విక్రాంత్, చాందినీ చౌదరి జంటగా నటించిన ‘సంతాన ప్రాప్తిరస్తు‘ సినిమా విడుదలై వచ్చి అన్ని వర్గాల ప్రేక్షకుల ఆదరణ పొందుతోంది. రెండు తెలుగు రాష్ట్రాల్లోని అన్ని సెంటర్స్ నుంచి ఈ సినిమాకు సూపర్ హిట్ టాక్ వస్తోంది. ఈ సినిమాను మధుర ఎంటర్టైన్ మెంట్, నిర్వి ఆర్ట్ బ్యానర్స్ పై మధుర శ్రీధర్ రెడ్డి, నిర్వి హరిప్రసాద్ రెడ్డి నిర్మించారు. దర్శకుడు సంజీవ్ రెడ్డి రూపొందించారు. ‘సంతాన ప్రాప్తిరస్తు‘ సినిమా బాక్సాఫీస్ సక్సెస్ అందుకున్న నేపథ్యంలో ఈ మూవీ టీమ్ ప్రెస్ మీట్ ద్వారా తమ కృతజ్ఞతలు తెలియజేశారు.
ఈ కార్యక్రమంలో నిర్మాత మధుర శ్రీధర్ రెడ్డి మాట్లాడుతూ “-మా ‘సంతాన ప్రాప్తిరస్తు‘ సినిమా మంచి ఫ్యామిలీ ఎంటర్ టైనర్ అంటూ ప్రేక్షకుల నుంచి ఆదరణ లభిస్తోంది. ఒక ఎంటర్ టైనింగ్ మూవీ కోసం ప్రేక్షకులు ఎంతగా ఎదురుచూస్తున్నారో మా సినిమా సక్సెస్ తో అర్థమైంది. ఆయ్, లిటిల్ హార్ట్ తర్వాత అలాంటి పూర్తి ఎంటర్టైనర్ మా మూవీ అని అంటున్నారు. తెలుగు రాష్ట్రాల్లోని అన్ని ఏరియాల నుంచి మంచి టాక్ ఉంది. విక్రాంత్, చాందినీ చౌదరి కెమిస్ట్రీ బాగుందని అంటున్నారు. మురళీధర్ గౌడ్, తరుణ్ భాస్కర్, అభినవ్ గోమటం, తాగుబోతు రమేష్..ఇలా ప్రధాన తారాగణం అంతా తమ నటనతో ఆకట్టుకుంటున్నారు”అని అన్నారు.
హీరో విక్రాంత్ మాట్లాడుతూ “సినిమాటిక్ లిబర్టీ తీసుకోకుండా చాలా జాగ్రత్తగా మూవీ చేశాం. ఆ మంచి ఫలితం మాకు దక్కిందని అనిపిస్తోంది”అని తెలిపారు. డైరెక్టర్ సంజీవ్ రెడ్డి మాట్లాడుతూ “ఒక సామాజిక సమస్యకు వినోదాన్ని జత చేసి ఆకట్టుకునేలా సినిమా చేశారంటూ ప్రశంసలు వస్తున్నాయి. అలాగే ఈ సినిమాను మంచి ఫ్యామిలీ ఎంటర్టైనర్లా ఎలాంటి అసభ్యత లేకుండా చూపించారంటూ కొనియాడుతున్నారు”అని పేర్కొన్నారు. ఈ కార్యక్రమంలో హీరోయిన్ చాందినీ చౌదరి, మ్యూజిక్ డైరెక్టర్ అజయ్ అరసాడ తదితరులు పాల్గొన్నారు.