దళపతి విజయ్ హీరోగా నటిస్తోన్న భారీ చిత్రం ‘జన నాయకుడు’. ప్రముఖ నిర్మాణ సంస్థ కెవిఎన్ ప్రొడక్షన్స్ బ్యానర్పై హెచ్.వినోద్ దర్శకత్వంలో సినిమా రూపొందుతోంది. సంక్రాంతి సందర్భంగా ప్రపంచ వ్యాప్తంగా భారీ ఎత్తున జనవరి 9న ఈ సినిమా రిలీజ్ కానుంది. తాజాగా మేకర్స్ ఈ సినిమా నుంచి ‘ఒక పేరే అలరారు..’ అనే లిరికల్ వీడియో సాంగ్ను విడుదల చేశారు. రాక్స్టార్ అనిరుద్ రవిచందర్ సంగీత సారథ్యం వహిస్తోన్న జన నాయకుడు సినిమాలోని ఈ పాటను తెలుగులో శ్రీనివాస మౌళి రాయగా, శ్రీకృష్ణ, విశాల్ మిశ్రా ఆలపించారు. పాటలోని బలమైన సాహిత్యం దానికి తగ్గ బీట్ అందరినీ మెప్పిస్తోంది. తన అభిమానులతో దళపతి విజయ్కి ఉన్న గాఢమైన అనుబంధాన్ని ఈ పాట ద్వారా వ్యక్తం చేశారు.