నేషనల్ క్రష్ రశ్మిక మందన్న, టాలెంటెడ్ హీరో దీక్షిత్ శెట్టి జంటగా నటిస్తున్న సినిమా ‘ది గర్ల్ ఫ్రెండ్‘. ఈ సినిమాను ప్రముఖ నిర్మాత అల్లు అరవింద్ సమర్పణలో గీతా ఆర్ట్, ధీరజ్ మొగిలినేని ఎంటర్ టైన్ మెంట్ బ్యానర్స్ సంయుక్తంగా నిర్మిస్తున్నాయి. ఇంటెన్స్, ఎమోషనల్ లవ్ స్టోరీతో దర్శకుడు రాహుల్ రవీంద్రన్ రూపొందిస్తున్నారు. ధీరజ్ మొగిలినేని, విద్య కొప్పినీడి నిర్మాతలుగా వ్యవహిస్తున్నారు. సరికొత్త ప్రేమ కథగా తెరకెక్కుతున్న ఈ సినిమా ఈ నెల 7న హిందీతో పాటు తెలుగులో.. ఈ నెల 14న, తమిళ, మలయాళ, కన్నడ భాషల్లో వరల్ వైడ్ గ్రాండ్ థియేట్రికల్ రిలీజ్ కు రాబోతోంది. ఈ సందర్భంగా హీరో దీక్షిత్ శెట్టి మీడియాతో మాట్లాడుతూ -“దసరా మూవీ తర్వాత నాకు వచ్చిన అవకాశమిది. దసరా మూవీకి చేసిన ఇంటర్వ్యూస్లో నన్ను చూసి రాహుల్ ఈ క్యారెక్టర్ కు నేను బాగుంటానని ఫిక్స్ చేసుకున్నారు. స్క్రిప్ట్ చదివాక నన్ను ఈ క్యారెక్టర్ కోసం ఎందుకు అనుకుంటున్నారో అర్థమైంది. నేను వివిధ భాషల్లో సినిమాలు చేస్తున్నాను. తెలుగుతో పాటు తమిళ, మలయాళంలో స్క్రిప్ట్లు వింటుంటా. ‘ది గర్ల్ ఫ్రెండ్‘ లాంటి స్క్రిప్ట్లు చాలా అరుదుగా వస్తుంటాయి. అందుకే ఈ సినిమాను తప్పకుండా చేయాలని అనుకున్నా.
ఈ సినిమాలో నేను చేసిన విక్రమ్ క్యారెక్టర్ ఎలా ఉండాలో దర్శకుడు రాహుల్ కు పూర్తి క్లారిటీ ఉంది. అయితే విక్రమ్ నెగిటివ్ క్యారెక్టర్ అనేది ఎప్పుడూ ఫీల్ కావొద్దని రాహుల్ చెప్పేవారు. -ఇప్పటిదాకా మనం ఒక తరహాలో సాగే ప్రేమ కథా చిత్రాల్ని చూసి ఉంటాం. ‘ది గర్ల్ ఫ్రెండ్‘ సినిమా ప్రేమ కథని మరో కోణంలో చూపిస్తుంది. ‘ది గర్ల్ ఫ్రెండ్‘ సినిమాలోని పాత్రలు, సందర్భాలు మనం మన జీవితంలో చూసినట్లుగా ఉంటాయి. రశ్మిక ఈ సినిమా కోసం ఇచ్చిన ఇంటర్వ్యూస్లో ‘ది గర్ల్ ఫ్రెండ్‘ లాంటి సినిమా కొన్నేళ్ల కిందట తాను చూసి ఉంటే తన జీవితం పట్ల తన దృక్పథం మరోలా ఉండేది అని చెప్పారు. 18 నుంచి 25 ఏళ్ల యూత్ ఈ సినిమా చూస్తే తమ జీవితంలో కొన్ని విషయాలు నేర్చుకుంటారు.
-సినిమాలో రశ్మిక నటన చూశాక ‘ది గర్ల్ ఫ్రెండ్‘ సినిమాకు మరో నాయిక న్యాయం చేయలేదేమో అనిపించింది. తను అంత బాగా నటించింది. మూవీ చూస్తున్నంత సేపు రశ్మిక కనిపించదు, భూమా అనే పాత్రనే కనిపిస్తుంది.- ఈ సినిమా యూత్కే కాదు ఫ్యామిలీ ఆడియెన్స్ కు కూడా బాగా నచ్చుతుంది. – ‘ది గర్ల్ ఫ్రెండ్‘ సినిమా షూటింగ్ సమయంలో నిర్మాత అల్లు అరవింద్ రషెస్ చూసి… నన్ను ప్రశంసించి నెక్స్ మూవీకి అడ్వాన్స్ ఇచ్చారు. దీంతో నాకు చాలా హ్యాపీగా అనిపించింది. -ఇక నేను కన్నడలో చేసిన బ్యాంక్ ఆఫ్ భాగ్యలక్ష్మి సినిమాను తెలుగులో ఈ నెల 21న విడుదల చేయబోతున్నాం. తెలుగులో షబనా అనే సినిమా చేస్తున్నా. ఇది కాకుండా కేజేక్యూ సినిమా రిలీజ్కు సిద్ధమవుతోంది. టైటిల్ ఖరారు కాని ఇంకో ప్రాజెక్ట్లోనూ నటిస్తున్నా. కన్నడలో శివన్నతో కలిసి ఓ సినిమాలో నటిస్తున్నా. మలయాళంలో చేస్తున్న ఏంజెల్ నెం.16 విడుదలకు సిద్ధమవుతోంది. తమిళంలో ఒక మూవీ షూటింగ్ లో ఉంది”అని అన్నారు.