నేషనల్ అవార్డ్ విన్నింగ్ హీరోయిన్ కీర్తి సురేష్ టైటిల్ రోల్లో నటిస్తున్న క్రైమ్ కామెడీ ఎంటర్టైనర్ ‘రివాల్వర్ రీటా’. జేకే చంద్రు దర్శకత్వం వహించిన ఈ చిత్రాన్ని సుధన్ సుందరం, జగదీష్ పళనిసామి నిర్మించారు. రాధికా శరత్కుమార్, సూపర్ సుబ్బరాయన్, సునీల్, అజయ్ ఘోష్, రెడిన్ కింగ్స్లీ కీలక పాత్రలు పోషించారు. నవంబర్ 28న ఈ సినిమా ప్రేక్షకుల ముందుకు వస్తోంది. ఈ సందర్భంగా మేకర్స్ ప్రీరిలీజ్ ప్రెస్ మీట్ నిర్వహించారు.
ఈ సమావేశంలో హీరోయిన్ కీర్తి సురేష్ మాట్లాడుతూ “ఇది పర్ఫెక్ట్ డార్క్ కామెడీ ఫిల్మ్. ఇప్పటివరకు చాలా డార్క్ కామెడీ సినిమాలు చూసుంటారు. కానీ ఇది ఫిమేల్ లీడ్ చేస్తున్న డార్క్ కామెడీ ఫిల్మ్. తప్పకుండా అందరూ ఎంజాయ్ చేస్తారని ఆశిస్తున్నాను. ఇది ఒక్క రోజులో జరిగే కథ. చాలా అద్భుతమైన పాత్రలు ఉన్నాయి” అని అన్నారు. అజయ్ ఘోష్ మాట్లాడుతూ “డైరెక్టర్ చంద్రు చాలా అద్భుతంగా సినిమాను తీశారు. ఈ సినిమాలో కీర్తి యాక్షన్ను తప్పకుండా ఎంజాయ్ చేస్తారు. ఇందులో ఒక కొత్త సునీల్ని చూస్తారు. ఈ సినిమా తప్పకుండా మంచి విజయాన్ని సాధించాలని కోరుకుంటున్నాను”అని తెలిపారు. ఈ సమావేశంలో డిస్ట్రిబ్యూటర్ కుమార్ పాల్గొన్నారు.