తల్లాడ సాయికృష్ణ హీరోగా నటిస్తూ దర్శకత్వం వహిస్తున్న సినిమా ‘మ్యాజిక్ మూవ్ మెంట్స్‘ (మీరు అనుకున్నది కాదు). ఈ చిత్రానికి ప్రముఖ దర్శకుడు కె.దశరథ్ సమర్పకులుగా వ్యవహరిస్తున్నారు. ఈ చిత్రాన్ని శ్రీ అన్నపూర్ణ క్రియేషన్స్, శ్రీ లక్ష్మి శ్రీనివాస ఫిలిమ్స్ బ్యానర్స్ పై తల్లాడ శ్రీనివాస్ నిర్మిస్తున్నారు. ప్రస్తుతం చిత్రీకరణ తుది దశలో ఉన్న సినిమా టైటిల్ లాంచ్ ఈవెంట్ ను శుక్రవారం హైదరాబాద్ లో ఘనంగా నిర్వహించారు. ఈ కార్యక్రమంలో చిత్ర సమర్పకులు దశరథ్ మాట్లాడుతూ – ఈ సినిమా అందరికీ నచ్చేలా ఉంటుందని అన్నారు. హీరో, దర్శకుడు తల్లాడ సాయికృష్ణ మాట్లాడుతూ మంచి సస్పెన్స్ థ్రిల్లర్ ఎలిమెంట్స్తో పాటు ఆధ్యాత్మికత టచ్ కూడా ఈ మూవీలో ఉంటుందని పేర్కొన్నారు. ఈ కార్యక్రమంలో ఏకాదంతాయ సిరి, మహేంద్రనాథ్ కూండ్ల, తల్లాడ వెంకన్న, వెంకట్ దుగ్గిరెడ్డి, డాక్టర్ ఏఎంఆర్, సతీష్ రెడ్డి మాసం పాల్గొన్నారు.