పాన్- ఇండియా నిర్మాణ సంస్థ మైత్రి మూవీ మేకర్స్ మరో ఆసక్తికరమైన కొత్త ప్రాజెక్ట్ను ప్రకటించింది. హిలేరియస్ బ్లాక్బస్టర్ సామజవరగమనను అందించిన తర్వాత కింగ్ ఆఫ్ ఎంటర్టైన్మెంట్ శ్రీ విష్ణు, దర్శకుడు రామ్ అబ్బరాజు మరోసారి ఈ వెంచర్ కోసం జతకడుతున్నారు. ’శ్రీ విష్ణు x రామ్ అబ్బరాజు 2’ పూర్తి డిఫరెంట్ స్టయిల్ లో కొత్త కథాంశంతో కూడిన ఫ్రెష్ స్క్రిప్ట్. హాస్యం ఎక్కువగా వుండే కథనంతో ఈ చిత్రం నాన్-స్టాప్ వినోదాన్ని అందించబోతోంది. ఈ చిత్రాన్ని దసరా శుభ సందర్భంగా ప్రారంభించారు. ముహూర్తపు సన్నివేశానికి సుప్రీం హీరో సాయి దుర్గతేజ్ క్లాప్ కొట్టారు. స్క్రిప్ట్ను నారా రోహిత్తో కలిసి నిర్మాతలకు అందజేశారు. నరేష్, వెన్నెల కిషోర్, సుదర్శన్, దర్శకులు వివేక్ ఆత్రేయ, హసిత్ గోలి కూడా ఈ ప్రారంభోత్సవ కార్యక్రమానికి హాజరయ్యారు. నవీన్ యెర్నేని, వై రవిశంకర్ ఈ చిత్రాన్ని నిర్మిస్తున్నారు.
ద్విపాత్రాభినయంలో..
హీరో శ్రీవిష్ణు ‘కామ్రేడ్ కల్యాణ్’ అనే టైటిల్తో వస్తున్న ఫన్ఫుల్ యాక్షన్ ఎంటర్టైనర్ని చే స్తున్నారు. వెంకట్ సమర్పణలో జానకిరామ్ మారెళ్ల దర్శకత్వం హిస్తున్నారు. వెంకటకృష్ణ కర్నాటి, సీతా కర్నాటి స్కంద వాహన మోషన్ పిక్చర్స్ ఎల్ఎల్పీ బ్యానర్పై నిర్మిస్తున్నారు. టైటిల్ను పరిచయం చేస్తూ విడుదల చేసిన ప్రోమో ఆసక్తికరంగా ఉంది. 1992లో ఆం ధ్ర, -ఒడిశా సరిహద్దులోని విశాఖ జిల్లా మాడుగుల గ్రామం నేపథ్యంలో సాగే ఈ సినిమాలో శ్రీ విష్ణు డ్యుయల్ రోల్స్లో కనిపించనున్నారు.