప్పించుకోవడానికి ప్రయత్నించింది. ఆమె గట్టిగా పట్టుకొని కాలువలోకి తోసేశాడు. కూతుళ్లు కనిపించకపోవడంతో కుటుంబ సభ్యులు అతడిని నిలదీశారు. కర్నాటకలోని సిరిగేరి క్రాస్ వద్ద కాలువలో తోసేసానని, మరోసారి గ్రామ శివారులోని హెచ్‌ఎల్‌సి కాలువలోకి తీసేశానని వివరణ ఇచ్చాడు. గ్రామస్థులు ప్రశ్నించడంతో కల్లప్ప స్పృహతప్పిపడిపోయాడు. వెంటనే అతడిని స్థానిక ఆస్పత్రికి తరలించారు. పోలీసులు ఘటనా స్థలానికి చేరుకొని కాలువలో నుంచి పెద్ద కూతురు అనసూయ మృతదేహాన్ని బయటకు తీశారు. రెండో కూతురు మృతదేహం కోసం పోలీసులు గాలింపు చర్యలు చేపట్టారు. 

హైదరాబాద్: సినీ నటి మంచు లక్ష్మి మంగళవారం సిఐడి విచారణకు హాజరయ్యారు. విచారణ కోసం ఆమె లక్డీకపూల్‌లోని సిఐడి కార్యాలయానికి వచ్చారు. నిషేధిత బెట్టింగ్ యాప్‌లకు ప్రచారం చేసిన వ్యవహారంలో ఆ యాప్‌ల నుంచి తీసుకున్న పారితోషికం, కిమీషన్లపై అధికారులు ఆమెను ప్రశ్నిస్తున్నారు. గతంలో ఈ కేసులో ఆమె ఇడి విచారణకు హాజరైన విషయం తెలిసిందే. గతంలో ఆమెతో పాటు హీరో విజయ్ దేవరకొండ, ప్రకాశ్ రాజ్, రానాలు కూడా ఈ విచారణకు హాజరయ్యారు. 

బెంగళూరు: టీం ఇండియా స్టార్ బ్యాట్స్‌మెన్ విరాట్ కోహ్లీ త్వరలో డొమెస్టిక్ క్రికెట్‌లో తిరిగి అడుగు పెట్టనున్నాడు. దాదాపు 15 సంత్సరాల తర్వాత విజయ్ హజారే ట్రోఫీలో కోహ్లీ పాల్గొననున్నాడు. చివరిసారి ఫిబ్రవరి 18, 2010లో ఈ టోర్నమెంట్‌లో కోహ్లీ ఆడాడు. మళ్లీ ఇన్నాళ్లకు దేశవాళీ టోర్నమెంట్‌లో కోహ్లీ బరిలోకి దిగుతుండటంతో అభిమానుల్లో ఆసక్తి నెలకొంది. అయితే ఇక్కడే అసలు ట్విస్ట్ ఉంది. సోమవారం రాత్రి విరాట్ బెంగళూరుకు చేరుకున్నాడు.

చిన్నస్వామి స్టేడియంలో జరిగే విజయ్ హజారే ట్రోఫీ మ్యాచ్‌ అన్ని ఫ్యాన్స్‌ లేకుండానే నిర్వహించాలని కర్ణాటక రాష్ట్ర క్రికెట్ అసోసియేషన్‌కి ఆ రాష్ట్ర ప్రభుత్వం ఆదేశాలు జారీ చేసింది. రెండు స్టాండ్‌లు మాత్రమే తెలిచి 2 లేదా 3 వేల మంది అభిమానులను లోపలికి అనుమతించాలని కెఎస్‌సిఎ కోరగా.. ఆ ప్రతిపాదనను రాష్ట్ర ప్రభుత్వం తిరస్కరించింది. క్రిస్మస్ సెలవుల నేపథ్యంలో భద్రతా కారణాల దృష్ట్యా అనుమతి నిరాకరించారు. గ్రేటర్ బెంగళఊరు అథారిటీ కమిషనర్ నేతృత్వంలో ఓ కమిటీని ఏర్పాటు చేసింది. బెంగళూరు పోలీస్ కమీషనర్, అగ్నిమాపక, అత్యవసర శాఖలు, ఆరోగ్యశాఖతో కూడిన ఈ కమిటీ త్వరలో చిన్నస్వామి స్టేడియాన్ని పరిశీలించి ప్రభుత్వానికి నివేదిక అందజేయనుంది. దాని ఆధారంగా ప్రేక్షకుల అనుమతిపై ప్రభుత్వం నిర్ణయం తీసుకోనుంది.

