సూర్య శ్రీనివాస్, సంజీవ్ కుమార్ ప్రధాన పాత్రల్లో నటిస్తున్న చిత్రం ‘జమాన’. భాస్కర్ జక్కుల దర్శకుడిగా పరిచయమవుతున్నాడు. తేజస్వి అడప, బొద్దుల లక్ష్మణ్, శివకాంత్, శశికాంత్ నిర్మాతలు. ఈ చిత్ర ట్రైలర్ లాంచ్ కార్యక్రమం హైదరాబాద్లో ఘనంగా జరిగింది. ఈ సందర్భంగా దర్శకుడు భాస్కర్ జక్కుల మాట్లాడుతూ “జమాన సినిమా డిఫరెంట్ గా ఉంటుంది. మంచి క్రైమ్, థ్రిల్లర్ సబ్జెక్ట్ తో ఈ సినిమాను తీయడం జరిగింది. సినిమా ఆద్యంతం వినోదంతో పాటు ఊహించని ట్విస్ట్లు ఉంటాయి”అని అన్నారు. నిర్మాత శివకాంత్ మాట్లాడుతూ “ఈ సినిమాను దర్శకుడు భాస్కర్ చాలా గ్రిప్పింగ్ స్క్రీన్ ప్లేతో నడిపించారు. సినిమా తప్పకుండా అందరిని అలరిస్తుందని నమ్ముతున్నాను”అని పేర్కొన్నారు. సూర్య శ్రీనివాస్, సంజీవ్ కుమార్ మాట్లాడుతూ కష్టపడి చేసిన జమాన సినిమా జనవరి 30న థియేటర్స్లో విడుదల కాబోతుందని తెలియజేశారు. ఈ కార్యక్రమంలో నిర్మాత శశికాంత్ తదితరుతు పాల్గొన్నారు.