వరుస బ్లాక్బస్టర్లతో అలరిస్తున్న వర్సటైల్ యాక్టర్ నాని ఎంతో ఆసక్తిగా ఎదురుచూస్తున్న తన భారీ చిత్రం ‘నాని34’ని ప్రకటించారు. ఈ పవర్ప్యాక్ ప్రాజెక్ట్కి ‘ఓజీ’ మెగా బ్లాక్బస్టర్తో భారీ విజయాన్ని అందుకున్న స్టైలిష్ డైరెక్టర్ సుజీత్ దర్శకత్వం వహిస్తున్నారు. ప్రొడ్యూసర్ వెంకట్ బోయనపల్లి (నిహారిక ఎంటర్టైన్మెంట్), అలాగే నాని స్వంత నిర్మాణ సంస్థ యూనానిమస్ ప్రొడక్షన్స్ కలిసి నిర్మిస్తున్నాయి. దసరా శుభ సందర్భంగా ఈ సినిమా లాంచ్ వేడుకను ఘనంగా నిర్వహించారు. ఈ వేడుకకు విక్టరీ వెంకటేష్ హాజరై ఫస్ట్ క్లాప్ కొట్టి శుభాకాంక్షలు తెలియజేశారు. నాని తండ్రి రాంబాబు ఘంటా కెమెరా స్విచ్ ఆన్ చే యగా, నాని, నిర్మాత వెంకట్ బోయనపల్లి కలిసి స్క్రిప్ట్ను దర్శకుడు సుజీత్కి అందించారు. ఫస్ట్ షాట్ కి దర్శకులు రాహుల్ సంకృత్యాన్, శ్రీకాంత్ ఒదెల, శౌర్యువ్ కలిసి గౌరవ దర్శకత్వం వహించారు. ఈ వేడుకకు దర్శకుడు రామ్ జగదీష్, నిర్మాత సుధాకర్ చెరుకూరితో పాటు పరిశ్రమలోని ప్రముఖులు హాజరయ్యారు.