లక్నో: ప్రియుడితో కలిసి భర్తను చంపి గ్రైండర్‌లో ముక్కలుగా చేసి శరీర భాగాలను మురిక కాలువలో పడేసింది. ఈ సంఘటన ఉత్తర ప్రదేశ్ రాష్ట్రం సంభాల్ ప్రాంతంలో జరిగింది. పోలీసులు తెలిపిన వివరాల ప్రకారం…  చందౌసిలోని మొహల్లా చున్నీలో రాహుల్, రుబీ అనే దంపతులు నివసిస్తున్నారు. గౌరవ్ అనే వ్యక్తితో రుబీ వివాహేతర సంబంధం పెట్టుకుంది. ఈ విషయం భర్తకు తెలియడంతో పలుమార్లు భార్యను మందలించాడు. అక్రమ సంబంధం విషయంలో దంపతుల మధ్య గత కొన్ని రోజుల నుంచి గొడవలు జరుగుతున్నాయి. వివాహేతర సంబంధానికి భర్త అడ్డుగా ఉండడంతో తొలగించుకోవాలని నిర్ణయం తీసుకుంది. నవంబర్ 18న భర్తను తన ప్రియుడితో కలిసి ఇనుప రాడ్‌తో కొట్టి చంపారు. అనంతరం మృతదేహాన్ని గ్రైండర్‌లో వైసి ముక్కలు ముక్కలు చేశారు. ఈడ్గాలోని మురికి కాలువలో శరీర భాగాలను పడేశారు. మరికొన్ని శరీర భాగాలు రాజ్‌ఘాట్‌లోని గంగా నదిలో పడేశారు. తన భర్త కనిపించడంలేదని అదే రోజు స్థానిక పోలీస్ స్టేషన్‌లో భార్య ఫిర్యాదు చేసింది. పోలీసులు కేసు నమోదు చేసి దర్యాప్తు ప్రారంభించారు. ఈడ్గాలోని మురికి కాలువలో డిసెంబర్ 15న శరీర భాగాలు కనిపించడంతో పోలీసులు స్వాధీనం చేసుకున్నారు. ఒక శరీర భాగంపై రాహుల్ పేరు ఉండడంతో పోలీసులు లోతుగా దర్యాప్తు ప్రారంభించారు. రాహుల్ భార్య రూబీని అదుపులోకి తీసుకొని ప్రశ్నించారు. కుళ్లిపోయిన శరీర భాగాలకు డిఎన్‌ఎ పరీక్షలు చేయించారు. రాహుల్‌దే మృతదేహం అని గుర్తించారు. రూబీని అదుపులోకి తీసుకొని తనదైన శైలిలో ప్రశ్నించడంతో నిజాలు బయటకు వచ్చాయి. తన ప్రియుడు గౌరవ్‌తో కలిసి హత్య చేశానని ఒప్పుకుంది. వెంటనే ఇద్దరిని అరెస్టు చేసి రిమాండ్‌కు తరలించారు. 

టెస్ట్, వన్డేలకు కెప్టెన్‌గా ఉన్న శుభ్‌మాన్ గిల్.. టి-20 ఫార్మాట్‌లో మాత్రం రాణించలేకపోతున్నాడు. సౌతాఫ్రికాతో జరిగిన టి-20 సిరీస్‌లో అతను ఆశించిన స్థాయిలో బ్యాటింగ్ చేయలేకపోయాడు. ఈ కారణంగానో.. లేక ఇతర కారణాల వల్లనో టి-20 ప్రపంచకప్‌ – 2026 కోసం ప్రకటించిన జట్టులో గిల్‌ను పక్కన పెట్టారు సెలక్టర్లు. అయితే దీనిపై భిన్నాభిప్రాయాలు వ్యక్తమవుతున్నాయి. కొంతకాలంగా నిరాశపరుస్తున్న కెప్టెన్ సూర్యకుమార్ యాదవ్‌ని కొనసాగించి.. గిల్‌పై వేటు వేయడాన్ని కొందరు తప్పుబట్టారు. తాజాగా ఈ విషయంపై టీం ఇండియా మాజీ ఆటగాడు మహ్మద్ కైఫ్ స్పందించారు. గిల్, సూర్యల మధ్య చాలా తేడాలు ఉన్నాయని ఆయన అన్నారు.

