పుష్ప మణిరెడ్డి సమర్పణలో భావప్రీత ప్రొడక్షన్స్ బ్యానర్ మీద అనీష్ హీరోగా స్వీయ దర్శకత్వంలో రానున్న ‘లవ్ ఓటీపీ’ చిత్రాన్ని విజయ్ ఎం రెడ్డి నిర్మించారు. ఈ చిత్రంలో రాజీవ్ కనకాల ప్రధాన పాత్రలో నటించారు. జాన్విక, నాట్య రంగ వంటి వారు కీలక పాత్రల్ని పోషించారు. ఈ సినిమాను నవంబర్ 14న రిలీజ్ చేయబోతోన్నారు. ఈ మేరకు ‘లవ్ ఓటీపీ’కి సంబంధించిన ట్రైలర్ను రిలీజ్ చేశారు.
ఈ క్రమంలో నిర్వహించిన ఈవెంట్లో రాజీవ్ కనకాల మాట్లాడుతూ .. “లవ్ ఓటీపీ’ చిత్రాన్ని తెలుగు, కన్నడ భాషల్లో చిత్రీకరించాం. ఇందులో నేను తండ్రి పాత్రను పోషించాను. కొడుకుని కూతురిలా చూసుకునే ఓ డిఫరెంట్ ఫాదర్ కారెక్టర్ను చేశాను. థియేటర్లో అందరూ ఎంజాయ్ చేసేలా, పగలబడి నవ్వుకునేలా ఈ చిత్రం ఉంటుంది” అని అన్నారు. హీరో, దర్శకుడు అనీష్ మాట్లాడుతూ “రాజీవ్ కనకాల ఈ మూవీని భుజానికెత్తుకుని ముందుకు తీసుకు వెళ్తున్నారు. అందరినీ ఆకట్టుకునేలా ఈ చిత్రం ఉంటుంది”అని తెలియజేశారు. ఈ కార్యక్రమంలో నిర్మాత విజయ్ ఎం రెడ్డి, హీరోయిన్ జాన్విక, బాబా భాస్కర్, నాట్య రంగ, ప్రవీణ్, దినేష్, హర్ష, ఆనంద్ పాల్గొన్నారు.