హైదరాబాద్: గడిచిన కొన్ని రోజుల్లో ఆకాశాన్ని అంటుతూ వస్తున్న బంగారం ధర ఎట్టకేలకు తగ్గు ముఖం పట్టింది. హైదరాబాద్లో బంగారం ధర బుధవారం భారీగా పడిపోయింది. నిన్నటితో పోలిస్తే.. ఏకంగా రూ.9వేలు తగ్గింది. మరోవైపు వెండి ధర కూడా దిగొచ్చింది. బుధవారం సాయంత్రం 5 గంటల సమయానికి హైదరాబాద్ మార్కెట్లో 24 క్యారెట్ల మేలిమి బంగారం 10 గ్రాముల ధర రూ.1,25,250కి పడిపోయింది. 22 క్యారెట్ల ధర రూ.1,14,843గా ఉంది.
వెండి ధర వారం రోజుల్లో దాదాపు రూ.28 వేలు తగ్గింది. అంతర్జాతీయ మార్కెట్లో ఔన్సు బంగారం ధర 4,022 డాలర్లకు పడిపోయింది. వెండి ధర 47.84 డాలర్లకు చేరింది. ఇటీవల రికార్డు గరిష్ఠాలకు చేరిన బంగారం, వెండి లోహాల్లో మదుపర్లు లాభార్జనకు దిగడం, అమెరికా డాలర్ బలోపేతం కావడం, అంతర్జాతీయంగా ఉద్రిక్తతలు కాస్త తగ్గడం ఇందుకు కారణమని బులియన్ వర్గాలు విశ్లేషిస్తున్నాయి.