‘‘టి-20ల్లో సూర్య మ్యాచ్ విన్నర్‌గా నిరూపించుకున్నాడు. ఐసిసి ర్యాంకింగ్స్‌లో అతడు టాప్-10లో ఉన్నాడు. ఎన్నో మ్యాచుల్లో భారత్‌ను ఒంటి చేత్తో గెలిపించాడు. కాబట్టి సూర్యను గిల్‌తో పోల్చలేము. గిల్ అంతర్జాతీయ టి-20ల్లో తనను తాను ఇంకా నిరూపించుకోవాలి. ఉదాహరణకు కోహ్లీ విషయమే చూస్తే.. కొవిడ్ సమయంలో ఆ రెండేళ్ల పాటు పెద్దగా పరుగులు చేయలేదు. కానీ, అంతకు ముందు అతడికి గొప్ప రికార్డు ఉంది. 10 సంవత్సరాల పాటు మ్యాచ్ విన్నర్‌గా ఉన్నాడు. ఈ క్రమంలో కోహ్లీకి మద్ధతుగా నిలవగా.. పేలవ ఫామ్‌ నుంచి బయటపడి మళ్లీ తిరిగి భారీ స్కోర్లు చేయడం ప్రారంభించాడు. సూర్య కూడా ప్రస్తుతం ఇదే కేటగిరీలో ఉన్నాడు. టి-20 ఫార్మాట్‌లో సూర్యకు గిల్ ఎక్కడా చేరువలో లేడు. ఫామ్‌లో లేని ఇద్దరిని జట్టు నుంచి తొలగించాలని అనడం సరికాదు’’ అని కైఫ్ పేర్కొన్నారు.

యాషెస్ సిరీస్ 2025-26లో ఆస్ట్రేలియా పూర్తి ఆధిపత్యం కొనసాగిస్తోంది. ఇప్పటికే ఇంగ్లండ్‌పై మూడు మ్యాచుల్లో నెగ్గి.. 3-0 తేడాతో సిరీస్‌ని కైవసం చేసుకుంది. డిసెంబర్ 26 నుంచి జరిగే బాక్సింగ్ డే టెస్ట్ కోసం ఆస్ట్రేలియా జట్టులో కీలక మార్పులు చేసింది. ఈ మ్యాచ్‌కి రెగ్యులర్ కెప్టెన్ ప్యాట్ కమ్మిన్స్ దూరమయ్యాడు. అతడి స్థానంలో స్టార్ ఆటగాడు స్టీవ్ స్మిత్ కెప్టెన్‌గా వ్యవహరించనున్నాడు. అనారోగ్యం కారణంగా మూడో టెస్ట్‌కు చివరి నిమిషంలో దూరమైన స్మిత్.. ఇప్పుడు తిరిగి పూర్తి ఫామ్‌లోకి వచ్చాడు.

ఇక కమ్మిన్స్‌తో పాటు స్పిన్నర్ నాథన్ లియోన్ కూడా అందుబాటులో లేడు. మూడో టెస్ట్‌లో లియోన్ తొడ కండరాల భాగంలో గాయమైంది. దీంతో అతడు ఆఖరి రెండు టెస్ట్‌లకు దూరమయ్యాడు. అతడి స్థానంలో యువ స్పిన్నర్ టాడ్ మర్ఫీ జట్టులోకి వచ్చాడు. లియోన్ గైర్హాజరీలో మర్ఫీ అద్భుత ప్రదర్శన చేశాడు. దీంతో మాట్ కుహ్నెమాన్, కోరీ రోచిసియోలి వంటి స్పిన్నర్లను పక్కన పెట్టి మర్ఫీ వైపే సెలక్టర్లు మొగ్గు చూపారు. ఒక కమ్మిన్స్ స్థానంలో జే రిచర్డ్‌సన్‌కు జట్టులో చోటు దక్కింది. రిచర్డ్‌సన్ చివరిగా 2021లో ఆసీస్ తరఫున ఆడాడు. ఇప్పుడు నాలుగేళ్ల తర్వాత అతడు తిరిగి జట్టులోకి వచ్చాడు.