యంగ్ హీరో శ్రీమురళి చిత్రం ‘పరాక్’ శ్రీ బండే మహాకాళి ఆశీస్సులతో ప్రారంభమైంది. యంగ్ ఫిల్మ్ మేకర్ హలేష్ కోగుండి ఈ చిత్రానికి దర్శకత్వం వహిస్తున్నారు. బగీరా విజయం తర్వాత శ్రీమురళి ‘పరాక్’కు సైన్ చేశారు. ఈ చిత్రం ముహూర్త వేడుక బెంగళూరులోని బండి మహాకాళి ఆలయంలో జరిగింది. చన్నగిరి ఎమ్మెల్యే శివగంగ బసవరాజు ప్రారంభోత్సవం సందర్భంగా క్లాప్ కొట్టి, చిత్ర బృందానికి శుభాకాంక్షలు తెలిపారు. ఈ సందర్భంగా శ్రీమురళి మాట్లాడుతూ.. “పరాక్ ఒక వింటేజ్ స్టైల్ సినిమా. నా నెక్స్ ప్రాజెక్ట్ కథ ఎంచుకోవడానికి దా దాపు 200 స్క్రిప్ట్లను విన్నాను. నేను గత రెండు సంవత్సరాలుగా ’పరాక్’ టీంతో ప్రయాణించాను. ఈ నెల నుండి షూటింగ్ ప్రారంభమవుతుంది. చరణ్ రాజ్ ఈ చిత్రానికి సంగీతం అందిస్తారు. ఈ చిత్రాన్ని బ్రాండ్ స్టూడియోస్ నిర్మిస్తోంది”అని అన్నారు.